जिल्हा परिषदेत १६६ वा अभियंता दिन उत्साहात; रक्तदात्यांचा गौरव, नव्या-पदोन्नत अभियंत्यांचे स्वागत विकासकामांना गती देताना गुणवत्तेशी तडजोड नको : सीईओ सत्यम गांधी जिल्हा परिषदेत १६६ वा अभियंता दिन उत्साहात; रक्तदात्यांचा गौरव, नव्या-पदोन्नत अभियंत्यांचे स्वागत -अमरावती : विकासाची पायाभरणी करणाऱ्या अभियंत्यांच्या तांत्रिक कौशल्याला आणि योगदानाला सलाम करत जिल्हा परिषद अमरावती येथे भारतरत्न सर मोक्षगुंडम विश्वेश्वरय्या यांच्या जयंतीनिमित्त १६६ वा अभियंता दिन उत्साहपूर्ण वातावरणात साजरा करण्यात आला. जिल्हा परिषदेच्या डॉ. पंजाबराव देशमुख सभागृहात झालेल्या या कार्यक्रमात रक्तदात्यांचा गौरव, नव्याने सेवेत दाखल झालेल्या तसेच पदोन्नती मिळालेल्या अभियंत्यांचे स्वागत आणि सेवानिवृत्त अभियंत्यांचा सन्मान करण्यात आला. मुख्य कार्यकारी अधिकारी सत्यम गांधी यांच्या अध्यक्षतेखाली झालेल्या कार्यक्रमाला अतिरिक्त मुख्य कार्यकारी अधिकारी विनय ठमके यांच्यासह कार्यकारी अभियंता नीला वंजारी, स्नेहा धावडे, सुनील जाधव, अधीक्षक अभियंता यशवंत लवटे, कार्यकारी अभियंता श्रीकांत आवंदकर, प्रेम शिंदे आदी मान्यवरांची उपस्थिती होती. विश्वेश्वरय्या यांच्या प्रतिमेचे पूजन करून कार्यक्रमाचा प्रारंभ करण्यात आला. यावेळी मार्गदर्शन करताना सत्यम गांधी यांनी जिल्ह्याच्या विकासात अभियंत्यांची भूमिका निर्णायक असल्याचे नमूद केले. विकासकामे केवळ निर्धारित वेळेत पूर्ण करण्याबरोबरच त्यांची गुणवत्ता, पारदर्शकता आणि तांत्रिक दर्जा कायम राखणे ही अभियंत्यांची जबाबदारी असल्याचे त्यांनी सांगितले. कामांना गती देताना गुणवत्तेशी कोणतीही तडजोड होऊ नये, असे आवाहनही त्यांनी केले. अभियंता दिनानिमित्त घेण्यात आलेल्या रक्तदान शिबिराला उत्स्फूर्त प्रतिसाद मिळाला. रक्तदान करणाऱ्या दात्यांचा मान्यवरांच्या हस्ते प्रमाणपत्र देऊन गौरव करण्यात आला. त्याचप्रमाणे जिल्हा परिषद सेवेत नव्याने रुजू झालेल्या व पदोन्नती मिळालेल्या अभियंत्यांचे स्वागत करण्यात आले. प्रदीर्घ काळ सेवा बजावून निवृत्त झालेल्या अभियंत्यांचाही सन्मान करून त्यांच्या कार्याचा गौरव करण्यात आला. कार्यक्रमाच्या समारोपाच्या सत्रात श्री. यादव तरटे यांनी ‘ऐकण्याची कला’ या विषयावर मार्गदर्शनपर व्याख्यान देत प्रभावी संवादासाठी ऐकण्याचे महत्त्व अधोरेखित केले. कार्यक्रमाचे सूत्रसंचालन प्राजक्ता मशीदकर यांनी केले, तर अतुल रामटेके यांनी आभार मानले. जिल्हा परिषदेच्या विविध विभागांतील अभियंते, अधिकारी व कर्मचारी मोठ्या संख्येने उपस्थित होते.

