अनुसूचित जाती प्रवर्गातील मेहतर समाज आणि सफाई कामगारांवर होत असलेल्या अन्याय, अत्याचार आणि भेदभावाच्या निषेधार्थ सकल मेहतर समाजाने सोमवारी खामगावातील उपविभागीय कार्यालयासमोर धरणे आंदोलन केले. या आंदोलनानंतर विविध मागण्यांचे निवेदन प्रशासनाला सादर करण्यात आले. या निवेदनात, १५ मे २०२६ रोजी प्रभाग क्रमांक १२ मधील मुकरदम सुनील रमेश उज्जैनवाल आणि इतर सफाई कामगारांसोबत घडलेली घटना अत्यंत गंभीर असून, ती मानवतेला काळिमा फासणारी असल्याचे नमूद केले आहे. या घटनेमुळे संपूर्ण मेहतर समाजाच्या स्वाभिमानाला ठेच पोहोचली असून समाजात तीव्र संतापाची भावना निर्माण झाली आहे. सफाई कामगार हे समाजाच्या आरोग्य व स्वच्छतेचे प्रमुख आधारस्तंभ असतानाही, त्यांच्यावर सातत्याने अन्याय, अत्याचार आणि भेदभावाच्या घटना घडत असल्याकडे लक्ष वेधण्यात आले. अशा घटना पुन्हा घडू नयेत यासाठी दोषींवर कठोर कारवाई करण्यात यावी आणि शासन व प्रशासनाने याकडे गांभीर्याने लक्ष द्यावे, अशी मागणी निवेदनातून करण्यात आली आहे.

अनुसूचित जाती प्रवर्गातील मेहतर समाज आणि सफाई कामगारांवर होत असलेल्या अन्याय, अत्याचार आणि भेदभावाच्या निषेधार्थ सकल मेहतर समाजाने सोमवारी खामगावातील उपविभागीय कार्यालयासमोर धरणे आंदोलन केले. या आंदोलनानंतर विविध मागण्यांचे निवेदन प्रशासनाला सादर करण्यात आले. या निवेदनात, १५ मे २०२६ रोजी प्रभाग क्रमांक १२ मधील मुकरदम सुनील रमेश उज्जैनवाल आणि इतर सफाई कामगारांसोबत घडलेली घटना अत्यंत गंभीर असून, ती मानवतेला काळिमा फासणारी असल्याचे नमूद केले आहे. या घटनेमुळे संपूर्ण मेहतर समाजाच्या स्वाभिमानाला ठेच पोहोचली असून समाजात तीव्र संतापाची भावना निर्माण झाली आहे. सफाई कामगार हे समाजाच्या आरोग्य व स्वच्छतेचे प्रमुख आधारस्तंभ असतानाही, त्यांच्यावर सातत्याने अन्याय, अत्याचार आणि भेदभावाच्या घटना घडत असल्याकडे लक्ष वेधण्यात आले. अशा घटना पुन्हा घडू नयेत यासाठी दोषींवर कठोर कारवाई करण्यात यावी आणि शासन व प्रशासनाने याकडे गांभीर्याने लक्ष द्यावे, अशी मागणी निवेदनातून करण्यात आली आहे.

बुलडाणा येथे डिझेलच्या दरवाढीसह विविध मागण्यांसाठी काँग्रेसने मोर्चा काढला. या मोर्चात हर्षवर्धन सपकाळ रस्त्यावर उतरले होते, त्यांनी या मुद्द्यांवर आवाज उठवला.

अकोल्यात रेल्वेच्या जागेवर बांधलेली घरे रेल्वे प्रशासन आणि पोलीस प्रशासनाने मोठ्या बंदोबस्तात हटवली आहेत.

