स्वछतेचे अनेक पुरस्कार घेऊनही.. येथील मुलींची, काट्यातून जाते शाळेची वाट.! 📌 स्वछतेचे अनेक पुरस्कार घेऊनही.. येथील मुलींची, काट्यातून जाते शाळेची वाट.! 📌 काही अनुचित प्रकार घडल्यास जबाबदार कोण.? 📌 रक्षाबंधनाचे निमित्ताने आप्पासाहेब ढूस यांचा नगरपरिषदेला खडा सवाल.. देवळाली प्रवरा : प्रतिनिधी देवळाली प्रवरा नगरपालिकेच्या हद्दीत विकास आराखडा आणि भूमिअभिलेखाच्या नकाशावर अस्तित्वात असलेले श्री त्रिंबकराज स्वामी मंदिरापासून ते गणिभाई स्वा मिल मार्गे मराठी व माध्यमिक विद्यालयाकडे जाणारे सर्व रस्ते प्रत्यक्षात मात्र गायब झाल्याने शाळकरी मुला मुलींना काट्यातून शाळेची वाट शोधावी लागत आहे. आणि जर या काट्यात लहान मुले आणि मुलींबरोबर काही अनुचित प्रकार झाला तर त्याला जबाबदार कोण? असा खडा सवाल सामाजिक कार्यकर्ते आप्पसाहेब ढूस यांनी रक्षा बंधनाच्या निमित्ताने नगरपरिषदेला केला आहे. एकेकाळी आशिया खंडात सर्वात श्रीमंत समजल्या जाणाऱ्या आणि देशपातळीवर स्वच्छतेचे अनेक पुरस्कार मिळविलेल्या देवळाली प्रवरा नगर परिषदेच्या गावठाणातून विद्यार्थ्यांना शाळेत जाण्यासाठी हक्काचा रस्ता उपलब्ध नसल्याने लहान मुलामुलींना चक्क काट्याकुट्यातून वाट काढत शाळा गाठावी लागत आहे. हे अत्यंत धक्कादायक चित्र आहे. वेळ प्रसंगी या वाटेवर विद्यार्थ्यांना डुकरे आणि सापांचा सामना करण्याची वेळ येत असून, लहान मुलींसोबत एखादी अनुचित घटना घडण्याची वाट पालिका प्रशासन पाहत आहे का? असा संतप्त सवाल सामाजिक कार्यकर्ते आप्पसाहेब ढूस यांनी केला आहे.. पुढे बोलताना ढूस म्हणाले की, नगरपालिकेच्या विकास आराखड्यात तसेच भूमिअभिलेखाच्या नकाशावर शाळेकडे जाणारे रस्ते दाखविण्यात आलेले असताना प्रत्यक्षात हे रस्ते गेले कुठे?, असा प्रश्न आता ऐरणीवर आला आहे. काही ठिकाणी रस्त्याच्या जागेवर अतिक्रमण करून घरे उभारण्यात आल्याची परिस्थिती आहे. मात्र, पालिकेच्या अतिक्रमण विभागाला हे अतिक्रमण दिसत नसल्याने आश्चर्य वाटते . ◼️ विद्यार्थ्यांसाठी रस्ता नाही, मग विकास कसला? देशाचे भवितव्य असलेल्या विद्यार्थ्यांना शिक्षणासाठी सुरक्षित रस्ता मिळत नसेल, तर शहराच्या विकासाच्या गप्पा मारण्याला अर्थ काय? असा सवालही ढूस यांनी केला आहे. शाळेत जाणाऱ्या मुला-मुलींना दररोज काट्याकुट्यातून, झुडपांमधून वाट काढावी लागत आहे. या मार्गावर साप, डुकरे किंवा इतर प्राण्यांचा धोका निर्माण झाल्यास त्याची जबाबदारी कोण घेणार? पालिकेने आजपर्यंत विकास आराखड्यातील या रस्त्यांची