छत्रपती संभाजीनगर येथे आयोजित भव्य ऐतिहासिक आरक्षण मेळाव्यात गोरसेनेचे राष्ट्रीय अध्यक्ष प्राध्यापक संदेश भाऊ चव्हाण यांनी राज्य सरकारला थेट इशारा दिला आहे. मुख्यमंत्री देवेंद्र फडणवीस यांनी नेमलेल्या अभ्यास समितीकडून तात्काळ अहवाल घेऊन तो केंद्र सरकारकडे शिफारसीसाठी पाठवावा आणि गोर बंजारा समाजाला एसटी आरक्षण मिळवून देण्यासाठी पावले उचलावीत, अशी मागणी त्यांनी केली आहे. अन्यथा भविष्यात रस्त्यावर उतरून तीव्र लढा उभारला जाईल आणि हे फडणवीस सरकारला परवडणार नाही, असा स्पष्ट इशारा चव्हाण यांनी दिला. गोर बंजारा समाज हा आदिम सभ्यता जपणारा असून अनुसूचित जमातीच्या (एसटी) आरक्षणाचे सर्व निकष पूर्ण करतो, त्यामुळे त्यांना या सवलती लवकरात लवकर लागू कराव्यात या मागणीवर समाज ठाम आहे. या आरक्षणाच्या मागणीसाठी गेल्या वर्षी संपूर्ण महाराष्ट्रात गोर बंजारा समाजाच्या वतीने ५७ महामोर्चे काढण्यात आले होते. या आंदोलनादरम्यान अनेक तरुणांनी आमरण उपोषण केले आणि किमान ५ तरुणांनी आपल्या प्राणाचे बलिदान दिले, तसेच समृद्धी महामार्गही रोखण्यात आला होता. त्यानंतर सरकारने अनुसूचित जमाती आयोगासाठी अभ्यास समिती नेमली, मात्र सात महिने उलटूनही या समितीने आपला अभ्यास सुरू केलेला नाही. याच शासकीय दिरंगाईमुळे गोर बंजारा आरक्षण कृती समितीने आक्रमक पवित्रा घेत संभाजीनगरमध्ये हा महामेळावा आयोजित केला. या कार्यक्रमाची सुरुवात पारंपारीक निसर्गपूजा म्हणजेच 'जळभोग' लावून आणि भारतीय संविधानाच्या प्रास्ताविकेचे सामूहिक वाचन करून झाली. प्रा. डॉ. दामोदर राठोड हिमायदनगर यांनी कार्यक्रमाचे प्रास्ताविक केले. या मेळाव्यात संपूर्ण महाराष्ट्रातून सुमारे १० हजार समाज बांधव व भगिनी उपस्थित होते आणि त्यांनी भविष्यात एकजुटीने एसटी आरक्षणासाठी काम करण्याचा निर्धार व्यक्त केला. कार्यक्रमाला विधान परिषदेचे माजी आमदार राजेश भाऊ राठोड, माजी आमदार निलय नाईक, कर्नाटक बिदरचे उद्योजक जयसिंग राठोड, नांदेडच्या शशिकला काशिनाथ राठोड, आरक्षण अभ्यासक प्रा. मोहन भाऊ चव्हाण, निवृत्त माहिती संचालक मोहन भाऊ राठोड, परभणीचे प्रा. डॉ. बबन पवार, कर्नाटकचे माजी न्यायाधीश ॲड. सुभाषचंद्र राठोड, राष्ट्रीय समन्वयक दिगंबर राठोड, सिम्पलताई राठोड, राष्ट्रीय महासचिव प्रा. डॉ. अनिल भाऊ राठोड, राष्ट्रवादी काँग्रेस पक्षाच्या प्रवक्त्या आकाशी जाधव, डॉ. अभय जाधव, कबीरदास महाराज पोरिया गड, कर्नाटकचे आयएएस अनिल राठोड, मध्य प्रदेशचे देवराज नायक, निवृत्त अधिकारी उत्तम चव्हाण, उद्योजक गणेश चव्हाण, देविदास राठोड, विनोद जाधव आणि अरुण राठोड या मान्यवरांची प्रमुख उपस्थिती होती.