अकोट तालुक्यातील मुंडगाव येथील रहिवासी मुरलीधर गावंडे या दिव्यांग व्यक्तीने, तेल्हारा येथील सार्वजनिक बांधकाम उपविभागीय अधिकारी धनंजय बर्डे यांच्याविरोधात ८ जून रोजी आत्मदहन करणार असल्याचे लेखी पत्राद्वारे कळवले आहे. मुंडगाव येथील वरवट ते वणी वारुळा रस्त्यावरील कामाच्या दुर्लक्षामुळे त्यांनी हा टोकाचा निर्णय घेतला आहे. मुरलीधर गावंडे यांच्या पत्रानुसार, त्यांचे मुंडगाव येथील नवीन बस स्टँडवर पान टपरी आणि कोल्ड्रिंक्सचे दुकान होते. मार्च २०२३ मध्ये रस्ता रुंदीकरण करायचे असल्याने, त्यांना ११/०५/२०२३ रोजी नोटीस देऊन अतिक्रमण काढायला लावले. मात्र, तेव्हापासून आजपर्यंत नवीन बस स्टँडवरील रस्त्याचे काम पूर्ण झालेले नाही. यामुळे त्यांचे उपजीविकेचे साधन बंद झाले असून, मुरलीधर गावंडे आणि त्यांच्या कुटुंबावर उपासमारीची वेळ आली आहे. याप्रकरणी मुरलीधर गावंडे यांनी सार्वजनिक बांधकाम विभागाचे उपविभागीय अभियंता धनंजय बर्डे यांना अनेक वेळा लेखी निवेदन, तक्रारी आणि आमरण उपोषणाच्या नोटिसा दिल्या. परंतु, बर्डे यांनी कोणतीही कारवाई केली नाही, उलट त्यांची एक प्रकारची थट्टाच केल्याचा आरोप गावंडे यांनी केला आहे. अखेर, अधिकाऱ्यांच्या वेळकाढू धोरणामुळे नाईलाजाने त्यांनी ८ जून रोजी बर्डे यांच्या तेल्हारा येथील कार्यालयात आत्मदहन करण्याचा इशारा दिला आहे. त्यांनी स्पष्ट केले आहे की, ०७/०६/२०२६ पर्यंत काम पूर्ण न झाल्यास होणाऱ्या परिस्थितीस उपविभागीय अभियंता धनंजय बर्डे हे पूर्णपणे जबाबदार असतील. या गंभीर प्रकरणात अकोला जिल्हा जागतिक बँक प्रकल्प अभियंता सरनायक यांनीही दुर्लक्ष केल्याचे नमूद करण्यात आले आहे. नागरिकांनी या गंभीर प्रकरणाकडे जिल्हाधिकाऱ्यांनी जातीने लक्ष द्यावे, अशी मागणी केली आहे. या आत्मदहनाच्या निवेदनाची प्रत जिल्हाधिकारी अकोला, खासदार अनुपजी धोत्रे, आमदार प्रकाश भारसाकळे, ग्रामीण पोलीस स्टेशन अकोट आणि पोलीस स्टेशन तेल्हारा यांना देण्यात आली आहे, तरीही अद्याप त्यांच्या निवेदनाची दखल घेतली नसल्याचे समजते.

गोठ्याला भीषण आग लागल्याची घटना समोर आली आहे, ज्यात सात शेळ्या होरपळून ठार झाल्या. या आगीमध्ये शेतीची अवजारे आणि ठिबक सिंचनाचे साहित्यही जळून खाक झाले आहे. या दुर्घटनेमुळे एकूण तीन लाखांचे नुकसान झाल्याचा अंदाज आहे.

वाशिम जिल्ह्यात स्थानिक गुन्हे शाखेने अवैध गावठी हातभट्टी दारू निर्मिती आणि विक्रीविरोधात धडक कारवाई केली आहे. या कारवाईत तब्बल ६ लाख ३३ हजार रुपयांचा मुद्देमाल जप्त करून नष्ट करण्यात आला, ज्यामुळे अवैध दारू व्यवसाय करणाऱ्यांमध्ये भीतीचे वातावरण निर्माण झाले आहे. पोलीस अधीक्षक निकेश खाटमोडे-पाटील यांच्या निर्देशानुसार जिल्ह्यात अवैध दारू, जुगार, गुटखा आणि शस्त्र अधिनियमांतर्गत कठोर कारवाई सुरू आहे. या मोहिमेअंतर्गत, स्थानिक गुन्हे शाखेचे पोलीस निरीक्षक प्रदीप परदेशी यांना अनसिंग पोलीस ठाणे हद्दीतील मोहगव्हाण येथील धरण परिसरात गावठी हातभट्टी दारू गाळली जात असल्याची माहिती मिळाली होती. या माहितीच्या आधारे १ जून रोजी पहाटे स्थानिक गुन्हे शाखेच्या पथकाने मोहगव्हाण परिसरात छापा टाकला. पोलिसांची चाहूल लागताच आरोपी घटनास्थळावरून पसार झाले. मात्र, पोलिसांनी झाडाझुडपात आणि जमिनीत लपवून ठेवलेले २०० लिटर क्षमतेचे २७ ड्रम आणि १५ लिटर क्षमतेची २१ पिपे शोधून काढली. यामध्ये एकूण ५,४०० लिटर सडवा मोहामाच आणि ३० लिटर गावठी हातभट्टी दारू आढळून आली, ज्याची किंमत सुमारे ५ लाख ७४ हजार ५०० रुपये आहे. याप्रकरणी फरार आरोपी आमिर मोहम्मद नौरंगाबादी (रा. मोहगव्हाण) याच्याविरुद्ध महाराष्ट्र दारूबंदी कायद्यांतर्गत अनसिंग पोलीस ठाण्यात गुन्हा दाखल करण्यात आला आहे. याच दरम्यान, मानोरा पोलीस ठाणे हद्दीतील कार्ली येथेही स्थानिक गुन्हे शाखेने कारवाई केली. येथे अमर दादाराव राऊत याला ताब्यात घेण्यात आले आणि त्याच्याकडून ३५० लिटर सडवा मोहामाच तसेच ३० लिटर गावठी हातभट्टी दारू असा एकूण ५८ हजार ५०० रुपयांचा मुद्देमाल जप्त करण्यात आला. याप्रकरणी मानोरा पोलीस ठाण्यात गुन्हा नोंद करण्यात आला आहे. स्थानिक गुन्हे शाखेने एकाच दिवशी एकूण ६ लाख ३३ हजार रुपयांचा अवैध दारूसाठा नष्ट केला असून, जिल्ह्यातील अवैध हातभट्टी व्यवसाय पूर्णपणे नष्ट करण्यासाठी आगामी काळातही विशेष मोहीम राबविण्यात येणार असल्याची माहिती पोलिसांनी दिली आहे. ही कारवाई पोलीस अधीक्षक निकेश खाटमोडे-पाटील, अपर पोलीस अधीक्षक लता फड, उपविभागीय पोलीस अधिकारी विशाल क्षीरसागर यांच्या मार्गदर्शनाखाली पोलीस निरीक्षक प्रदीप परदेशी, सपोनि जगदीश बांगर, पोउपनि शेखर मास्कर आणि स्थानिक गुन्हे शाखेच्या पथकाने यशस्वीपणे केली.

