আজি অসম চৰকাৰৰ কেবিনেট মন্ত্ৰী অজন্তা নেওগে গোলাঘাটৰ বেঙেনাখোৱা গাঁৱত অৱস্থিত পৱিত্ৰ শ্ৰী শ্ৰী বেঙেনাখোৱা বৰনামঘৰত উপস্থিত হয়। তেওঁ পঞ্চম বিত্ত আয়োগৰ ৩ লাখ টকাৰে নিৰ্মাণ কৰা বৰনামঘৰৰ ৰান্ধনী ঘৰৰ দুৱাৰ মুকলি কৰে। গাঁৱৰ অগণন ৰাইজৰ উপস্থিতিত নীতি-নিয়ম অনুসৰি এই কাৰ্যসূচী সম্পন্ন হয়।

নুমলীগড় শোধনাগাৰত শ্ৰমিকসকলক তেওঁলোকৰ প্ৰাপ্য মজুৰিৰ পৰা বঞ্চিত কৰাৰ এক গুৰুতৰ অভিযোগ উত্থাপন হৈছে। BNR নামৰ ঠিকাদাৰী প্ৰতিষ্ঠানৰ পৰা উপ-ঠিকা লৈ কাম কৰি থকা TRUE TREACK নামৰ ঠিকাদাৰী প্ৰতিষ্ঠানে শ্ৰমিকসকলক তেওঁলোকৰ প্ৰাপ্য মজুৰি আদায় নিদিয়াৰ অভিযোগত শোধনাগাৰটোত শ্ৰমিকসকলে উত্তাল প্ৰতিবাদ সাব্যস্ত কৰিছে।

অসমৰ বিহপুৰীয়াৰ ৰাজবাৰীস্থিত মাজৰ খেলৰ নামঘৰত আজি এক মনোমোহা পৰিৱেশত বাৰ্ষিক নাম পালন কৰা হয়। পুৱা পৰিৱেশ নিকাকৰণ আৰু নাম প্ৰসংগ ভাগৱত পাঠৰ অন্তত দিনৰ দুই বজাৰ পৰা সমস্ত ৰাইজে বৃন্দাৱনী নাম পৰিৱেশন কৰি সমগ্ৰ পৰিৱেশটো মনোমোহা কৰি তোলে। এই অনুষ্ঠান অসমৰ হিন্দু ধৰ্মৰ ৰাইজৰ মাজত প্ৰচলিত এক পৰম্পৰাৰ অংশ। ভৰ বাৰিষা শালী খেতিৰ সমান্তৰালভাৱে স্থানীয় নামঘৰসমূহত ভাওনা সবাহৰ আয়োজন কৰা হয় আৰু এইবাৰো বিহপুৰীয়াত সেই ৰীতি পালন কৰা হ'ল।

২০২৬ চনৰ ২৮ জুন তাৰিখে কৃষিমন্ত্ৰী পীযূষ হাজৰিকাই নগাঁও জিলাৰ কন্দলীস্থিত বৰকচাৰী গাঁৱত অনুষ্ঠিত ধানৰ চাৰা ৰোপণ কাৰ্যসূচীত অংশগ্ৰহণ কৰে।

শিৱসাগৰ জিলা ৰাইজৰ দলৰ তৰফৰ পৰা আজি এক গুৰুত্বপূৰ্ণ সংবাদমেল আহ্বান কৰা হৈছিল। বাবুপট্টিস্থিত দলৰ জিলা কাৰ্যালয়ত অনুষ্ঠিত এই সংবাদমেলত জিলাখনৰ সাম্প্ৰতিক ৰাজনৈতিক প্ৰেক্ষাপট আৰু কেইবাটাও স্থানীয় বিষয়ৰ ওপৰত আলোকপাত কৰা হয়।

