८ लाखांचा मुद्देमाल जप्त; लिफ्टचा बहाणा अन् गळ्याला हात, वृद्ध महिलांना लुटणारी टोळी जेरबंद! कर्जत / प्रतिनिधी : लिफ्ट देण्याचा बहाणा करायचा, निर्जन ठिकाणी वाहन थांबवायचे आणि संधी साधून वृद्ध महिलेच्या गळ्यातील दागिने हिसकावून पळ काढायचा... विरोध झाला तर थेट जीवे मारण्याची धमकी! अशा धक्कादायक पद्धतीने वृद्ध महिलांना लक्ष्य करणाऱ्या टोळीचा स्थानिक गुन्हे शाखेने पर्दाफाश केला आहे. नागलवाडी–मिरजगाव रस्त्यावर ६५ वर्षीय महिलेचे मंगळसूत्र लुटणाऱ्या दोघांना जेरबंद करण्यात आले असून, चौकशीत पाथर्डी परिसरातील अशाच एका गुन्ह्याचीही कबुली मिळाली आहे. कोमल भाऊसाहेब नन्नवरे (३०, डावरवाडी, ता. पैठण) आणि लक्ष्मण मोहन जामदार (२६, कोकणगाव, ता. श्रीगोंदा) अशी आरोपींची नावे आहेत. त्यांच्याकडून गुन्ह्यात वापरलेली हुंडाई ऑरा कार, सोन्याचे दागिने, मोबाईल व नंबर प्लेट असा तब्बल ८ लाख ५०० रुपयांचा मुद्देमाल जप्त करण्यात आला. २० ऑगस्ट रोजी द्वारकाबाई उत्तम डाडर या मिरजगावला जाण्यासाठी नागलवाडी येथील पेट्रोल पंपाजवळ वाहनाची वाट पाहत होत्या. यावेळी पांढऱ्या रंगाची कार थांबली. वाहनातील पुरुष व महिलेने मिरजगावला जात असल्याचे सांगत लिफ्ट दिली. काही अंतरावर जुन्या बंद पेट्रोल पंपाजवळ चालकाने लघुशंकेचा बहाणा करून कार थांबवली. त्यानंतर वृद्ध महिलेच्या गळ्यातील मंगळसूत्र हिसकावण्याचा प्रयत्न सुरू झाला. महिलेने प्रतिकार करताच तिचे तोंड दाबण्यात आले. कारमधील महिलेनेही गळ्यातील सुमारे सात ग्रॅमचे मणीमंगळसूत्र ओढून काढले. आरडाओरड केल्यास गळा दाबून जीवे मारण्याची धमकी देत आरोपींनी घटनास्थळावरून पलायन केले. याप्रकरणी मिरजगाव पोलिस ठाण्यात गुन्हा दाखल करण्यात आला होता. मालमत्तेविषयक गुन्ह्यांचा छडा लावण्याच्या आदेशानंतर पोलिस अधीक्षक मुम्मका सुदर्शन यांच्या मार्गदर्शनाखाली पोलिस निरीक्षक संतोष मुटकुळे यांच्या नेतृत्वाखाली स्थानिक गुन्हे शाखेने तपास सुरू केला. तांत्रिक विश्लेषण व गोपनीय माहितीच्या आधारे २५ ऑगस्ट रोजी कोमल नन्नवरे हिला तारकपूर बसस्थानक परिसरातून ताब्यात घेण्यात आले. तिच्या माहितीवरून लक्ष्मण जामदार हा कारमधून अहिल्यानगरच्या दिशेने येत असल्याचे समोर आले. त्यानंतर सापळा रचून त्यालाही कोंबडीवाला मळा परिसरात पकडण्यात आले. चौकशीत आरोपींनी नागलवाडीतील गुन्ह्याची कबुली देतानाच पाथर्डी–अहिल्यानगर रस्त्यावर एका वृद्ध महिलेला लिफ्ट देऊन तिचे मंगळसूत्र लुटल्याची आणि तिला गाडीतून खाली