*నియోజకవర్గాల వారీగా '99 రోజుల ప్రగతి ప్రణాళిక'పై కలెక్టర్ రాజర్షి షా సమీక్ష* పత్రికా ప్రకటన ఏప్రిల్ 30, 2026_ఆదిలాబాదు: జిల్లాలో చేపట్టిన '99 రోజుల ప్రగతి ప్రణాళిక' పనులను నిర్దేశించిన గడువులోగా పూర్తి చేయాలని జిల్లా కలెక్టర్ రాజర్షి షా అధికారులను ఆదేశించారు. గురువారం కలెక్టరేట్ సమావేశ మందిరంలో నియోజకవర్గాల వారీగా సంబంధిత శాఖల అధికారులతో ఆయన ప్రత్యేక సమీక్షా సమావేశం నిర్వహించారు. ఈ సందర్భంగా ప్రతి నియోజకవర్గంలో జరుగుతున్న పనుల పురోగతిని, నిధుల వినియోగం పై సమీక్షించి మాట్లాడుతూ, ప్రగతి ప్రణాళికలో భాగంగా చేపట్టిన ప్రతి పనిని అత్యంత ప్రాధాన్యతతో పూర్తి చేయాలని, ఇందులో ఎలాంటి జాప్యాన్ని సహించబోమని స్పష్టం చేశారు. నియోజకవర్గ స్థాయి అధికారులు క్షేత్రస్థాయిలో పర్యటించి పనులను నిరంతరం పర్యవేక్షించాలని సూచించారు. ముఖ్యంగా పెండింగ్‌లో ఉన్న సివిల్ పనులు, డ్రైనేజీ వ్యవస్థ, వీధి దీపాల ఏర్పాటు, పారిశుద్ధ్య పనులపై ప్రత్యేక దృష్టి సారించాలని అధికారులకు దిశానిర్దేశం చేశారు. ప్రజలకు మెరుగైన మౌలిక సదుపాయాలు కల్పించడమే ఈ ప్రణాళిక ముఖ్య ఉద్దేశమని, ప్రజల నుంచి వచ్చే ఫిర్యాదులను తక్షణమే పరిష్కరించాలన్నారు. పనుల నాణ్యత విషయంలో రాజీ పడకూడదని హెచ్చరిస్తూ, ప్రభుత్వ లక్ష్యాలకు అనుగుణంగా అధికారులు సమన్వయంతో పని చేసి జిల్లాను ప్రగతి పథంలో నిలపాలని పిలుపునిచ్చారు. ఈ సమావేశంలో అదనపు కలెక్టర్లు ఆర్.ఎస్. చిత్రు, రాజేశ్వర్, ఆర్డీవో జగదీశ్వర్ రావు, డీఆర్‌డీఏ పీడీ రవీందర్, వివిధ శాఖల అధికారులు, సిబ్బంది, తదితరులు పాల్గొన్నారు.

M.RAJKIRAN REDDY

Adilabad Rural, Telangana•

14 hrs ago

*నియోజకవర్గాల వారీగా '99 రోజుల ప్రగతి ప్రణాళిక'పై కలెక్టర్ రాజర్షి షా సమీక్ష* పత్రికా ప్రకటన ఏప్రిల్ 30, 2026_ఆదిలాబాదు: జిల్లాలో చేపట్టిన '99 రోజుల ప్రగతి ప్రణాళిక' పనులను నిర్దేశించిన గడువులోగా పూర్తి చేయాలని జిల్లా కలెక్టర్ రాజర్షి షా అధికారులను ఆదేశించారు. గురువారం కలెక్టరేట్ సమావేశ మందిరంలో నియోజకవర్గాల వారీగా సంబంధిత శాఖల అధికారులతో ఆయన ప్రత్యేక సమీక్షా సమావేశం నిర్వహించారు. ఈ సందర్భంగా ప్రతి నియోజకవర్గంలో జరుగుతున్న పనుల పురోగతిని, నిధుల వినియోగం పై సమీక్షించి మాట్లాడుతూ, ప్రగతి ప్రణాళికలో భాగంగా చేపట్టిన ప్రతి పనిని అత్యంత ప్రాధాన్యతతో పూర్తి చేయాలని, ఇందులో ఎలాంటి జాప్యాన్ని సహించబోమని స్పష్టం చేశారు. నియోజకవర్గ స్థాయి అధికారులు

క్షేత్రస్థాయిలో పర్యటించి పనులను నిరంతరం పర్యవేక్షించాలని సూచించారు. ముఖ్యంగా పెండింగ్‌లో ఉన్న సివిల్ పనులు, డ్రైనేజీ వ్యవస్థ, వీధి దీపాల ఏర్పాటు, పారిశుద్ధ్య పనులపై ప్రత్యేక దృష్టి సారించాలని అధికారులకు దిశానిర్దేశం చేశారు. ప్రజలకు మెరుగైన మౌలిక సదుపాయాలు కల్పించడమే ఈ ప్రణాళిక ముఖ్య ఉద్దేశమని, ప్రజల నుంచి వచ్చే ఫిర్యాదులను తక్షణమే పరిష్కరించాలన్నారు. పనుల నాణ్యత విషయంలో రాజీ పడకూడదని హెచ్చరిస్తూ, ప్రభుత్వ లక్ష్యాలకు అనుగుణంగా అధికారులు సమన్వయంతో పని చేసి జిల్లాను ప్రగతి పథంలో నిలపాలని పిలుపునిచ్చారు. ఈ సమావేశంలో అదనపు కలెక్టర్లు ఆర్.ఎస్. చిత్రు, రాజేశ్వర్, ఆర్డీవో జగదీశ్వర్ రావు, డీఆర్‌డీఏ పీడీ రవీందర్, వివిధ శాఖల అధికారులు, సిబ్బంది, తదితరులు పాల్గొన్నారు.