ଚମ୍ପୁଆରେ ଦିନଦହାଡେ ଚୋରି, ଘର ତାଲା ଭାଙ୍ଗି ନଗଦ ଟଙ୍କା ସହ ସୁନା–ରୂପା ଗହଣା ଲୁଟ ଚମ୍ପୁଆ, ୧୦/୫ ଚମ୍ପୁଆ ଥାନା ଅନ୍ତର୍ଗତ କଡୋଗଡିଆ ଗ୍ରାମରେ ଏକ ବଡ଼ ଚୋରି ଘଟଣା ସାମ୍ନାକୁ ଆସିଛି। ଘରେ କେହି ନଥିବା ସୁଯୋଗ ନେଇ ଦୁର୍ବୃତ୍ତମାନେ ଘରର ତାଲା ଭାଙ୍ଗି ଭିତରକୁ ପ୍ରବେଶ କରି ନଗଦ ଟଙ୍କା ସହ ସୁନା ଓ ରୂପାର ଗହଣା ଚୋରି କରି ନେଇଥିବା ଅଭିଯୋଗ ହୋଇଛି। ପ୍ରାପ୍ତ ସୂଚନା ଅନୁସାରେ, କଡୋଗଡିଆ ଗ୍ରାମର ସୁଭେନ୍ଦୁ କୁମାର ମହାନ୍ତ (୩୮), ପିତା– ସୁକଦେବ ମହାନ୍ତ ଚମ୍ପୁଆ ଥାନାରେ ଏନେଇ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଶନିବାର ସକାଳ ପ୍ରାୟ ୧୦ଟା ସମୟରେ ଘରେ କେହି ନଥିବା ବେଳେ ଚୋରମାନେ ତାଲା ଭାଙ୍ଗି ଘରକୁ ପ୍ରବେଶ କରିଥିଲେ। ଚୋରମାନେ ଘର ଭିତରେ ଥିବା ଆଲମିରା ଓ ବାକ୍ସ ତାଡି ପ୍ରାୟ ୨୦ ହଜାର ଟଙ୍କା ନଗଦ ସହ ବହୁ ସୁନା ଓ ରୂପା ଗହଣା ଚୋରି କରି ନେଇଥିବା ଜଣାପଡ଼ିଛି। ଚୋରି ହୋଇଥିବା ଗହଣାମାନଙ୍କ ମଧ୍ୟରେ ୩ ହଳ ସୁନା କାନଫୁଲ, ଗୋଟିଏ ମଙ୍ଗଳସୂତ୍ର, ଗୋଟିଏ ସୁନା ହାର, ୪ଟି ଲକେଟ, ଗୋଟିଏ ମୁଦି, ୪ଟି ନାକ ନଥ, ଗୋଟିଏ ରୂପା ବ୍ରାସଲେଟ, ଗୋଟିଏ ଚେନ, ୨ ହଳ ପାଉଁଜି ଓ ଅନ୍ୟାନ୍ୟ ସାମଗ୍ରୀ ରହିଛି। ସୁଭେନ୍ଦୁଙ୍କ ମା ପ୍ରଥମେ ଘରକୁ ପହଞ୍ଚି ଘରର ତାଲା ଭଙ୍ଗା ଓ ସାମଗ୍ରୀ ତଡା ହୋଇଥିବା ଦେଖି ପରିବାର ସଦସ୍ୟଙ୍କୁ ଫୋନ୍‌ ଯୋଗେ ସୂଚନା ଦେଇଥିଲେ। ପରେ ସମସ୍ତେ ଘରକୁ ଆସି ଦେଖିବା ବେଳେ ଘର ଭିତରେ ଲୁଗାପଟା ଓ ସାମଗ୍ରୀ ଭିଣାଭିଣି ଅବସ୍ଥାରେ ପଡିଥିବା ସହ ମୂଲ୍ୟବାନ ସାମଗ୍ରୀ ଚୋରି ହୋଇଥିବା ଜଣାପଡ଼ିଥିଲା। ଘଟଣାକୁ ନେଇ ଚମ୍ପୁଆ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