रविंद्र सुरडकर गुरव

औरंगाबाद, औरंगाबाद, महाराष्ट्र•

2 hrs ago

छत्रपती संभाजीनगर येथे आयोजित भव्य ऐतिहासिक आरक्षण मेळाव्यात गोरसेनेचे राष्ट्रीय अध्यक्ष प्राध्यापक संदेश भाऊ चव्हाण यांनी राज्य सरकारला थेट इशारा दिला आहे. मुख्यमंत्री देवेंद्र फडणवीस यांनी नेमलेल्या अभ्यास समितीकडून तात्काळ अहवाल घेऊन तो केंद्र सरकारकडे शिफारसीसाठी पाठवावा आणि गोर बंजारा समाजाला एसटी आरक्षण मिळवून देण्यासाठी पावले उचलावीत, अशी मागणी त्यांनी केली आहे. अन्यथा भविष्यात रस्त्यावर उतरून तीव्र लढा उभारला जाईल आणि हे फडणवीस सरकारला परवडणार नाही, असा स्पष्ट इशारा चव्हाण यांनी दिला. गोर बंजारा समाज हा आदिम सभ्यता जपणारा असून अनुसूचित जमातीच्या (एसटी) आरक्षणाचे सर्व निकष पूर्ण करतो, त्यामुळे त्यांना या सवलती लवकरात लवकर लागू कराव्यात या मागणीवर समाज ठाम आहे. या आरक्षणाच्या मागणीसाठी गेल्या वर्षी संपूर्ण

महाराष्ट्रात गोर बंजारा समाजाच्या वतीने ५७ महामोर्चे काढण्यात आले होते. या आंदोलनादरम्यान अनेक तरुणांनी आमरण उपोषण केले आणि किमान ५ तरुणांनी आपल्या प्राणाचे बलिदान दिले, तसेच समृद्धी महामार्गही रोखण्यात आला होता. त्यानंतर सरकारने अनुसूचित जमाती आयोगासाठी अभ्यास समिती नेमली, मात्र सात महिने उलटूनही या समितीने आपला अभ्यास सुरू केलेला नाही. याच शासकीय दिरंगाईमुळे गोर बंजारा आरक्षण कृती समितीने आक्रमक पवित्रा घेत संभाजीनगरमध्ये हा महामेळावा आयोजित केला. या कार्यक्रमाची सुरुवात पारंपारीक निसर्गपूजा म्हणजेच 'जळभोग' लावून आणि भारतीय संविधानाच्या प्रास्ताविकेचे सामूहिक वाचन करून झाली. प्रा. डॉ. दामोदर राठोड हिमायदनगर यांनी कार्यक्रमाचे प्रास्ताविक केले. या मेळाव्यात संपूर्ण महाराष्ट्रातून सुमारे १० हजार समाज बांधव व भगिनी उपस्थित होते आणि त्यांनी भविष्यात

एकजुटीने एसटी आरक्षणासाठी काम करण्याचा निर्धार व्यक्त केला. कार्यक्रमाला विधान परिषदेचे माजी आमदार राजेश भाऊ राठोड, माजी आमदार निलय नाईक, कर्नाटक बिदरचे उद्योजक जयसिंग राठोड, नांदेडच्या शशिकला काशिनाथ राठोड, आरक्षण अभ्यासक प्रा. मोहन भाऊ चव्हाण, निवृत्त माहिती संचालक मोहन भाऊ राठोड, परभणीचे प्रा. डॉ. बबन पवार, कर्नाटकचे माजी न्यायाधीश ॲड. सुभाषचंद्र राठोड, राष्ट्रीय समन्वयक दिगंबर राठोड, सिम्पलताई राठोड, राष्ट्रीय महासचिव प्रा. डॉ. अनिल भाऊ राठोड, राष्ट्रवादी काँग्रेस पक्षाच्या प्रवक्त्या आकाशी जाधव, डॉ. अभय जाधव, कबीरदास महाराज पोरिया गड, कर्नाटकचे आयएएस अनिल राठोड, मध्य प्रदेशचे देवराज नायक, निवृत्त अधिकारी उत्तम चव्हाण, उद्योजक गणेश चव्हाण, देविदास राठोड, विनोद जाधव आणि अरुण राठोड या मान्यवरांची प्रमुख उपस्थिती होती.