চাওকচোন কেনেকৈ এজন মানুহে স্প্লেণ্ডাৰ প্লাছ বাইক চলাই আছে আৰু হঠাতে কুকুৰে আক্ৰমণ কৰি কামোৰে। মানুহজনে "মোক বচাওক, মোক বচাওক" বুলি চিঞৰিছে আৰু স্থানীয় লোকে তেওঁক উদ্ধাৰ কৰিছে। অঘৰী কুকুৰৰ ওপৰত চৰকাৰে কিয় কোনো লিছ লগোৱা নাই..? এই সন্দৰ্ভত আপোনাৰ মতামত কি?

চাওকচোন কেনেকৈ এজন মানুহে স্প্লেণ্ডাৰ প্লাছ বাইক চলাই আছে আৰু হঠাতে কুকুৰে আক্ৰমণ কৰি কামোৰে। মানুহজনে "মোক বচাওক, মোক বচাওক" বুলি চিঞৰিছে আৰু স্থানীয় লোকে তেওঁক উদ্ধাৰ কৰিছে। অঘৰী কুকুৰৰ ওপৰত চৰকাৰে কিয় কোনো লিছ লগোৱা নাই..? এই সন্দৰ্ভত আপোনাৰ মতামত কি?

ৰূপহীহাটৰ ভাটিয়াখালী প্ৰাথমিক স্বাস্থ্য কেন্দ্ৰত চিকিৎসকৰ চৰম গাফিলতি ৰূপহীহাটৰ ভাটিয়াখালী স্বাস্থ্য কেন্দ্ৰৰ চিকিৎসক সময় মতে উপস্থিত নোহোৱাৰ অভিযোগ। প্ৰত্যেক দিনাই চিকিৎসক গৰাকীয়ে পলমকৈ উপস্থিত হোৱাৰ অভিযোগ স্থানীয় ৰাইজৰ ভাটিয়াখালী প্ৰাথমিক স্বাস্থ্য কেন্দ্ৰৰ চিকিৎসক মাধবেন্দ্ৰ ভূঞাই নিজৰ খিয়াল খুচি মতে স্বাস্থ্য কেন্দ্ৰত উপস্থিত হোৱাৰ অভিযোগ উক্ত স্বাস্থ্য কেন্দ্ৰত চিকিৎসক গৰাকীয়ে সদায় ১১/১২ টা বজাৰ পিছত উপস্থিত হয় ৰোগীয়ে পুৱাৰ পৰাই চিকিৎসা সেৱাৰ বাবে ভিৰ কৰা পৰিলক্ষিত হয়। চৰকাৰী দৰমহা লৈ কৰ্তব্যত ফাকি দিয়া এনে চিকিৎসকৰ বিৰুদ্ধে বিহিত ব্যৱস্থা ল'বলৈ আহ্বান জনায় স্থানীয় ৰাইজে

নগাঁও চহৰৰ নেহেৰুবালী খেলপথাৰৰ সমীপৰ অস্হায়ী দৈনিক বজাৰৰ পৰা দেওবাৰে বিয়লি নিৰুদ্দেশ বিৰহ বেবেজীয়াৰ প্ৰদীপ দাস আইতাকৰ সৈতে বজাৰত পাচলি বিক্ৰী কৰিবলৈ আহি নিৰুদ্দেশ ১৩ বছৰীয়া কিশোৰ জন কিশোৰ জনক যদি কোনো ব্যক্তিয়ে প্ৰত্যক্ষ্য কৰে তেন্তে 763585932 নম্বৰ অথবা নগাঁও সদৰ থানাত যোগাযোগ কৰিবলৈ আহ্বান পৰিয়ালৰ লোকৰ প্ৰতি দেওবাৰৰ দৰে আইতাকৰ সৈতে পাচলি বিক্ৰী কৰিবলৈ বিৰহ বেবেজীয়াৰ প্ৰদীপ দাস আহিছিল নগাঁও চহৰৰ নেহেৰুবালি খেল পথাৰৰ সমীপৰ অস্হায়ী দৈনিক বজাৰলৈ। কিন্তু দেওবাৰে সন্ধিয়া বাদাম কিনিবলৈ আইতাকৰ পৰা পঞ্চাশ টকা লৈ যোৱা প্ৰদীপ দাস সোমবাৰৰ পুৱাৰ লৈকে ওভতি অহা নাই। সপ্তমমান শ্ৰেণীত অধ্যয়নত প্ৰদীপ দাসক বিচাৰি এতিয়া হাঁহাকাৰ পৰিয়ালৰ লোকৰ। ইতিমধ্যে নগাঁও সদৰ আৰক্ষী থানাত এজেহাৰ দিছে ভুক্তভোগী পৰিয়ালটোৱে ।যদিহে কিশোৰ জনক কোনোবা ব্যক্তিয়ে প্ৰত্যক্ষ্য কৰে তেন্তে 7635858932 নম্বৰত অথবা নগাঁও আৰক্ষীৰ সৈতে যোগাযোগ কৰিবলৈ আহ্বান জনাইছে পৰিয়ালৰ লোকে।

