સુરતમાં એક જ નંબર પર દોડતી બે બસો ઝડપાઈ | સદ્દગુરૂ શિવમ ટ્રાવેલ્સનો મોટો કૌભાંડ બહાર સુરત ગ્રામ્ય LCBનો મોટો ભાંડો ફોડ: એક જ નંબર પર દોડતી બે લક્ઝરી બસો ઝડપાઈ, કરોડોની ટેક્સ ચોરી અને બનાવટી દસ્તાવેજોનો ખેલ બહાર આવ્યો સુરત ગ્રામ્ય એલ.સી.બી પોલીસે વાહન દસ્તાવેજોમાં મોટા પાયે ગેરરીતિ અને સરકાર સાથે ઠગાઈના કૌભાંડનો પર્દાફાશ કરતા સદ્દગુરૂ શિવમ ટ્રાવેલ્સ સંચાલિત બે લક્ઝરી બસોને ઝડપી પાડી છે. તપાસ દરમિયાન એક જ રજીસ્ટ્રેશન નંબર, ચેસીસ નંબર અને એન્જિન નંબરનો ઉપયોગ કરીને અલગ અલગ રૂટ પર બસો દોડાડાતી હોવાનો ચોંકાવનારો ખુલાસો થયો છે. પોલીસે કુલ રૂપિયા 30.10 લાખનો મુદ્દામાલ કબ્જે લીધો છે. આ સમગ્ર મામલે ફરીયાદી તરીકે એલ.સી.બી સુરત ગ્રામ્યમાં ફરજ બજાવતા એએસઆઈ જગદીશભાઈ કામરાજભાઈ ચૌધરીએ કાયદેસરની કાર્યવાહી હાથ ધરી છે. પોલીસે સ્થળ પરથી બસ ચાલક તરીકે બિજલભાઈ પુનાભાઈ ભુરખીયા (ઉંમર 35, ધંધો ડ્રાઈવિંગ, રહે. ઉજળવાવ સ્ટેશન, તા. ઉમરાળા, જી. ભાવનગર) ને ઝડપી પાડ્યો હતો. જ્યારે બસ માલિક અજયભાઈ રમેશભાઈ વામજા, રહે. સુરત શહેર, સ્થળ પરથી મળી આવ્યા નહોતા. જેથી પોલીસે તેમને વોન્ટેડ જાહેર કર્યા છે. પ્રાથમિક તપાસમાં સામે આવ્યું છે કે સદ્દગુરૂ શિવમ ટ્રાવેલ્સના સંચાલકો દ્વારા આર.ટી.ઓ. કચેરીમાં ભારે ટેક્સ ભરપાઈથી બચવા માટે ગેરકાયદેસર રીતે બસો દોડાવવામાં આવતી હતી. બસોની ચકાસણી દરમિયાન પકડાઈ ન પડે તે હેતુથી ખોટા આર.ટી.ઓ. દસ્તાવેજો તૈયાર કરાવવામાં આવ્યા હતા. પોલીસના જણાવ્યા અનુસાર, નાશિકથી સુરત તથા અમરેલીથી સુરત રૂટ પર દોડતી બે અલગ અલગ અશોક લેલેન્ડ કંપનીની બસોમાં “AR-06-C-0444” નામનો એક જ રજીસ્ટ્રેશન નંબર લગાડવામાં આવ્યો હતો. એટલું જ નહીં, બંને બસોમાં સમાન ચેસીસ અને એન્જિન નંબર દર્શાવવામાં આવ્યા હતા. તપાસમાં વધુમાં સામે આવ્યું છે કે ટ્રકોના મૂળ ચેસીસ અને એન્જિન નંબર ઓળખાઈ ન શકે તે માટે ઇરાદાપૂર્વક ઘસારા અને ચેડાં કરવામાં આવ્યા હતા. પોલીસે ગેરરીતિમાં ઉપયોગમાં લેવાયેલી બે બસો સહિત કુલ અંદાજિત રૂપિયા 30,10,000નો મુદ્દામાલ કબ્જે કર્યો છે. સમગ્ર કૌભાંડમાં વધુ લોકોની સંડોવણી હોવાની શક્યતા પણ વ્યક્ત કરવામાં આવી રહી છે. આ સમગ્ર પ્રકરણમાં આગળની તપાસ એલ.સી.બી શાખાના PSI એ. એન. ચૌહાણ દ્વારા હાથ ધરવામાં આવી છે. પોલીસ હવે બનાવટી દસ્તાવેજો તૈયાર કરનારાઓ તેમજ ટેક્સ ચોરીના સમગ્ર રેકેટ સુધી પહોંચવા માટે વધુ તપાસ ચલાવી રહી છે.

