अहिल्यानगर जिल्हा कारागृहात आंतरराष्ट्रीय योग दिन मोठ्या उत्साहात साजरा करण्यात आला. कारागृह विभागाच्या "सुधारणा व पुनर्वसन" या ब्रीदवाक्याला अनुसरून आयोजित या कार्यक्रमात २३० बंदींनी सहभाग नोंदवत निरोगी जीवनाचा संदेश दिला. अहिल्यानगर जिल्हा कारागृह, जिल्हा विधी सेवा प्राधिकरण, कौशल्य विकास व उद्योजकता मंत्रालय (भारत सरकार) पुरस्कृत जनशिक्षण संस्थान आणि अहिल्यानगर महानगरपालिका आरोग्य विभाग यांच्या संयुक्त विद्यमाने या उपक्रमाचे आयोजन करण्यात आले होते. या प्रसंगी जिल्हा न्यायाधीश-६ बी. वाय. फड, कारागृह अधीक्षक संतोष कवार आणि योग प्रशिक्षक संजय सुरसे यांसारखे मान्यवर उपस्थित होते. श्री. फड यांनी योग हे भारताने जगाला दिलेली एक अमूल्य देणगी असल्याचे नमूद करत मानसिक आरोग्य, सकारात्मक ऊर्जा आणि निरोगी जीवनासाठी योगसाधना अत्यंत आवश्यक असल्याचे सांगितले. कारागृह अधीक्षक संतोष कवार यांनी प्रास्ताविकात आधुनिक, धकाधकीच्या आणि तणावग्रस्त जीवनात योगाचे महत्त्व विशद केले. ते म्हणाले की, योगासारखे उपक्रम बंदींच्या व्यक्तिमत्त्व विकासासोबतच त्यांना मानसिक स्थैर्य निर्माण करण्यास उपयुक्त ठरतात. योग विद्याम संस्थानचे योग प्रशिक्षक संजय सुरसे आणि त्यांचे सहकारी योगशिक्षक पोकळे यांनी विविध योगासनांचे प्रात्यक्षिक सादर केले. त्यांनी योगाचे मानसिक, शारीरिक, आध्यात्मिक आणि भावनिक संतुलन राखण्यासाठीचे महत्त्व सविस्तरपणे स्पष्ट केले. याच कार्यक्रमादरम्यान, श्री श्री रुरल डेव्हलपमेंट ट्रस्टच्या आर्ट ऑफ लिव्हिंग शाखेमार्फत कारागृहात सुरू करण्यात आलेला डेटा एन्ट्री ऑपरेटर प्रशिक्षण अभ्यासक्रम पूर्ण केलेल्या बंदींना मान्यवरांच्या हस्ते प्रमाणपत्रांचे वितरण करण्यात आले. याव्यतिरिक्त, नव्याने उभारण्यात आलेल्या बॅरेक्सचे उद्घाटनही करण्यात आले. या कार्यक्रमाच्या यशस्वी आयोजनासाठी तुरुंगाधिकारी विजय साळुंके, अरुण मदने, सुबेदार हिराचंद आंबोरे, हवालदार सुरेश जगर, संदीप जगदाळे, राहुल पठारे, नंदकुमार शिंदे, श्रीकांत गोरवडे, मोहसीन शेख आणि इतर अधिकारी व कर्मचाऱ्यांनी विशेष परिश्रम घेतले.

संस्कार न्यूज

Advertising agency कर्जत, अहमदनगर, महाराष्ट्र•

4 hrs ago

अहिल्यानगर जिल्हा कारागृहात आंतरराष्ट्रीय योग दिन मोठ्या उत्साहात साजरा करण्यात आला. कारागृह विभागाच्या "सुधारणा व पुनर्वसन" या ब्रीदवाक्याला अनुसरून आयोजित या कार्यक्रमात २३० बंदींनी सहभाग नोंदवत निरोगी जीवनाचा संदेश दिला. अहिल्यानगर जिल्हा कारागृह, जिल्हा विधी सेवा प्राधिकरण, कौशल्य विकास व उद्योजकता मंत्रालय (भारत सरकार) पुरस्कृत जनशिक्षण संस्थान आणि अहिल्यानगर महानगरपालिका आरोग्य विभाग यांच्या संयुक्त विद्यमाने या उपक्रमाचे आयोजन करण्यात आले होते. या प्रसंगी जिल्हा न्यायाधीश-६ बी. वाय. फड, कारागृह अधीक्षक संतोष कवार आणि योग प्रशिक्षक संजय सुरसे यांसारखे मान्यवर उपस्थित होते. श्री. फड यांनी योग हे भारताने जगाला दिलेली एक अमूल्य देणगी असल्याचे नमूद करत मानसिक आरोग्य, सकारात्मक ऊर्जा आणि निरोगी जीवनासाठी योगसाधना अत्यंत आवश्यक असल्याचे सांगितले. कारागृह अधीक्षक संतोष कवार यांनी प्रास्ताविकात आधुनिक, धकाधकीच्या आणि तणावग्रस्त जीवनात योगाचे महत्त्व विशद केले. ते म्हणाले की, योगासारखे उपक्रम बंदींच्या व्यक्तिमत्त्व विकासासोबतच त्यांना मानसिक स्थैर्य निर्माण करण्यास उपयुक्त ठरतात. योग विद्याम संस्थानचे योग प्रशिक्षक संजय सुरसे आणि त्यांचे सहकारी योगशिक्षक पोकळे यांनी विविध योगासनांचे प्रात्यक्षिक सादर केले. त्यांनी योगाचे मानसिक, शारीरिक, आध्यात्मिक आणि भावनिक संतुलन राखण्यासाठीचे महत्त्व सविस्तरपणे स्पष्ट केले. याच कार्यक्रमादरम्यान, श्री श्री रुरल डेव्हलपमेंट ट्रस्टच्या आर्ट ऑफ लिव्हिंग शाखेमार्फत कारागृहात सुरू करण्यात आलेला डेटा एन्ट्री ऑपरेटर प्रशिक्षण अभ्यासक्रम पूर्ण केलेल्या बंदींना मान्यवरांच्या हस्ते प्रमाणपत्रांचे वितरण करण्यात आले. याव्यतिरिक्त, नव्याने उभारण्यात आलेल्या बॅरेक्सचे उद्घाटनही करण्यात आले. या कार्यक्रमाच्या यशस्वी आयोजनासाठी तुरुंगाधिकारी विजय साळुंके, अरुण मदने, सुबेदार हिराचंद आंबोरे, हवालदार सुरेश जगर, संदीप जगदाळे, राहुल पठारे, नंदकुमार शिंदे, श्रीकांत गोरवडे, मोहसीन शेख आणि इतर अधिकारी व कर्मचाऱ्यांनी विशेष परिश्रम घेतले.