Shuru
Apke Nagar Ki App…
कळमनुरी तालुक्यातील नांदापूर परिसरात २१ जून रोजी सकाळी ९.३० वाजण्याच्या सुमारास कळमनुरी पोलिसांनी अवैध वाळू वाहतूक करणाऱ्या एका ट्रॅक्टरवर कारवाई केली. या कारवाईत पोलिसांनी ट्रॅक्टर, ट्रॉली आणि वाळूसह एकूण ६ लाख ५६ हजार रुपयांचा मुद्देमाल जप्त केला आहे. पोलिसांना नांदापूर येथील रेल्वे स्टेशनच्या पाठीमागील परिसरात अवैध वाळू वाहतूक सुरू असल्याची माहिती मिळाली होती. या माहितीनुसार, पोलीस निरीक्षक जमीर नाईक यांच्या मार्गदर्शनाखाली पोलिस पथकाने तात्काळ छापा टाकला. या छाप्यात म्हैसगव्हाण (ता. कळमनुरी) येथील संतोष गुलाबराव खराटे हा विनापरवाना व विना क्रमांकाच्या ट्रॅक्टर-ट्रॉलीद्वारे अवैधरित्या वाळूची वाहतूक करताना आढळला. पोलिसांनी तात्काळ ट्रॅक्टर व ट्रॉली जप्त केली. जप्त केलेल्या मुद्देमालामध्ये ५ लाख रुपये किमतीचे ट्रॅक्टर हेड, १ लाख ५० हजार रुपये किमतीची ट्रॉली आणि ६ हजार रुपये किमतीची एक ब्रास वाळू, असा एकूण ६ लाख ५६ हजार रुपयांचा मुद्देमाल समाविष्ट आहे. या प्रकरणी पोलीस शिपाई शेख रहीमोद्दीन शरीफोद्दीन यांच्या फिर्यादीनुसार संबंधितांविरुद्ध विविध कलमांतर्गत गुन्हा दाखल करण्यात आला आहे. या प्रकरणाचा पुढील तपास सहाय्यक पोलीस उपनिरीक्षक सांगळे करत आहेत.
Shankar mulgir
कळमनुरी तालुक्यातील नांदापूर परिसरात २१ जून रोजी सकाळी ९.३० वाजण्याच्या सुमारास कळमनुरी पोलिसांनी अवैध वाळू वाहतूक करणाऱ्या एका ट्रॅक्टरवर कारवाई केली. या कारवाईत पोलिसांनी ट्रॅक्टर, ट्रॉली आणि वाळूसह एकूण ६ लाख ५६ हजार रुपयांचा मुद्देमाल जप्त केला आहे. पोलिसांना नांदापूर येथील रेल्वे स्टेशनच्या पाठीमागील परिसरात अवैध वाळू वाहतूक सुरू असल्याची माहिती मिळाली होती. या माहितीनुसार, पोलीस निरीक्षक जमीर नाईक यांच्या मार्गदर्शनाखाली पोलिस पथकाने तात्काळ छापा टाकला. या छाप्यात म्हैसगव्हाण (ता. कळमनुरी) येथील संतोष गुलाबराव खराटे हा विनापरवाना व विना क्रमांकाच्या ट्रॅक्टर-ट्रॉलीद्वारे अवैधरित्या वाळूची वाहतूक करताना आढळला. पोलिसांनी तात्काळ ट्रॅक्टर व ट्रॉली जप्त केली. जप्त केलेल्या मुद्देमालामध्ये ५ लाख रुपये किमतीचे ट्रॅक्टर हेड, १ लाख ५० हजार रुपये किमतीची ट्रॉली आणि ६ हजार रुपये किमतीची एक ब्रास वाळू, असा एकूण ६ लाख ५६ हजार रुपयांचा मुद्देमाल समाविष्ट आहे. या प्रकरणी पोलीस शिपाई शेख रहीमोद्दीन शरीफोद्दीन यांच्या फिर्यादीनुसार संबंधितांविरुद्ध विविध कलमांतर्गत गुन्हा दाखल करण्यात आला आहे. या प्रकरणाचा पुढील तपास सहाय्यक पोलीस उपनिरीक्षक सांगळे करत आहेत.