प्रत्यक्ष पाहणी करून ते मोकळे करण्याची तसदी घेतलेली नाही. त्यामुळे नकाशावर असलेले रस्ते प्रत्यक्षात अतिक्रमणाच्या विळख्यात कसे गेले, याची चौकशी होणे गरजेचे आहे. विद्यार्थ्यांना शाळेपर्यंत सुरक्षित रस्ता देणे ही पालिकेची जबाबदारी आहे. ही जबाबदारी पार पाडण्यासाठी एखादा विद्यार्थी सापाच्या दंशाला किंवा डुकराच्या हल्ल्याला बळी पडण्याची पालिका वाट पाहणार आहे का? पालिकेने तातडीने जागे होऊन नकाशावरचे रस्ते शोधावेत, अतिक्रमणे हटवावीत आणि विद्यार्थ्यांना सुरक्षित वाट उपलब्ध करून द्यावी; अन्यथा एखाद्या मुलीसोबत या काट्यात काही अनुचित प्रकार घडल्यास आणि त्यामुळे नागरिकांचा उद्रेक झाल्यास त्याची सर्वस्वी जबाबदारी नगरपालिका प्रशासनाची राहील. ◼️अनुचित घटना घडण्यापूर्वी पालिकेला जाग येणार का? शाळेत जाणाऱ्या विद्यार्थ्यांसोबत एखादी गंभीर घटना घडण्यापूर्वी नगरपालिका प्रशासनाने तातडीने या रस्त्यांची पाहणी करावी. विकास आराखडा व भूमिअभिलेखाच्या नकाशानुसार रस्त्यांची हद्द निश्चित करून अतिक्रमणे हटवावीत आणि विद्यार्थ्यांसाठी सुरक्षित मार्ग उपलब्ध करून द्यावा, अशी मागणी आप्पसाहेब ढूस यांचेसह पालक व नागरिकांतून होत आहे.

पत्रकार जालिंदर आल्हाट

राहुरी, अहमदनगर, महाराष्ट्र•

43 min ago

स्वछतेचे अनेक पुरस्कार घेऊनही.. येथील मुलींची, काट्यातून जाते शाळेची वाट.! 📌 स्वछतेचे अनेक पुरस्कार घेऊनही.. येथील मुलींची, काट्यातून जाते शाळेची वाट.! 📌 काही अनुचित प्रकार घडल्यास जबाबदार कोण.? 📌 रक्षाबंधनाचे निमित्ताने आप्पासाहेब ढूस यांचा नगरपरिषदेला खडा सवाल.. देवळाली प्रवरा : प्रतिनिधी देवळाली प्रवरा नगरपालिकेच्या हद्दीत विकास आराखडा आणि भूमिअभिलेखाच्या नकाशावर अस्तित्वात असलेले श्री त्रिंबकराज स्वामी मंदिरापासून ते गणिभाई स्वा मिल मार्गे मराठी व माध्यमिक विद्यालयाकडे जाणारे सर्व रस्ते प्रत्यक्षात मात्र गायब झाल्याने शाळकरी मुला मुलींना काट्यातून शाळेची वाट शोधावी लागत आहे. आणि जर या काट्यात लहान मुले आणि मुलींबरोबर काही अनुचित प्रकार झाला तर त्याला जबाबदार कोण? असा खडा सवाल सामाजिक कार्यकर्ते आप्पसाहेब ढूस यांनी रक्षा बंधनाच्या निमित्ताने नगरपरिषदेला केला आहे. एकेकाळी आशिया खंडात सर्वात श्रीमंत समजल्या जाणाऱ्या आणि देशपातळीवर स्वच्छतेचे अनेक पुरस्कार मिळविलेल्या देवळाली प्रवरा नगर परिषदेच्या गावठाणातून विद्यार्थ्यांना शाळेत जाण्यासाठी हक्काचा रस्ता उपलब्ध नसल्याने लहान मुलामुलींना चक्क