*From Doboka* চিতলমাৰি ME School ত সংঘটিত হয় এক চাঞ্চল্যৰ ঘটনা। চিতলমাৰি ME School ত সংঘটিত হোৱা এক অভিযোগক কেন্দ্ৰ কৰি অঞ্চলজুৰি তীব্ৰ চাঞ্চল্যই সৃষ্টি কৰিছে। হোজাই জিলাৰ মোৰাঝাৰ থানাৰ অন্তৰ্গত চামৰালি বজাৰৰ চিতলমাৰি ME School ৰ সপ্তম শ্ৰেণীৰ এগৰাকী ছাত্ৰীক বিদ্যালয়ৰ লাইব্ৰেৰীৰ ভিতৰত মাৰপিট কৰাৰ অভিযোগ উত্থাপন হৈছে। ঘটনাৰ পিছতে পৰিয়ালৰ লোকে মোৰাঝাৰ থানাত এজাহাৰ দাখিল কৰে। অভিযোগত উল্লেখ কৰা অনুসৰি, মাৰপিটৰ সৈতে জড়িত শিক্ষক-শিক্ষয়িত্ৰীৰ নাম মনোৱাৰা বেগম আৰু আব্দুল হাবিজ। ইফালে, ঘটনাটোক লৈ অঞ্চলত তীব্ৰ প্ৰতিক্ৰিয়াৰ বিৰাজ কৰিছে। আৰক্ষীয়ে তদন্ত আৰম্ভ কৰিছে আৰু তদন্তৰ পিছতহে ঘটনাটোৰ প্ৰকৃত ৰহস্য পোহৰলৈ আহিব।

