ଖୋର୍ଦ୍ଧା ଜିଲ୍ଲାର ଟାଙ୍ଗୀ ଥାନା ଅନ୍ତର୍ଗତ ସୁନ୍ଦରପୁର ଗ୍ରାମ ପଞ୍ଚାୟତର ଜଗଦଳା ତାଲାବରେ ଗାଧୋଉଥିବା ବେଳେ ଜଣେ ୧୪ ବର୍ଷୀୟ ନାବାଳକର ଦୁଃଖଦ ମୃତ୍ୟୁ ଘଟିଛି। ୨୮.୦୬.୨୬ ତାରିଖରେ ଘଟିଥିବା ଏହି ଘଟଣାରେ ଗରମରୁ ରକ୍ଷା ପାଇଁ ତାଲାବରେ ଗାଧୋଇବାକୁ ଯାଇଥିବା ଏହି ନାବାଳକ ଅକାଳରେ ନିଜ ଜୀବନ ହରାଇଛି। ସୂଚନାନୁସାରେ, ତାଲାବରେ ତିନିଜଣ ନାବାଳକ ଏକାଠି ଗାଧୋଉଥିଲେ, ଯେଉଁଥିରୁ ଜଣେ ବୁଡ଼ିଯାଇଥିଲା। ସ୍ଥାନୀୟ ଲୋକେ ଉଦ୍ଧାର କରିବାକୁ ଚେଷ୍ଟା କରି ବିଫଳ ହେବା ପରେ ଟାଙ୍ଗୀ ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇଁ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ବୁଡ଼ିଯାଇଥିବା ନାବାଳକଙ୍କୁ ତାଲାବରୁ ଉଦ୍ଧାର କରିଥିଲା। ଉଦ୍ଧାର ପରେ ତାଙ୍କୁ ତୁରନ୍ତ ଟାଙ୍ଗୀ ସାମୁଦାୟିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା, ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତ ନାବାଳକଙ୍କ ନାମ ନିରଞ୍ଜନ ସେଠ ଏବଂ ତାଙ୍କ ବୟସ ୧୪ ବର୍ଷ ବୋଲି ଜଣାପଡ଼ିଛି। ତାଙ୍କ ପିତାଙ୍କ ନାମ ସଞ୍ଜୟ କୁମାର ସେଠ ଏବଂ ସେ ସୁନ୍ଦରପୁରର ଚାର ମକାନ ପଟ୍ଟନା ଅଞ୍ଚଳର ବାସିନ୍ଦା। ନିରଞ୍ଜନ ନିଜ ମାତାପିତାଙ୍କର ଏକମାତ୍ର ସନ୍ତାନ ଥିଲେ। ଏହି ଘଟଣା ପରେ ନିରଞ୍ଜନଙ୍କ ପିତା ସଞ୍ଜୟ ସେଠଙ୍କ ମାନସିକ ସନ୍ତୁଳନ ବିଗିଡ଼ି ଯାଇଥିବା କଥା ଜଣାପଡ଼ିଛି। ଖବର ପାଇ ଟାଙ୍ଗୀ ପୋଲିସ ଶବକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି।

Santosh Nayak PRESS

Local News Reporter Balangir, Odisha•

1 hr ago

ଖୋର୍ଦ୍ଧା ଜିଲ୍ଲାର ଟାଙ୍ଗୀ ଥାନା ଅନ୍ତର୍ଗତ ସୁନ୍ଦରପୁର ଗ୍ରାମ ପଞ୍ଚାୟତର ଜଗଦଳା ତାଲାବରେ ଗାଧୋଉଥିବା ବେଳେ ଜଣେ ୧୪ ବର୍ଷୀୟ ନାବାଳକର ଦୁଃଖଦ ମୃତ୍ୟୁ ଘଟିଛି। ୨୮.୦୬.୨୬ ତାରିଖରେ ଘଟିଥିବା ଏହି ଘଟଣାରେ ଗରମରୁ ରକ୍ଷା ପାଇଁ ତାଲାବରେ ଗାଧୋଇବାକୁ ଯାଇଥିବା ଏହି ନାବାଳକ ଅକାଳରେ ନିଜ ଜୀବନ ହରାଇଛି। ସୂଚନାନୁସାରେ, ତାଲାବରେ ତିନିଜଣ ନାବାଳକ ଏକାଠି ଗାଧୋଉଥିଲେ, ଯେଉଁଥିରୁ ଜଣେ ବୁଡ଼ିଯାଇଥିଲା। ସ୍ଥାନୀୟ ଲୋକେ ଉଦ୍ଧାର କରିବାକୁ ଚେଷ୍ଟା କରି ବିଫଳ ହେବା ପରେ ଟାଙ୍ଗୀ ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇଁ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ବୁଡ଼ିଯାଇଥିବା ନାବାଳକଙ୍କୁ ତାଲାବରୁ ଉଦ୍ଧାର କରିଥିଲା। ଉଦ୍ଧାର ପରେ ତାଙ୍କୁ ତୁରନ୍ତ ଟାଙ୍ଗୀ ସାମୁଦାୟିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା, ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତ ନାବାଳକଙ୍କ ନାମ ନିରଞ୍ଜନ ସେଠ ଏବଂ ତାଙ୍କ ବୟସ ୧୪ ବର୍ଷ ବୋଲି ଜଣାପଡ଼ିଛି। ତାଙ୍କ ପିତାଙ୍କ ନାମ ସଞ୍ଜୟ କୁମାର ସେଠ ଏବଂ ସେ ସୁନ୍ଦରପୁରର ଚାର ମକାନ ପଟ୍ଟନା ଅଞ୍ଚଳର ବାସିନ୍ଦା। ନିରଞ୍ଜନ ନିଜ ମାତାପିତାଙ୍କର ଏକମାତ୍ର ସନ୍ତାନ ଥିଲେ। ଏହି ଘଟଣା ପରେ ନିରଞ୍ଜନଙ୍କ ପିତା ସଞ୍ଜୟ ସେଠଙ୍କ ମାନସିକ ସନ୍ତୁଳନ ବିଗିଡ଼ି ଯାଇଥିବା କଥା ଜଣାପଡ଼ିଛି। ଖବର ପାଇ ଟାଙ୍ଗୀ ପୋଲିସ ଶବକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି।