Shuru
Apke Nagar Ki App…
দুলীয়াজান কেন্দ্ৰীয় বিদ্যালয়ৰ ছাত্ৰ-ছাত্ৰীক অনা-নিয়া কৰা এজন বিশেষভাৱে সক্ষম ই-ৰিক্সা চালকক এজন CISF জোৱানে অকথ্য গালি-গালাচ কৰাৰ লগতে শাৰীৰিকভাৱে প্ৰহাৰ কৰাৰ এক উদ্বেগজনক ঘটনা পোহৰলৈ আহিছে। ই-ৰিক্সাখন ৰখাই থোৱাক লৈ হোৱা বিবাদৰ পৰিপ্ৰেক্ষিততে জোৱানজনে চালকজনৰ ওপৰত চৰম নিৰ্যাতন চলায়। এই ঘটনাই দুলীয়াজান কেন্দ্ৰীয় বিদ্যালয়ৰ সমীপত তীব্ৰ উত্তেজনাৰ সৃষ্টি কৰিছে। এই ঘটনাৰ প্ৰতিবাদত দুলীয়াজান স্ব-নিয়োজিত চালক সন্থাই আৰক্ষী প্ৰশাসনক ঘটনাটোৰ উচিত তদন্ত চলাই দোষী জোৱানজনৰ বিৰুদ্ধে অতি শীঘ্ৰে কঠোৰ ব্যৱস্থা গ্ৰহণ কৰিবলৈ দাবী জনাইছে।
Digital Sangbad
দুলীয়াজান কেন্দ্ৰীয় বিদ্যালয়ৰ ছাত্ৰ-ছাত্ৰীক অনা-নিয়া কৰা এজন বিশেষভাৱে সক্ষম ই-ৰিক্সা চালকক এজন CISF জোৱানে অকথ্য গালি-গালাচ কৰাৰ লগতে শাৰীৰিকভাৱে প্ৰহাৰ কৰাৰ এক উদ্বেগজনক ঘটনা পোহৰলৈ আহিছে। ই-ৰিক্সাখন ৰখাই থোৱাক লৈ হোৱা বিবাদৰ পৰিপ্ৰেক্ষিততে জোৱানজনে চালকজনৰ ওপৰত চৰম নিৰ্যাতন চলায়। এই ঘটনাই দুলীয়াজান কেন্দ্ৰীয় বিদ্যালয়ৰ সমীপত তীব্ৰ উত্তেজনাৰ সৃষ্টি কৰিছে। এই ঘটনাৰ প্ৰতিবাদত দুলীয়াজান স্ব-নিয়োজিত চালক সন্থাই আৰক্ষী প্ৰশাসনক ঘটনাটোৰ উচিত তদন্ত চলাই দোষী জোৱানজনৰ বিৰুদ্ধে অতি শীঘ্ৰে কঠোৰ ব্যৱস্থা গ্ৰহণ কৰিবলৈ দাবী জনাইছে।
More news from অসম and nearby areas
- নামৰূপৰ এপিএল ৰেঙণি ভৱনত আজি নামৰূপ আঞ্চলিক ছাত্ৰ সন্থাই এক বিশেষ অভিনন্দন অনুষ্ঠানৰ আয়োজন কৰে। হাইস্কুল শিক্ষান্ত আৰু উচ্চতৰ মাধ্যমিক পৰীক্ষাৰ কৃতী ছাত্ৰ-ছাত্ৰীসকলক সম্বৰ্দ্ধনা জ্ঞাপন কৰাৰ উদ্দেশ্যে এই কাৰ্যসূচী হাতত লোৱা হয়। এই অনুষ্ঠানত নামৰূপৰ ৪৫ গৰাকী ছাত্ৰ-ছাত্ৰীক সম্বৰ্দ্ধনা জ্ঞাপন কৰা হয়।1Namrup 24×7
- ডিব্ৰুগড় জিলাৰ টিংখাঙত 'অন্বেষণ ২০২৬' নামৰ এক শৈক্ষিক কৰ্মশালাৰ আয়োজন কৰা হৈছে। মন্ত্ৰী বিমল বৰাৰ পৃষ্ঠপোষকতাত 'Growth from Grassroots'-এ এই কৰ্মশালাখনৰ আয়োজন কৰিছে। যোৱা ৬ জুলাইৰ পৰা আৰম্ভ হোৱা এই শৈক্ষিক কৰ্মশালাখন অহা ১৬ জুলাইলৈকে অনুষ্ঠিত হ’ব।1TINGKHONG NEWS TODAY
