మాజీ మంత్రి జీవన్ రెడ్డి జగిత్యాల జిల్లా రాయికల్ మార్కెట్‌లో ధాన్యం, మొక్కజొన్న కొనుగోళ్ల జాప్యంపై అధికారులపై తీవ్ర ఆగ్రహం వ్యక్తం చేశారు. కల్లాల్లో లక్షల క్వింటాళ్ల ధాన్యం పేరుకుపోవడంతో రైతులు తీవ్ర ఇబ్బందులు పడుతున్నారని ఆందోళన వ్యక్తం చేశారు. వెంటనే కొనుగోళ్లు వేగవంతం చేయాలని డిమాండ్ చేస్తూ, సమస్య పరిష్కారం కాకపోతే ఆందోళనలకు దిగుతామని హెచ్చరించారు.

మాజీ మంత్రి జీవన్ రెడ్డి జగిత్యాల జిల్లా రాయికల్ మార్కెట్‌లో ధాన్యం, మొక్కజొన్న కొనుగోళ్ల జాప్యంపై అధికారులపై తీవ్ర ఆగ్రహం వ్యక్తం చేశారు. కల్లాల్లో లక్షల క్వింటాళ్ల ధాన్యం పేరుకుపోవడంతో రైతులు తీవ్ర ఇబ్బందులు పడుతున్నారని ఆందోళన వ్యక్తం చేశారు. వెంటనే కొనుగోళ్లు వేగవంతం చేయాలని డిమాండ్ చేస్తూ, సమస్య పరిష్కారం కాకపోతే ఆందోళనలకు దిగుతామని హెచ్చరించారు.

మైనర్ బాలికను వేధించి,అత్యాచారం చేసిన బండి సాయి భగీరథ కఠినంగా శిక్షించాలని, ఘటనకు నైతిక బాధ్యత వహిస్తూ బండి సంజయ్ రాజీనామా చేయాలని, లేదంటే నరేంద్ర మోడీ బండి సంజయ్ నీ మంత్రివర్గం నుండి భర్తరఫ్ చేయాలని డిమాండ్ చేస్తూ సిపిఎం నగర కమిటీ ఆధ్వర్యంలో స్థానిక కలెక్టరేట్ ముందు అర్ధనగ్న ప్రదర్శనతో నిరసన కార్యక్రమం చేపట్టారు. ఈ సందర్భంగా సిపిఎం నగర కార్యదర్శి గుడికందుల సత్యం మాట్లాడుతూ నిన్న బండి సంజయ్ మీడియాతో మాట్లాడుతూ కన్న కొడుకును పోలీసులకు అప్పగించిన చరిత్ర ఎక్కడైనా ఉందా అని ప్రగల్బాలు పలికారు కదా కేంద్ర హోమ్ సహాయ మంత్రి అయి ఉండి నేరా రూపంలో ఎదుర్కొంటున్న ఒక కొడుకుని 8 రోజులు దాచిపెట్టిన చరిత్ర ఎక్కడైనా ఉందా అని ప్రశ్నించారు. ఒక నేరస్తుని దాచిపెట్టి, తన మంత్రి పదవిని అడ్డుపెట్టుకొని కేసును తప్పుదోవ పట్టించిన బండి సంజయ్ పైన కూడా A 2 గా కేసు నమోదు చేయాలని, డిమాండ్ చేశారు. బండి సంజయ్ మంత్రి పదవిలో కొనసాగే అర్హత లేదని తాను మంత్రిగా ఉంటే కేసును నీరుగార్చి న్యాయవిచారణ జరగకుండా అడ్డుకుంటారని ఆవేదన వ్యక్తం చేశారు. *బేటి బచావో అని నినాదాలు చేస్తున్న బిజెపి కి బండి సంజయ్ కొడుకు చేసిన ఘనకార్యం కనబడడం లేదా? *చట్టాన్ని కాపాడి ప్రజలను రక్షించవలసిన కేంద్ర హోమ్ సహాయ మంత్రి కొడుకే మైనర్ బాలిక పై అత్యాచారం చేస్తే ఇక దేశంలో మహిళలకు రక్షణ ఎక్కడ ఉందని ప్రశ్నించారు.* బండి భగీరథ తప్పు చేయకుంటే 8 రోజులు ఎందుకు పారిపోయాడని, దొరికిన తర్వాత ఫోక్సో కేసు ఆధారాలు లేకుండా ఫోన్లో సిమ్ ఎందుకు మాయం చేశాడని అన్నారు. ఇవన్నీ కేంద్ర హోమ్ మినిస్టర్ కు కనబడడం లేదా, ఇంకా బండి సంజయ్ ని మంత్రివర్గంలో ఎందుకు కొనసాగిస్తున్నారని అన్నారు. ఫోక్సో కేసులో నిందితులను వెంటనే అరెస్టు చేసి కఠినంగా శిక్షించాల్సింది పోయి, కాలయాపన చేయడం ఎంతవరకు సమంజసమని అన్నారు. సామాన్యుడు తప్పు చేస్తే వారి తల్లిదండ్రులను పోలీస్ స్టేషన్ కి తీసుకెళ్లి ఆచూకీ తెలుపమని విచారించే పోలీసులకు బండి సంజయ్ కూడా ఎనిమిది రోజులు దొరకలేదా ? అతని స్టేషన్ కి పిలిచి ఎందుకు విచారించలేదని ప్రశ్నించారు. చట్టం ఉన్నోడికి చుట్టమా? పేదలకు ఒక న్యాయం పెద్దలకు ఒక న్యాయమా అని ప్రశ్నించారు. ఈ కేసులో నేరస్తునికి సహకరించిన బండి సంజయ్ ని కూడా నేరస్తునిగా పరిగణించాలని, తనని వెంటనే కేంద్ర మంత్రి పదవి నుండి భర్తరాఫ్ చేయాలని డిమాండ్ చేశారు లేనియెడల బండి సంజయ్ రాజీనామా చేసే వరకు తమ పోరాటాన్ని కొనసాగిస్తామని అన్నారు. ఈ కార్యక్రమంలో సిపిఎం నాయకులు గజ్జల శ్రీకాంత్,రాయికంటి శ్రీనివాస్,నగర కమిటీ సభ్యులు పున్నం రవి, ఆసంపల్లి వినయ్, డబిల్ కార్ శ్రీకాంత్,భూమేష్, అరవింద్,అక్షయ్,రాకేష్, సంతు తదితరులు పాల్గొన్నారు.