More news from महाराष्ट्र and nearby areas
- गेल्या १५ ते २० वर्षांपासून रखडलेली पेडगाव येथील नळ पाणीपुरवठा योजना अखेर मार्गी लागली असून, उद्यापासून ती प्रत्यक्ष सुरू होणार आहे. या योजनेमुळे पाण्यासाठी संघर्ष करणाऱ्या ग्रामस्थांना मोठा दिलासा मिळाला असून, गावात आनंदाचे वातावरण निर्माण झाले आहे. आता गावकऱ्यांना घरपोच पिण्याचे पाणी मिळणार आहे. अनेक वर्षांपासून पेडगावमधील नागरिकांना पिण्याच्या पाण्याच्या गंभीर समस्येला सामोरे जावे लागत होते. विशेषतः उन्हाळ्यात पाणीटंचाई अधिक तीव्र होत असल्याने महिलांना दूरवरून पाणी आणण्यासाठी पायपीट करावी लागत होती. ज्येष्ठ नागरिक, महिला आणि सर्वसामान्य कुटुंबांना पाण्यासाठी खूप धावपळ करावी लागत असे. पाण्यासारख्या मूलभूत सुविधेसाठी ग्रामस्थांनी अनेकदा प्रशासनाकडे मागणी केली होती, परंतु विविध कारणांमुळे हा प्रश्न प्रलंबित राहिला होता. गावातील या गंभीर समस्येची दखल घेत पत्रकार विश्वास कुटे यांनी पेडगावच्या पाणीप्रश्नासाठी सातत्याने पाठपुरावा केला. त्यांनी ग्रामस्थांच्या अडचणी प्रशासनासमोर मांडल्या आणि संबंधित विभागाकडे पाठपुरावा करून नळ योजना सुरू करण्यासाठी प्रयत्न केले. नागरिकांच्या मूलभूत सोयी-सुविधांचा प्रश्न म्हणून त्यांनी हा विषय लावून धरल्यामुळे अखेर प्रशासनाने सकारात्मक भूमिका घेत नळ योजना सुरू करण्याचा मार्ग मोकळा केला. नळ पाणीपुरवठा योजना सुरू झाल्याने गावातील प्रत्येक घरापर्यंत पिण्याचे पाणी पोहोचेल. यामुळे नागरिकांची पाण्यासाठी होणारी भटकंती थांबणार असून, महिलांच्या श्रमात मोठी बचत होणार आहे. या योजनेचा गावातील आरोग्य, स्वच्छता आणि दैनंदिन जीवनावरही सकारात्मक परिणाम होईल. येत्या २२ जून रोजी सकाळी ८:३० वाजता पेडगाव येथे नळ पाणीपुरवठा सुरू करण्यात येणार असून, सर्व ग्रामस्थांनी वेळेत उपस्थित राहून नळाचे पाणी भरून घ्यावे, असे आवाहन करण्यात आले आहे. ग्रामस्थांनी पत्रकार विश्वास कुटे यांच्या प्रयत्नांचे कौतुक केले असून, अनेक वर्षांपासून प्रलंबित असलेला पाणी प्रश्न मार्गी लावण्यासाठी त्यांनी केलेल्या प्रयत्नांबद्दल समाधान व्यक्त केले आहे. पेडगावच्या विकासाच्या दृष्टीने हा एक ऐतिहासिक टप्पा मानला जात असून, पाण्याचा प्रश्न सुटल्याने गावाच्या प्रगतीला नवी दिशा मिळणार आहे.3न्युज मराठी 24x7 वाशिम
- संजय जाधवांसह सहा खासदारांनी बंड केल्यानंतर उद्धव ठाकरे परभणी दौऱ्यावर जात आहेत. 27 जूनपासून दोन दिवसांसाठी उद्धव ठाकरे परभणीत मुक्कामी असतील, जिथे ते शिवसैनिकांशी थेट संवाद साधणार आहेत. बंडानंतर पक्षाची संघटना नव्याने बांधण्यासाठी ठाकरे मैदानात उतरले आहेत.1Abn news
- महाराष्ट्रातील अकोला जिल्ह्यामध्ये वंचित बहुजन आघाडीचे संघटन मजबूत आहे. याच मजबूत संघटनामुळे वंचित बहुजन आघाडीची या भागावर सत्ता आहे, ज्याला ‘अकोला पॅटर्न’ म्हणून ओळखले जाते.1सारनाथ अवचार