काट्याकुट्यातून वाट काढत शाळा गाठावी लागत आहे. हे अत्यंत धक्कादायक चित्र आहे. वेळ प्रसंगी या वाटेवर विद्यार्थ्यांना डुकरे आणि सापांचा सामना करण्याची वेळ येत असून, लहान मुलींसोबत एखादी अनुचित घटना घडण्याची वाट पालिका प्रशासन पाहत आहे का? असा संतप्त सवाल सामाजिक कार्यकर्ते आप्पसाहेब ढूस यांनी केला आहे.. पुढे बोलताना ढूस म्हणाले की, नगरपालिकेच्या विकास आराखड्यात तसेच भूमिअभिलेखाच्या नकाशावर शाळेकडे जाणारे रस्ते दाखविण्यात आलेले असताना प्रत्यक्षात हे रस्ते गेले कुठे?, असा प्रश्न आता ऐरणीवर आला आहे. काही ठिकाणी रस्त्याच्या जागेवर अतिक्रमण करून घरे उभारण्यात आल्याची परिस्थिती आहे. मात्र, पालिकेच्या अतिक्रमण विभागाला हे अतिक्रमण दिसत नसल्याने आश्चर्य वाटते . ◼️ विद्यार्थ्यांसाठी रस्ता नाही, मग विकास कसला? देशाचे भवितव्य असलेल्या विद्यार्थ्यांना शिक्षणासाठी सुरक्षित रस्ता मिळत नसेल, तर शहराच्या विकासाच्या गप्पा मारण्याला अर्थ काय? असा सवालही ढूस यांनी केला आहे. शाळेत जाणाऱ्या मुला-मुलींना दररोज काट्याकुट्यातून, झुडपांमधून वाट काढावी लागत आहे. या मार्गावर साप, डुकरे किंवा इतर प्राण्यांचा धोका निर्माण झाल्यास त्याची जबाबदारी कोण घेणार? पालिकेने आजपर्यंत विकास आराखड्यातील या रस्त्यांची प्रत्यक्ष पाहणी करून ते मोकळे करण्याची तसदी घेतलेली नाही. त्यामुळे नकाशावर असलेले रस्ते प्रत्यक्षात अतिक्रमणाच्या विळख्यात कसे गेले, याची चौकशी होणे गरजेचे आहे. विद्यार्थ्यांना शाळेपर्यंत सुरक्षित रस्ता देणे ही पालिकेची जबाबदारी आहे. ही जबाबदारी पार पाडण्यासाठी एखादा विद्यार्थी सापाच्या दंशाला किंवा डुकराच्या हल्ल्याला बळी पडण्याची पालिका वाट पाहणार आहे का? पालिकेने तातडीने जागे होऊन नकाशावरचे रस्ते शोधावेत, अतिक्रमणे हटवावीत आणि विद्यार्थ्यांना सुरक्षित वाट उपलब्ध करून द्यावी; अन्यथा एखाद्या मुलीसोबत या काट्यात काही अनुचित प्रकार घडल्यास आणि त्यामुळे नागरिकांचा उद्रेक झाल्यास त्याची सर्वस्वी जबाबदारी नगरपालिका प्रशासनाची राहील. ◼️अनुचित घटना घडण्यापूर्वी पालिकेला जाग येणार का? शाळेत जाणाऱ्या विद्यार्थ्यांसोबत एखादी गंभीर घटना घडण्यापूर्वी नगरपालिका प्रशासनाने तातडीने या रस्त्यांची पाहणी करावी. विकास आराखडा व भूमिअभिलेखाच्या नकाशानुसार रस्त्यांची हद्द निश्चित करून अतिक्रमणे हटवावीत आणि विद्यार्थ्यांसाठी सुरक्षित मार्ग उपलब्ध करून द्यावा, अशी मागणी आप्पसाहेब ढूस यांचेसह पालक व नागरिकांतून होत आहे.