ढकलल्याची माहिती दिली. त्यामुळे पाथर्डी पोलिस ठाण्यातील गुन्हा रजि. नं. ९८०/२०२६ही उघडकीस आला आहे. या टोळीने आणखी किती महिलांना अशाच पद्धतीने लक्ष्य केले, याचा तपास पोलिसांकडून सुरू आहे. जामदारकडून विनाक्रमांकाची हुंडाई ऑरा कार, एमएच ४२ बीएन ८९९९ नंबर प्लेट, सहा ग्रॅम सोन्याचे दागिने व मोबाईल असा मुद्देमाल जप्त करण्यात आला. पाथर्डीतील लुटीचे दागिने आपल्याकडे असल्याचे त्याने सांगितले, तर नागलवाडीतील दागिने विकून मिळालेली रक्कम बँक खात्यात जमा केल्याचेही तपासात समोर आले. या कारवाईत फुरकान शेख, श्यामसुंदर जाधव, किशोर शिरसाठ, भाऊसाहेब काळे, अमोल कोतकर, बाळासाहेब खेडकर, मनोज साखरे, जालिंदर साखरे, प्रशांत राठोड व ज्योती शिंदे यांनी सहभाग घेतला. दोन्ही आरोपींना पुढील तपासासाठी मिरजगाव पोलिसांच्या ताब्यात देण्यात आले आहे. चौकट : लिफ्टच्या आमिषाला बळी पडू नका! वृद्ध, महिला तसेच एकट्याने प्रवास करणाऱ्या नागरिकांना हेरून लिफ्टच्या बहाण्याने लुटण्याचा प्रकार गंभीर होत आहे. अनोळखी वाहनातून लिफ्ट घेणे टाळावे आणि संशयास्पद व्यक्ती अथवा वाहन आढळल्यास तत्काळ पोलिसांना माहिती द्यावी, असे आवाहन पोलिसांनी केले आहे.

Rushikesh pawar

Local News Reporter कर्जत, अहमदनगर, महाराष्ट्र•

1 hr ago

८ लाखांचा मुद्देमाल जप्त; लिफ्टचा बहाणा अन् गळ्याला हात, वृद्ध महिलांना लुटणारी टोळी जेरबंद! कर्जत / प्रतिनिधी : लिफ्ट देण्याचा बहाणा करायचा, निर्जन ठिकाणी वाहन थांबवायचे आणि संधी साधून वृद्ध महिलेच्या गळ्यातील दागिने हिसकावून पळ काढायचा... विरोध झाला तर थेट जीवे मारण्याची धमकी! अशा धक्कादायक पद्धतीने वृद्ध महिलांना लक्ष्य करणाऱ्या टोळीचा स्थानिक गुन्हे शाखेने पर्दाफाश केला आहे. नागलवाडी–मिरजगाव रस्त्यावर ६५ वर्षीय महिलेचे मंगळसूत्र लुटणाऱ्या दोघांना जेरबंद करण्यात आले असून, चौकशीत पाथर्डी परिसरातील अशाच एका गुन्ह्याचीही कबुली मिळाली आहे. कोमल भाऊसाहेब नन्नवरे (३०, डावरवाडी, ता. पैठण) आणि लक्ष्मण मोहन जामदार (२६, कोकणगाव, ता. श्रीगोंदा) अशी आरोपींची नावे आहेत. त्यांच्याकडून गुन्ह्यात वापरलेली हुंडाई ऑरा कार, सोन्याचे दागिने, मोबाईल व नंबर प्लेट असा तब्बल ८ लाख ५०० रुपयांचा मुद्देमाल जप्त करण्यात आला. २० ऑगस्ट रोजी द्वारकाबाई उत्तम डाडर या मिरजगावला जाण्यासाठी नागलवाडी येथील पेट्रोल पंपाजवळ वाहनाची वाट पाहत होत्या. यावेळी पांढऱ्या रंगाची कार थांबली. वाहनातील पुरुष व महिलेने मिरजगावला जात