जळगाव शहरातील विविध नागरी वस्त्यांमध्ये आणि मुख्य रस्त्यांच्या कडेला सुरू असलेल्या बेकायदेशीर व उघड्यावरील मांस विक्रीविरोधात हिंदु जनजागृती समितीने आक्रमक पाऊल उचलले आहे. या अनधिकृत व्यवसायामुळे शहरात भटक्या कुत्र्यांचा हैदोस वाढला असून नागरिकांच्या आरोग्याचा प्रश्न गंभीर बनला आहे. या पार्श्वभूमीवर, समितीने जळगाव शहर महानगरपालिकेच्या महापौर, मनपा आयुक्त, जिल्हाधिकारी आणि पोलीस अधीक्षकांना कायदेशीर निवेदन सादर केले आहे. पुढील ७ दिवसांत ठोस कारवाई न झाल्यास उच्च न्यायालयात जनहित याचिका (PIL) दाखल करण्याचा आणि तीव्र जनआंदोलन उभारण्याचा इशारा या निवेदनाद्वारे देण्यात आला आहे. निवेदनात नमूद केल्यानुसार, उघड्यावर मांस विक्री करणाऱ्या दुकानांमधून उरलेले मांसाचे तुकडे, रक्त आणि हाडे रस्त्यावर व कचराकुंडीत उघड्यावर टाकली जातात. हे अन्न खाऊन रस्त्यावरील भटके कुत्रे अत्यंत क्रूर आणि हिंस्त्र बनले आहेत. यामुळे शहरात लहान मुलांवर आणि पादचाऱ्यांवर कुत्र्यांनी जीवघेणे हल्ले केल्याच्या व त्यात नागरिकांचा मृत्यू झाल्याच्या दुर्दैवी घटना घडल्या आहेत. या गंभीर प्रकारामुळे जळगावकर नागरिकांच्या जीविताला मोठा धोका निर्माण झाला आहे. महानगरपालिकेने मांस विक्रीसाठी परवाना, बंदिस्त जागा, स्वच्छतेचे निकष आणि कचऱ्याची योग्य विल्हेवाट लावण्याची कडक नियमावली तयार केली आहे, मात्र या दुकानदारांकडून या सर्व नियमांना धाब्यावर बसवले जात आहे. 'अन्न सुरक्षा आणि मानके कायदा, २००६' (FSSAI) तसेच 'महाराष्ट्र महानगरपालिका अधिनियम' मधील तरतुदींनुसार निवासी भागात आणि उघड्यावर अशा प्रकारे मांस कापण्यास व विकण्यास सक्त मनाई असतानाही प्रशासनाच्या दुर्लक्षामुळे हा व्यवसाय सर्रास सुरू आहे. हे नागरिकांच्या जगण्याच्या मूलभूत अधिकारांचे (भारतीय संविधानाचे कलम २१) थेट उल्लंघन असून प्रशासनाने तात्काळ जागे होऊन कारवाई करणे गरजेचे आहे, असे समितीने म्हटले आहे. समितीच्या प्रमुख आणि कायदेशीर मागण्यांमध्ये शहरातील नागरी वस्त्यांमध्ये आणि रस्त्यांच्या कडेला सुरू असलेली सर्व अनधिकृत व उघड्यावरील मांस विक्रीची दुकाने त्वरित प्रशासकीय बळाचा वापर करून बंद करणे; मनपाच्या नियमांचे आणि न्यायालयाच्या आदेशांचे उल्लंघन करणाऱ्यांवर तात्काळ फौजदारी गुन्हे दाखल करणे; मनपाच्या स्वच्छता आणि अतिक्रमण विभागामार्फत नियमित गस्त घालून छुप्या व्यवसायांवर दंडात्मक व जप्तीची कारवाई करणे; आणि मांस विक्रेत्यांनी कचरा रस्त्यावर टाकल्यास पर्यावरणाची हानी केल्याप्रकरणी कठोर कारवाई करणे या बाबींचा समावेश आहे. या बेकायदेशीर व्यवसायामुळे नागरी वस्त्यांमध्ये तीव्र दुर्गंधी पसरत असून, संसर्गजन्य आजार पसरण्याचा मोठा धोका निर्माण झाला आहे, तसेच महिला, लहान मुले आणि वृद्ध नागरिकांना या परिसरातून प्रवास करणे असह्य झाले आहे. जळगाव शहर महानगरपालिका प्रशासनाने या निवेदनाची गंभीर दखल घेऊन पुढील ७ दिवसांच्या आत ठोस व प्रत्यक्ष कारवाई केली नाही, तर तीव्र जनआंदोलन उभारण्यात येईल आणि नागरिकांच्या सुरक्षेसाठी उच्च न्यायालयात जनहित याचिका (PIL) दाखल करण्यात येईल, ज्याची सर्वस्वी जबाबदारी मनपा प्रशासनाची राहील, असा स्पष्ट इशारा हिंदु जनजागृती समितीने दिला आहे.

