ଆଜି ବାଲେଶ୍ୱର ସ୍ଥିତ ବାଲେଶ୍ୱର କ୍ଲବ୍ ଠାରେ ଶିକ୍ଷା ସୁରକ୍ଷା ମଞ୍ଚ ତରଫରୁ ଏକ ସଭା ଅନୁଷ୍ଠିତ ହୋଇଥିଲା। ଏହି ସଭାରେ ଆବାହକ ଭାବେ ରଘୁନାଥ ଲେଙ୍କା, ଦେବାଶିଷ ସିଂହ ଓ ପ୍ରତିମା ପଣ୍ଡା ଉପସ୍ଥିତ ଥିଲେ। କାର୍ଯ୍ୟକାରିଣୀ ସଦସ୍ୟମାନଙ୍କ ମଧ୍ୟରେ ପୂର୍ଣଚନ୍ଦ୍ର ପଣ୍ଡା, ସୁଦର୍ଶନ ଦାସ, ଜ୍ୟୋତିପ୍ରକାଶ ବାରିକ, ଭାରତ ଭୂଷଣ ଦାସ, ସେକ୍ ଅଜଗର ଅଲ୍ଲୀ, ସେକ୍ ଇଜ୍ରାଇଲ୍, ମିନତୀ ସେଠୀ, ଆଶ୍ରିତା ତରାଇ, ଜ୍ୟୋତ୍ସ୍ନା ସେନାପତି ଓ ସାହେବା ଅଖତର ଯୋଗଦେଇଥିଲେ। ସଭାରେ ବର୍ତ୍ତମାନ ସରକାରୀ ପ୍ରାଥମିକ ଶିକ୍ଷା ବ୍ୟବସ୍ଥାର ଅବନତି, ଗୁଣାତ୍ମକ ଶିକ୍ଷାର ଅଭାବ, ଶିକ୍ଷକ ଅଭାବ ଓ ଭିତ୍ତିଭୂମି ସମସ୍ୟା ଉପରେ ଗଭୀର ଚିନ୍ତା ବ୍ୟକ୍ତ କରାଯାଇଥିଲା। ଅନେକ ଛାତ୍ରଛାତ୍ରୀ ଉଚ୍ଚ ଶ୍ରେଣୀକୁ ଯାଇଥିବା ସତ୍ତ୍ୱେ ମୂଳଭୂତ ପାଠ ପଢ଼ିବା ଓ ଲେଖିବାରେ ଅସମର୍ଥ ହେଉଥିବା ଉଲ୍ଲେଖ କରାଯାଇଥିଲା। ଏହାସହିତ, ନିମ୍ନ ଓ ମଧ୍ୟବିତ୍ତ ପରିବାରର ଅଭିଭାବକମାନେ ବେସରକାରୀ ସ୍କୁଲ୍‌ରେ ପିଲାମାନଙ୍କୁ ପଢ଼ାଇବାକୁ ବାଧ୍ୟ ହେଉଥିବା ଓ ସେଠାରେ ବିଭିନ୍ନ ସମସ୍ୟା ସମ୍ମୁଖୀନ ହେଉଥିବା ବିଷୟ ଉଠାଇଥିଲେ। ସଭାରେ ଉଲ୍ଲେଖ କରାଯାଇଥିଲା ଯେ, ପ୍ରାଥମିକ ଶିକ୍ଷା ଦୁର୍ବଳ ହେବାରୁ ପିଲାମାନଙ୍କ ଭବିଷ୍ୟତ୍ ଉଚ୍ଚଶିକ୍ଷା ଓ ଜାତୀୟ ସ୍ତରର ପରୀକ୍ଷାରେ ପ୍ରଭାବିତ ହେଉଛି। ଏହି ସମସ୍ୟାମାନଙ୍କ ନିରାକରଣ ପାଇଁ ‘ଶିକ୍ଷା ସୁରକ୍ଷା ମଞ୍ଚ’ ଗଠନ କରାଯାଇଥିବା ସୂଚନା ଦିଆଯାଇଥିଲା। ଏହା ଏକ ଅଣରାଜନୈତିକ ସଂଗଠନ ଭାବେ କାମ କରି ସରକାର, ପ୍ରଶାସନ ଓ ସମାଜର ଦୃଷ୍ଟି ଆକର୍ଷଣ କରିବ।

Journalist Harishankar Jena

Media company ବାଲେଶ୍ୱର ସଦର, ବାଲେଶ୍ୱର, ଓଡ଼ିଶା•

6 hrs ago