ચીની CCTV કેમેરા પર પ્રતિબંધ ભારત સરકાર 1 એપ્રિલથી રાષ્ટ્રીય સુરક્ષાને ધ્યાનમાં રાખીને ચીની CCTV કેમેરા જેવા કે Hikvision, Dahua अने TP-Link पर प्रतिबंध મૂકવાની યોજના બનાવી રહી છે. કેન્દ્રના નવા નિયમ મુજબ, દેશમાં વેચાતી તમામ CCTV પ્રોડક્ટ્સ માટે પૂર્વ મંજૂરી લેવી અનિવાર્ય બનશે. ખાસ કરીને ચીની કંપનીઓ દ્વારા નિર્મિત ચિપસેટનો ઉપયોગ કરતા ઉપકરણોને પરવાનગી આપવામાં આવશે નહીં.

3 hrs ago

સરદાર સંદેશ ન્યુઝ

Newsstand વેજલપુર, અમદાવાદ, ગુજરાત•

3 hrs ago

વિજાપુરમાં ઈદ સ્નેહમિલન કાર્યક્રમે સમાજમાં સ્નેહ, સૌહાર્દ અને એકતાનો સુંદર સંદેશ ફેલાવ્યો સ્નેહ, સૌહાર્દ અને સહિષ્ણુતાની દિવ્ય પ્રેરણા અર્પતા પવિત્ર પર્વ ઈદની ઉજવણીને વધુ અર્થપૂર્ણ અને સામાજિક બનાવવા માટે સદભાવના મંચ, વિજાપુર દ્વારા ‘ઈદ સ્નેહમિલન’ કાર્યક્રમનું આયોજન કરવામાં આવ્યું હતું. આ કાર્યક્રમે શહેરના વિવિધ વર્ગો, સમુદાયો અને ધર્મો વચ્ચે સદ્ભાવના, પરસ્પર પ્રેમ અને રાષ્ટ્રીય એકતાનો સુંદર સંદેશ પ્રસારિત કર્યો. આજે રવિવારે સાંજે ૫.૩૦ કલાકે , આ કાર્યક્રમમાં વિજાપુર યુનિયન બેંકની સામેની સામે આવેલ એસ્કા ગાર્ડન આયોજિત કરવામાં આવ્યો હતો જેમાં સમાજના વિવિધ ક્ષેત્રોના પ્રતિષ્ઠિત વ્યક્તિઓએ ઉપસ્થિતિ આપી અને સૌને સાથે મળીને ઈદની ખુશીઓ વહેંચવાની હૃદયસ્પર્શી તક મળી. કાર્યક્રમ દરમિયાન વાતાવરણમાં સ્નેહ અને સૌહાર્દની ભાવના છવાઈ રહી હતી. કાર્યક્રમમાં નવી દિલ્હી જમાતે ઈસ્લામી હિન્દ,સેક્રેટરી મહંમદ શફી મદની આશ એજ્યુકેશન ટ્રસ્ટ ના ટ્રસ્ટી અશોકભાઈ પટેલ ડૉ લાલભાઈ શાહ પાલડી વ્યાસ, પ્રધોતભાઈ પ્રાથમિક શાળા ના શિક્ષક અને કાર્યકર્મ ને ચાર ચાંદ લગાવનાર ખ્યાતનામ કવિ અને શાયર મુસાફીર પાલનપુરી વિશેષ અતિથિ તરીકે હાજર રહ્યા હતા. સદભાવના મંચના કાર્યકર્તાઓએ જણાવ્યું કે, દર વર્ષની જેમ આ વર્ષે પણ આ કાર્યક્રમ શહેર, સમાજ અને રાષ્ટ્રમાં શાંતિ, સહિષ્ણુતા અને પરસ્પર પ્રેમની ભાવના વિકસાવવા માટે આયોજિત કરવામાં આવ્યો છે. તેઓએ સમાજના તમામ વર્ગોના સ્નેહીઓને મિત્રમંડળ સાથે આ કાર્યક્રમમાં પધારવા હાર્દિક આમંત્રણ આપ્યું હતું. કાર્યક્રમમાં વિશેષ અતિથિઓએ પ્રસંગ અનુરૂપ પ્રેરક વક્તવ્યો આપીને સૌને વિચારવા મજબૂર કર્યા. માનનીય મહંમદ શફી મદનીએ કહ્યું