WASIM AKRAM

Accountant Champua•

3 hrs ago

ଚମ୍ପୁଆରେ ଦିନଦହାଡେ ଚୋରି, ଘର ତାଲା ଭାଙ୍ଗି ନଗଦ ଟଙ୍କା ସହ ସୁନା–ରୂପା ଗହଣା ଲୁଟ ଚମ୍ପୁଆ, ୧୦/୫ ଚମ୍ପୁଆ ଥାନା ଅନ୍ତର୍ଗତ କଡୋଗଡିଆ ଗ୍ରାମରେ ଏକ ବଡ଼ ଚୋରି ଘଟଣା ସାମ୍ନାକୁ ଆସିଛି। ଘରେ କେହି ନଥିବା ସୁଯୋଗ ନେଇ ଦୁର୍ବୃତ୍ତମାନେ ଘରର ତାଲା ଭାଙ୍ଗି ଭିତରକୁ ପ୍ରବେଶ କରି ନଗଦ ଟଙ୍କା ସହ ସୁନା ଓ ରୂପାର ଗହଣା ଚୋରି କରି ନେଇଥିବା ଅଭିଯୋଗ ହୋଇଛି। ପ୍ରାପ୍ତ ସୂଚନା ଅନୁସାରେ, କଡୋଗଡିଆ ଗ୍ରାମର ସୁଭେନ୍ଦୁ କୁମାର ମହାନ୍ତ (୩୮), ପିତା– ସୁକଦେବ ମହାନ୍ତ ଚମ୍ପୁଆ ଥାନାରେ ଏନେଇ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଶନିବାର ସକାଳ ପ୍ରାୟ ୧୦ଟା ସମୟରେ ଘରେ କେହି ନଥିବା ବେଳେ ଚୋରମାନେ ତାଲା ଭାଙ୍ଗି ଘରକୁ ପ୍ରବେଶ କରିଥିଲେ। ଚୋରମାନେ ଘର ଭିତରେ ଥିବା ଆଲମିରା ଓ ବାକ୍ସ ତାଡି ପ୍ରାୟ ୨୦ ହଜାର ଟଙ୍କା ନଗଦ ସହ ବହୁ ସୁନା ଓ ରୂପା ଗହଣା ଚୋରି କରି ନେଇଥିବା ଜଣାପଡ଼ିଛି। ଚୋରି ହୋଇଥିବା ଗହଣାମାନଙ୍କ ମଧ୍ୟରେ ୩ ହଳ ସୁନା କାନଫୁଲ, ଗୋଟିଏ ମଙ୍ଗଳସୂତ୍ର, ଗୋଟିଏ ସୁନା ହାର, ୪ଟି ଲକେଟ, ଗୋଟିଏ ମୁଦି, ୪ଟି ନାକ ନଥ, ଗୋଟିଏ ରୂପା ବ୍ରାସଲେଟ, ଗୋଟିଏ ଚେନ, ୨ ହଳ ପାଉଁଜି ଓ ଅନ୍ୟାନ୍ୟ ସାମଗ୍ରୀ ରହିଛି। ସୁଭେନ୍ଦୁଙ୍କ ମା ପ୍ରଥମେ ଘରକୁ ପହଞ୍ଚି ଘରର ତାଲା ଭଙ୍ଗା ଓ ସାମଗ୍ରୀ ତଡା ହୋଇଥିବା ଦେଖି ପରିବାର ସଦସ୍ୟଙ୍କୁ ଫୋନ୍‌ ଯୋଗେ ସୂଚନା ଦେଇଥିଲେ। ପରେ ସମସ୍ତେ ଘରକୁ ଆସି ଦେଖିବା ବେଳେ ଘର ଭିତରେ ଲୁଗାପଟା ଓ ସାମଗ୍ରୀ ଭିଣାଭିଣି ଅବସ୍ଥାରେ ପଡିଥିବା ସହ ମୂଲ୍ୟବାନ ସାମଗ୍ରୀ ଚୋରି ହୋଇଥିବା ଜଣାପଡ଼ିଥିଲା। ଘଟଣାକୁ ନେଇ ଚମ୍ପୁଆ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।