Post by Bitopan Rajbongshi

নলবাৰী জিলাৰ বৰক্ষেত্ৰীৰ ১ নং জয়সাগৰত আন্ত:ৰাষ্ট্ৰীয় হিন্দু পৰিষদ আৰু ৰাষ্ট্ৰীয় বজৰং দলে প্ৰতিষ্ঠা দিৱস পালন কৰে। এই উপলক্ষে নলবাৰীৰ বিভিন্ন প্ৰান্তত সমদল উলিওৱা হয়।

মন্দিয়া সমষ্টিৰ বিধায়ক শ্বেৰমান আলী আহমেদে নিজৰ কাম-কাজত বাধাৰ সৃষ্টি হ'লে কি পদক্ষেপ ল'ব, সেই সন্দৰ্ভত ফেচবুক লাইভযোগে নিজৰ মনৰ কথা ব্যক্ত কৰে। তেওঁ স্পষ্ট কৰি দিয়ে যে যদিহে তেওঁৰ কামত কোনো ধৰণৰ বাধা আহে, তেন্তে তেওঁ কি কৰিব।

বিধায়ক শ্বেৰমান আলী আহমেদে ৰাস্তা আৰু দলঙৰ নিৰ্মাণ কাৰ্যত বাধা প্ৰদান কৰা লোকসকলক এক কঠোৰ সকীয়নি জাৰি কৰিছে। তেওঁ স্পষ্টভাৱে সকীয়াই দিছে যে যদি ৰাস্তা-দলঙৰ কামত কোনোৱে বাধা দিয়ে, তেন্তে সেই স্থানত ৰাস্তাও নহ'ব আৰু দলঙও নিৰ্মাণ নহ'ব।

বৰপেটা জিলাৰ নবগঠিত মন্দিয়া সমষ্টিৰ ডাউকমাৰীৰ পৰা কাছুকাটী হৈ বাংলীপাৰালৈ যোৱা একমাত্ৰ পথটো বিগত ৫-৬ বছৰ ধৰি জৰাজীৰ্ণ হৈ থকাৰ ফলত স্থানীয় ৰাইজে চৰম দুৰ্ভোগ ভুগিবলগীয়া হৈছে। এই গুৰুত্বপূৰ্ণ পথছোৱা সামান্য বৰষুণতেই একাঠু পৰ্যন্ত পানী আৰু বোকাৰে একাকাৰ হৈ পুখুৰী সদৃশ ৰূপ লয়। ফলস্বৰূপে, স্কুল-কলেজৰ ছাত্ৰ-ছাত্ৰীৰ লগতে সাধাৰণ ৰাইজে প্ৰতিদিনে যাতায়াতৰ ক্ষেত্ৰত সীমাহীন কষ্ট ভোগ কৰিবলগীয়া হয়। পথৰ এই শোচনীয় অৱস্থাৰ বাবেই গাঁওখনত কোনো জৰুৰীকালীন সেৱা যেনে এম্বুলেন্স অথবা অগ্নিনিৰ্বাপক বাহিনীৰ বাহন সোমাব নোৱাৰে। ইয়াৰ পৰিণতিত, জৰুৰী সময়ত চিকিৎসাৰ অভাৱত গাঁৱবাসীয়ে গভীৰ সংকটৰ সন্মুখীন হ'বলগীয়া হৈছে। অভিযোগ অনুসৰি, বিগত ৫-৬ বছৰ ধৰি পথটো এনেদৰে জৰাজীৰ্ণ হৈ থকাৰ পিছতো স্থানীয় জনপ্ৰতিনিধি সকলে ইয়াৰ মেৰামতিৰ বাবে কোনো পদক্ষেপ গ্ৰহণ কৰা নাই। ক্ষুব্ধ স্থানীয় ৰাইজ আৰু ছাত্ৰ মুক্তি সংগ্ৰাম সমিতিয়ে অতি শীঘ্ৰে এই জৰাজীৰ্ণ পথটো নিৰ্মাণৰ দাবী জনাইছে। তেওঁলোকে স্থানীয় বিধায়ক, পঞ্চায়ত সভানেত্ৰী আৰু জিলা প্ৰশাসনক অনতিপলমে এই ক্ষেত্ৰত ব্যৱস্থা গ্ৰহণ কৰিবলৈ আহ্বান জনাইছে। অন্যথা, অনাগত দিনত প্ৰশাসনৰ বিৰুদ্ধে তীব্ৰ গণ আন্দোলন গঢ়ি তোলাৰ হুংকাৰ দিছে গাঁৱবাসীয়ে।