કે, “ઈદ જેવા પર્વોને માત્ર ખુશીઓના તહેવાર તરીકે નહીં, પરંતુ સમાજમાં સુધારણા, ન્યાય અને માનવતાના માધ્યમ તરીકે જોવા જોઈએ. અમુમ્મતે મુસ્લિમાએ પોતાની નૈતિક અને સામાજિક નેતૃત્વની જવાબદારીને ફરીથી સ્વીકારવી જોઈએ જેથી આપણો સમાજ વધુ સારો અને સુખી બને.” માનનીય અશોકભાઈ પટેલએ જણાવ્યું, “શિક્ષણ અને સેવાના માર્ગે જ સાચી સદ્ભાવના વિકસે છે. આપણે બધાએ મળીને એવું વાતાવરણ ઊભું કરવું જોઈએ કે જેમાં દરેક વ્યક્તિને સમાન તક અને સન્માન મળે. આ કાર્યક્રમ જેવા પ્રયાસો સમાજને એક સૂત્રમાં બાંધે છે. પ્રધોતભાઈએ કહ્યું, “બાળકો અને યુવાન પેઢીમાં સહિષ્ણુતા અને માનવતાના મૂલ્યો વાવવા જોઈએ. આજના કાર્યક્રમ જેવા સ્નેહમિલનો ભવિષ્યની પેઢીને એકતાનું સુંદર ઉદાહરણ આપી શકે છે અને સમાજમાં શાંતિની સ્થાપના કરી શકે છે.” સદભાવના મંચ, વિજાપુર ના મુહમ્મદ ઉમર વ્હોરા એ સંચાલન કરતાં જણાવ્યું, “દર વર્ષે આ કાર્યક્રમ દ્વારા વિજાપુરમાં વિવિધ સમુદાયો વચ્ચેની નિકટતા વધી રહી છે. આજનો પ્રસંગ સાબિત કરે છે કે સ્નેહ અને સદ્ભાવના જેવા સરળ પ્રયાસો પણ સમાજને મજબૂત બનાવી શકે છે.” મુસાફીર પાલનપુરીએ પ્રસંગ અનુરૂપ ગઝલ અને શેરો રજૂ કરીને વાતાવરણને મધુર બનાવ્યું. તેમણે કહ્યું, “કાવ્ય અને શાયરી દ્વારા હૃદયોને જોડવાની તાકાત અમૂલ્ય છે. આજે ઈદના પર્વે આપણે સૌએ એકબીજાના દુ:ખ-સુખમાં સાથે રહેવાની પ્રતિજ્ઞા લેવી જોઈએ જેથી સમાજમાં પ્રેમની મીઠાશ ફેલાય.” કાર્યક્રમ પૂર્ણ થયા બાદ હળવું ભોજનની વ્યવસ્થા કરવામાં આવી હતી, જેના દ્વારા સૌ વચ્ચે વધુ નિકટતા, સૌહાર્દ અને પરસ્પર સંબંધો મજબૂત બને તેવી આશા વ્યક્ત કરવામાં આવી. આ પ્રકારના કાર્યક્રમો સમાજમાં એકતા અને સદ્ભાવનાને મજબૂત કરે છે અને વિવિધ ધર્મો તથા સમુદાયો વચ્ચેના સેતુ તરીકે કામ કરે છે. વિજાપુરના આ સ્નેહમિલન કાર્યક્રમ દ્વારા સમાજમાં સકારાત્મક, પ્રેરક અને સુંદર સંદેશ પહોંચે તેવી આશા છે. આ કાર્યક્રમે એક વખત વધુ સાબિત કર્યું કે તહેવારોને સામાજિક સંયોજન અને સહિષ્ણુતાના માધ્યમ તરીકે વાપરીને આપણે વધુ સુંદર, શાંતિપૂર્ણ અને એકતાપૂર્ણ સમાજનું નિર્માણ કરી શકીએ છીએ. આવા પ્રયાસોને સમાજમાં વધુ વેગ મળે તેવી સૌની અપેક્ષા છે.

BABA SAIYAD

Newspaper distribution વિજાપુર, મહેસાણા, ગુજરાત•

23 hrs ago