আজি অসম জাতীয়তাবাদী যুৱ-ছাত্ৰ পৰিষদৰ যোৰহাট জিলা সমিতিয়ে অত্যাৱশ্যকীয় সামগ্ৰীৰ লগতে পেট্ৰ’ল-ডিজেলকে ধৰি ইন্ধনজাত সামগ্ৰীৰ অব্যাহত মূল্যবৃদ্ধিৰ প্ৰতিবাদত যোৰহাট জিলা আয়ুক্ত কাৰ্যালয়ৰ সন্মুখত এক উত্তাল প্ৰতিবাদী কাৰ্যসূচী ৰূপায়ণ কৰে। সংগঠনটোৱে চৰকাৰ বিৰোধী বিভিন্ন শ্ল’গানেৰে পৰিবেশ উত্তাল কৰি তোলে। প্ৰতিবাদস্থলীত কৰ্মীসকলে উল্লেখ কৰে যে নিত্য প্ৰয়োজনীয় খাদ্য সামগ্ৰী, ৰন্ধন গেছ, পেট্ৰ’ল-ডিজেল আদিৰ মূল্যবৃদ্ধিৰ ফলত সাধাৰণ জনতা জীয়াতু ভুগিছে। তেওঁলোকে বিশেষকৈ দৰিদ্ৰ আৰু মধ্যবিত্ত শ্ৰেণীৰ লোকসকল এই মূল্যবৃদ্ধিৰ ফলত অধিক সমস্যাৰ সন্মুখীন হোৱা বুলি দাবী কৰে। পৰিষদৰ নেতাসকলে চৰকাৰক শীঘ্ৰে মূল্যবৃদ্ধি নিয়ন্ত্ৰণ কৰিবলৈ দাবী জনাইছে। তেওঁলোকে হুংকাৰ দিয়ে যে যদি চৰকাৰে এই সমস্যা সমাধানৰ ক্ষেত্ৰত শীঘ্ৰেই গুৰুত্ব আৰোপ নকৰে, তেন্তে আগন্তক দিনত অধিক তীব্ৰ গণআন্দোলন গঢ়ি তোলা হ’ব। এই প্ৰতিবাদী কাৰ্যসূচীৰ পিছতে, সংগঠনটোৰ যোৰহাট জিলা সমিতিয়ে মুখ্যমন্ত্ৰীলৈ প্ৰেৰণ কৰাৰ উদ্দেশ্যে দাবী সম্বলিত এখন স্মাৰক পত্ৰ জিলা প্ৰশাসনৰ জৰিয়তে দাখিল কৰে।

Huntu sen kachari

Photographer Dhemaji, Assam•

1 hr ago

আজি অসম জাতীয়তাবাদী যুৱ-ছাত্ৰ পৰিষদৰ যোৰহাট জিলা সমিতিয়ে অত্যাৱশ্যকীয় সামগ্ৰীৰ লগতে পেট্ৰ’ল-ডিজেলকে ধৰি ইন্ধনজাত সামগ্ৰীৰ অব্যাহত মূল্যবৃদ্ধিৰ প্ৰতিবাদত যোৰহাট জিলা আয়ুক্ত কাৰ্যালয়ৰ সন্মুখত এক উত্তাল প্ৰতিবাদী কাৰ্যসূচী ৰূপায়ণ কৰে। সংগঠনটোৱে চৰকাৰ বিৰোধী বিভিন্ন শ্ল’গানেৰে পৰিবেশ উত্তাল কৰি তোলে। প্ৰতিবাদস্থলীত কৰ্মীসকলে উল্লেখ কৰে যে নিত্য প্ৰয়োজনীয় খাদ্য সামগ্ৰী, ৰন্ধন গেছ, পেট্ৰ’ল-ডিজেল আদিৰ মূল্যবৃদ্ধিৰ ফলত সাধাৰণ জনতা জীয়াতু ভুগিছে। তেওঁলোকে বিশেষকৈ দৰিদ্ৰ আৰু মধ্যবিত্ত শ্ৰেণীৰ লোকসকল এই মূল্যবৃদ্ধিৰ ফলত অধিক সমস্যাৰ সন্মুখীন হোৱা বুলি দাবী কৰে। পৰিষদৰ নেতাসকলে চৰকাৰক শীঘ্ৰে মূল্যবৃদ্ধি নিয়ন্ত্ৰণ কৰিবলৈ দাবী জনাইছে। তেওঁলোকে হুংকাৰ দিয়ে যে যদি চৰকাৰে এই সমস্যা সমাধানৰ ক্ষেত্ৰত শীঘ্ৰেই গুৰুত্ব আৰোপ নকৰে, তেন্তে আগন্তক দিনত অধিক তীব্ৰ গণআন্দোলন গঢ়ি তোলা হ’ব। এই প্ৰতিবাদী কাৰ্যসূচীৰ পিছতে, সংগঠনটোৰ যোৰহাট জিলা সমিতিয়ে মুখ্যমন্ত্ৰীলৈ প্ৰেৰণ কৰাৰ উদ্দেশ্যে দাবী সম্বলিত এখন স্মাৰক পত্ৰ জিলা প্ৰশাসনৰ জৰিয়তে দাখিল কৰে।