বৰপেটা জিলাৰ কয়াকুছিত H JANNAT INTERNATIONAL UMRAH & HAJJ TRAVELS-ৰ এটা নতুন কাৰ্যালয় আনুষ্ঠানিকভাৱে মুকলি কৰা হৈছে। এই মুকলিৰ লগে লগে উমৰাহ আৰু হজ ভ্ৰমণৰ বাবে বুকিং প্ৰক্ৰিয়াও আৰম্ভ হৈছে।

জয়ন্ত মল্ল বৰুৱাৰ মন্তব্যৰ পিছতে বন বিভাগে সৰ্থেবাৰীৰ চতলা অঞ্চলত এক বৃহৎ অভিযান চলায়। এই অভিযানৰ ফলত অঞ্চলটোৰ পৰা অবৈধ কাঠমিল জব্দ কৰা হৈছে।

বৰপেটা জিলাৰ ভেৰালদি অঞ্চলত এগৰাকী বোৱাৰীৰ ৰহস্যজনক মৃত্যুৱে ব্যাপক চাঞ্চল্যৰ সৃষ্টি কৰিছে। এই ঘটনাৰ পাছতে অঞ্চলটোত যৌতুক নিৰ্যাতনৰ অভিযোগ উত্থাপিত হৈছে, যাৰ ফলত সমগ্ৰ অঞ্চলটো উত্তাল হৈ পৰিছে।

কলগাছিয়াৰ বালিকুৰি অঞ্চলত ইছলাম ধৰ্মাৱলম্বী লোকসকলে এক উখল-মাখল পৰিৱেশেৰে মহৰম উৎসৱ পালন কৰিছে। এই উপলক্ষে পৰম্পৰাগত জাৰি গানেৰে চৌদিশ মুখৰিত কৰি ইমাম হুছেইন আৰু হাছানক স্মৰণ কৰা হৈছে। ইছলামধৰ্মী লোকসকলে আসনত ধূপ-চাকি জ্বলাই সেৱা আগবঢ়াইছে, আৰু ইছলাম ধৰ্ম প্ৰচাৰৰ নামত শ্বহীদ হোৱা ইমাম হুছেইন-হাছানক স্মৰণ কৰি একাংশ মুছলমান হুকহুকাই কান্দি উঠিছে। উল্লেখ্য যে, মহৰম ইছলামিক বৰ্ষপঞ্জীৰ প্ৰথম মাহ। এই মাহৰ প্ৰথম দিন, অৰ্থাৎ ১৬ জুনৰ পৰা কলগাছিয়াৰ বালিকুৰি অঞ্চলৰ ইছলামধৰ্মী লোকসকলে উলহ-মালহেৰে এই উৎসৱ উদযাপন কৰি আহিছে। মহৰম উপলক্ষে বালিকুৰি গাঁৱৰ ৰাইজে নিজৰ চোতালত একগোট হৈ দলবদ্ধভাৱে ঘূৰি ঘূৰি জাৰি গীত গাই এই মহৰম উৎসৱ পালন কৰিছে। আৰবী মহৰম মাহৰ ১০ তাৰিখে প্ৰিয় নবী হজৰত মোহাম্মদৰ নাতি ইমাম হুছেইনে ইৰাক ৰাষ্ট্ৰৰ কাৰবালাৰ মৰুপ্ৰান্তত কাফিৰসকলৰ হাতত কৰুণভাৱে প্ৰাণ আহুতি দিছিল। এই দিনটোৰ পৰাই মুছলমানসকলে মহৰম মাহৰ দহ দিনলৈকে এইদৰে মহৰম উৎসৱ পালন কৰে।

অম্বুবাচী মেলা চাবলৈ অহা বহি ৰাজ্যৰ এগৰাকী দৰ্শনাৰ্থীক ট্ৰেইনৰ পৰা পেলাই দিয়াৰ ঘটনা সন্দৰ্ভত বঙাইগাঁও ৰেল আৰক্ষীয়ে দুৰ্বৃত্তজনক আটক কৰিছে। এই ঘটনা যোগীঘোপাত সংঘটিত হৈছিল, য'ত ২২৪৪৯ সম্পৰ্ক ক্ৰান্তি এক্সপ্ৰেছ ৰেলৰ পৰা এজন দৰ্শনাৰ্থীক পেলাই দিয়া হৈছিল। জম্মুৰ পৰা অহা পাঁচজনীয়া বন্ধুৰ দলৰ ভিতৰত বিকি শৰ্মা নামৰ এজনক এজন দুৰ্বৃত্তই ৰেলৰ পৰা পেলাই দিছিল। বঙাইগাঁও ৰেল আৰক্ষীয়ে অভিযান চলাই ধুবুৰী জিলাৰ ছফিকুল ইছলাম নামৰ দুৰ্বৃত্তজনক আটক কৰে।

মুছলপুৰত বিপিএফৰ পলিচি মেকিং বডী (PMB)ৰ বৈঠকত বিটিচি প্ৰধান হাগ্ৰামা মহিলাৰীয়ে কেবাটাও গুৰুত্বপূৰ্ণ মন্তব্য কৰে।

বাক্সা জিলাৰ মানস বিধানসভা সমষ্টিৰ অন্তৰ্গত বড়োবজাৰত বিদ্যালয়ৰ ছাত্ৰ-ছাত্ৰীসকলে যাতায়তৰ ক্ষেত্ৰত দুৰ্ভোগ ভুগিবলগীয়া হৈছে।

বৰপেটা জিলাৰ কয়াকুছিত H JANNAT INTERNATIONAL UMRAH & HAJJ TRAVELS-ৰ এটা নতুন কাৰ্যালয় আনুষ্ঠানিকভাৱে মুকলি কৰা হৈছে। এই মুকলিৰ লগে লগে উমৰাহ আৰু হজ ভ্ৰমণৰ বাবে বুকিং প্ৰক্ৰিয়াও আৰম্ভ হৈছে।

বাক্সা জিলাৰ নিচলামাৰীত অৱস্থিত হলাপাৰ প্ৰাথমিক বিদ্যালয়খন বৰ্তমান পানীৰ তলত। যোৱা কেইবাদিনো ধৰি হোৱা নেৰানেপেৰা বৰষুণৰ ফলত বিদ্যালয়খনৰ চৌহদ সম্পূৰ্ণৰূপে পানীত ডুব যোৱাৰ লগতে মেটেকাৰে আৱৰি আছে। এই পৰিস্থিতিৰ বাবে উপায়হীন হৈ বিদ্যালয়খনৰ শিক্ষকে ওচৰতে থকা এক আশ্ৰমত পাঠদান কৰি আছে। বিদ্যালয়খনৰ শিক্ষকসকলে অৱগত কৰা মতে, পাগলদীয়া নৈৰ পশ্চিম পাৰে নিৰ্মাণ কৰা মথাউৰিৰ ফলতেই এই কৃত্তিম বানপানীৰ সমস্যাৰ সৃষ্টি হৈছে। তেওঁলোকে লগতে অভিযোগ কৰিছে যে শিক্ষা বিভাগক এই বিষয় সম্পৰ্কে অৱগত কৰাৰ পিছতো আজিলৈকে কোনো ব্যৱস্থা গ্ৰহণ কৰা হোৱা নাই।