આમોદ: નાહિયેર પાસે રિક્ષા-બાઈક વચ્ચે કાળમુખો અકસ્માત, એક નું મોત આમોદ તાલુકામાં આવેલા આમોદ નજીક નાહિયેર ગામ પાસે આજે એક કરુણ અકસ્માત સર્જાયો હતો. નાહિયેર પાસે પેટ્રોલ પંપ સામે પેસેન્જર રિક્ષા અને બાઈક વચ્ચે સામસામે થયેલી જોરદાર ટક્કરે સમગ્ર પંથકમાં અરેરાટી ફેલાવી દીધી છે. આ દુર્ઘટનામાં ગંભીર ઇજાઓને કારણે એક વયોવૃદ્ધનું સારવાર દરમિયાન મોત નીપજ્યું છે, જ્યારે અન્ય 5 થી 6 લોકો ઘાયલ થયા છે. પ્રાપ્ત માહિતી અનુસાર વાગરા–જંબુસર માર્ગ પર દોડતી મુસાફરો ભરેલી રિક્ષા અને બાઈક વચ્ચે અકસ્માત સર્જાયો હતો. નવા વાડિયા ગામના વતની 70 વર્ષીય જયંતીભાઈ ગોવિંદભાઈ વસાવા તેમના પૌત્ર સાથે બાઈક પર પસાર થઈ રહ્યા હતા, ત્યારે સામેથી આવતી રિક્ષા સાથે તેમની જોરદાર ટક્કર થઈ હતી. ટક્કર એટલી ભયાનક હતી કે બાઈક સવાર દાદા અને પૌત્ર રસ્તા પર ફંગોળાયા હતા. રિક્ષામાં બેઠેલા મુસાફરોને પણ માથા તથા હાથ-પગના ભાગે ગંભીર ઇજાઓ પહોંચી હતી. અકસાનત બાદ આસપાસના લોકો અને રાહદારીઓ તરત જ મદદ માટે દોડી આવ્યા હતા. સ્થાનિકોએ માનવતા દાખવી તાત્કાલિક ૧૦૮ એમ્બ્યુલન્સને જાણ કરી, જેના દ્વારા તમામ ઇજાગ્રસ્તોને આમોદ રેફરલ હોસ્પિટલ ખાતે ખસેડવામાં આવ્યા હતા. કમનસીબે, ગંભીર રીતે ઘવાયેલા જયંતીભાઈએ હોસ્પિટલમાં સારવાર દરમિયાન અંતિમ શ્વાસ લીધા હતા. હાલમાં અન્ય ઇજાગ્રસ્તો સારવાર હેઠળ છે અને તબીબોની દેખરેખમાં છે. પોલીસે અકસ્માતનો ગુનો નોંધી તપાસ શરૂ કરી છે. અકસ્માત કયા સંજોગોમાં સર્જાયો અને કોની બેદરકારી કારણભૂત હતી તે જાણવા માટે કાયદેસરની કાર્યવાહી હાથ ધરવામાં આવી રહી છે.

Daily amod news

આમોદ, ભરૂચ, ગુજરાત•

15 hrs ago

આમોદ: નાહિયેર પાસે રિક્ષા-બાઈક વચ્ચે કાળમુખો અકસ્માત, એક નું મોત આમોદ તાલુકામાં આવેલા આમોદ નજીક નાહિયેર ગામ પાસે આજે એક કરુણ અકસ્માત સર્જાયો હતો. નાહિયેર પાસે પેટ્રોલ પંપ સામે પેસેન્જર રિક્ષા અને બાઈક વચ્ચે સામસામે થયેલી જોરદાર ટક્કરે સમગ્ર પંથકમાં અરેરાટી ફેલાવી દીધી છે. આ દુર્ઘટનામાં ગંભીર ઇજાઓને કારણે એક વયોવૃદ્ધનું સારવાર દરમિયાન મોત નીપજ્યું છે, જ્યારે અન્ય 5 થી 6 લોકો ઘાયલ થયા છે. પ્રાપ્ત માહિતી અનુસાર વાગરા–જંબુસર માર્ગ પર દોડતી મુસાફરો ભરેલી રિક્ષા અને બાઈક વચ્ચે અકસ્માત સર્જાયો હતો. નવા વાડિયા ગામના વતની 70 વર્ષીય જયંતીભાઈ ગોવિંદભાઈ વસાવા તેમના પૌત્ર સાથે બાઈક પર પસાર થઈ રહ્યા હતા, ત્યારે સામેથી આવતી રિક્ષા સાથે તેમની જોરદાર ટક્કર થઈ હતી. ટક્કર એટલી ભયાનક હતી કે બાઈક સવાર દાદા અને પૌત્ર રસ્તા પર ફંગોળાયા હતા. રિક્ષામાં બેઠેલા મુસાફરોને પણ માથા તથા હાથ-પગના ભાગે ગંભીર ઇજાઓ પહોંચી હતી. અકસાનત બાદ આસપાસના લોકો અને રાહદારીઓ તરત જ મદદ માટે દોડી આવ્યા હતા. સ્થાનિકોએ માનવતા દાખવી તાત્કાલિક ૧૦૮ એમ્બ્યુલન્સને જાણ કરી, જેના દ્વારા તમામ ઇજાગ્રસ્તોને આમોદ રેફરલ હોસ્પિટલ ખાતે ખસેડવામાં આવ્યા હતા. કમનસીબે, ગંભીર રીતે ઘવાયેલા જયંતીભાઈએ હોસ્પિટલમાં સારવાર દરમિયાન અંતિમ શ્વાસ લીધા હતા. હાલમાં અન્ય ઇજાગ્રસ્તો સારવાર હેઠળ છે અને તબીબોની દેખરેખમાં છે. પોલીસે અકસ્માતનો ગુનો નોંધી તપાસ શરૂ કરી છે. અકસ્માત કયા સંજોગોમાં સર્જાયો અને કોની બેદરકારી કારણભૂત હતી તે જાણવા માટે કાયદેસરની કાર્યવાહી હાથ ધરવામાં આવી રહી છે.