अहमदनगर जिल्ह्यातील कर्जत तालुक्यातील राशीन येथील श्री जगदंबा विद्यालयात आषाढी एकादशीच्या औचित्याने अत्यंत दिमाखदार आणि भक्तिमय वातावरणात दिंडी सोहळा पार पडला. यंदाच्या दिंडीचे मुख्य वैशिष्ट्य म्हणजे या सोहळ्यात ‘वारकरी दिंडी’, ‘वृक्ष दिंडी’ आणि ‘ग्रंथ दिंडी’ अशा त्रिवेणी संगमाचा अनोखा उपक्रम राबवण्यात आला होता. कार्यक्रमाप्रसंगी पालखी पूजन आणि श्री विठ्ठलाची भावपूर्ण आरती विद्यालयाचे मुख्याध्यापक श्री. उढाणे साहेब, उपमुख्याध्यापक तथा समृद्ध कर्जतचे पत्रकार जावेद काझी, पर्यवेक्षक श्री. राक्षे साहेब, श्री. कर्पे सर आणि श्री. बाबर सर यांच्या हस्ते भक्तिमय वातावरणात पार पडली. या दिंडी सोहळ्यात बालचमूंचा उत्साह ओसंडून वाहत होता. विद्यार्थ्यांनी विठ्ठल-रुक्मिणी, संत तुकाराम महाराज, संत ज्ञानेश्वर महाराज आणि वारकरी संप्रदायातील विविध संतांच्या मनमोहक वेशभूषा साकारून उपस्थितांची मने जिंकून घेतली. टाळ-मृदुंगाचा गजर आणि "ज्ञानबा-तुकाराम" च्या जयघोषाने संपूर्ण राशीन नगरी भक्तिरसात न्हाऊन निघाली होती. यासोबतच विद्यार्थ्यांनी पर्यावरण, स्वच्छता आणि वाचन संस्कृती जपण्याचा संदेश देणारे रंगीबेरंगी फलक तयार केले होते. "झाडे लावा, जीवन फुलवा", "वारीची शान, स्वच्छतेचा मान", "ग्रंथ आमचे खरे मित्र, ज्ञानाचा हा पवित्र मंत्र" आणि "विठ्ठल नामाचा गजर करू, स्वच्छतेचा संकल्प धरू" अशा घोषणांनी संपूर्ण गावचे लक्ष वेधून घेतले. गावातून मिरवणूक फिरताना विद्यार्थ्यांनी अत्यंत शिस्तबद्धता पाळली, तर ग्रामस्थ आणि पालक वर्गाने ठिकठिकाणी या दिंडीचे उत्स्फूर्त स्वागत केले. सोहळ्याच्या यशस्वीतेसाठी विद्यालयाच्या सर्व शिक्षक आणि शिक्षकेतर कर्मचाऱ्यांनी विद्यार्थ्यांना मोलाचे मार्गदर्शन करून विशेष परिश्रम घेतले. भक्ती, पर्यावरण संवर्धन आणि ज्ञानोपासनेचा सुंदर संदेश देणारा हा दिंडी सोहळा संपूर्ण राशीन परिसरात कौतुकाचा विषय ठरला आहे.

Bhausaheb Toradmal

कर्जत, अहमदनगर, महाराष्ट्र•

3 hrs ago

अहमदनगर जिल्ह्यातील कर्जत तालुक्यातील राशीन येथील श्री जगदंबा विद्यालयात आषाढी एकादशीच्या औचित्याने अत्यंत दिमाखदार आणि भक्तिमय वातावरणात दिंडी सोहळा पार पडला. यंदाच्या दिंडीचे मुख्य वैशिष्ट्य म्हणजे या सोहळ्यात ‘वारकरी दिंडी’, ‘वृक्ष दिंडी’ आणि ‘ग्रंथ दिंडी’ अशा त्रिवेणी संगमाचा अनोखा उपक्रम राबवण्यात आला होता. कार्यक्रमाप्रसंगी पालखी पूजन आणि श्री विठ्ठलाची भावपूर्ण आरती विद्यालयाचे मुख्याध्यापक श्री. उढाणे साहेब, उपमुख्याध्यापक तथा समृद्ध कर्जतचे पत्रकार जावेद काझी, पर्यवेक्षक श्री. राक्षे साहेब, श्री. कर्पे सर आणि श्री. बाबर सर यांच्या हस्ते भक्तिमय वातावरणात पार पडली. या दिंडी सोहळ्यात बालचमूंचा उत्साह ओसंडून वाहत होता. विद्यार्थ्यांनी विठ्ठल-रुक्मिणी, संत तुकाराम महाराज, संत ज्ञानेश्वर महाराज आणि वारकरी संप्रदायातील विविध संतांच्या मनमोहक वेशभूषा साकारून उपस्थितांची मने जिंकून घेतली. टाळ-मृदुंगाचा

गजर आणि "ज्ञानबा-तुकाराम" च्या जयघोषाने संपूर्ण राशीन नगरी भक्तिरसात न्हाऊन निघाली होती. यासोबतच विद्यार्थ्यांनी पर्यावरण, स्वच्छता आणि वाचन संस्कृती जपण्याचा संदेश देणारे रंगीबेरंगी फलक तयार केले होते. "झाडे लावा, जीवन फुलवा", "वारीची शान, स्वच्छतेचा मान", "ग्रंथ आमचे खरे मित्र, ज्ञानाचा हा पवित्र मंत्र" आणि "विठ्ठल नामाचा गजर करू, स्वच्छतेचा संकल्प धरू" अशा घोषणांनी संपूर्ण गावचे लक्ष वेधून घेतले. गावातून मिरवणूक फिरताना विद्यार्थ्यांनी अत्यंत शिस्तबद्धता पाळली, तर ग्रामस्थ आणि पालक वर्गाने ठिकठिकाणी या दिंडीचे उत्स्फूर्त स्वागत केले. सोहळ्याच्या यशस्वीतेसाठी विद्यालयाच्या सर्व शिक्षक आणि शिक्षकेतर कर्मचाऱ्यांनी विद्यार्थ्यांना मोलाचे मार्गदर्शन करून विशेष परिश्रम घेतले. भक्ती, पर्यावरण संवर्धन आणि ज्ञानोपासनेचा सुंदर संदेश देणारा हा दिंडी सोहळा संपूर्ण राशीन परिसरात कौतुकाचा विषय ठरला आहे.