కరీంనగర్ పోలీస్ కమిషనర్ గౌష్ ఆలం నెలవారీ నేర సమీక్షలో పెండింగ్ కేసులను వెంటనే పరిష్కరించాలని అధికారులను ఆదేశించారు. శాంతిభద్రతల పరిరక్షణకు రాత్రి పగలు పెట్రోలింగ్ ముమ్మరం చేయాలని, రౌడీషీటర్లపై నిఘా పెంచాలని సూచించారు. నేపాలీ కార్మికుల వివరాల నమోదు, సీసీ కెమెరాల ఏర్పాటుపై దృష్టి పెట్టాలని స్పష్టం చేశారు.

నటీనటులు సోనాక్షి సిన్హా, జహీర్ ఇక్బాల్ 'మెలోడీ' ట్రెండ్‌ను అనుసరించి ఓ ఫన్నీ వీడియో పంచుకున్నారు. జహీర్ తన ప్రేమను చాక్లెట్ ద్వారా వ్యక్తం చేయగా, సోనాక్షి దానిని విసిరేసి ఆకట్టుకుంది.

రాజన్న సిరిసిల్ల జిల్లాలోని మార్కండేయ వీధిలో బహుళ అంతస్తు భవనంపై చిక్కుకుపోయిన శునకాన్ని అగ్నిమాపక సిబ్బంది చాకచక్యంగా రక్షించారు. కిందకు రాలేక ఇబ్బంది పడుతున్న కుక్కను చూసి స్థానికులు సమాచారం ఇవ్వడంతో, తాడు సహాయంతో దానిని సురక్షితంగా బయటకు తీశారు. ఫైర్ సిబ్బంది సమయస్ఫూర్తిని స్థానికులు అభినందించారు.

తెలుగు రాష్ట్రాల్లోని మండలాలకు రిసోర్స్ పర్సన్ డీలర్‌షిప్ కేటాయింపులు జరుగుతున్నాయి. కేవలం 10,000 రూపాయల పెట్టుబడితో మీ సొంత మండలంలో ఉత్తమ వ్యాపార అవకాశం. ఒక మండలానికి ఒకరికే అవకాశం ఉన్నందున వెంటనే రిజిస్టర్ చేసుకోండి.

IRCTC ఆధ్యాత్మిక యాత్రికుల కోసం మూడు ప్రత్యేక భారత్ గౌరవ్ రైళ్లను ప్రకటించింది. మే 24 నుండి అరుణాచలం-రామేశ్వరం, సప్త జ్యోతిర్లింగాలు, అయోధ్య-కాశీ యాత్రలు ప్రారంభమవుతాయి. ఈ ప్యాకేజీలలో వసతి, భోజనం, రవాణాతో పాటు ట్రావెల్ ఇన్సూరెన్స్ కూడా ఉంటుంది.

జమ్మికుంట మార్కెట్ యార్డ్‌లో మొక్కజొన్న కొనుగోళ్లపై తెలంగాణ కాంగ్రెస్ సర్కార్ నిర్లక్ష్యంగా ఉందని బీజేపీ జిల్లా అధ్యక్షుడు గంగాడి కృష్ణారెడ్డి ఆరోపించారు. కనీస మద్దతు ధర రూ. 2400 ఉన్నా, దళారులు అధికారులు కుమ్మక్కై రైతులకు రూ. 1600-1800 మాత్రమే చెల్లిస్తూ మోసం చేస్తున్నారని ఆయన ఆగ్రహం వ్యక్తం చేశారు. రైతులను దోపిడీ చేస్తున్న వారిపై విచారణ జరిపి, తక్షణమే పూర్తిస్థాయిలో మొక్కజొన్న కొనుగోళ్లు చేపట్టాలని డిమాండ్ చేశారు.