🚨 “ठरलेल्या मार्गाने मुंबईला जाणारच!”; पाटोदा येथील पत्रकार परिषदेत मनोज जरांगे पाटील यांचे स्पष्ट संकेत 🚨 “ठरलेल्या मार्गाने मुंबईला जाणारच!”; पाटोदा येथील पत्रकार परिषदेत मनोज जरांगे पाटील यांचे स्पष्ट संकेत पाटोदा | प्रतिनिधी मराठा आरक्षणाच्या मागणीसाठी मुंबईच्या दिशेने निघालेले संघर्षयोद्धा मनोज जरांगे पाटील यांनी पाटोदा येथे पत्रकार परिषद घेत आंदोलनाच्या पुढील भूमिकेबाबत महत्त्वाचे मुद्दे स्पष्ट केले. कुठल्याही परिस्थितीत ठरलेल्या मार्गाने मुंबईला जाणार असल्याचे त्यांनी सांगितले. १८ सप्टेंबरला मुंबईत प्रवेश करण्याचे नियोजन असून, सरकार किंवा प्रशासनाने अडवण्याचा प्रयत्न केल्यास समाज बांधवांनी मुंबईत कधी यायचे, याबाबत आपण पुढील निर्णय जाहीर करू, असे जरांगे पाटील यांनी स्पष्ट केले. मोठ्या संख्येने वाहने व समाजबांधव सोबत येत असल्याने मार्गात अडचणी निर्माण होत असल्याचे सांगत त्यांनी, “मी पुढे जात आहे; माझ्यासोबत आलेल्या समाजबांधवांनी परत जावे. माझ्यासोबत पुढे येऊ नका,” असे आवाहन केले. दरम्यान, सरकारसोबत चर्चेचे दरवाजे अद्याप खुले असल्याचेही जरांगे पाटील यांनी सांगितले. पश्चिम महाराष्ट्राशी संबंधित सातारा व कोल्हापूर गॅझेट संदर्भात कायदेशीर पेच असल्यास मुख्यमंत्री देवेंद्र फडणवीस यांनी त्याबाबत ठरावीक कालमर्यादेचे लेखी आश्वासन द्यावे, अशी मागणी त्यांनी केली. तसेच हैदराबाद गॅझेटच्या आधारे देण्यात आलेल्या प्रमाणपत्रांच्या वैधतेसंदर्भात येणाऱ्या अडचणींबाबत अधिकारी व तज्ज्ञांचे मार्गदर्शन घेऊन शासन निर्णयात (GR) आवश्यक सुधारणा करण्यात यावी, अशी भूमिकाही त्यांनी मांडली. “पाटोद्यात मुक्काम; उद्या मुंबईकडे रवाना” मनोज जरांगे पाटील हे आज पाटोदा येथे मुक्काम करणार असून, उद्या मुंबईच्या दिशेने रवाना होणार असल्याचे स्पष्ट करण्यात आले आहे. त्यामुळे त्यांच्या मुंबईकडे जाण्याच्या नियोजनाबाबत कोणतीही शंका बाळगू नये, असेही सांगण्यात आले.

पत्रकार ओमप्रकाश उढाण

घनसावंगी, जालना, महाराष्ट्र•

16 hrs ago

🚨 “ठरलेल्या मार्गाने मुंबईला जाणारच!”; पाटोदा येथील पत्रकार परिषदेत मनोज जरांगे पाटील यांचे स्पष्ट संकेत 🚨 “ठरलेल्या मार्गाने मुंबईला जाणारच!”; पाटोदा येथील पत्रकार परिषदेत मनोज जरांगे पाटील यांचे स्पष्ट संकेत पाटोदा | प्रतिनिधी मराठा आरक्षणाच्या मागणीसाठी मुंबईच्या दिशेने निघालेले संघर्षयोद्धा मनोज जरांगे पाटील यांनी पाटोदा येथे पत्रकार परिषद घेत आंदोलनाच्या पुढील भूमिकेबाबत महत्त्वाचे मुद्दे स्पष्ट केले. कुठल्याही परिस्थितीत ठरलेल्या मार्गाने मुंबईला जाणार असल्याचे त्यांनी सांगितले. १८ सप्टेंबरला मुंबईत प्रवेश करण्याचे नियोजन असून, सरकार किंवा प्रशासनाने अडवण्याचा प्रयत्न केल्यास समाज बांधवांनी मुंबईत कधी यायचे, याबाबत आपण पुढील निर्णय जाहीर करू, असे जरांगे पाटील यांनी स्पष्ट केले. मोठ्या संख्येने वाहने व समाजबांधव सोबत येत असल्याने मार्गात अडचणी निर्माण होत असल्याचे सांगत त्यांनी, “मी पुढे जात आहे; माझ्यासोबत आलेल्या समाजबांधवांनी परत जावे. माझ्यासोबत पुढे येऊ नका,” असे आवाहन केले. दरम्यान, सरकारसोबत चर्चेचे दरवाजे अद्याप खुले असल्याचेही जरांगे पाटील यांनी सांगितले. पश्चिम महाराष्ट्राशी संबंधित सातारा व कोल्हापूर गॅझेट संदर्भात कायदेशीर पेच असल्यास मुख्यमंत्री देवेंद्र फडणवीस यांनी त्याबाबत ठरावीक कालमर्यादेचे लेखी आश्वासन द्यावे, अशी मागणी त्यांनी केली. तसेच हैदराबाद गॅझेटच्या आधारे देण्यात आलेल्या प्रमाणपत्रांच्या वैधतेसंदर्भात येणाऱ्या अडचणींबाबत अधिकारी व तज्ज्ञांचे मार्गदर्शन घेऊन शासन निर्णयात (GR) आवश्यक सुधारणा करण्यात यावी, अशी भूमिकाही त्यांनी मांडली. “पाटोद्यात मुक्काम; उद्या मुंबईकडे रवाना” मनोज जरांगे पाटील हे आज पाटोदा येथे मुक्काम करणार असून, उद्या मुंबईच्या दिशेने रवाना होणार असल्याचे स्पष्ट करण्यात आले आहे. त्यामुळे त्यांच्या मुंबईकडे जाण्याच्या नियोजनाबाबत कोणतीही शंका बाळगू नये, असेही सांगण्यात आले.