कर्जत: दारूच्या नशेत पत्नीला काठीने मारहाण; कोयत्याने जीवे मारण्याची धमकी कर्जत तालुक्यातील कोरेगाव परिसरातील मुरकुटवाडी येथे दारूच्या नशेत पतीने पत्नीला काठीने मारहाण करून शिवीगाळ केली तसेच कोयत्याने जीवे मारण्याची धमकी दिल्याप्रकरणी कर्जत पोलीस ठाण्यात गुन्हा दाखल करण्यात आला आहे. या प्रकरणी छकुली आकाश बर्डे (वय २१, रा. मुरकुटवाडी, कोरेगाव, ता. कर्जत) यांनी फिर्याद दिली असून, आकाश रामदास बर्डे (रा. अंबळनेर, ता. पाटोदा, जि. बीड) याच्याविरुद्ध भारतीय न्याय संहितेच्या कलम ११८(१), ३५२ आणि ३५१(२) अन्वये गुन्हा नोंदविण्यात आला आहे. फिर्यादीच्या म्हणण्यानुसार, त्यांचा विवाह आकाश रामदास बर्डे याच्यासोबत झाला असून, त्याला दारूचे व्यसन आहे. दारू पिल्यानंतर तो मारहाण करत असल्याने त्या गेल्या दोन-तीन वर्षांपासून आपल्या दोन मुलांसह माहेरी मुरकुटवाडी येथे राहत आहेत. आरोपी मागील चार महिन्यांपासून फिर्यादीकडे राहत असल्याचेही फिर्यादीत नमूद करण्यात आले आहे. ११ सप्टेंबर रोजी दुपारी दोनच्या सुमारास आरोपी दारू पिऊन घरी आला. त्याने फिर्यादीच्या फोनपे खात्यावर बाबासाहेब मारुती बर्डे यांनी पैसे का पाठवले, अशी विचारणा करत मारहाण करण्यास सुरुवात केली. हे पैसे भावाच्या कामाचे असल्याचे सांगितल्यानंतर आरोपीने रागाच्या भरात हातातील काठीने मारहाण केली. त्यानंतर दुसऱ्या हातात कोयता घेऊन शिवीगाळ करत, पैसे परत न दिल्यास जीवे मारण्याची धमकी दिल्याचे फिर्यादीत म्हटले आहे. मारहाण सुरू असताना फिर्यादीचा मेव्हणा राम पवार हा सोडविण्यासाठी आला. त्यालाही आरोपीने जीवे मारण्याची धमकी दिल्याचे फिर्यादीत नमूद आहे. या घटनेनंतर छकुली बर्डे यांनी आकाश रामदास बर्डे याच्याविरुद्ध कर्जत पोलीस ठाण्यात फिर्याद दिली. त्यानुसार १२ सप्टेंबर रोजी गुन्हा दाखल करण्यात आला.

कर्जत लाईव्ह

Advertising agency कर्जत, अहमदनगर, महाराष्ट्र•

5 hrs ago

कर्जत: दारूच्या नशेत पत्नीला काठीने मारहाण; कोयत्याने जीवे मारण्याची धमकी कर्जत तालुक्यातील कोरेगाव परिसरातील मुरकुटवाडी येथे दारूच्या नशेत पतीने पत्नीला काठीने मारहाण करून शिवीगाळ केली तसेच कोयत्याने जीवे मारण्याची धमकी दिल्याप्रकरणी कर्जत पोलीस ठाण्यात गुन्हा दाखल करण्यात आला आहे. या प्रकरणी छकुली आकाश बर्डे (वय २१, रा. मुरकुटवाडी, कोरेगाव, ता. कर्जत) यांनी फिर्याद दिली असून, आकाश रामदास बर्डे (रा. अंबळनेर, ता. पाटोदा, जि. बीड) याच्याविरुद्ध भारतीय न्याय संहितेच्या कलम ११८(१), ३५२ आणि ३५१(२) अन्वये गुन्हा नोंदविण्यात आला आहे. फिर्यादीच्या म्हणण्यानुसार, त्यांचा विवाह आकाश रामदास बर्डे याच्यासोबत झाला असून, त्याला दारूचे व्यसन आहे. दारू पिल्यानंतर तो मारहाण करत असल्याने त्या गेल्या दोन-तीन वर्षांपासून आपल्या दोन मुलांसह माहेरी मुरकुटवाडी येथे राहत आहेत. आरोपी मागील चार महिन्यांपासून फिर्यादीकडे राहत असल्याचेही फिर्यादीत नमूद करण्यात आले आहे. ११ सप्टेंबर रोजी दुपारी दोनच्या सुमारास आरोपी दारू पिऊन घरी आला. त्याने फिर्यादीच्या फोनपे खात्यावर बाबासाहेब मारुती बर्डे यांनी पैसे का पाठवले, अशी विचारणा करत मारहाण करण्यास सुरुवात केली. हे पैसे भावाच्या कामाचे असल्याचे सांगितल्यानंतर आरोपीने रागाच्या भरात हातातील काठीने मारहाण केली. त्यानंतर दुसऱ्या हातात कोयता घेऊन शिवीगाळ करत, पैसे परत न दिल्यास जीवे मारण्याची धमकी दिल्याचे फिर्यादीत म्हटले आहे. मारहाण सुरू असताना फिर्यादीचा मेव्हणा राम पवार हा सोडविण्यासाठी आला. त्यालाही आरोपीने जीवे मारण्याची धमकी दिल्याचे फिर्यादीत नमूद आहे. या घटनेनंतर छकुली बर्डे यांनी आकाश रामदास बर्डे याच्याविरुद्ध कर्जत पोलीस ठाण्यात फिर्याद दिली. त्यानुसार १२ सप्टेंबर रोजी गुन्हा दाखल करण्यात आला.