बीड शहरात उमेश दळवी यांची काही समाजकंटकांनी निर्घृणपणे हत्या केल्याने संतापाची लाट उसळली आहे. या प्रकरणातील उर्वरित आरोपींना तात्काळ अटक करून खटल्याची सुनावणी शीघ्रगती न्यायालयात चालवावी, अशी मागणी विविध सामाजिक व समतावादी संघटनांनी केली आहे. या मागणीसाठी आज, २७ मे रोजी अण्णाभाऊ साठे क्रांती सेना, शिवशक्ती भीमशक्ती विचार मंच, शिवराय-शाहू-फुले-आंबेडकरवादी आघाडी तसेच विविध राजकीय व सामाजिक कार्यकर्त्यांनी बीड जिल्हाधिकाऱ्यांना निवेदन सादर केले. निवेदनात स्पष्टपणे नमूद करण्यात आले आहे की, पोलिसांनी एका आरोपीला अटक केली असली तरी, या हत्या प्रकरणातील दोन आरोपी अद्याप मोकाट असून त्यांना तातडीने अटक करणे अत्यंत आवश्यक आहे. या गंभीर प्रकरणाची सुनावणी शीघ्रगती न्यायालयात चालवून दोषींना कठोर शिक्षा दिली जावी, जेणेकरून पीडित कुटुंबाला न्याय मिळेल आणि समाजात कायद्याचा धाक निर्माण होईल. यासोबतच, मयत उमेश दळवी यांच्या कुटुंबीयांना शासनाकडून २५ लाख रुपयांची आर्थिक मदत मिळावी, अशीही मागणी निवेदनाद्वारे करण्यात आली आहे. निवेदन सादर करताना आंदोलनकर्त्यांनी प्रशासनाला इशारा दिला की, जर लवकरात लवकर न्याय मिळाला नाही, तर सर्व समतावादी विचारांच्या कार्यकर्त्यांना सोबत घेऊन जिल्हाधिकारी कार्यालयावर भव्य मूकमोर्चा काढण्यात येईल. यावेळी विविध सामाजिक संघटनांचे पदाधिकारी, कार्यकर्ते आणि नागरिक मोठ्या संख्येने उपस्थित होते.

बालाजी जगतकर

Farmer बीड, बीड, महाराष्ट्र•

2 hrs ago

बीड शहरात उमेश दळवी यांची काही समाजकंटकांनी निर्घृणपणे हत्या केल्याने संतापाची लाट उसळली आहे. या प्रकरणातील उर्वरित आरोपींना तात्काळ अटक करून खटल्याची सुनावणी शीघ्रगती न्यायालयात चालवावी, अशी मागणी विविध सामाजिक व समतावादी संघटनांनी केली आहे. या मागणीसाठी आज, २७ मे रोजी अण्णाभाऊ साठे क्रांती सेना, शिवशक्ती भीमशक्ती विचार मंच, शिवराय-शाहू-फुले-आंबेडकरवादी आघाडी तसेच विविध राजकीय व सामाजिक कार्यकर्त्यांनी बीड जिल्हाधिकाऱ्यांना निवेदन सादर केले. निवेदनात स्पष्टपणे नमूद करण्यात आले आहे की, पोलिसांनी एका आरोपीला अटक केली असली तरी, या हत्या प्रकरणातील दोन आरोपी अद्याप मोकाट असून त्यांना तातडीने अटक करणे अत्यंत आवश्यक आहे. या गंभीर प्रकरणाची सुनावणी शीघ्रगती न्यायालयात चालवून दोषींना कठोर शिक्षा दिली जावी, जेणेकरून पीडित कुटुंबाला न्याय मिळेल आणि समाजात कायद्याचा धाक निर्माण होईल. यासोबतच, मयत उमेश दळवी यांच्या कुटुंबीयांना शासनाकडून २५ लाख रुपयांची आर्थिक मदत मिळावी, अशीही मागणी निवेदनाद्वारे करण्यात आली आहे. निवेदन सादर करताना आंदोलनकर्त्यांनी प्रशासनाला इशारा दिला की, जर लवकरात लवकर न्याय मिळाला नाही, तर सर्व समतावादी विचारांच्या कार्यकर्त्यांना सोबत घेऊन जिल्हाधिकारी कार्यालयावर भव्य मूकमोर्चा काढण्यात येईल. यावेळी विविध सामाजिक संघटनांचे पदाधिकारी, कार्यकर्ते आणि नागरिक मोठ्या संख्येने उपस्थित होते.