ପୁରୀରେ ଚୈତ୍ରମଙ୍ଗଳବାରରେ ମାଆ ଝାଡଶ୍ୱରୀଙ୍କ ପ୍ରଥମ ପାଳି ଝାମୁଯାତ୍ରା ଆରମ୍ଭ। ପୁରୀ, ଚୈତ୍ର କୃଷ୍ଣ ସପ୍ତମୀ ତିଥିରେ ପୁରୀର ଅଧିଷ୍ଠାତ୍ରୀ ଦେବୀ ମାଆ ଝାଡଶ୍ୱରୀଙ୍କ ନିକଟରେ ପ୍ରଥମ ପାଳି ଝାମୁଯାତ୍ରା ଆଜି ଭକ୍ତିମୟ ପରିବେଶରେ ଅନୁଷ୍ଠିତ ହୋଇଛି। ଚୈତ୍ରମଙ୍ଗଳବାର ଅବସରରେ ଆରମ୍ଭ ହୋଇଥିବା ଏହି ପାରମ୍ପରିକ ଯାତ୍ରାରେ ବହୁ ସଂଖ୍ୟକ ମାନସିକ ବ୍ରତଧାରୀ ଓ କାଳେଶୀମାନେ ଅଂଶଗ୍ରହଣ କରିଥିଲେ। ମନ୍ଦିରରୁ ବର୍ଣ୍ଣାଢ୍ୟ ଶୋଭାଯାତ୍ରାରେ ବାହାରି କାଳେଶୀମାନେ ପ୍ରଥମେ ନରେନ୍ଦ୍ରପୁଷ୍କରିଣୀରେ ସ୍ନାନ କରିଥିଲେ। ପରେ ଝୁଣା, ଧୂପ, ଚମ୍ପା ଫୁଲ ଭୋଗ, ଆଳତି ଓ ବନ୍ଦାପନା ପରେ ମାଆ ଝାଡଶ୍ୱରୀଙ୍କ ନିକଟରେ ଥିବା ହରିହର କୁଣ୍ଡରେ କାଳେଶୀମାନେ ସାତ ଘେରା ଚାଲିଥିଲେ। ଏହି ଅବସରରେ ଅନେକ ମାନସିକ ବ୍ରତଧାରୀ ଉପବାସ ରହି ମାଆଙ୍କ ନିକଟରେ ପ୍ରସ୍ତୁତ ନିଆଁ କୁଣ୍ଡ ଉପରେ ଚାଲି ନିଜର ବ୍ରତ ଓ ମାନସିକ ପୂରଣ କରିଥିଲେ। ଆଜିଠାରୁ ମାନସିକ ବ୍ରତଧାରୀମାନେ ମାସେ ପର୍ଯ୍ୟନ୍ତ ନିଷ୍ଠାର ସହିତ ବ୍ରତ ପାଳନ କରିବେ। ଏହା ସହ ଚୈତ୍ର ମାସ ଆରମ୍ଭ ସହିତ ଗଞ୍ଜାମର ପ୍ରସିଦ୍ଧ ଦଣ୍ଡ ଯାତ୍ରା ମଧ୍ୟ ଆରମ୍ଭ ହୋଇଛି। ପୁରୀ ସହରର ପ୍ରତ୍ୟେକ ସାହି ଓ ଗଳିରେ ମହିଳାମାନେ ପନ୍ଥୀ ପୂଜା ନିଷ୍ଠା ଓ ଭକ୍ତିଭାବରେ ପାଳନ କରିଥିଲେ। ପୂଜାରେ କ୍ଷୀର, ମିଠା ଓ ବିଭିନ୍ନ ଭୋଗ ଅର୍ପଣ କରାଯାଇ ମାଆଙ୍କ ନିକଟରେ ପରିବାରର ସୁଖ-ଶାନ୍ତି ଓ ମଙ୍ଗଳ କାମନା କରାଯାଇଥିଲା। ଚୈତ୍ର ମାସରେ ପୁରୀରେ ହେଉଥିବା ଏହି ପାରମ୍ପରିକ ଝାମୁଯାତ୍ରା ଅଞ୍ଚଳର ଏକ ପ୍ରାଚୀନ ଧାର୍ମିକ ପରମ୍ପରା ଭାବେ ପରିଚିତ।

