धुळे शहरातील मुंबई-आग्रा राष्ट्रीय महामार्गावरील वडजाई रोड अंडरपास येथे अनेक दिवसांपासून साचलेल्या घाण पाण्याची समस्या आणि रस्त्याचा प्रलंबित प्रश्न निकाली काढण्यासाठी सोनगीर टोल प्रशासनाने अखेर काम सुरू केले आहे. काही दिवसांपूर्वी माजी नगरसेवक अमिन पटेल आणि विविध सामाजिक संघटनांच्या कार्यकर्त्यांनी या अंडरपासमधील साचलेल्या पाण्यात उभे राहून प्रशासनाचा निषेध नोंदवत तीव्र आंदोलन छेडले होते. यानंतर कार्यकर्त्यांनी जिल्हाधिकाऱ्यांची भेट घेऊन सविस्तर चर्चा केली होती. या समस्येची दखल घेत 'धुळे क्राईम न्यूज'चे संपादक आणि ज्येष्ठ पत्रकार अब्दुल रहमान मलिक यांनी बातमी प्रभावीपणे प्रसारित केल्यानंतर जिल्हाधिकाऱ्यांनी टोल अधिकाऱ्यांना तत्काळ काम सुरू करण्याचे कडक आदेश दिले. प्रशासकीय हालचालींनंतर सध्या वडजाई रोड अंडरपासजवळ पाईप टाकण्याच्या कामाला सुरुवात झाली आहे. मात्र, पाईप टाकण्याचे काम सुरू झाले असले तरी संबंधित ठिकाणी अद्याप कॉंक्रिटीकरण करण्यात आलेले नाही आणि नागरिकांच्या सोयीसाठी पथदिवे देखील बसवण्यात आलेले नाहीत, अशी खंत अमिन पटेल यांनी व्यक्त केली आहे. प्रशासनाने फक्त वरवरची मलमपट्टी न करता हे काम त्वरित आणि दर्जेदारपणे पूर्ण करावे. अंडरपासचे कॉंक्रिटीकरण आणि पथदिव्यांचे काम लवकरात लवकर पूर्ण न झाल्यास काँग्रेस आणि सामाजिक संघटनांच्या वतीने याच ठिकाणी पुन्हा एकदा तीव्र आंदोलन छेडण्यात येईल, असा इशारा कार्यकर्त्यांनी दिला आहे.

DHULE CRIME NEWS

धुळे, धुळे, महाराष्ट्र•

5 hrs ago

धुळे शहरातील मुंबई-आग्रा राष्ट्रीय महामार्गावरील वडजाई रोड अंडरपास येथे अनेक दिवसांपासून साचलेल्या घाण पाण्याची समस्या आणि रस्त्याचा प्रलंबित प्रश्न निकाली काढण्यासाठी सोनगीर टोल प्रशासनाने अखेर काम सुरू केले आहे. काही दिवसांपूर्वी माजी नगरसेवक अमिन पटेल आणि विविध सामाजिक संघटनांच्या कार्यकर्त्यांनी या अंडरपासमधील साचलेल्या पाण्यात उभे राहून प्रशासनाचा निषेध नोंदवत तीव्र आंदोलन छेडले होते. यानंतर कार्यकर्त्यांनी जिल्हाधिकाऱ्यांची भेट घेऊन सविस्तर चर्चा केली होती. या समस्येची दखल घेत 'धुळे क्राईम न्यूज'चे संपादक आणि ज्येष्ठ पत्रकार अब्दुल रहमान मलिक यांनी बातमी प्रभावीपणे प्रसारित केल्यानंतर जिल्हाधिकाऱ्यांनी टोल अधिकाऱ्यांना तत्काळ काम सुरू करण्याचे कडक आदेश दिले. प्रशासकीय हालचालींनंतर सध्या वडजाई रोड अंडरपासजवळ पाईप टाकण्याच्या कामाला सुरुवात झाली आहे. मात्र, पाईप टाकण्याचे काम सुरू झाले असले तरी संबंधित ठिकाणी अद्याप कॉंक्रिटीकरण करण्यात आलेले नाही आणि नागरिकांच्या सोयीसाठी पथदिवे देखील बसवण्यात आलेले नाहीत, अशी खंत अमिन पटेल यांनी व्यक्त केली आहे. प्रशासनाने फक्त वरवरची मलमपट्टी न करता हे काम त्वरित आणि दर्जेदारपणे पूर्ण करावे. अंडरपासचे कॉंक्रिटीकरण आणि पथदिव्यांचे काम लवकरात लवकर पूर्ण न झाल्यास काँग्रेस आणि सामाजिक संघटनांच्या वतीने याच ठिकाणी पुन्हा एकदा तीव्र आंदोलन छेडण्यात येईल, असा इशारा कार्यकर्त्यांनी दिला आहे.