સુરતના સરથાણા વિસ્તારમાં એક જાણીતી બ્રાન્ડના નકલી સાબુ બનાવતી ફેક્ટરીનો પર્દાફાશ કરવામાં આવ્યો છે, જેને ડુપ્લીકેશનનો મુખ્ય અડ્ડો ગણાવવામાં આવ્યો છે. આ કાર્યવાહી દરમિયાન, નકલી સાબુ બનાવવા માટે ઉપયોગમાં લેવાતી ડાઈ, તૈયાર નકલી સાબુ, તેમજ તેના સ્ટીકરો અને કવર સહિત કુલ ₹6.67 લાખ રૂપિયાની કિંમતનો મુદ્દામાલ જપ્ત કરવામાં આવ્યો હતો.

સુરત જિલ્લાના પલસાણા તાલુકામાં કાયદો અને વ્યવસ્થા વધુ મજબૂત કરવા તથા ગુનાખોરી અને અસામાજિક પ્રવૃત્તિઓ પર નિયંત્રણ લાવવાના હેતુથી પલસાણા પોલીસે જોલવા સહિતના વિસ્તારોમાં મેગા કોમ્બિંગ ઓપરેશન હાથ ધર્યું હતું. સુરત જિલ્લા પોલીસ વડાની સૂચના હેઠળ, પલસાણા પોલીસ મથકના પોલીસ ઇન્સ્પેક્ટર (PI) ભગવાનભાઈ ઝીલેરિયાના માર્ગદર્શનમાં આ ઓપરેશન યોજાયું હતું, જેમાં પોલીસ સબ ઇન્સ્પેક્ટર અજયપાલસિંહ રાઉલજી, નિરંજનાબેન એન. ગામિત, ડી. એચ. રાઠોડ સહિતના અધિકારીઓ અને સ્ટાફ જોડાયા હતા. પોલીસની જુદી-જુદી ટીમોએ જોલવા ગામના રહેણાંક વિસ્તારો, એપાર્ટમેન્ટ્સ, હાઈરાઈઝ બિલ્ડિંગો અને મોટી સંખ્યામાં પરપ્રાંતીય શ્રમિકો રહેતા ફ્લેટ્સમાં અચાનક ચેકિંગ હાથ ધર્યું હતું. પોલીસ કર્મચારીઓએ રૂબરૂ પહોંચી રહેવાસીઓની ઓળખની ખાતરી કરી આધાર કાર્ડ સહિતના જરૂરી ઓળખપત્રોની ચકાસણી કરી હતી. આ કોમ્બિંગ દરમિયાન, પોલીસે શંકાસ્પદ જણાતા 20થી વધુ વાહનો ડિટેઇન કર્યા અને તેમની માલિકી, દસ્તાવેજો તથા અન્ય વિગતોની તપાસ શરૂ કરી હતી. આ ઉપરાંત, મકાન માલિકોએ ભાડુઆતોની ફરજિયાત પોલીસ નોંધણી કરાવી છે કે નહીં તેની પણ સઘન તપાસ કરવામાં આવી હતી. જ્યાં નિયમ મુજબ ભાડુઆતોનું રજિસ્ટ્રેશન નહોતું અથવા જરૂરી દસ્તાવેજી પુરાવાઓ ઉપલબ્ધ નહોતા, ત્યાં સંબંધિત મકાન માલિકો સામે કાયદેસરની કાર્યવાહી હાથ ધરવામાં આવી હતી. પલસાણા પોલીસે પરપ્રાંતીય શ્રમિકોની વધુ વસતી ધરાવતા કારેલી, દસ્તાન, બગુમરા અને જોલવા સહિતના વિસ્તારોમાં આ વિશેષ ઝુંબેશ ચલાવી હતી. આ અભિયાનનો મુખ્ય ઉદ્દેશ ચોરી, શરીર સંબંધિત ગુનાઓ, સાયબર ફ્રોડ સહિતના વિવિધ ગુનાઓને અટકાવવાનો તેમજ સ્થાનિક નાગરિકો અને શ્રમિકોમાં કાયદાકીય જાગૃતિ લાવવાનો હતો. પોલીસે એક સાથે વિવિધ વિસ્તારોમાં કોમ્બિંગ ઓપરેશન યોજી ગુનાખોરી સામે કડક સંદેશો આપ્યો હતો. પોલીસના જણાવ્યા મુજબ, વિસ્તારમાં કોઈ અજાણી કે શંકાસ્પદ વ્યક્તિ આશરો ન મેળવી શકે તેમજ કાયદો અને વ્યવસ્થાનો ભંગ ન થાય તે માટે આવા સરપ્રાઈઝ કોમ્બિંગ ઓપરેશન આગામી દિવસોમાં પણ ચાલુ રહેશે. મોડી રાત્રે અને વહેલી સવારે પોલીસની અચાનક કાર્યવાહીના કારણે અસામાજિક તત્વોમાં ફફડાટ વ્યાપ્યો હતો, જ્યારે કાયદાનું પાલન કરતા સ્થાનિક નાગરિકોએ પોલીસની આ કામગીરીને આવકારી સુરક્ષાની લાગણી વ્યક્ત કરી હતી. પલસાણા પોલીસનું આ મેગા કોમ્બિંગ ઓપરેશન માત્ર ચેકિંગ પૂરતું મર્યાદિત ન રહેતા, ગુનાખોરી રોકવા, કાયદાનું પાલન સુનિશ્ચિત કરવા અને લોકોમાં પોલીસ પ્રત્યે વિશ્વાસ વધારવાની દિશામાં એક મહત્વપૂર્ણ પગલું સાબિત થયું છે.

