महाराष्ट्रातील शिरपूर येथे युवकांनी शिक्षण मंत्री आणि भ्रष्ट सरकारविरोधात अनोखा निषेध व्यक्त केला आहे. या आंदोलनादरम्यान विद्यार्थ्यांनी पोलिसांच्या दडपशाहीचा तीव्र विरोध करत न्यायाची मागणी केली आहे. भ्रष्ट सरकार आणि शिक्षण मंत्र्यांच्या कारभाराविरोधात युवकांमध्ये मोठा संताप पाहायला मिळत आहे.

दिल्लीतील जंतर-मंतरवर विद्यार्थ्यांवर झालेल्या कथित लाठीचार्जच्या निषेधार्थ धुळे जिल्ह्यातील शिरपूर तालुक्यात विद्यार्थ्यांनी रस्त्यावर उतरून तीव्र आंदोलन केले. शिरपूर शहरातील करवंद नाका परिसरात पार पडलेल्या या आंदोलनात मोठ्या संख्येने विद्यार्थी सहभागी झाले होते. केंद्रीय शिक्षणमंत्री धर्मेंद्र प्रधान यांनी या घटनेची नैतिक जबाबदारी स्वीकारून तात्काळ राजीनामा द्यावा, तसेच संपूर्ण प्रकरणाची सीबीआयमार्फत निष्पक्ष चौकशी करावी, या प्रमुख मागण्या आंदोलकांनी लावून धरल्या. यावेळी विद्यार्थ्यांनी केंद्र सरकारच्या धोरणांवर टीका करत जोरदार घोषणाबाजी केली. शांततापूर्ण मार्गाने आवाज उठवणाऱ्या विद्यार्थ्यांना दाबण्याचा प्रयत्न लोकशाहीसाठी घातक असल्याची भूमिका मांडत आंदोलनादरम्यान विद्यार्थ्यांनी स्वाक्षरी मोहीमही राबवली.

माहितीच्या अधिकाराखाली कागदपत्रांच्या अवलोकनासाठी बोलावूनही चाळीसगाव वनपरिक्षेत्र कार्यालयात आरटीआय कार्यकर्त्यांना माहिती देण्यास नकार देण्यात आला आहे. आरटीआय कायद्याच्या कलम ८ नुसार माहिती देता येत नसल्याचे सांगत अधिकाऱ्यांनी माहिती देण्यास स्पष्ट असमर्थता दर्शवली. याशिवाय संबंधित कार्यकर्त्यांशी अरेरावीची भाषा वापरत त्यांना अत्यंत चुकीची वागणूक देण्यात आली आणि अपमानित करण्यात आले.

मनोज जरांगे पाटील यांनी 'ज्यांनी निवडून दिले त्यांच्या पोरांना मारताय' असे म्हणत जोरदार निशाणा साधला आहे.

सुरगाणा तहसील कार्यालयावर भर पावसात श्रमजीवी संघटनेकडून विविध मागण्यांसाठी ठिया आंदोलन करण्यात आले आहे. जोरदार पाऊस सुरू असतानाही आंदोलकांनी तहसील कार्यालयासमोर एकत्र येत आपल्या विविध मागण्यांसाठी हे आंदोलन सुरू ठेवले.

