মৰিগাঁৱত ১৪ মে'ত সাংবাদিক সমাজৰ বসন্ত উৎসৱ। সকলোকে উপস্থিত থাকিবলৈ অনুৰোধ জনালোঁ।

1 hr ago

Mahesh kumar das

Local News Reporter মৰিগাঁও, মৰিগাঁও, অসম•

1 hr ago

মৰিগাঁৱত ১৪ মে'ত সাংবাদিক সমাজৰ বসন্ত উৎসৱ* *সাংস্কৃতিক সন্ধিয়া উদ্বোধন কৰিব আছুৰ সভাপতি উৎপল শৰ্মাই, গীত পৰিৱেশন কৰিব প্ৰতিষ্ঠিত কণ্ঠশিল্পী প্ৰবীণ বৰাই ব্যাপক প্ৰস্তুতি চলাইছে উদযাপন সমিতিয়ে* মৰিগাঁৱৰ সাংবাদিক আৰু সংবাদ কৰ্মীসকলৰ অন্যতম উমৈহতীয়া সংগঠন মৰিগাঁও সাংবাদিক সমাজৰ উদ্যোগত আগন্তুক ১৪ মে'ত মৰিগাঁও চহৰত দিনজোৰা কাৰ্যসূচীৰে বসন্ত উৎসৱ অনুষ্ঠিত কৰা হ'ব। মৰিগাঁও সদৰ বিহুতলীত অনুষ্ঠিত হ'বলগা এই বসন্ত উৎসৱটো সৰ্বাংগসুন্দৰ আৰু সফল কৰি তুলিবলৈ মানবেন্দ্ৰ দেৱনাথক সভাপতি, ভৰত কুমাৰ নাথ আৰু ৰঞ্জন দাসক কাৰ্যকৰী সভাপতি, বিকাশ ডেকাক সম্পাদক, মৃগাংক মেধি আৰু দিগন্ত ডেকাক সাংস্কৃতিক সম্পাদক হিচাপে লৈ ইতিমধ্যে এখন উদযাপন সমিতি গঠন কৰা হৈছে। বসন্ত উৎসৱৰ প্ৰকাশিত কাৰ্যসূচী অনুসৰি পুৱা ১০.৩০ বজাত পতাকা উত্তোলন, ১১ বজাত স্মৃতি তৰ্পণ, ১১.৩০ বজাত সুধাকণ্ঠ ড০ ভূপেন হাজৰিকা আৰু প্ৰাণৰ শিল্পী জুবিন গাৰ্গলৈ শ্ৰদ্ধাৰ্ঘ, ৫.৩০ বজাত বন্তি প্রজ্বলন আৰু ৬ বজাত এদল আমন্ত্রিত বিহুৱা দলৰ বিহু নৃত্য প্ৰদৰ্শন। নিশা ৮.৩০ বজাত এটা বৰ্ণাঢ্য সাংস্কৃতিক অনুষ্ঠান অনুষ্ঠিত কৰা হ'ব। অনুষ্ঠানটো উদ্বোধন কৰিব সদৌ অসম ছাত্ৰ সন্থাৰ সভাপতি উৎপল শৰ্মাই। অনুষ্ঠানত মৰিগাঁৱৰ জিলা আয়ুক্ত অনামিকা তেৱাৰী মুখ্য অতিথি আৰু জিলা তথ্য আৰু জনসংযোগ বিষয়া পম্পী দেৱী আমন্ত্রিত অতিথি আৰু মৰিগাঁৱৰ জ্যেষ্ঠ আৰক্ষী অধীক্ষক প্ৰকাশ সোণোৱাল বিশিষ্ট অতিথি হিচাপে উপস্থিত থাকিব। সাংস্কৃতিক অনুষ্ঠানটোত জনপ্ৰিয় কন্ঠশিল্পী প্ৰবীণ বৰাই গীত পৰিৱেশন কৰিব। বসন্ত উৎসৱৰ সমূহ কাৰ্যসূচীত সকলো স্তৰৰ ৰাইজক অকুন্ঠ ভাবে অংশগ্ৰহণ কৰিবলৈ উদযাপন সমিতিৰ বিষয়ববীয়া সকলে বিনম্ৰ ভাবে আহ্বান জানিবলৈ দিছে।

প্ৰশান্ত মেধি

Local News Reporter মৰিগাঁও, মৰিগাঁও, অসম•

2 hrs ago