केदारखेडा शिवारात शेतकरी दिलीप भानुदास जाधव यांच्या जनावरांच्या गोठ्याला भीषण आग लागल्याची घटना घडली आहे. या दुर्घटनेत त्यांच्या ७ शेळ्यांचा दुर्दैवी मृत्यू झाला असून, एक बैलजोडीसह इतर जनावरेही भाजल्याने जखमी झाली आहेत. आगीत गोठ्यातील सर्व साहित्य जळून खाक झाले आहे. या आगीमुळे शेतकऱ्याचे लाखोंचे मोठे नुकसान झाले आहे. या पार्श्वभूमीवर, शासनाने बाधित शेतकऱ्याला तातडीने नुकसान भरपाई द्यावी, अशी मागणी केली जात आहे.

खामगावात सोमवारी सायंकाळी अचानक हवामानात बदल होऊन प्रचंड वेगाने वादळी वारा सुटला, ज्यामुळे शहरातील मुख्य रस्त्यांवरील मोठे होर्डिंग्स आणि बॅनर्स जागोजागी फाटून रस्त्यावर लोंबकळू लागले. यामुळे वाहनधारक आणि पादचाऱ्यांसाठी मोठा अपघाताचा धोका निर्माण झाला असून, "या बॅनर्समुळे दुर्दैवाने अपघात झाल्यास जबाबदार कोण?" असा संतप्त सवाल आता नागरिकांमधून उपस्थित केला जात आहे. या वादळी वाऱ्यामुळे संपूर्ण शहरात धुळीचे साम्राज्य निर्माण झाले होते, ज्यामुळे रस्त्यावरील दृश्यमानता कमी झाली आणि वाहनचालकांना वाहने चालवताना प्रचंड कसरत करावी लागली. यासोबतच शहरातील अनेक भागांत जुन्या झाडांचीही पडझड झाल्याच्या घटना समोर आल्या, सुदैवाने यात जीवितहानी झाली नसली तरी वाहतुकीला काही काळ अडथळा निर्माण झाला. शहरातील प्रमुख चौक, दुभाजक आणि वर्दळीच्या रस्त्यांवर लावण्यात आलेले राजकीय, व्यावसायिक आणि सामाजिक कार्यक्रमांचे मोठे बॅनर्स वाऱ्यामुळे फाटून थेट रस्त्यावरून जाणाऱ्या वाहनचालकांच्या अंगावर किंवा डोळ्यांसमोर येण्याची परिस्थिती निर्माण झाली होती, कारण यापूर्वीही वादळ-वाऱ्याच्या काळात असे बॅनर्स कोसळून अनेक गंभीर अपघात घडले आहेत. हवामान खात्याने आधीच वादळी वाऱ्याचा इशारा दिला असतानाही स्थानिक प्रशासनाकडून या धोकादायक बॅनर्सकडे डोळेझाक केली जात असल्याने नागरिकांमधून तीव्र नाराजी व्यक्त होत आहे. "जर या लोंबकळणाऱ्या बॅनर्समुळे एखाद्याचा जीव गेला, तर त्याची जबाबदारी पालिका प्रशासन घेणार की बॅनर्स लावणारे घेणार?" असा प्रश्न नागरिक विचारत आहेत. भविष्यातील संभाव्य जीवितहानी किंवा मोठा अपघात टाळण्यासाठी प्रशासनाने तातडीने मोहीम राबवून हे फाटलेले आणि धोकादायक बॅनर्स हटवावेत, अशी मागणी आता जोर धरू लागली आहे.