Kiran Mali

Local News Reporter धरणगाव, जळगाव, महाराष्ट्र•

20 hrs ago

जळगाव शहरातील विविध नागरी वस्त्यांमध्ये आणि मुख्य रस्त्यांच्या कडेला सुरू असलेल्या बेकायदेशीर व उघड्यावरील मांस विक्रीविरोधात हिंदु जनजागृती समितीने आक्रमक पाऊल उचलले आहे. या अनधिकृत व्यवसायामुळे शहरात भटक्या कुत्र्यांचा हैदोस वाढला असून नागरिकांच्या आरोग्याचा प्रश्न गंभीर बनला आहे. या पार्श्वभूमीवर, समितीने जळगाव शहर महानगरपालिकेच्या महापौर, मनपा आयुक्त, जिल्हाधिकारी आणि पोलीस अधीक्षकांना कायदेशीर निवेदन सादर केले आहे. पुढील ७ दिवसांत ठोस कारवाई न झाल्यास उच्च न्यायालयात जनहित याचिका (PIL) दाखल करण्याचा आणि तीव्र जनआंदोलन उभारण्याचा इशारा या निवेदनाद्वारे देण्यात आला आहे. निवेदनात नमूद केल्यानुसार, उघड्यावर मांस विक्री करणाऱ्या दुकानांमधून उरलेले मांसाचे तुकडे, रक्त आणि हाडे रस्त्यावर व कचराकुंडीत उघड्यावर टाकली जातात. हे अन्न खाऊन रस्त्यावरील भटके कुत्रे अत्यंत क्रूर आणि हिंस्त्र बनले आहेत. यामुळे शहरात लहान मुलांवर आणि पादचाऱ्यांवर कुत्र्यांनी जीवघेणे हल्ले केल्याच्या व त्यात नागरिकांचा मृत्यू झाल्याच्या दुर्दैवी घटना घडल्या आहेत. या गंभीर प्रकारामुळे जळगावकर नागरिकांच्या जीविताला मोठा धोका निर्माण झाला आहे. महानगरपालिकेने मांस विक्रीसाठी परवाना, बंदिस्त जागा, स्वच्छतेचे निकष आणि कचऱ्याची योग्य विल्हेवाट लावण्याची कडक नियमावली तयार केली आहे, मात्र या दुकानदारांकडून या सर्व नियमांना धाब्यावर बसवले जात आहे. 'अन्न सुरक्षा आणि मानके कायदा, २००६' (FSSAI) तसेच 'महाराष्ट्र महानगरपालिका अधिनियम' मधील तरतुदींनुसार निवासी भागात आणि उघड्यावर अशा प्रकारे

मांस कापण्यास व विकण्यास सक्त मनाई असतानाही प्रशासनाच्या दुर्लक्षामुळे हा व्यवसाय सर्रास सुरू आहे. हे नागरिकांच्या जगण्याच्या मूलभूत अधिकारांचे (भारतीय संविधानाचे कलम २१) थेट उल्लंघन असून प्रशासनाने तात्काळ जागे होऊन कारवाई करणे गरजेचे आहे, असे समितीने म्हटले आहे. समितीच्या प्रमुख आणि कायदेशीर मागण्यांमध्ये शहरातील नागरी वस्त्यांमध्ये आणि रस्त्यांच्या कडेला सुरू असलेली सर्व अनधिकृत व उघड्यावरील मांस विक्रीची दुकाने त्वरित प्रशासकीय बळाचा वापर करून बंद करणे; मनपाच्या नियमांचे आणि न्यायालयाच्या आदेशांचे उल्लंघन करणाऱ्यांवर तात्काळ फौजदारी गुन्हे दाखल करणे; मनपाच्या स्वच्छता आणि अतिक्रमण विभागामार्फत नियमित गस्त घालून छुप्या व्यवसायांवर दंडात्मक व जप्तीची कारवाई करणे; आणि मांस विक्रेत्यांनी कचरा रस्त्यावर टाकल्यास पर्यावरणाची हानी केल्याप्रकरणी कठोर कारवाई करणे या बाबींचा समावेश आहे. या बेकायदेशीर व्यवसायामुळे नागरी वस्त्यांमध्ये तीव्र दुर्गंधी पसरत असून, संसर्गजन्य आजार पसरण्याचा मोठा धोका निर्माण झाला आहे, तसेच महिला, लहान मुले आणि वृद्ध नागरिकांना या परिसरातून प्रवास करणे असह्य झाले आहे. जळगाव शहर महानगरपालिका प्रशासनाने या निवेदनाची गंभीर दखल घेऊन पुढील ७ दिवसांच्या आत ठोस व प्रत्यक्ष कारवाई केली नाही, तर तीव्र जनआंदोलन उभारण्यात येईल आणि नागरिकांच्या सुरक्षेसाठी उच्च न्यायालयात जनहित याचिका (PIL) दाखल करण्यात येईल, ज्याची सर्वस्वी जबाबदारी मनपा प्रशासनाची राहील, असा स्पष्ट इशारा हिंदु जनजागृती समितीने दिला आहे.