સ્થાનિક સ્વરાજ્યની ચૂંટણીને શાંતિપૂર્ણ, નિષ્પક્ષ અને પારદર્શક રીતે સંપન્ન કરવા માટે વાવ-થરાદ જિલ્લા પોલીસ દ્વારા વ્યાપક સુરક્ષા વ્યવસ્થા ગોઠવવામાં આવી છે. જિલ્લામાં કાયદો અને વ્યવસ્થા જળવાઈ રહે તે માટે પોલીસ તંત્ર દ્વારા સઘન આયોજન સાથે ડિપ્લોયમેન્ટ કરવામાં આવ્યું છે. જિલ્લામાં કુલ 03 SP/Dy.SP કક્ષાના અધિકારીઓ, 17 પોલીસ ઇન્સ્પેક્ટર, 18 પોલીસ સબ ઇન્સ્પેક્ટર, 795 હથિયારી અને બિનહથિયારી પોલીસ કર્મચારીઓ (ASI/HC/PC), 07 SRPF કંપની, 515 હોમગાર્ડ તથા બોર્ડર વિંગના જવાનો અને 501 ગ્રામ રક્ષક દળના જવાનોની તૈનાતી કરવામાં આવી છે. આ મુજબ કુલ 1849 પોલીસ અધિકારીઓ અને અન્ય પોલીસ સ્ટાફ સાથે 01 SRPF કંપનીનો મજબૂત બંદોબસ્ત ગોઠવવામાં આવ્યો છે. જિલ્લાના સિનિયર પોલીસ અધિકારીઓ દ્વારા તમામ સંવેદનશીલ મતદાન મથકોની રૂબરૂ મુલાકાત લેવામાં આવી છે. સંવેદનશીલ તથા વલ્નરેબલ વિસ્તારોમાં કોન્ફીડન્સ બિલ્ડીંગ મેઝર્સના ભાગરૂપે માથાભારે ઇસમો વિરુદ્ધ કડક કાર્યવાહી, નાગરિકો સાથે મીટીંગો તેમજ ફૂટ પેટ્રોલિંગ દ્વારા એરિયા ડોમિનેશનની કામગીરી હાથ ધરવામાં આવી છે. જિલ્લામાં કુલ 12 EVM રીસીવિંગ, ડિસ્પેચ, કાઉન્ટિંગ સેન્ટર તથા વેરહાઉસ પર રાજ્ય ચૂંટણી આયોગની માર્ગદર્શિકા મુજબ 03-Tier (ત્રણ સ્તરીય) સુરક્ષા વ્યવસ્થા ગોઠવવામાં આવી છે. વાવ-થરાદ જિલ્લો આંતરરાજ્ય સરહદ ધરાવતો જિલ્લો હોવાથી જિલ્લાની તમામ ચેકપોસ્ટ પર SRPF જવાનો સહિત પોલીસનો ચુસ્ત બંદોબસ્ત રાખવામાં આવ્યો છે. તેમજ મહત્વપૂર્ણ ચેકપોસ્ટો પર CCTV કેમેરા અને ડ્રોન દ્વારા સતત સર્વેલન્સ રાખવામાં આવી રહ્યું છે. જિલ્લા પોલીસ તંત્ર દ્વારા મતદારોને નિર્ભય અને નિષ્પક્ષ વાતાવરણમાં મતાધિકારનો ઉપયોગ કરી શકે તે માટે તમામ જરૂરી પગલાં લેવામાં આવ્યા છે.

MOHAN SUTHAR

Local News Reporter થરાદ, બનાસકાંઠા, ગુજરાત•

14 hrs ago