বিশ্বনাথ চাৰিআলিত অৱস্থিত ৮৫ বছৰীয়া ঐতিহ্যমণ্ডিত চাৰিআলি উচ্চতৰ মাধ্যমিক আৰু বহুমুখী বিদ্যালয়ৰ পুৰণি গৃহটো বৰ্তমান ধ্বংসৰ দিশে গতি কৰিছে। ১৯৪১ চনত স্থাপিত হোৱা এই বিদ্যালয়খন শেহতীয়াকৈ কাষতে নিৰ্মাণ কৰা নতুন গৃহলৈ স্থায়ীভাৱে স্থানান্তৰ কৰা হৈছিল, য'ত বৰ্তমান সকলো শ্ৰেণীৰ পাঠদান চলি আছে। কিন্তু নতুন গৃহলৈ যোৱাৰ পিছৰে পৰা বিদ্যালয়ৰ ৮৫ বছৰ গৰকা পুৰণি গৃহটো ক্ৰমাৎ জহি-খহি যাবলৈ ধৰিছে। স্থানীয় ৰাইজ আৰু প্ৰাক্তন ছাত্ৰ-ছাত্ৰীসকলে অভিযোগ কৰিছে যে উচিত যত্ন আৰু সংৰক্ষণৰ অভাৱত এই ঐতিহাসিক গৃহটো সম্পূৰ্ণৰূপে ধ্বংস হোৱাৰ উপক্ৰম হৈছে। বৃহত্তৰ বিশ্বনাথ অঞ্চলৰ বহুজনৰ আৱেগ আৰু স্মৃতি জড়িত এই বিদ্যালয়খনৰ পৰা বহু ব্যক্তিয়ে শিক্ষা গ্ৰহণ কৰি নিজ নিজ কৰ্মক্ষেত্ৰত সফল হোৱাৰ লগতে অসম আৰু ভাৰতৰ নাম উজলাই তুলিছে, যাৰ বাবে ই বিশ্বনাথৰ গৌৰৱ হিচাপে পৰিচিত। এই সন্দৰ্ভত প্ৰাক্তন ছাত্ৰ আৰু স্থানীয় সচেতন মহলে পুৰণি গৃহটোক ঐতিহাসিক সমল হিচাপে সংৰক্ষণৰ দাবী জনাইছে। তেওঁলোকে ইয়াক সংগ্ৰহালয় বা গ্ৰন্থাগাৰলৈ ৰূপান্তৰ কৰি ভৱিষ্যৎ প্ৰজন্মৰ বাবে জীয়াই ৰখাৰ পৰামৰ্শ আগবঢ়াইছে, অন্যথা বিশ্বনাথ চাৰিআলিৰ এক গৌৰৱময় অধ্যায় চিৰদিনৰ বাবে হেৰাই যাব বুলি সতৰ্ক কৰি দিছে। সদৌ অসম ছাত্ৰ সন্থাৰ কেন্দ্ৰীয় কাৰ্যনিৰ্বাহক সদস্য বিক্ৰম বিকাশ বৰা আৰু অসম সেনা নেতা নিহাৰ শইকীয়াই জিলা প্ৰশাসন আৰু শিক্ষা বিভাগক এই বিষয়ত শীঘ্ৰে হস্তক্ষেপ কৰিবলৈ আহ্বান জনাইছে।

আজি অসম চৰকাৰৰ কেবিনেট মন্ত্ৰী অজন্তা নেওগে গোলাঘাটৰ বেঙেনাখোৱা গাঁৱত অৱস্থিত পৱিত্ৰ শ্ৰী শ্ৰী বেঙেনাখোৱা বৰনামঘৰত উপস্থিত হয়। তেওঁ পঞ্চম বিত্ত আয়োগৰ ৩ লাখ টকাৰে নিৰ্মাণ কৰা বৰনামঘৰৰ ৰান্ধনী ঘৰৰ দুৱাৰ মুকলি কৰে। গাঁৱৰ অগণন ৰাইজৰ উপস্থিতিত নীতি-নিয়ম অনুসৰি এই কাৰ্যসূচী সম্পন্ন হয়।

বৃহত্তৰ মৰঙি মৌজাত বনৰীয়া হাতীৰ উপদ্ৰৱ দিনকদিনে বৃদ্ধি পাইছে, যাৰ ফলত মৰঙীবাসীয়ে ত্ৰাহিমধুসূদন সুৱঁৰিছে। কালি নিশা মৰঙিৰ ফুলনীবাৰী আৰু বকিয়াল গাঁৱত বনৰীয়া হাতীৰ এটা জাকে উপদ্ৰৱ চলাই বহুকেইটা পৰিয়ালৰ বাসগৃহ ধ্বংস কৰে। হাতীৰ জাকটোৱে পকী ঘৰৰ দেৱাল পৰ্যন্ত ভাঙি ঘৰৰ ভিতৰত প্ৰৱেশ কৰি ঘৰৰ খাদ্য সামগ্ৰী খাই গচকি বিস্তৰ ক্ষতিসাধন কৰে। এই আক্ৰমণৰ পৰা পৰিয়ালকেইটাই কথমপি প্ৰাণ ৰক্ষা কৰিবলৈ সক্ষম হয়। ৰাইজে অভিযোগ কৰিছে যে মাত্ৰ দুই কিলোমিটাৰ নিলগত থকা বকিয়াল খণ্ড বন কাৰ্যালয়ৰ বনকৰ্মীক খবৰ দিয়াৰ পিছতো বন বিভাগে বিষয়টোত কোনো ধৰণৰ খবৰ লোৱা নাই।