मानोरा तालुक्यातील शिवाजीनगर धामणी येथील बालयोगी प.हं. सोनपाकु उर्फ पप्पी महाराज संस्थान यांच्या वतीने पूज्य सोनपाकु महाराज यांच्या पुण्यतिथीनिमित्त संगीतमय भागवत कथेचे आयोजन करण्यात आले आहे. या कथेच्या दुसऱ्या दिवशी, २० जून रोजी मुख्य प्रवक्ते प्रसिद्ध भागवताचार्य ह.भ.प. विशाल महाराज चौधरी यांनी कर्म, दानधर्म आणि संतसेवेचे महत्त्व समजावून सांगितले. त्यांनी महाभारतातील भीष्माचार्यांचे उदाहरण देत, माणसाला आपल्या कर्माचे फळ भोगावे लागते आणि आपण कोणाचे अन्न खातो यावर आपले विचार अवलंबून असतात असे स्पष्ट केले. दुष्टांचे अन्न खाल्ल्याने बुद्धीही तशीच दूषित होते, तसेच दुसऱ्याचे पैसे बुडवून मंदिरात किंवा इतरत्र केलेल्या दानाचे कोणतेही पुण्य मिळत नाही, असेही त्यांनी सांगितले. सेवा हाच सर्वात मोठा धर्म असून संतांची सेवा कधीही वाया जात नाही, असेही त्यांचे प्रतिपादन होते. या कथेला गायनाचार्य ह.भ.प. गजानन पाटील (मंगरूळपीर), तबलावादक ह.भ.प. पंकज महल्ले (तळेगाव) आणि ऑर्गन वादक ह.भ.प. शशिकांत राठोड (यवतमाळ) यांनी सुमधुर संगीत साथ दिली, ज्यामुळे कथा श्रवणात अधिक रंग भरला. महोत्सवादरम्यान महिला भजनांचेही विशेष आयोजन करण्यात आले आहे. यात्रा महोत्सवाचा मुख्य दिवस २६ जून २०२६ (शुक्रवार) रोजी साजरा होणार असून, सकाळी ७ ते दुपारी १ वाजेदरम्यान धामणी गावातून पूज्य महाराजांची भव्य पालखी मिरवणूक काढण्यात येईल. दुपारी २ वाजता सप्ताहाची सांगता व काल्याचे भव्य कीर्तन आयोजित करण्यात आले आहे, तर दुपारी ३ वाजता भाविकांसाठी महाप्रसादाचे वाटप केले जाईल. बालयोगी सोनपाकु महाराज संस्थानच्या वतीने परिसरातील सर्व भाविकांनी या धार्मिक सोहळ्यासह महाप्रसादाचा लाभ घेण्यासाठी मोठ्या संख्येने उपस्थित राहावे, असे आवाहन करण्यात आले आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

8 hrs ago

मानोरा तालुक्यातील शिवाजीनगर धामणी येथील बालयोगी प.हं. सोनपाकु उर्फ पप्पी महाराज संस्थान यांच्या वतीने पूज्य सोनपाकु महाराज यांच्या पुण्यतिथीनिमित्त संगीतमय भागवत कथेचे आयोजन करण्यात आले आहे. या कथेच्या दुसऱ्या दिवशी, २० जून रोजी मुख्य प्रवक्ते प्रसिद्ध भागवताचार्य ह.भ.प. विशाल महाराज चौधरी यांनी कर्म, दानधर्म आणि संतसेवेचे महत्त्व समजावून सांगितले. त्यांनी महाभारतातील भीष्माचार्यांचे उदाहरण देत, माणसाला आपल्या कर्माचे फळ भोगावे लागते आणि आपण कोणाचे अन्न खातो यावर आपले विचार अवलंबून असतात असे स्पष्ट केले. दुष्टांचे अन्न खाल्ल्याने बुद्धीही तशीच दूषित होते, तसेच दुसऱ्याचे पैसे बुडवून मंदिरात किंवा इतरत्र केलेल्या दानाचे कोणतेही पुण्य मिळत नाही, असेही त्यांनी सांगितले. सेवा हाच सर्वात मोठा धर्म असून संतांची सेवा कधीही वाया जात नाही, असेही त्यांचे प्रतिपादन होते. या कथेला गायनाचार्य ह.भ.प. गजानन पाटील (मंगरूळपीर), तबलावादक ह.भ.प. पंकज महल्ले (तळेगाव) आणि ऑर्गन वादक ह.भ.प. शशिकांत राठोड (यवतमाळ) यांनी सुमधुर संगीत साथ दिली, ज्यामुळे कथा श्रवणात अधिक रंग भरला. महोत्सवादरम्यान महिला भजनांचेही विशेष आयोजन करण्यात आले आहे. यात्रा महोत्सवाचा मुख्य दिवस २६ जून २०२६ (शुक्रवार) रोजी साजरा होणार असून, सकाळी ७ ते दुपारी १ वाजेदरम्यान धामणी गावातून पूज्य महाराजांची भव्य पालखी मिरवणूक काढण्यात येईल. दुपारी २ वाजता सप्ताहाची सांगता व काल्याचे भव्य कीर्तन आयोजित करण्यात आले आहे, तर दुपारी ३ वाजता भाविकांसाठी महाप्रसादाचे वाटप केले जाईल. बालयोगी सोनपाकु महाराज संस्थानच्या वतीने परिसरातील सर्व भाविकांनी या धार्मिक सोहळ्यासह महाप्रसादाचा लाभ घेण्यासाठी मोठ्या संख्येने उपस्थित राहावे, असे आवाहन करण्यात आले आहे.