বনবাহাৰ গাঁৱত পিএম কিষাণ যোজনাৰ নামত এক বৃহৎ প্ৰতাৰণাৰ অভিযোগ উত্থাপিত হৈছে। খাইৰুল নামৰ এজন লোকৰ বিৰুদ্ধে গাঁৱৰ একাংশ সৰলমনা লোকক পিএম কিষাণ যোজনাৰ ধন উলিয়াই দিয়াৰ প্ৰলোভন দেখুৱাই প্ৰতিজনৰ পৰা ৩ হাজাৰৰ পৰা ৪ হাজাৰ টকা পৰ্যন্ত সংগ্ৰহ কৰাৰ অভিযোগ আনিছে গাঁওবাসীয়ে। অভিযোগ অনুসৰি, অভিযুক্ত খাইৰুলে চৰকাৰী আঁচনিৰ সুবিধা দিয়াৰ নামত বহু লোকৰ পৰা ধন সংগ্ৰহ কৰি পিছত উধাও হৈছিল। ইয়াৰ ফলত গাঁওবাসীৰ মাজত তীব্ৰ ক্ষোভৰ সৃষ্টি হয়। বুধবাৰে বিয়লিৰ ভাগত বনবাহাৰ গাঁৱৰ ৰাইজে খাইৰুলক জবাবদিহি কৰিবলৈ বাধ্য কৰে, যাৰ পাছত অঞ্চলটোত তীব্ৰ প্ৰতিক্ৰিয়াৰ সৃষ্টি হয়। স্থানীয় লোকসকলে ক্ষোভ প্ৰকাশ কৰি কয় যে গাঁৱৰ সহজ-সৰল আৰু দৰিদ্ৰ লোকসকলক লক্ষ্য কৰি এনে প্ৰতাৰণাৰ জাল পতা হৈছে। ৰাইজে চৰকাৰী আঁচনিৰ নামত ধন সংগ্ৰহ কৰা এনে কাৰ্যৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে। এই ঘটনাৰ পাছত স্থানীয় সচেতন মহলে পিএম কিষাণৰ নামত ধন সংগ্ৰহ কৰা কোনো ব্যক্তিক বিশ্বাস নকৰিবলৈ আৰু সন্দেহজনক কাৰ্যকলাপ দেখা পালে তৎক্ষণাত প্ৰশাসনক অৱগত কৰিবলৈ আহ্বান জনাইছে।

কলগাছিয়াৰ বালিকুৰি কে গাওঁত এক অচিন বেমাৰৰ আতংকে বিৰাজ কৰিছে, যাৰ ফলত চিকিৎসাৰ অভাৱত গোধনৰ মৃত্যু হৈছে। এই অচিন বেমাৰে হাজাৰ হাজাৰ গোধনক আক্ৰমণ কৰাৰ ফলত, একমাত্ৰ গো-পালনৰ ওপৰত নিৰ্ভৰ কৰি জীৱিকা নিৰ্বাহ কৰা দৰিদ্ৰ কৃষকসকলৰ মাজত এক হাহাকাৰ পৰিস্থিতিৰ সৃষ্টি হৈছে। অভিযোগ অনুসৰি, পশু চিকিৎসা বিভাগে এই গুৰুতৰ বিষয়ত কোনো কাণ সাৰ দিয়া নাই।

পিএম কিষাণ আঁচনিৰ কিস্তিৰ ধন হিতাধিকাৰীৰ একাউণ্টৰ পৰা উলিওৱাই দিয়াৰ নামত ধন সংগ্ৰহ কৰা বুলি এক অভিযোগ উত্থাপন হৈছে।