হয়বৰগাঁও প্ৰেছ ক্লাবৰ উদ্যোগত নগাঁও জিলাৰ কুৰিখন বিদ্যালয়ৰ উচ্চতৰ মাধ্যমিক চুড়ান্ত পৰীক্ষাত ষ্টাৰ আৰু ডিষ্টিংছন লাভ কৰা কৃতী শিক্ষাৰ্থীক সম্বৰ্ধনা জ্ঞাপন। আজি কুৰি খন বিদ্যালয়ৰ ২৫১ গৰাকী ছাত্ৰ-ছাত্ৰীক সম্বৰ্ধনা জনাইছে হয়বৰগাঁও প্ৰেছ ক্লাবে। নগাঁও জিলাৰ বিভিন্ন প্ৰান্তৰ চৰকাৰী আৰু বেচৰকাৰী শিক্ষানুষ্ঠানৰ পৰা ২০২৬ চনৰ উচ্চতৰ মাধ্যমিক চুড়ান্ত পৰীক্ষাত ষ্টাৰ আৰু ডিষ্টিংছন লাভ কৰা এনে বৃহৎ সংখ্যক শিক্ষাৰ্থীক একেলগে বিশেষ ভাৱে সম্বৰ্ধনা জনাইছে। হয়বৰগাঁও প্ৰেছ ক্লাৱৰ সভাপতি দিব্যজ্যোতি বৰুৱাৰ সঞ্চালনাত সোণাই একাডেমীত অনুষ্ঠিত হোৱা গাম্ভীৰ্যপূৰ্ণ সম্বৰ্ধনা অনুষ্ঠানত মূখ্য অতিথি হিচাপে অংশগ্ৰহণ কৰি নগাঁও জিলাৰ আয়ুক্ত দেবাশীষ শৰ্মাই ভাষণত কয়, হয়বৰগাঁও প্ৰেছ ক্লাবে আয়োজন কৰা অনুষ্ঠানত ইমান খিনি কৃতি শিক্ষাৰ্থীক একেলগে দেখি মোৰ মনটো উৎফুল্লিত হৈ পৰিছে। উপস্থিত সকলো ছাত্ৰ ছাত্ৰীৰ লগতে অভিভাৱক সকলক অভিনন্দন জনাই জিলা আয়ুক্তই কয়, এনেধৰণৰ সুকীয়া অনুষ্ঠান বোৰ সমাজৰ নেতৃস্থানীয় সমাজ সেৱা মূলক দল সংগঠনে অনুষ্ঠিত কৰি আমাৰ উঠি অহা শৈক্ষিক প্ৰজন্মক অনুপ্ৰাণিত আৰু উৎসাহিত কৰিব লাগে। তাৰোপৰি পৰীক্ষাত অৱতীৰ্ণ হৈ নম্বৰ কম পোৱা নাইবা অধিক নম্বৰ লাভে জীৱনত সফলতাৰ মানদণ্ড নিৰূপণ নকৰে বুলি দৃঢ়তাৰে মতপোষণ কৰে। নিজৰ চমু ভাষণৰ অন্তত সুধাকণ্ঠ ডঃ ভূপেন হাজৰিকাৰ মানুহে মানুহৰ বাবে গীতটি পৰিবেশন কৰি নগাওঁ জিলাৰ আয়ুক্ত জনে সকলো শিক্ষাৰ্থী আৰু অভিভাৱকক আবেগিক কৰি তোলা পৰিলক্ষিত হয়। হয়বৰগাঁও প্ৰেছ ক্লাৱৰ সম্পাদক মোস্তাফা কামালে আঁত ধৰা গাম্ভীৰ্যপুৰ্ণ অনুষ্ঠানত ভাৰত চৰকাৰৰ অৱসৰপ্ৰাপ্ত শিক্ষাবিদ নুৰুল আমিন, নগাঁও জিলা প্ৰিন্ট মেডিয়া এচ'চিয়েছনৰ সভাপতি সাংবাদিক কনক হাজৰিকা, চিকিৎসক ডাঃ কামাল হাছান, অধ্যক্ষ হাৰুনাল ৰশ্বিদ, অৱসৰপ্ৰাপ্ত এচিএচ বিষয়া কল্লোল দত্ত, জুৰীয়া মহাবিদ্যালয়ৰ অধ্যক্ষ ড০ হাসমত আলীয়ে তত্ত্ব গধুৰ বক্তব্য প্ৰদান কৰে।কৃতি ছাত্ৰ ছাত্ৰীৰ উপৰিও জিলাখনৰ কুৰিখন বিদ্যালয়ৰ অধ্যক্ষকো বিশেষ ভাৱে সন্মানিত কৰে হয়বৰগাঁও প্ৰেছ ক্লাবে। হয়বৰগাঁও প্ৰেছ ক্লাবৰ জন সম্পৰ্কৰক্ষী সম্পাদক প্ৰাঞ্জল শইকীয়াই শলাগৰ শৰাই আগবঢ়ায়। হয়বৰগাঁও প্ৰেছ ক্লাৱৰ এনে যোগাত্মক পদক্ষেপক সকলোৱে একমুখে প্ৰশংসা কৰিছে।