- ডুমডুমাৰ জি. এন. বি. ৰোডত অৱস্থিত এটা পৰিয়ালৰ ঘৰত এডাল সাপ সোমোৱাক লৈ সৃষ্টি হৈছিল তীব্ৰ আতংকৰ। পৰিয়ালটোৱে সাপডাল প্ৰত্যক্ষ কৰি ই বিষাক্ত ‘কমন ক্ৰেইট’ সাপৰ দৰে দেখা পোৱাত ভয় খাইছিল যদিও পিছত স্থানীয় এগৰাকী যুৱকে ইয়াক ‘কমন উল্ফ স্নেক’ বুলি চিনাক্ত কৰে। এই প্ৰজাতিটো সম্পূৰ্ণ বিষহীন হোৱাত পৰিয়ালটোৱে স্বস্তিৰ নিশ্বাস পেলায়। উদ্ধাৰকাৰী যুৱকজনে জানিবলৈ দিয়া অনুসৰি, সাপডালে ঘৰৰ ভিতৰতে আঠটা কণী পাৰিছিল। কণীকেইটা উপযুক্ত উষ্ণতাত ৰখাৰ প্ৰায় ৯০ দিনৰ পিছত তাৰ পৰা আঠোটা পোৱালিৰ জন্ম হয়। বৰ্তমান আঠোটা পোৱালি সুকলমে আছে আৰু বন বিভাগৰ সহযোগত অতি শীঘ্ৰেই এই পোৱালিকেইটাক প্ৰকৃতিৰ বুকুত পুনৰ এৰি দিয়া হ'ব।3Ratul Deka
- ডিব্ৰুগড় চহৰৰ নিচেই কাষতে থকা টিংখং ভঙাআলী অঞ্চলত ব্ৰহ্মপুত্ৰৰ প্ৰৱল খহনীয়াই ভয়াৱহ ৰূপ ধাৰণ কৰিছে। নদীৰ গৰা দিনে-নিশাই নিৰন্তৰভাৱে খহি থকাৰ ফলত অঞ্চলটোত এক জটিল পৰিস্থিতিৰ সৃষ্টি হৈছে। এই খহনীয়া প্ৰতিৰোধ কৰাৰ উদ্দেশ্যে জলসম্পদ বিভাগে বৰ্তমান অঞ্চলটোত প্ৰতিৰোধমূলক চেষ্টা অব্যাহত ৰাখিছে।4DIBRUGARH NEWS 24×7
- চৰাইদেউ জিলাৰ লাকুৱা নাহৰহাবি চাহবাগিছাৰ টেংকি পুখুৰীত বাস কৰা ‘জিমি’ নামৰ কাছজনী এতিয়া অঞ্চলটোৰ শিশুসকলৰ মাজত চৰ্চাৰ কেন্দ্ৰবিন্দু হৈ পৰিছে। প্ৰায় এক কুইণ্টল ওজনৰ এই কাছজনীয়ে শিশুসকলৰ সৈতে এক নিবিড় সম্পৰ্ক গঢ়ি তুলিছে। শিশুসকলে মাতিলেই পুখুৰীৰ পাৰলৈ ঢপলিয়াই অহা জিমিৰ বাবে তেওঁলোকে বিস্কুট, বেঙেনা, বিলাহী আৰু মুড়িৰ দৰে খাদ্য লৈ আহে। কেৱল খাদ্য খুৱাই নহয়, শিশুসকলে মৰমৰ জিমিৰ গা ধোৱাই দিও বিভিন্ন ধৰণে মৰম যাচে। পুখুৰীটোত আন কাছ থাকিলেও জিমি কিন্তু শিশুসকলৰ সংগ ল’বলৈহে বেছি আগ্ৰহী। জিমিৰ এই বিশেষ আচৰণ আৰু শিশুসকলৰ সৈতে তাৰ বন্ধুত্বই এতিয়া বহু লোকক আকৰ্ষণ কৰিছে। এই বিৰল দৃশ্য চাবলৈ টেংকি পুখুৰীৰ পাৰত বহু লোকৰ ভিৰ পৰিলক্ষিত হৈছে। এই পৰিস্থিতিত স্থানীয় ৰাইজে চাহবাগিছা কৰ্তৃপক্ষ আৰু বিভাগীয় কৰ্তৃপক্ষক টেংকি পুখুৰীটো চাফ-চিকুণ কৰি ৰখাৰ লগতে ইয়াৰ উপযুক্ত ৰক্ষণাবেক্ষণৰ ব্যৱস্থা গ্ৰহণ কৰিবলৈ আহ্বান জনাইছে।1Charaideo news