- मंठा शहरातील बसस्थानक परिसरात रविवारी रात्री सुमारे ८ वाजण्याच्या सुमारास एका अनोळखी व्यक्तीला अचानक हृदयविकाराचा झटका आल्याने त्याचा मृत्यू झाला. या घटनेमुळे परिसरात काही काळ हळहळ व्यक्त करण्यात आली. घटनेची माहिती मिळताच मंठा पोलिसांनी तात्काळ घटनास्थळी धाव घेत त्या व्यक्तीला उपचारासाठी मंठा ग्रामीण रुग्णालयात दाखल केले. मात्र, तपासणीनंतर डॉक्टरांनी त्याला मृत घोषित केले. मृत व्यक्तीच्या जवळ सापडलेल्या मोबाईल फोन व आधार कार्डावरून त्याची ओळख जनार्धन बेळजी नादरे (वय ३९ वर्षे) अशी पटली. ते हिंगोली जिल्ह्यातील वसमत तालुक्यातील माळवटा येथील रहिवासी असल्याचे समोर आले आहे. पोलिसांनी या घटनेची नोंद घेतली असून पुढील तपास सुरू आहे.1Sandip Gaikwad
- विदर्भाची पंढरी म्हणून ओळख असलेल्या बुलढाणा जिल्ह्यातील शेगाव येथून श्री संत गजानन महाराजांची पालखी पंढरपूरकडे मार्गस्थ झाली आहे. या पायी वारीचे हे ५७ वे वर्ष असून, यामध्ये ७०० हून अधिक वारकरी भगव्या पताका घेऊन सहभागी झाले आहेत. टाळ-मृदंगाच्या गजरात संत गजानन महाराजांची पालखी आज सकाळी पंढरपूरकडे निघाली. शेगाव ते पंढरपूर असा सुमारे ७५० किलोमीटरचा प्रवास ही पालखी ३३ दिवसांत पूर्ण करेल आणि २३ जुलै रोजी पंढरपुरात दाखल होईल. त्यानंतर आषाढी एकादशीच्या सोहळ्यात सहभागी होऊन ही पालखी २८ जुलैपर्यंत पंढरपुरातच मुक्काम करणार आहे. या पवित्र सोहळ्याचे साक्षीदार होण्यासाठी आज लाखो भाविक शेगावमध्ये दाखल झाले होते, ज्यामुळे संपूर्ण संत नगरी 'गण गण गणात बोते'च्या जयघोषाने दुमदुमून गेली होती. पंढरपुरातील मुक्कामानंतर, पालखी शेगावसाठी परतीच्या प्रवासाला निघेल.4गजानन कडुजी राऊत
- पातुर येथे झालेल्या निवडणुकीत काँग्रेसचे हिद्दू पैलवान यांनी बहुमताने विजय मिळवला आहे. त्यांनी मोठ्या मताधिक्याने ही निवडणूक जिंकली.1Irfan Shaikh
- राष्ट्रवादी पक्षाच्या अजित पवार गटातून श्री राजेंद्र जैन हे राज्यसभा सदस्य म्हणून खासदार आहेत.1माधव गायकवाड
- मंठा शहर आणि परिसरात बेकायदेशीरपणे धारदार शस्त्रे बाळगणाऱ्यांविरोधात मंठा पोलिसांनी कठोर कारवाई केली आहे. या कारवाईत दोन व्यक्तींविरुद्ध भारतीय हत्यार कायदा कलम 4/25 अन्वये गुन्हे दाखल करण्यात आले असून, त्यांच्याकडून दोन धारदार तलवारी जप्त करण्यात आल्या आहेत. रविवारी (दि. 21 जून) पोलीस ठाणे मंठा येथील अधिकारी व अंमलदार हद्दीत पेट्रोलिंग करत असताना मिळालेल्या गोपनीय माहितीच्या आधारे अहमदपुरा आणि बाबानगर परिसरात छापेमारी करण्यात आली. यावेळी संशयितांची झडती घेतली असता त्यांच्या ताब्यात बेकायदेशीर तलवारी आढळून आल्या. या कारवाईमध्ये जावेद जुमा शेख (वय 27, रा. अहमदपुरा, ता. मंठा) याच्याकडून एक धारदार तलवार जप्त करण्यात आली, ज्यानंतर त्याच्याविरुद्ध गुन्हा रजिस्टर क्रमांक 341/2026 नुसार भारतीय हत्यार कायदा कलम 4/25 अन्वये गुन्हा दाखल झाला. याचप्रकारे, विनायक नारायणराव इंगोले (वय 43, रा. बाबानगर, ह.मु. डॉ. बाबासाहेब आंबेडकर पुतळा परिसर, मंठा) याच्याकडूनही एक धारदार तलवार जप्त करून त्याच्याविरुद्ध गुन्हा रजिस्टर क्रमांक 342/2026 नुसार संबंधित कलमाखाली गुन्हा नोंदवण्यात आला. या दोन्ही आरोपींकडून जप्त करण्यात आलेली शस्त्रे पोलिसांनी ताब्यात घेतली असून, मंठा पोलीस ठाण्यामार्फत प्रकरणाचा पुढील तपास सुरू आहे. ही कारवाई पोलीस अधीक्षक जालना, अपर पोलीस अधीक्षक जालना आणि उपविभागीय पोलीस अधिकारी परतूर यांच्या मार्गदर्शनाखाली पार पडली.1Sandip Gaikwad
- वाशिम जिल्ह्यांतर्गत असलेल्या डोंगर किणी गावामध्ये बैलाच्या कोठ्याला भीषण आग लागल्याची घटना समोर आली आहे.1सारनाथ अवचार