સુરતના સરથાણા વિસ્તારમાં એક જાણીતી બ્રાન્ડના નકલી સાબુ બનાવતી ફેક્ટરીનો પર્દાફાશ કરવામાં આવ્યો છે, જેને ડુપ્લીકેશનનો મુખ્ય અડ્ડો ગણાવવામાં આવ્યો છે. આ કાર્યવાહી દરમિયાન, નકલી સાબુ બનાવવા માટે ઉપયોગમાં લેવાતી ડાઈ, તૈયાર નકલી સાબુ, તેમજ તેના સ્ટીકરો અને કવર સહિત કુલ ₹6.67 લાખ રૂપિયાની કિંમતનો મુદ્દામાલ જપ્ત કરવામાં આવ્યો હતો.

સુરત ગ્રામ્યની કડોદરા GIDC પોલીસ સ્ટેશનની ટીમે રસ્તા પર ચાલતા રાહદારીઓ પાસેથી મોબાઈલ આંચકી લેતી (સ્નેચિંગ કરતી) ગેંગના બે રીઢા સાગરીતોને મુદ્દામાલ સાથે દબોચી લીધા છે. પોલીસે આરોપીઓ પાસેથી અલગ-અલગ કંપનીના કુલ ૨૫ નંગ મોબાઈલ ફોન અને એક મોટરસાયકલ મળીને કુલ રૂપિયા ૩,૨૦,૧૯૮/-નો મુદ્દામાલ કબજે કર્યો છે. આ સફળતાને કારણે કડોદરા, કામરેજ અને પાલોદ વિસ્તારના કુલ ૦૭ વણશોધાયેલા ગુનાઓનો ભેદ ઉકેલાયો છે.

સુરત કડોદરા પોલીસ સ્ટેશન વિસ્તારમાં મોબાઈલ સ્નેચિંગ કરતા એક જૂથના બે સભ્યોની ધરપકડ કરવામાં આવી છે.

સુરત શહેરમાં POCSO કેસના એક આરોપીની ધરપકડ કરવામાં આવી છે. આ કાર્યવાહી અડાજન પોલીસે કરી હતી, જેમણે ગણતરીના કલાકોમાં જ આરોપીને દબોચી લીધો હતો.