રમેશ ખંભાતી

Photographer બારડોલી, સુરત, ગુજરાત•

2 hrs ago

સુરતમાં એક જ નંબર પર દોડતી બે બસો ઝડપાઈ | સદ્દગુરૂ શિવમ ટ્રાવેલ્સનો મોટો કૌભાંડ બહાર સુરત ગ્રામ્ય LCBનો મોટો ભાંડો ફોડ: એક જ નંબર પર દોડતી બે લક્ઝરી બસો ઝડપાઈ, કરોડોની ટેક્સ ચોરી અને બનાવટી દસ્તાવેજોનો ખેલ બહાર આવ્યો સુરત ગ્રામ્ય એલ.સી.બી પોલીસે વાહન દસ્તાવેજોમાં મોટા પાયે ગેરરીતિ અને સરકાર સાથે ઠગાઈના કૌભાંડનો પર્દાફાશ કરતા સદ્દગુરૂ શિવમ ટ્રાવેલ્સ સંચાલિત બે લક્ઝરી બસોને ઝડપી પાડી છે. તપાસ દરમિયાન એક જ રજીસ્ટ્રેશન નંબર, ચેસીસ નંબર અને એન્જિન નંબરનો ઉપયોગ કરીને અલગ અલગ રૂટ પર બસો દોડાડાતી હોવાનો ચોંકાવનારો ખુલાસો થયો છે. પોલીસે કુલ રૂપિયા 30.10 લાખનો મુદ્દામાલ કબ્જે લીધો છે. આ સમગ્ર મામલે ફરીયાદી તરીકે એલ.સી.બી સુરત ગ્રામ્યમાં ફરજ બજાવતા એએસઆઈ જગદીશભાઈ કામરાજભાઈ ચૌધરીએ કાયદેસરની કાર્યવાહી હાથ ધરી છે. પોલીસે સ્થળ પરથી બસ ચાલક તરીકે બિજલભાઈ પુનાભાઈ ભુરખીયા (ઉંમર 35, ધંધો ડ્રાઈવિંગ, રહે. ઉજળવાવ સ્ટેશન, તા. ઉમરાળા, જી. ભાવનગર) ને ઝડપી પાડ્યો હતો. જ્યારે બસ માલિક અજયભાઈ રમેશભાઈ વામજા, રહે. સુરત શહેર, સ્થળ પરથી મળી આવ્યા નહોતા. જેથી પોલીસે તેમને વોન્ટેડ જાહેર કર્યા છે. પ્રાથમિક તપાસમાં સામે આવ્યું છે કે સદ્દગુરૂ શિવમ ટ્રાવેલ્સના સંચાલકો દ્વારા આર.ટી.ઓ. કચેરીમાં ભારે ટેક્સ ભરપાઈથી બચવા માટે ગેરકાયદેસર રીતે બસો દોડાવવામાં આવતી હતી. બસોની ચકાસણી દરમિયાન પકડાઈ ન પડે તે હેતુથી ખોટા આર.ટી.ઓ. દસ્તાવેજો તૈયાર કરાવવામાં આવ્યા હતા. પોલીસના જણાવ્યા અનુસાર, નાશિકથી સુરત તથા અમરેલીથી સુરત રૂટ પર દોડતી બે અલગ અલગ અશોક લેલેન્ડ કંપનીની બસોમાં “AR-06-C-0444” નામનો એક જ રજીસ્ટ્રેશન નંબર લગાડવામાં આવ્યો હતો. એટલું જ નહીં, બંને બસોમાં સમાન ચેસીસ અને એન્જિન નંબર દર્શાવવામાં આવ્યા હતા. તપાસમાં વધુમાં સામે આવ્યું છે કે ટ્રકોના મૂળ ચેસીસ અને એન્જિન નંબર ઓળખાઈ ન શકે તે માટે ઇરાદાપૂર્વક ઘસારા અને ચેડાં કરવામાં આવ્યા હતા. પોલીસે ગેરરીતિમાં ઉપયોગમાં લેવાયેલી બે બસો સહિત કુલ અંદાજિત રૂપિયા 30,10,000નો મુદ્દામાલ કબ્જે કર્યો છે. સમગ્ર કૌભાંડમાં વધુ લોકોની સંડોવણી હોવાની શક્યતા પણ વ્યક્ત કરવામાં આવી રહી છે. આ સમગ્ર પ્રકરણમાં આગળની તપાસ એલ.સી.બી શાખાના PSI એ. એન. ચૌહાણ દ્વારા હાથ ધરવામાં આવી છે. પોલીસ હવે બનાવટી દસ્તાવેજો તૈયાર કરનારાઓ તેમજ ટેક્સ ચોરીના સમગ્ર રેકેટ સુધી પહોંચવા માટે વધુ તપાસ ચલાવી રહી છે.