असल्याचे सांगत लिफ्ट दिली. काही अंतरावर जुन्या बंद पेट्रोल पंपाजवळ चालकाने लघुशंकेचा बहाणा करून कार थांबवली. त्यानंतर वृद्ध महिलेच्या गळ्यातील मंगळसूत्र हिसकावण्याचा प्रयत्न सुरू झाला. महिलेने प्रतिकार करताच तिचे तोंड दाबण्यात आले. कारमधील महिलेनेही गळ्यातील सुमारे सात ग्रॅमचे मणीमंगळसूत्र ओढून काढले. आरडाओरड केल्यास गळा दाबून जीवे मारण्याची धमकी देत आरोपींनी घटनास्थळावरून पलायन केले. याप्रकरणी मिरजगाव पोलिस ठाण्यात गुन्हा दाखल करण्यात आला होता. मालमत्तेविषयक गुन्ह्यांचा छडा लावण्याच्या आदेशानंतर पोलिस अधीक्षक मुम्मका सुदर्शन यांच्या मार्गदर्शनाखाली पोलिस निरीक्षक संतोष मुटकुळे यांच्या नेतृत्वाखाली स्थानिक गुन्हे शाखेने तपास सुरू केला. तांत्रिक विश्लेषण व गोपनीय माहितीच्या आधारे २५ ऑगस्ट रोजी कोमल नन्नवरे हिला तारकपूर बसस्थानक परिसरातून ताब्यात घेण्यात आले. तिच्या माहितीवरून लक्ष्मण जामदार हा कारमधून अहिल्यानगरच्या दिशेने येत असल्याचे समोर आले. त्यानंतर सापळा रचून त्यालाही कोंबडीवाला मळा परिसरात पकडण्यात आले. चौकशीत आरोपींनी नागलवाडीतील गुन्ह्याची कबुली देतानाच पाथर्डी–अहिल्यानगर रस्त्यावर एका वृद्ध महिलेला लिफ्ट देऊन तिचे मंगळसूत्र लुटल्याची आणि तिला गाडीतून खाली ढकलल्याची माहिती दिली. त्यामुळे पाथर्डी पोलिस ठाण्यातील गुन्हा रजि. नं. ९८०/२०२६ही उघडकीस आला आहे. या टोळीने आणखी किती महिलांना अशाच पद्धतीने लक्ष्य केले, याचा तपास पोलिसांकडून सुरू आहे. जामदारकडून विनाक्रमांकाची हुंडाई ऑरा कार, एमएच ४२ बीएन ८९९९ नंबर प्लेट, सहा ग्रॅम सोन्याचे दागिने व मोबाईल असा मुद्देमाल जप्त करण्यात आला. पाथर्डीतील लुटीचे दागिने आपल्याकडे असल्याचे त्याने सांगितले, तर नागलवाडीतील दागिने विकून मिळालेली रक्कम बँक खात्यात जमा केल्याचेही तपासात समोर आले. या कारवाईत फुरकान शेख, श्यामसुंदर जाधव, किशोर शिरसाठ, भाऊसाहेब काळे, अमोल कोतकर, बाळासाहेब खेडकर, मनोज साखरे, जालिंदर साखरे, प्रशांत राठोड व ज्योती शिंदे यांनी सहभाग घेतला. दोन्ही आरोपींना पुढील तपासासाठी मिरजगाव पोलिसांच्या ताब्यात देण्यात आले आहे. चौकट : लिफ्टच्या आमिषाला बळी पडू नका! वृद्ध, महिला तसेच एकट्याने प्रवास करणाऱ्या नागरिकांना हेरून लिफ्टच्या बहाण्याने लुटण्याचा प्रकार गंभीर होत आहे. अनोळखी वाहनातून लिफ्ट घेणे टाळावे आणि संशयास्पद व्यक्ती अथवा वाहन आढळल्यास तत्काळ पोलिसांना माहिती द्यावी, असे आवाहन पोलिसांनी केले आहे.