સુરત વિભાગના પોલીસ મહાનિરીક્ષક (IGP) પ્રેમવીર સિંહના અધ્યક્ષસ્થાને કામરેજ તાલુકાના વાવ ગામ સ્થિત શ્રી વશિષ્ઠ વિદ્યાલય ખાતે ગુજરાત પોલીસના "તેરા તુજકો અર્પણ" કાર્યક્રમનું આયોજન કરવામાં આવ્યું હતું. આ કાર્યક્રમનો મુખ્ય હેતુ ગુમ થયેલા તથા ચોરી થયેલા મોબાઇલ ફોન તેમના અસલ માલિકોને પરત સોંપવાનો હતો. આ પહેલ હેઠળ, સુરત ગ્રામ્ય જિલ્લાના વિવિધ પોલીસ સ્ટેશનોમાં નોંધાયેલા ગુમ અને ચોરી થયેલા કુલ 222 મોબાઇલ ફોન CEIR (Central Equipment Identity Register) પોર્ટલની મદદથી શોધી કાઢવામાં આવ્યા હતા. સુરત ગ્રામ્ય એલ.સી.બી.ની ટેક્નિકલ ટીમ અને તમામ પોલીસ સ્ટેશનના અધિકારીઓના સંયુક્ત પ્રયાસોથી આ કામગીરી સફળ રહી હતી. શોધી કાઢવામાં આવેલા આ મોબાઇલ ફોનની અંદાજિત કિંમત ₹42,84,917 થાય છે, અને તે તમામ ફોન તેમના વાસ્તવિક માલિકોને પરત કરવામાં આવ્યા હતા. આ કાર્યક્રમમાં સુરત ગ્રામ્ય પોલીસ અધિક્ષક રાજેશ ગઢિયા પણ ઉપસ્થિત રહ્યા હતા. તેમણે પોલીસની ટેક્નિકલ કામગીરી અને CEIR પોર્ટલના અસરકારક ઉપયોગને કારણે મોટી સંખ્યામાં લોકોની કિંમતી મિલકત પરત અપાવવામાં સફળતા મળી હોવાનું જણાવ્યું હતું. આ સંપૂર્ણ કામગીરી સુરત ગ્રામ્ય એલ.સી.બી.ના ટેક્નિકલ સેલ તથા જિલ્લાના તમામ પોલીસ સ્ટેશનના અધિકારીઓ અને કર્મચારીઓના સંયુક્ત પ્રયાસોથી સફળતાપૂર્વક પૂર્ણ થઈ હતી, જે સુરત ગ્રામ્ય પોલીસની એક મોટી સફળતા દર્શાવે છે.

સુરત સિવિલ હોસ્પિટલમાં ડિજિટલ પેમેન્ટની સુવિધાના અભાવને કારણે દર્દીઓને ભારે મુશ્કેલીનો સામનો કરવો પડી રહ્યો છે. ડિજિટલ પેમેન્ટની આ કમીને લીધે, દર્દીઓને હોસ્પિટલમાં ખુલ્લા પૈસા મેળવવા માટે પણ પરેશાન થવું પડે છે.

સુરતમાં લિંબાયત પોલીસ દ્વારા સઘન વાહન ચેકિંગ અને પેટ્રોલિંગ દરમિયાન સંજયનગર સર્કલ પાસેથી એક શંકાસ્પદ ઈસમને તીક્ષ્ણ ચપ્પુ સાથે રંગેહાથ ઝડપી પાડવામાં આવ્યો હતો. આ ચેકિંગ કાર્યવાહીનો એક લાઈવ વિડીયો પણ સામે આવ્યો છે. પકડાયેલ આરોપીનું નામ ચેતન સંજય પાટીલ છે, જેની પોલીસે અટકાયત કરીને તેની વિરૂદ્ધ કાયદેસરની કાર્યવાહી હાથ ધરી છે.