కరీంనగర్ నగరంలోని ఐదవ డివిజన్ బొమ్మకల్ శివారులోని రాజరాజేశ్వరి కాలనీలో ఇటీవల గుర్తు తెలియని వ్యక్తులు దొంగిలించిన ఆంజనేయ స్వామి విగ్రహాన్ని నేడు పున: ప్రతిష్టాపన చేశారు. ఈ కార్యక్రమంలో మాజీ మంత్రి, కరీంనగర్ ఎమ్మెల్యే గంగుల కమలాకర్ వర్షాన్ని సైతం లెక్కచేయకుండా పాల్గొని, దొంగిలించిన వ్యక్తులపై చట్టపరమైన చర్యలు తీసుకోవాలని పోలీసులను డిమాండ్ చేశారు. ఈ విగ్రహాన్ని గుర్తు తెలియని వ్యక్తులు దొంగిలించి దుబ్బ పల్లిలో వదిలివేసి వెళ్లారని కాలనీవాసులు గుర్తించి, దానిని తిరిగి కాలనీకి తీసుకువచ్చారు. ఎమ్మెల్యే గంగుల దృష్టికి ఈ విషయం తీసుకెళ్లగా, ఆయన విగ్రహ పున: ప్రతిష్టాపన కార్యక్రమంలో పాల్గొన్నారు. ఈ సందర్భంగా గంగుల మాట్లాడుతూ, బొమ్మకల్ గ్రామపంచాయతీగా ఉన్నప్పుడు, సుమారు 1989లో 125వ సర్వే నంబర్‌లో ప్లాటింగ్ జరిగిందని తెలిపారు. కాలనీ ఏర్పడేందుకు ప్లాటింగ్ చేసిన స్థలంలో 10 శాతం భూమిని పాఠశాలలు, ఆలయాలు లేదా కమ్యూనిటీ అవసరాల కోసం వదిలిపెట్టాలనే నిబంధన ఉందని ఆయన గుర్తుచేశారు. ఈ నిబంధన ప్రకారం, 125 సర్వే నంబర్‌లో కాలనీవాసులందరూ కలిసి గత 20 ఏళ్లుగా బతుకమ్మ, వినాయక నవరాత్రి, దుర్గా నవరాత్రి ఉత్సవాలు జరుపుకోవడంతో పాటు ఈ స్థలంలో హనుమాన్ విగ్రహాన్ని ఏర్పాటు చేసి తాత్కాలిక గుడి నిర్మించుకున్నారని వివరించారు. అయితే, ఏడాది కాలం క్రితం నుండి ఈ భూమిపై భూ కబ్జాదారుల కన్ను పడిందని, అప్పటి నుండి వారు భూమిని కబ్జా చేయడానికి ప్రయత్నిస్తున్నారని ఎమ్మెల్యే ఆరోపించారు. చివరకు, నాలుగు రోజుల క్రితం హనుమాన్ విగ్రహాన్ని అక్కడి నుండి దొంగిలించి, ఆ స్థలానికి ఫెన్సింగ్ వేశారని తెలిపారు. ఈ విషయం కాలనీవాసుల ద్వారా తెలుసుకున్న తాను స్వయంగా దగ్గర ఉండి విగ్రహాన్ని ప్రతిష్ట చేశానని గంగుల కమలాకర్ పేర్కొన్నారు. మరోసారి ఇటువంటి చర్యలు పునరావృతమైతే, కరీంనగర్ బంద్‌కు పిలుపునిచ్చి, హిందువులందరినీ తీసుకువచ్చి గుడి కడతానని ఎమ్మెల్యే గంగుల తీవ్రంగా హెచ్చరించారు. ఈ కార్యక్రమంలో ఎమ్మెల్యే గంగులతో పాటు డివిజన్ కార్పొరేటర్ గాదే రూప-శ్రీనివాస్, నాయకులు తోట కిరణ్, లక్ష్మన్, అశోక్ మరియు కాలనీవాసులు తదితరులు పాల్గొన్నారు.