- চৰাইদেউ জিলাত পুনৰ উদ্বেগজনকভাৱে বৃদ্ধি পাইছে আফ্ৰিকান ছোৱাইন ফিভাৰৰ প্ৰকোপ। জিলাখনৰ মাহমৰা ৰাজহ চক্ৰৰ অন্তৰ্গত হাতীবন্ধা অঞ্চলত এই মাৰাত্মক ৰোগবিধৰ উপস্থিতি ধৰা পৰাৰ পাছতে স্থানীয় গাহৰি পালকসকলৰ মাজত তীব্ৰ আতংকৰ সৃষ্টি হৈছে। শেহতীয়াকৈ হাতীবন্ধা অঞ্চলৰ এখন ফাৰ্মত পশু চিকিৎসা বিভাগে কৰা পৰীক্ষাত ফাৰ্মখনৰ চাৰিটা গাহৰিৰ দেহত আফ্ৰিকান ছোৱাইন ফিভাৰ নিশ্চিত হোৱাৰ পাছত এই জটিল পৰিস্থিতিৰ উদ্ভৱ হৈছে। ৰোগবিধ যাতে দাঁতিকাষৰীয়া অঞ্চললৈ বিয়পিব নোৱাৰে, তাৰ প্ৰতি লক্ষ্য ৰাখি জিলা পশু চিকিৎসা বিভাগে তৎকালীনভাৱে কঠোৰ সিদ্ধান্ত গ্ৰহণ কৰি বিভাগীয় কৰ্তৃপক্ষৰ উপস্থিতিত সংক্ৰমিত ফাৰ্মখনৰ ৩৬টাকৈ গাহৰি নিধন কৰে। এই আকস্মিক ঘটনাত ফাৰ্মখনৰ গৰাকী যথেষ্ট পৰিমাণৰ আৰ্থিক লোকচানৰ সন্মুখীন হ’বলগীয়া হৈছে। গাহৰি পালনৰ জৰিয়তে জীৱিকা নিৰ্বাহ কৰা লোকসকলে চৰকাৰৰ ওচৰত তাৎক্ষণিক ক্ষতিপূৰণৰ দাবী জনোৱাৰ লগতে ৰোগবিধৰ সংক্ৰমণ ৰোধ কৰিবলৈ প্ৰয়োজনীয় ভেকচিন বা প্ৰতিষেধকৰ ব্যৱস্থা গ্ৰহণ কৰিবলৈ আহ্বান জনাইছে। বৰ্তমান অঞ্চলটোত পশু চিকিৎসা বিভাগে সতৰ্কতা অৱলম্বন কৰাৰ লগতে মাহমৰা ৰাজহ চক্ৰৰ অন্তৰ্গত এলেকাত গাহৰি মাংস বিক্ৰী তথা সৰবৰাহ নিষিদ্ধ কৰিছে চৰাইদেউ জিলা প্ৰশাসনে।1Charaideo News & Entertainment
- নাহৰকটীয়া নগৰৰ পথসমূহৰ ধূলি-বালি আৰু প্ৰদূষণ নিয়ন্ত্ৰণৰ বাবে নাহৰকটীয়া পৌৰসভাই এক গুৰুত্বপূৰ্ণ পদক্ষেপ গ্ৰহণ কৰিছে। পৌৰসভাৰ উদ্যোগত চহৰখনৰ মূল পথসমূহত 'ৱাটাৰ শ্প্ৰিংকুলাৰ এণ্টি ডাষ্ট গান' (Water Sprinkler Anti Dust Gun) ব্যৱহাৰ কৰি পানী ছটিওৱা হয়। পৌৰসভাৰ এই প্ৰচেষ্টাক স্থানীয় ৰাইজে প্ৰশংসা কৰিছে।2Namrup 24×7
- দুলীয়াজান কেন্দ্ৰীয় বিদ্যালয়ৰ ছাত্ৰ-ছাত্ৰীক অনা-নিয়া কৰা এজন বিশেষভাৱে সক্ষম ই-ৰিক্সা চালকক এজন CISF জোৱানে অকথ্য গালি-গালাচ কৰাৰ লগতে শাৰীৰিকভাৱে প্ৰহাৰ কৰাৰ এক উদ্বেগজনক ঘটনা পোহৰলৈ আহিছে। ই-ৰিক্সাখন ৰখাই থোৱাক লৈ হোৱা বিবাদৰ পৰিপ্ৰেক্ষিততে জোৱানজনে চালকজনৰ ওপৰত চৰম নিৰ্যাতন চলায়। এই ঘটনাই দুলীয়াজান কেন্দ্ৰীয় বিদ্যালয়ৰ সমীপত তীব্ৰ উত্তেজনাৰ সৃষ্টি কৰিছে। এই ঘটনাৰ প্ৰতিবাদত দুলীয়াজান স্ব-নিয়োজিত চালক সন্থাই আৰক্ষী প্ৰশাসনক ঘটনাটোৰ উচিত তদন্ত চলাই দোষী জোৱানজনৰ বিৰুদ্ধে অতি শীঘ্ৰে কঠোৰ ব্যৱস্থা গ্ৰহণ কৰিবলৈ দাবী জনাইছে।1Digital Sangbad
