ଲୁତୁରପଙ୍କରେ ଭକ୍ତିମୟ ପରିବେଶରେ ଶ୍ରୀଜିଉଙ୍କ ନୀଳାଦ୍ରିବିଜେ ଗୀତ ମାଧ୍ୟମରେ ଲକ୍ଷ୍ମୀ–ନାରାୟଣ କଳି - ଘଣ୍ଟ–ଶଙ୍ଖ–ହରିବୋଲରେ ପ୍ରକମ୍ପିତ ହେଲା ଗାଁ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଲୁତୁରପଙ୍କ ଗ୍ରାମରେ ପବିତ୍ର ନୀଳାଦ୍ରିବିଜେ ଅବସରରେ ଶ୍ରୀଜିଉଙ୍କ ନୀତିକାନ୍ତି ଭକ୍ତି ଓ ଆଧ୍ୟାତ୍ମିକ ପରିବେଶ ମଧ୍ୟରେ ସମ୍ପନ୍ନ ହୋଇଯାଇଛି। ଘଣ୍ଟ, ଶଙ୍ଖ, ହରିବୋଲ ଧ୍ୱନି ଓ ହୁଳହୁଳିରେ ସମଗ୍ର ଗ୍ରାମ ପ୍ରକମ୍ପିତ ହୋଇଥିବା ବେଳେ ସଙ୍କୀର୍ତ୍ତନ ଦଳମାନଙ୍କ ଭକ୍ତିମୟ ପରିବେଷଣ କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରିଥିଲା। ରଥାରୂଢ଼ ଶ୍ରୀଜିଉଙ୍କୁ ପହଣ୍ଡି କରି ମନ୍ଦିର ଚାରିପାଖରେ ବେଢ଼ା ପରିକ୍ରମା କରାଯାଇଥିଲା। ପହଣ୍ଡି ସମୟରେ ଆଲଟ, ଚାମର, ଛତିଛାତ୍ର ଓ ବାନା–ବୈରଖ ସହ ପାରମ୍ପରିକ ରୀତିନୀତି ପାଳନ କରାଯାଇଥିଲା। ସତ୍ୟମୋହନ ଦେଓ ଓ ଗୌରୀଶଙ୍କର ବେଦୋକ୍ତା ପହଣ୍ଡି ଗୀତ ପରିବେଷଣ କରିଥିବା ବେଳେ ସୁଲିନ ଦେଓ ଛେରା ପହଁରା ନୀତି ସମ୍ପାଦନ କରିଥିଲେ। ବିବେକାନନ୍ଦ ପୂଜାରୀ, ସତ୍ୟବ୍ରତ ପୂଜାରୀ, ଧରଣୀଧର ପୂଜାରୀ, ଲିଙ୍କନ ବେଦୋକ୍ତା, ପ୍ରକାଶ ବେଦୋକ୍ତା, ପ୍ରମୋଦ ବେଦୋକ୍ତା, ପ୍ରଭୁଦତ୍ତ ବେଦୋକ୍ତା ଓ ନୀଳାଞ୍ଚଳ ପୂଜାରୀ ପହଣ୍ଡି ନୀତିରେ ସାମିଲ ହୋଇଥିଲେ। ଲୁତୁରପଙ୍କ, ଭାଲୁଡୁଙ୍ଗୁରୀ (କଲୋନୀପଡ଼ା), ଘଣ୍ଟପାଲି ଓ କେନଝିରିଆପାଲି ଗ୍ରାମର ସଙ୍କୀର୍ତ୍ତନ ଦଳମାନେ ଭକ୍ତିମୟ ସଙ୍କୀର୍ତ୍ତନ ପରିବେଷଣ କରିଥିଲେ। ବେଢ଼ା ପରିକ୍ରମା ସମୟରେ ଗ୍ରାମର ପ୍ରତ୍ୟେକ ପରିବାର ଦଧିବାମନ (ଶ୍ରୀଜଗନ୍ନାଥ)ଙ୍କୁ ପୂଜାର୍ଚ୍ଚନା କରି ଆଶୀର୍ବାଦ କାମନା କରିଥିଲେ। ପରେ ଶ୍ରୀଜିଉଙ୍କ ଗମ୍ଭୀରା ପ୍ରବେଶ ବେଳେ ଗୀତ ମାଧ୍ୟମରେ ପାରମ୍ପରିକ ଲକ୍ଷ୍ମୀ–ନାରାୟଣ କଳି ପରିବେଷଣ କରାଯାଇଥିଲା। ଏଥିରେ ମହେଶ୍ୱର ମହାକୁର ଜଗନ୍ନାଥଙ୍କ ଭୂମିକାରେ କଳି ଗୀତ ଗାନ କରିଥିବା ବେଳେ ମମତା ପ୍ରଧାନ ଲକ୍ଷ୍ମୀଙ୍କ ଭୂମିକାରେ ଗୀତ ପରିବେଷଣ କରି ଉପସ୍ଥିତ ଭକ୍ତମାନଙ୍କୁ ମୁଗ୍ଧ କରିଥିଲେ। ଗ୍ରାମ୍ୟ ପରିଚାଳନା କମିଟିର ସଭାପତି ଯଜ୍ଞ ମହାକୁର ଓ ସମ୍ପାଦକ ଯୁଧିଷ୍ଠିର ମହାକୁରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କମିଟିର ସଦସ୍ୟ ଓ ଗ୍ରାମବାସୀଙ୍କ ସହଯୋଗରେ ସମଗ୍ର କାର୍ଯ୍ୟକ୍ରମ ସୁଚାରୁରୂପେ ସମ୍ପନ୍ନ ହୋଇଥିଲା। ନୀଳାଦ୍ରିବିଜେ ଉତ୍ସବକୁ ଦେଖିବା ପାଇଁ ଅଞ୍ଚଳର ବିଭିନ୍ନ ଗ୍ରାମରୁ ଶତାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