శాతవాహన కరీంనగర్

కరీంనగర్ రూరల్, కరీంనగర్, తెలంగాణ•

2 hrs ago

కరీంనగర్ నగరంలోని ఐదవ డివిజన్ బొమ్మకల్ శివారులోని రాజరాజేశ్వరి కాలనీలో ఇటీవల గుర్తు తెలియని వ్యక్తులు దొంగిలించిన ఆంజనేయ స్వామి విగ్రహాన్ని నేడు పున: ప్రతిష్టాపన చేశారు. ఈ కార్యక్రమంలో మాజీ మంత్రి, కరీంనగర్ ఎమ్మెల్యే గంగుల కమలాకర్ వర్షాన్ని సైతం లెక్కచేయకుండా పాల్గొని, దొంగిలించిన వ్యక్తులపై చట్టపరమైన చర్యలు తీసుకోవాలని పోలీసులను డిమాండ్ చేశారు. ఈ విగ్రహాన్ని గుర్తు తెలియని వ్యక్తులు దొంగిలించి దుబ్బ పల్లిలో వదిలివేసి వెళ్లారని కాలనీవాసులు గుర్తించి, దానిని తిరిగి కాలనీకి తీసుకువచ్చారు. ఎమ్మెల్యే గంగుల దృష్టికి ఈ విషయం తీసుకెళ్లగా, ఆయన విగ్రహ పున: ప్రతిష్టాపన కార్యక్రమంలో పాల్గొన్నారు. ఈ సందర్భంగా గంగుల మాట్లాడుతూ, బొమ్మకల్ గ్రామపంచాయతీగా ఉన్నప్పుడు, సుమారు 1989లో 125వ సర్వే నంబర్‌లో ప్లాటింగ్ జరిగిందని తెలిపారు. కాలనీ ఏర్పడేందుకు ప్లాటింగ్ చేసిన స్థలంలో 10 శాతం భూమిని పాఠశాలలు, ఆలయాలు లేదా కమ్యూనిటీ అవసరాల కోసం వదిలిపెట్టాలనే నిబంధన ఉందని ఆయన గుర్తుచేశారు. ఈ నిబంధన ప్రకారం, 125

సర్వే నంబర్‌లో కాలనీవాసులందరూ కలిసి గత 20 ఏళ్లుగా బతుకమ్మ, వినాయక నవరాత్రి, దుర్గా నవరాత్రి ఉత్సవాలు జరుపుకోవడంతో పాటు ఈ స్థలంలో హనుమాన్ విగ్రహాన్ని ఏర్పాటు చేసి తాత్కాలిక గుడి నిర్మించుకున్నారని వివరించారు. అయితే, ఏడాది కాలం క్రితం నుండి ఈ భూమిపై భూ కబ్జాదారుల కన్ను పడిందని, అప్పటి నుండి వారు భూమిని కబ్జా చేయడానికి ప్రయత్నిస్తున్నారని ఎమ్మెల్యే ఆరోపించారు. చివరకు, నాలుగు రోజుల క్రితం హనుమాన్ విగ్రహాన్ని అక్కడి నుండి దొంగిలించి, ఆ స్థలానికి ఫెన్సింగ్ వేశారని తెలిపారు. ఈ విషయం కాలనీవాసుల ద్వారా తెలుసుకున్న తాను స్వయంగా దగ్గర ఉండి విగ్రహాన్ని ప్రతిష్ట చేశానని గంగుల కమలాకర్ పేర్కొన్నారు. మరోసారి ఇటువంటి చర్యలు పునరావృతమైతే, కరీంనగర్ బంద్‌కు పిలుపునిచ్చి, హిందువులందరినీ తీసుకువచ్చి గుడి కడతానని ఎమ్మెల్యే గంగుల తీవ్రంగా హెచ్చరించారు. ఈ కార్యక్రమంలో ఎమ్మెల్యే గంగులతో పాటు డివిజన్ కార్పొరేటర్ గాదే రూప-శ్రీనివాస్, నాయకులు తోట కిరణ్, లక్ష్మన్, అశోక్ మరియు కాలనీవాసులు తదితరులు పాల్గొన్నారు.