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

7 hrs ago

ପୁରୀରେ ଚୈତ୍ରମଙ୍ଗଳବାରରେ ମାଆ ଝାଡଶ୍ୱରୀଙ୍କ ପ୍ରଥମ ପାଳି ଝାମୁଯାତ୍ରା ଆରମ୍ଭ। ପୁରୀ, ଚୈତ୍ର କୃଷ୍ଣ ସପ୍ତମୀ ତିଥିରେ ପୁରୀର ଅଧିଷ୍ଠାତ୍ରୀ ଦେବୀ ମାଆ ଝାଡଶ୍ୱରୀଙ୍କ ନିକଟରେ ପ୍ରଥମ ପାଳି ଝାମୁଯାତ୍ରା ଆଜି ଭକ୍ତିମୟ ପରିବେଶରେ ଅନୁଷ୍ଠିତ ହୋଇଛି। ଚୈତ୍ରମଙ୍ଗଳବାର ଅବସରରେ ଆରମ୍ଭ ହୋଇଥିବା ଏହି ପାରମ୍ପରିକ ଯାତ୍ରାରେ ବହୁ ସଂଖ୍ୟକ ମାନସିକ ବ୍ରତଧାରୀ ଓ କାଳେଶୀମାନେ

ଅଂଶଗ୍ରହଣ କରିଥିଲେ। ମନ୍ଦିରରୁ ବର୍ଣ୍ଣାଢ୍ୟ ଶୋଭାଯାତ୍ରାରେ ବାହାରି କାଳେଶୀମାନେ ପ୍ରଥମେ ନରେନ୍ଦ୍ରପୁଷ୍କରିଣୀରେ ସ୍ନାନ କରିଥିଲେ। ପରେ ଝୁଣା, ଧୂପ, ଚମ୍ପା ଫୁଲ ଭୋଗ, ଆଳତି ଓ ବନ୍ଦାପନା ପରେ ମାଆ ଝାଡଶ୍ୱରୀଙ୍କ ନିକଟରେ ଥିବା ହରିହର କୁଣ୍ଡରେ କାଳେଶୀମାନେ ସାତ ଘେରା ଚାଲିଥିଲେ। ଏହି ଅବସରରେ ଅନେକ ମାନସିକ ବ୍ରତଧାରୀ ଉପବାସ ରହି ମାଆଙ୍କ ନିକଟରେ ପ୍ରସ୍ତୁତ

ନିଆଁ କୁଣ୍ଡ ଉପରେ ଚାଲି ନିଜର ବ୍ରତ ଓ ମାନସିକ ପୂରଣ କରିଥିଲେ। ଆଜିଠାରୁ ମାନସିକ ବ୍ରତଧାରୀମାନେ ମାସେ ପର୍ଯ୍ୟନ୍ତ ନିଷ୍ଠାର ସହିତ ବ୍ରତ ପାଳନ କରିବେ। ଏହା ସହ ଚୈତ୍ର ମାସ ଆରମ୍ଭ ସହିତ ଗଞ୍ଜାମର ପ୍ରସିଦ୍ଧ ଦଣ୍ଡ ଯାତ୍ରା ମଧ୍ୟ ଆରମ୍ଭ ହୋଇଛି। ପୁରୀ ସହରର ପ୍ରତ୍ୟେକ ସାହି ଓ ଗଳିରେ ମହିଳାମାନେ

ପନ୍ଥୀ ପୂଜା ନିଷ୍ଠା ଓ ଭକ୍ତିଭାବରେ ପାଳନ କରିଥିଲେ। ପୂଜାରେ କ୍ଷୀର, ମିଠା ଓ ବିଭିନ୍ନ ଭୋଗ ଅର୍ପଣ କରାଯାଇ ମାଆଙ୍କ ନିକଟରେ ପରିବାରର ସୁଖ-ଶାନ୍ତି ଓ ମଙ୍ଗଳ କାମନା କରାଯାଇଥିଲା। ଚୈତ୍ର ମାସରେ ପୁରୀରେ ହେଉଥିବା ଏହି ପାରମ୍ପରିକ ଝାମୁଯାତ୍ରା ଅଞ୍ଚଳର ଏକ ପ୍ରାଚୀନ ଧାର୍ମିକ ପରମ୍ପରା ଭାବେ ପରିଚିତ।