মৰিগাঁৱত ১৪ মে'ত সাংবাদিক সমাজৰ বসন্ত উৎসৱ* *সাংস্কৃতিক সন্ধিয়া উদ্বোধন কৰিব আছুৰ সভাপতি উৎপল শৰ্মাই, গীত পৰিৱেশন কৰিব প্ৰতিষ্ঠিত কণ্ঠশিল্পী প্ৰবীণ বৰাই ব্যাপক প্ৰস্তুতি চলাইছে উদযাপন সমিতিয়ে* মৰিগাঁৱৰ সাংবাদিক আৰু সংবাদ কৰ্মীসকলৰ অন্যতম উমৈহতীয়া সংগঠন মৰিগাঁও সাংবাদিক সমাজৰ উদ্যোগত আগন্তুক ১৪ মে'ত মৰিগাঁও চহৰত দিনজোৰা কাৰ্যসূচীৰে বসন্ত উৎসৱ অনুষ্ঠিত কৰা হ'ব। মৰিগাঁও সদৰ বিহুতলীত অনুষ্ঠিত হ'বলগা এই বসন্ত উৎসৱটো সৰ্বাংগসুন্দৰ আৰু সফল কৰি তুলিবলৈ মানবেন্দ্ৰ দেৱনাথক সভাপতি, ভৰত কুমাৰ নাথ আৰু ৰঞ্জন দাসক কাৰ্যকৰী সভাপতি, বিকাশ ডেকাক সম্পাদক, মৃগাংক মেধি আৰু দিগন্ত ডেকাক সাংস্কৃতিক সম্পাদক হিচাপে লৈ ইতিমধ্যে এখন উদযাপন সমিতি গঠন কৰা হৈছে। বসন্ত উৎসৱৰ প্ৰকাশিত কাৰ্যসূচী অনুসৰি পুৱা ১০.৩০ বজাত পতাকা উত্তোলন, ১১ বজাত স্মৃতি তৰ্পণ, ১১.৩০ বজাত সুধাকণ্ঠ ড০ ভূপেন হাজৰিকা আৰু প্ৰাণৰ শিল্পী জুবিন গাৰ্গলৈ শ্ৰদ্ধাৰ্ঘ, ৫.৩০ বজাত বন্তি প্রজ্বলন আৰু ৬ বজাত এদল আমন্ত্রিত বিহুৱা দলৰ বিহু নৃত্য প্ৰদৰ্শন। নিশা ৮.৩০ বজাত এটা বৰ্ণাঢ্য সাংস্কৃতিক অনুষ্ঠান অনুষ্ঠিত কৰা হ'ব। অনুষ্ঠানটো উদ্বোধন কৰিব সদৌ অসম ছাত্ৰ সন্থাৰ সভাপতি উৎপল শৰ্মাই। অনুষ্ঠানত মৰিগাঁৱৰ জিলা আয়ুক্ত অনামিকা তেৱাৰী মুখ্য অতিথি আৰু জিলা তথ্য আৰু জনসংযোগ বিষয়া পম্পী দেৱী আমন্ত্রিত অতিথি আৰু মৰিগাঁৱৰ জ্যেষ্ঠ আৰক্ষী অধীক্ষক প্ৰকাশ সোণোৱাল বিশিষ্ট অতিথি হিচাপে উপস্থিত থাকিব। সাংস্কৃতিক অনুষ্ঠানটোত জনপ্ৰিয় কন্ঠশিল্পী প্ৰবীণ বৰাই গীত পৰিৱেশন কৰিব। বসন্ত উৎসৱৰ সমূহ কাৰ্যসূচীত সকলো স্তৰৰ ৰাইজক অকুন্ঠ ভাবে অংশগ্ৰহণ কৰিবলৈ উদযাপন সমিতিৰ বিষয়ববীয়া সকলে বিনম্ৰ ভাবে আহ্বান জানিবলৈ দিছে।

মৰিগাঁও জিলাৰ বাখৰবড়ীত অহা ১ জেঠ শনিবাৰে এক বিশেষ অনুষ্ঠান অনুষ্ঠিত হ'ব। স্থানীয় লোকসকলক এই অনুষ্ঠানলৈ সাদৰে নিমন্ত্ৰণ জনোৱা হৈছে।

নগাঁও আৰক্ষীয়ে চাঞ্চল্যকৰ মৰিকলং ডকাইতি কাণ্ডৰ লগত জড়িত আন তিনিজনক গ্ৰেপ্তাৰ কৰিছে, ইয়াৰ লগে লগে মুঠ গ্ৰেপ্তাৰৰ সংখ্যা ৬ টালৈ বৃদ্ধি পালে। আৰক্ষীয়ে অভিযান চলাই ডকাইতিৰ বাবে ব্যৱহৃত অস্ত্ৰ-শস্ত্ৰ আৰু বলেৰো গাড়ী জব্দ কৰাৰ লগতে ডকাইতৰ মোবাইলত নকল সোণৰ গহনাৰ ফটোও উদ্ধাৰ কৰিছে। এই কাণ্ডৰ গভীৰ তদন্তৰ বাবে এখন বিশেষ তদন্তকাৰী দল (SIT) গঠন কৰা হৈছে।