गणेशपूर येथे भाड्याच्या पैशांवरून राडा; दोन्ही गटांविरुद्ध हिवरखेड पोलिसांत गुन्हे दाखल ​खामगाव : तालुक्यातील गणेशपूर येथे टाटा मॅजिक गाडीच्या भाड्याचे पैसे मागितल्याच्या कारणावरून दोन गटांत जोरदार हाणामारी झाली. या प्रकरणी हिवरखेड पोलिसांनी दोन्ही बाजूंच्या तक्रारीवरून परस्परविरोधी गुन्हे दाखल केले असून, यामध्ये अ‍ॅट्रॉसिटी कायद्यान्वयेही कारवाई करण्यात आली आहे. गणेशपूर येथील इंद्रजीत बाळकृष्ण वाघे वय 28 यांनी यांच्या तक्रारीनुसार, त्यांनी फेब्रुवारी महिन्यात आरोपी शेषराव उर्फ विक्की गजानन झाटे याच्या नातेवाईकांना लग्नासाठी आपली टाटा मॅजिक गाडी (MH 28 R 3357) 3000 रुपये भाड्याने दिली होती. 9 मार्च रोजी सायंकाळी 7 वाजेच्या सुमारास गावंडे यांच्या चक्कीजवळ त्यांनी भाड्याचे पैसे मागितले असता, आरोपी शेषराव झाटे, किशोर लठाड, नागेश ढोके आणि दीपक लठाड यांनी त्यांना शिवीगाळ करत जीवे मारण्याची धमकी दिली. तसेच लाथाबुक्क्यांनी मारहाण केली. या प्रकरणी हिवरखेड पोलिसांनी भारतीय न्याय संहितेच्या कलम २९६, ११५(२), ३५२, ३५१(२) आणि ३(५) अन्वये गुन्हा दाखल केला आहे. ​ ​दुसरीकडे, शेषराव उर्फ विक्की गजानन झाटे (२४) यांनी प्रति-तक्रार दिली आहे. त्यांच्या तक्रारीनुसार, आरोपी इंद्रजीत वाघे आणि विवेक वाघे यांनी जुन्या पैशांच्या व्यवहारावरून त्यांच्या भावाला धमकावले. याबाबत विचारणा केली असता, "3000 रुपयांचे 17000 रुपये झाले आहेत" असे म्हणून आरोपींनी फिर्यादीच्या समाजातील महिलांबद्दल अत्यंत अश्लील व अपमानस्पद भाष्य केले. तसेच लाकडी काठीने व चापटांनी मारहाण करून जातीवाचक शिवीगाळ केली. ​या तक्रारीवरून पोलिसांनी आरोपी इंद्रजीत वाघे आणि विवेक वाघे यांच्याविरुद्ध भारतीय न्याय संहितेसह अनुसूचित जाती-जमाती अत्याचार प्रतिबंधक कायद्याच्या (अ‍ॅट्रॉसिटी) विविध कलमान्वये गुन्हा दाखल केला आहे. ​पहिल्या गुन्ह्याचा तपास पोलीस हेड कॉन्स्टेबल प्रवीण जाधव करत आहेत, तर अ‍ॅट्रॉसिटी प्रकरणाचा तपास उपविभागीय पोलीस अधिकारी प्रदीप पाटील यांच्या मार्गदर्शनाखाली सुरू आहे.

Shivaji Bhosale

Journalist खामगाव, बुलढाणा, महाराष्ट्र•

2 hrs ago

गणेशपूर येथे भाड्याच्या पैशांवरून राडा; दोन्ही गटांविरुद्ध हिवरखेड पोलिसांत गुन्हे दाखल ​खामगाव : तालुक्यातील गणेशपूर येथे टाटा मॅजिक गाडीच्या भाड्याचे पैसे मागितल्याच्या कारणावरून दोन गटांत जोरदार हाणामारी झाली. या प्रकरणी हिवरखेड पोलिसांनी दोन्ही बाजूंच्या तक्रारीवरून परस्परविरोधी गुन्हे दाखल केले असून, यामध्ये अ‍ॅट्रॉसिटी कायद्यान्वयेही कारवाई करण्यात आली आहे. गणेशपूर येथील इंद्रजीत बाळकृष्ण वाघे वय 28 यांनी यांच्या तक्रारीनुसार, त्यांनी फेब्रुवारी महिन्यात आरोपी शेषराव उर्फ विक्की गजानन झाटे याच्या नातेवाईकांना लग्नासाठी आपली टाटा मॅजिक गाडी (MH 28 R 3357) 3000 रुपये भाड्याने दिली होती. 9 मार्च रोजी सायंकाळी 7 वाजेच्या सुमारास गावंडे यांच्या चक्कीजवळ त्यांनी भाड्याचे पैसे मागितले असता, आरोपी शेषराव झाटे, किशोर लठाड, नागेश ढोके आणि दीपक लठाड यांनी त्यांना शिवीगाळ करत जीवे मारण्याची धमकी दिली. तसेच लाथाबुक्क्यांनी मारहाण केली. या प्रकरणी हिवरखेड पोलिसांनी भारतीय न्याय संहितेच्या कलम २९६, ११५(२), ३५२, ३५१(२) आणि ३(५) अन्वये गुन्हा दाखल केला आहे. ​ ​दुसरीकडे, शेषराव उर्फ विक्की गजानन झाटे (२४) यांनी प्रति-तक्रार दिली आहे. त्यांच्या तक्रारीनुसार, आरोपी इंद्रजीत वाघे आणि विवेक वाघे यांनी जुन्या पैशांच्या व्यवहारावरून त्यांच्या भावाला धमकावले. याबाबत विचारणा केली असता, "3000 रुपयांचे 17000 रुपये झाले आहेत" असे म्हणून आरोपींनी फिर्यादीच्या समाजातील महिलांबद्दल अत्यंत अश्लील व अपमानस्पद भाष्य केले. तसेच लाकडी काठीने व चापटांनी मारहाण करून जातीवाचक शिवीगाळ केली. ​या तक्रारीवरून पोलिसांनी आरोपी इंद्रजीत वाघे आणि विवेक वाघे यांच्याविरुद्ध भारतीय न्याय संहितेसह अनुसूचित जाती-जमाती अत्याचार प्रतिबंधक कायद्याच्या (अ‍ॅट्रॉसिटी) विविध कलमान्वये गुन्हा दाखल केला आहे. ​पहिल्या गुन्ह्याचा तपास पोलीस हेड कॉन्स्टेबल प्रवीण जाधव करत आहेत, तर अ‍ॅट्रॉसिटी प्रकरणाचा तपास उपविभागीय पोलीस अधिकारी प्रदीप पाटील यांच्या मार्गदर्शनाखाली सुरू आहे.