महाराष्ट्र राज्याचे मुख्यमंत्री देवेंद्र फडणवीस यांच्या वाढदिवसानिमित्त अक्कलकुवा येथे भारतीय जनता पार्टीतर्फे भव्य रक्तदान शिबिराचे आयोजन करण्यात आले. भाजप प्रदेश अध्यक्ष रवींद्र चव्हाण, माजी प्रदेश महामंत्री व उत्तर महाराष्ट्र संयोजक विजय चौधरी आणि जिल्हा अध्यक्ष निलेश भाऊ माळी यांच्या सूचनेनुसार याहा मोगी निवास येथे हे रक्तदान शिबिर आयोजित करण्यात आले. या सामाजिक कार्यात अक्कलकुवा तालुक्यातील भाजपचे प्रमुख पदाधिकारी व कार्यकर्ते मोठ्या संख्येने सहभागी झाले होते. या प्रसंगी भारतीय जनता पार्टी जिल्हा उपाध्यक्षा श्रीमती आशाताई पाडवी, जिल्हा सचिव रमेश वसावे, तालुका अध्यक्ष नितेश पाडवी, तालुका उपाध्यक्ष नरेश पाडवी, राहुल वसावे, कांतीलाल वसावे, अशोक पाडवी, तालुका महिला मोर्चा अध्यक्षा श्रीमती अरुणाताई पाडवी, तालुका युवा मोर्चा अध्यक्ष पायला वसावे, कार्यकारिणी सदस्य आकाश पाडवी आणि सिव्हील हॉस्पिटल येथील कर्मचारी उपस्थित होते.

मराठा आरक्षण आंदोलनाचे नेते मनोज जरांगे पाटील यांनी दिल्लीतील जंतर-मंतरवर सुरू असलेल्या CJP आंदोलनाला प्रत्यक्ष भेट देऊन आंदोलनकर्त्यांना आपला पूर्ण पाठिंबा जाहीर केला आहे. या प्रसंगी त्यांनी आंदोलनकर्त्यांशी संवाद साधताना सर्वांनी पूर्ण शांतता व संयम राखून लोकशाही मार्गानेच आपला हा लढा पुढे सुरू ठेवावा, असे आवाहन केले.

दिल्लीतील जंतर-मंतरवर आंदोलक विद्यार्थ्यांवर झालेला लाठीचार्ज ही अत्यंत निंदनीय आणि गंभीर घटना आहे. सातत्याने होणारे पेपर लीक आणि भ्रष्टाचार यामुळे विद्यार्थ्यांचे आणि येणाऱ्या पिढ्यांचे भविष्य धोक्यात आले आहे. या घटनेचा आणि सरकारच्या उदासीनतेचा तीव्र निषेध व्यक्त केला जात आहे. या अन्यायाविरुद्ध आणि मुलांच्या उज्ज्वल भविष्यासाठी उद्या (गुरुवार, २३ जुलै २०२६) डॉ. बाबासाहेब आंबेडकर यांच्या पुतळ्यापासून शासकीय कार्यालयावर भव्य टू-व्हीलर मोर्चा काढण्यात येणार आहे. या निषेध मोर्चात सर्व येवला नागरिकांनी मोठ्या संख्येने सहभागी व्हावे, असे कळकळीचे आवाहन अर्जून जावळे यांनी केले आहे.

दिल्लीतील जंतर-मंतरवर विद्यार्थ्यांवर झालेल्या कथित लाठीचार्जच्या निषेधार्थ धुळे जिल्ह्यातील शिरपूर तालुक्यात विद्यार्थ्यांनी रस्त्यावर उतरून तीव्र आंदोलन केले. शिरपूर शहरातील करवंद नाका परिसरात पार पडलेल्या या आंदोलनात मोठ्या संख्येने विद्यार्थी सहभागी झाले होते. आंदोलनादरम्यान विद्यार्थ्यांनी केंद्र सरकारच्या धोरणांवर तीव्र टीका करत जोरदार घोषणाबाजी केली. केंद्रीय शिक्षणमंत्री धर्मेंद्र प्रधान यांनी या घटनेची नैतिक जबाबदारी स्वीकारून तात्काळ राजीनामा द्यावा, तसेच संपूर्ण प्रकरणाची सीबीआयमार्फत निष्पक्ष चौकशी करावी, या प्रमुख मागण्या आंदोलकांनी लावून धरल्या. शांततापूर्ण मार्गाने आवाज उठवणाऱ्या विद्यार्थ्यांना दाबण्याचा प्रयत्न लोकशाहीसाठी घातक असल्याची रोखठोक भूमिका विद्यार्थ्यांनी मांडली. या आंदोलनादरम्यान विद्यार्थ्यांनी स्वाक्षरी मोहीमही राबवली.