जळगाव जामोद तालुक्यातील पिपळगाव काळे येथील छत्रपती संभाजी नगरमधील श्री गजानन महाराज मंदिरात मूर्तीवरील चांदीची छत्री चोरण्याचा प्रयत्न करणाऱ्या एका चोराला पुजाऱ्याने तातडीने धाडस दाखवत रंगेहात पकडले आहे. २१ जुलै २०२६ रोजी दुपारी साडेबारा वाजण्याच्या सुमारास मंदिराचे पुजारी दिपक नंदु इसोकार हे पूजेसाठी गेले असता, त्यांना मंदिराच्या गाभाऱ्यात एक संशयित इसम गजानन महाराज यांच्या मूर्तीवरील चांदीची छत्री कापताना आणि चोरी करताना दिसून आला. चौकशीदरम्यान आरोपीने आपले नाव रघुनाथ शंकर माठे (रा. पिपळगाव काळे) असल्याचे सांगितले. आरोपीच्या ताब्यातून अंदाजे १२२ ग्रॅम वजनाची आणि २०,००० रुपये किमतीची चांदीची छत्री जप्त करण्यात आली आहे. याप्रकरणी दिपक नंदु इसोकार व सुभाष वासुदेव काकडे यांनी दिलेल्या तोंडी रिपोर्टवरून जळगाव जामोद पोलीस ठाण्यात बीएनएसच्या कलम ३०३ (२) अन्वये गुन्हा दाखल करण्यात आला आहे. जळगाव जामोद पोलीस निरीक्षक सचिन बागुल यांच्या आदेशानुसार पोलीस उपनिरीक्षक अमोल पंडित या गुन्ह्याचा पुढील तपास करत असून, या घटनेमुळे परिसरात एकच खळबळ उडाली आहे.

अनिल भगत पत्रकार

जळगाव (जामोद), बुलढाणा, महाराष्ट्र•

5 hrs ago

जळगाव जामोद तालुक्यातील पिपळगाव काळे येथील छत्रपती संभाजी नगरमधील श्री गजानन महाराज मंदिरात मूर्तीवरील चांदीची छत्री चोरण्याचा प्रयत्न करणाऱ्या एका चोराला पुजाऱ्याने तातडीने धाडस दाखवत रंगेहात पकडले आहे. २१ जुलै २०२६ रोजी दुपारी साडेबारा वाजण्याच्या सुमारास मंदिराचे पुजारी दिपक नंदु इसोकार हे पूजेसाठी गेले असता, त्यांना मंदिराच्या गाभाऱ्यात एक संशयित इसम गजानन महाराज यांच्या मूर्तीवरील चांदीची छत्री कापताना आणि चोरी करताना दिसून आला. चौकशीदरम्यान आरोपीने आपले नाव रघुनाथ शंकर माठे (रा. पिपळगाव काळे) असल्याचे सांगितले. आरोपीच्या ताब्यातून अंदाजे १२२ ग्रॅम वजनाची आणि २०,००० रुपये किमतीची चांदीची छत्री जप्त करण्यात आली आहे. याप्रकरणी दिपक नंदु इसोकार व सुभाष वासुदेव काकडे यांनी दिलेल्या तोंडी रिपोर्टवरून जळगाव जामोद पोलीस ठाण्यात बीएनएसच्या कलम ३०३ (२) अन्वये गुन्हा दाखल करण्यात आला आहे. जळगाव जामोद पोलीस निरीक्षक सचिन बागुल यांच्या आदेशानुसार पोलीस उपनिरीक्षक अमोल पंडित या गुन्ह्याचा पुढील तपास करत असून, या घटनेमुळे परिसरात एकच खळबळ उडाली आहे.