बल्लारपूरमध्ये भीषण दुर्घटना : झोपडीवर भरधाव चारचाकीची धडक, मध्यप्रदेशातील मजुराचा जागीच मृत्यू बल्लारपूरमध्ये भीषण दुर्घटना : झोपडीवर भरधाव चारचाकीची धडक, मध्यप्रदेशातील मजुराचा जागीच मृत्यू बल्लारपूर प्रतिनिधी : बल्लारपूर तालुक्यातील कारवा मार्गावरील जुनोना डेपो परिसरात मध्यरात्री भीषण अपघात घडला. झोपडीत झोपलेल्या मध्यप्रदेशातील बांबू कटाई मजुरांवर भरधाव चारचाकी वाहन घुसल्याने एका मजुराचा जागीच मृत्यू झाला. या घटनेमुळे परिसरात मोठी खळबळ उडाली आहे. मिळालेल्या माहितीनुसार, मध्यप्रदेश राज्यातील तब्बल २४ मजूर पोंभुर्णा परिसरात बांबू कटाईच्या कामासाठी आले होते. ठेकेदार आनंद धुर्वे यांनी या मजुरांना कामासाठी चंद्रपूर जिल्ह्यात आणले होते. पोंभुर्णा येथील काम पूर्ण झाल्यानंतर मजुरांनी ठेकेदाराकडे मेहनताना मागितला. मात्र, “आज पेमेंट होणार नाही, दोन दिवस थांबा,” असे सांगून सर्व मजुरांना कारवा रोडवरील जुनोना डेपो येथे थांबविण्यात आले. ठेकेदाराने चारचाकी वाहनातून सर्व मजुरांना डेपो परिसरात सोडले. रात्री जेवण करून सर्व मजूर डेपोमधील झोपडीजवळ झोपले होते. दरम्यान, २ मे रोजी मध्यरात्री सुमारे २.३० वाजताच्या सुमारास भरधाव आणि अनियंत्रित MH 49 CS 6844 क्रमांकाचे चारचाकी वाहन थेट झोपडीवर जाऊन धडकले. अचानक झालेल्या या धडकेमुळे झोपलेल्या मजुरांमध्ये एकच गोंधळ उडाला. सर्व मजूर जीव वाचवण्यासाठी इकडे-तिकडे पळू लागले. वाहनाच्या जोरदार धडकेमुळे झोपडीची भिंत कोसळली. भिंतीलगत झोपलेले देवलाल शामलाल पंधरे (वय ५५, रा. चारगाव, जि. मंडला, मध्यप्रदेश) यांच्या अंगावर भिंत पडल्याने त्यांचा जागीच मृत्यू झाला. अपघातानंतर वाहन चालक घटनास्थळावरून पसार झाला. घटनेची माहिती मिळताच बल्लारपूर पोलिसांनी घटनास्थळी धाव घेत पंचनामा केला. या प्रकरणी पोलिसांनी फरार वाहन चालकाविरुद्ध कलम १०६(१), २८१ अन्वये गुन्हा दाखल केला असून पुढील तपास बल्लारपूर पोलीस उपनिरीक्षक प्रेमशाह सयाम करीत आहेत. या दुर्दैवी घटनेमुळे मजूर वर्गामध्ये भीतीचे वातावरण निर्माण झाले असून ठेकेदारांच्या निष्काळजीपणावरही प्रश्नचिन्ह उपस्थित होत आहे.

Jivandas Gedam

Press advisory पोंभुर्णा, चंद्रपूर, महाराष्ट्र•

5 hrs ago

बल्लारपूरमध्ये भीषण दुर्घटना : झोपडीवर भरधाव चारचाकीची धडक, मध्यप्रदेशातील मजुराचा जागीच मृत्यू बल्लारपूरमध्ये भीषण दुर्घटना : झोपडीवर भरधाव चारचाकीची धडक, मध्यप्रदेशातील मजुराचा जागीच मृत्यू बल्लारपूर प्रतिनिधी : बल्लारपूर तालुक्यातील कारवा मार्गावरील जुनोना डेपो परिसरात मध्यरात्री भीषण अपघात घडला. झोपडीत झोपलेल्या मध्यप्रदेशातील बांबू कटाई मजुरांवर भरधाव चारचाकी वाहन घुसल्याने एका मजुराचा जागीच मृत्यू झाला. या घटनेमुळे परिसरात मोठी खळबळ उडाली आहे. मिळालेल्या माहितीनुसार, मध्यप्रदेश राज्यातील तब्बल २४ मजूर पोंभुर्णा परिसरात बांबू कटाईच्या कामासाठी आले होते. ठेकेदार आनंद धुर्वे यांनी या मजुरांना कामासाठी चंद्रपूर जिल्ह्यात आणले होते. पोंभुर्णा येथील काम पूर्ण झाल्यानंतर मजुरांनी ठेकेदाराकडे मेहनताना मागितला. मात्र, “आज पेमेंट होणार नाही, दोन दिवस थांबा,” असे सांगून सर्व मजुरांना कारवा रोडवरील जुनोना डेपो येथे थांबविण्यात आले. ठेकेदाराने चारचाकी वाहनातून सर्व मजुरांना डेपो परिसरात सोडले. रात्री जेवण करून सर्व मजूर डेपोमधील झोपडीजवळ झोपले होते. दरम्यान, २ मे रोजी मध्यरात्री सुमारे २.३० वाजताच्या सुमारास भरधाव आणि अनियंत्रित MH 49 CS 6844 क्रमांकाचे चारचाकी वाहन थेट झोपडीवर जाऊन धडकले. अचानक झालेल्या या धडकेमुळे झोपलेल्या मजुरांमध्ये एकच गोंधळ उडाला. सर्व मजूर जीव वाचवण्यासाठी इकडे-तिकडे पळू लागले. वाहनाच्या जोरदार धडकेमुळे झोपडीची भिंत कोसळली. भिंतीलगत झोपलेले देवलाल शामलाल पंधरे (वय ५५, रा. चारगाव, जि. मंडला, मध्यप्रदेश) यांच्या अंगावर भिंत पडल्याने त्यांचा जागीच मृत्यू झाला. अपघातानंतर वाहन चालक घटनास्थळावरून पसार झाला. घटनेची माहिती मिळताच बल्लारपूर पोलिसांनी घटनास्थळी धाव घेत पंचनामा केला. या प्रकरणी पोलिसांनी फरार वाहन चालकाविरुद्ध कलम १०६(१), २८१ अन्वये गुन्हा दाखल केला असून पुढील तपास बल्लारपूर पोलीस उपनिरीक्षक प्रेमशाह सयाम करीत आहेत. या दुर्दैवी घटनेमुळे मजूर वर्गामध्ये भीतीचे वातावरण निर्माण झाले असून ठेकेदारांच्या निष्काळजीपणावरही प्रश्नचिन्ह उपस्थित होत आहे.