1 day ago

ଲୁତୁରପଙ୍କରେ ଭକ୍ତିମୟ ପରିବେଶରେ ଶ୍ରୀଜିଉଙ୍କ ନୀଳାଦ୍ରିବିଜେ ଗୀତ ମାଧ୍ୟମରେ ଲକ୍ଷ୍ମୀ–ନାରାୟଣ କଳି - ଘଣ୍ଟ–ଶଙ୍ଖ–ହରିବୋଲରେ ପ୍ରକମ୍ପିତ ହେଲା ଗାଁ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଲୁତୁରପଙ୍କ ଗ୍ରାମରେ ପବିତ୍ର ନୀଳାଦ୍ରିବିଜେ ଅବସରରେ ଶ୍ରୀଜିଉଙ୍କ ନୀତିକାନ୍ତି ଭକ୍ତି ଓ ଆଧ୍ୟାତ୍ମିକ ପରିବେଶ ମଧ୍ୟରେ ସମ୍ପନ୍ନ ହୋଇଯାଇଛି। ଘଣ୍ଟ, ଶଙ୍ଖ, ହରିବୋଲ ଧ୍ୱନି ଓ ହୁଳହୁଳିରେ ସମଗ୍ର ଗ୍ରାମ ପ୍ରକମ୍ପିତ ହୋଇଥିବା ବେଳେ ସଙ୍କୀର୍ତ୍ତନ ଦଳମାନଙ୍କ ଭକ୍ତିମୟ ପରିବେଷଣ କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରିଥିଲା। ରଥାରୂଢ଼