Sachin Ingale

Local News Reporter Chikhaldara, Amravati•

10 hrs ago

जिल्हा परिषदेत १६६ वा अभियंता दिन उत्साहात; रक्तदात्यांचा गौरव, नव्या-पदोन्नत अभियंत्यांचे स्वागत विकासकामांना गती देताना गुणवत्तेशी तडजोड नको : सीईओ सत्यम गांधी जिल्हा परिषदेत १६६ वा अभियंता दिन उत्साहात; रक्तदात्यांचा गौरव, नव्या-पदोन्नत अभियंत्यांचे स्वागत -अमरावती : विकासाची पायाभरणी करणाऱ्या अभियंत्यांच्या तांत्रिक कौशल्याला आणि योगदानाला सलाम करत जिल्हा परिषद अमरावती येथे भारतरत्न सर मोक्षगुंडम विश्वेश्वरय्या यांच्या जयंतीनिमित्त १६६ वा अभियंता दिन उत्साहपूर्ण वातावरणात साजरा करण्यात आला. जिल्हा परिषदेच्या डॉ. पंजाबराव देशमुख सभागृहात झालेल्या या कार्यक्रमात रक्तदात्यांचा गौरव, नव्याने सेवेत दाखल झालेल्या तसेच पदोन्नती मिळालेल्या अभियंत्यांचे स्वागत आणि सेवानिवृत्त अभियंत्यांचा सन्मान करण्यात आला. मुख्य कार्यकारी अधिकारी सत्यम गांधी यांच्या अध्यक्षतेखाली झालेल्या कार्यक्रमाला अतिरिक्त मुख्य कार्यकारी अधिकारी विनय ठमके यांच्यासह कार्यकारी अभियंता नीला वंजारी, स्नेहा धावडे, सुनील जाधव, अधीक्षक अभियंता यशवंत लवटे, कार्यकारी अभियंता श्रीकांत आवंदकर, प्रेम शिंदे आदी मान्यवरांची उपस्थिती होती. विश्वेश्वरय्या यांच्या प्रतिमेचे पूजन करून कार्यक्रमाचा प्रारंभ करण्यात आला. यावेळी मार्गदर्शन करताना सत्यम गांधी यांनी जिल्ह्याच्या विकासात अभियंत्यांची भूमिका निर्णायक असल्याचे नमूद केले. विकासकामे केवळ निर्धारित वेळेत पूर्ण करण्याबरोबरच त्यांची गुणवत्ता, पारदर्शकता आणि तांत्रिक दर्जा कायम राखणे ही अभियंत्यांची जबाबदारी असल्याचे त्यांनी सांगितले. कामांना गती देताना गुणवत्तेशी कोणतीही तडजोड होऊ नये, असे आवाहनही त्यांनी केले. अभियंता दिनानिमित्त घेण्यात आलेल्या रक्तदान शिबिराला उत्स्फूर्त प्रतिसाद मिळाला. रक्तदान करणाऱ्या दात्यांचा मान्यवरांच्या हस्ते प्रमाणपत्र देऊन गौरव करण्यात आला. त्याचप्रमाणे जिल्हा परिषद सेवेत नव्याने रुजू झालेल्या व पदोन्नती मिळालेल्या अभियंत्यांचे स्वागत करण्यात आले. प्रदीर्घ काळ सेवा बजावून निवृत्त झालेल्या अभियंत्यांचाही सन्मान करून त्यांच्या कार्याचा गौरव करण्यात आला. कार्यक्रमाच्या समारोपाच्या सत्रात श्री. यादव तरटे यांनी ‘ऐकण्याची कला’ या विषयावर मार्गदर्शनपर व्याख्यान देत प्रभावी संवादासाठी ऐकण्याचे महत्त्व अधोरेखित केले. कार्यक्रमाचे सूत्रसंचालन प्राजक्ता मशीदकर यांनी केले, तर अतुल रामटेके यांनी आभार मानले. जिल्हा परिषदेच्या विविध विभागांतील अभियंते, अधिकारी व कर्मचारी मोठ्या संख्येने उपस्थित होते.