ଶ୍ରୀଜିଉଙ୍କୁ ପହଣ୍ଡି କରି ମନ୍ଦିର ଚାରିପାଖରେ ବେଢ଼ା ପରିକ୍ରମା କରାଯାଇଥିଲା। ପହଣ୍ଡି ସମୟରେ ଆଲଟ, ଚାମର, ଛତିଛାତ୍ର ଓ ବାନା–ବୈରଖ ସହ ପାରମ୍ପରିକ ରୀତିନୀତି ପାଳନ କରାଯାଇଥିଲା। ସତ୍ୟମୋହନ ଦେଓ ଓ ଗୌରୀଶଙ୍କର ବେଦୋକ୍ତା ପହଣ୍ଡି ଗୀତ ପରିବେଷଣ କରିଥିବା ବେଳେ ସୁଲିନ ଦେଓ ଛେରା ପହଁରା ନୀତି ସମ୍ପାଦନ କରିଥିଲେ। ବିବେକାନନ୍ଦ ପୂଜାରୀ, ସତ୍ୟବ୍ରତ ପୂଜାରୀ, ଧରଣୀଧର ପୂଜାରୀ, ଲିଙ୍କନ ବେଦୋକ୍ତା, ପ୍ରକାଶ ବେଦୋକ୍ତା, ପ୍ରମୋଦ ବେଦୋକ୍ତା,

ପ୍ରଭୁଦତ୍ତ ବେଦୋକ୍ତା ଓ ନୀଳାଞ୍ଚଳ ପୂଜାରୀ ପହଣ୍ଡି ନୀତିରେ ସାମିଲ ହୋଇଥିଲେ। ଲୁତୁରପଙ୍କ, ଭାଲୁଡୁଙ୍ଗୁରୀ (କଲୋନୀପଡ଼ା), ଘଣ୍ଟପାଲି ଓ କେନଝିରିଆପାଲି ଗ୍ରାମର ସଙ୍କୀର୍ତ୍ତନ ଦଳମାନେ ଭକ୍ତିମୟ ସଙ୍କୀର୍ତ୍ତନ ପରିବେଷଣ କରିଥିଲେ। ବେଢ଼ା ପରିକ୍ରମା ସମୟରେ ଗ୍ରାମର ପ୍ରତ୍ୟେକ ପରିବାର ଦଧିବାମନ (ଶ୍ରୀଜଗନ୍ନାଥ)ଙ୍କୁ ପୂଜାର୍ଚ୍ଚନା କରି ଆଶୀର୍ବାଦ କାମନା କରିଥିଲେ। ପରେ ଶ୍ରୀଜିଉଙ୍କ ଗମ୍ଭୀରା ପ୍ରବେଶ ବେଳେ ଗୀତ ମାଧ୍ୟମରେ ପାରମ୍ପରିକ ଲକ୍ଷ୍ମୀ–ନାରାୟଣ କଳି ପରିବେଷଣ କରାଯାଇଥିଲା। ଏଥିରେ ମହେଶ୍ୱର ମହାକୁର ଜଗନ୍ନାଥଙ୍କ

ଭୂମିକାରେ କଳି ଗୀତ ଗାନ କରିଥିବା ବେଳେ ମମତା ପ୍ରଧାନ ଲକ୍ଷ୍ମୀଙ୍କ ଭୂମିକାରେ ଗୀତ ପରିବେଷଣ କରି ଉପସ୍ଥିତ ଭକ୍ତମାନଙ୍କୁ ମୁଗ୍ଧ କରିଥିଲେ। ଗ୍ରାମ୍ୟ ପରିଚାଳନା କମିଟିର ସଭାପତି ଯଜ୍ଞ ମହାକୁର ଓ ସମ୍ପାଦକ ଯୁଧିଷ୍ଠିର ମହାକୁରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କମିଟିର ସଦସ୍ୟ ଓ ଗ୍ରାମବାସୀଙ୍କ ସହଯୋଗରେ ସମଗ୍ର କାର୍ଯ୍ୟକ୍ରମ ସୁଚାରୁରୂପେ ସମ୍ପନ୍ନ ହୋଇଥିଲା। ନୀଳାଦ୍ରିବିଜେ ଉତ୍ସବକୁ ଦେଖିବା ପାଇଁ ଅଞ୍ଚଳର ବିଭିନ୍ନ ଗ୍ରାମରୁ ଶତାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା।