इथेनॉल प्रकल्पाचे विषारी पाणी ठरले 'शाप'! ब्रह्मपुरीतील ७ गावांत त्वचा रोगाचे रुग्ण आढळल्याने खळबळ; तालुका आरोग्य अधिकाऱ्यांचा अहवाल सादर ब्रह्मपुरी :एकीकडे औद्योगिक विकासाचा डांगोरा पिटला जात असताना, दुसरीकडे ब्रह्मपुरी परिसरातील एका इथेनॉल प्रकल्पाने सोडलेल्या विषारी अन् दूषित पाण्यामुळे सामान्य नागरिकांच्या आरोग्याचा खेळखंडोबा झाला आहे. या रासायनिक सांडपाण्यामुळे परिसरातील पाण्याच्या स्त्रोतांमध्ये विष भिनले असून, त्यामुळे तब्बल सात गावांमध्ये अंगाला खाज सुटणे, शरीरावर चट्टे आणि पुरळ उठणे यांसारख्या गंभीर त्वचा रोगाचा प्रकोप झाला आहे. जिल्हा आरोग्य अधिकाऱ्यांच्या (DHO) आदेशानंतर तालुका आरोग्य यंत्रणेने केलेल्या तातडीच्या सर्वेक्षणात अनेक रुग्ण बाधित आढळल्याचा सविस्तर अहवाल सादर करण्यात आला असून, या धक्कादायक निष्पन्नामुळे संपूर्ण प्रशासनात प्रचंड खडबड माजली आहे. महाराष्ट्र प्रदूषण नियंत्रण मंडळाने (MPCB) १६ जुलै २०२६ रोजी पाठवलेल्या शासकीय पत्रात (जा क्र मप्रनि/उ प्रा का च / ४२९ / २०२६) इथेनॉल प्रकल्पाच्या बेजबाबदार कारभारावर बोट ठेवले होते. या रासायनिक सांडपाण्यामुळे भूगर्भातील पाणी प्रचंड दूषित झाले असून हेच दूषित पाणी नागरिकांच्या पोटात गेल्याने आरोग्याचा गंभीर प्रश्न निर्माण झाल्याचे स्पष्ट झाले होते. या पत्राची तात्काळ दखल घेत चंद्रपूर जिल्हा परिषदेच्या जिल्हा आरोग्य अधिकारी कार्यालयाने (पत्र क्र. आरोग्य / प्रदूषण/१३५९/२०२६) ब्रह्मपुरी तालुका वैद्यकीय प्रशासनाला संबंधित बाधित गावांची पाहणी करून अहवाल सादर करण्याचे कडक निर्देश दिले होते. जिल्हा प्रशासनाच्या आदेशानुसार तालुका आरोग्य अधिकाऱ्यांच्या पथकाने ब्रह्मपुरी परिसरातील उदापूर, बोरगाव, झिलबोडी, पारडगाव, परसोडी, पेठवार्ड आणि फुलेनगर या सातही प्रभावित गावांमध्ये जाऊन प्रत्यक्ष आरोग्य तपासणी व सर्वेक्षण पूर्ण केले. या सर्वेक्षणादरम्यान लहानांपासून वृद्धांपर्यंत अनेक ग्रामस्थ गंभीर त्वचा रोगाने ग्रस्त असल्याचे निष्पन्न झाले. दूषित पाण्यामुळेच हा आजार पसरल्याचा प्राथमिक निष्कर्ष काढत तालुका आरोग्य अधिकाऱ्यांनी आपला सविस्तर तपासणी अहवाल जिल्हा परिषदेच्या मुख्य कार्यकारी अधिकाऱ्यांसह (CEO) जिल्हा आरोग्य अधिकाऱ्यांकडे पाठविला आहे. आरोग्य यंत्रणेच्या या अहवालामुळे इथेनॉल प्रकल्पाचा निष्काळजीपणा उघड्यावर आला आहे. औद्योगिक प्रगतीचा बुरखा पांघरून स्थानिक नागरिकांच्या जीवाशी खेळणाऱ्या या इथेनॉल प्रकल्पाविरुद्ध आता सातही गावांतील ग्रामस्थांचा आक्रोश अनावर झाला आहे. "दररोज लहान मुले आणि वृद्ध अंगाच्या लाहीलाहीने तडफडत आहेत. प्रशासनाने केवळ सर्वेक्षण आणि कागदी घोडे न नाचवता या प्रदूषणकारी इथेनॉल प्रकल्पावर तात्काळ कठोर कारवाई करावी किंवा हा प्रकल्प कायमचा बंद करावा," अशी संतप्त मागणी स्थानिक नागरिकांकडून केली जात आहे. आरोग्य विभागाच्या अहवालात रुग्ण आढळल्याचे स्पष्ट सिद्ध झाल्यामुळे आता चेंडू जिल्हा प्रशासनाच्या आणि प्रदूषण नियंत्रण मंडळाच्या कोर्टात आहे. संबंधित इथेनॉल प्रकल्प व्यवस्थापनावर निष्काळजीपणा आणि नागरिकांचे आरोग्य धोक्यात आणल्याप्रकरणी तत्काळ फौजदारी गुन्हा (FIR) दाखल होणार का? प्रभावित सातही गावांना शुद्ध आणि सुरक्षित पिण्याचे पाणी पुरवण्यासाठी प्रशासन काय कायमस्वरूपी योजना आखणार? आरोग्य विभागाच्या या धक्कादायक अहवालानंतर आता वरिष्ठ पातळीवरून या प्रदूषणकारी इथेनॉल प्रकल्पाचे कुलूप ठोकले जाणार की नेहमीप्रमाणे कारवाई टाळली जाणार, याकडे संपूर्ण चंद्रपूर जिल्ह्याचे लक्ष लागले आहे.

Disha News

Media house चंद्रपूर, चंद्रपूर, महाराष्ट्र•

12 hrs ago

इथेनॉल प्रकल्पाचे विषारी पाणी ठरले 'शाप'! ब्रह्मपुरीतील ७ गावांत त्वचा रोगाचे रुग्ण आढळल्याने खळबळ; तालुका आरोग्य अधिकाऱ्यांचा अहवाल सादर ब्रह्मपुरी :एकीकडे औद्योगिक विकासाचा डांगोरा पिटला जात असताना, दुसरीकडे ब्रह्मपुरी परिसरातील एका इथेनॉल प्रकल्पाने सोडलेल्या विषारी अन् दूषित पाण्यामुळे सामान्य नागरिकांच्या आरोग्याचा खेळखंडोबा झाला आहे. या रासायनिक सांडपाण्यामुळे परिसरातील पाण्याच्या स्त्रोतांमध्ये विष भिनले असून, त्यामुळे तब्बल सात गावांमध्ये अंगाला खाज सुटणे, शरीरावर चट्टे आणि पुरळ उठणे यांसारख्या गंभीर त्वचा रोगाचा प्रकोप झाला आहे. जिल्हा आरोग्य अधिकाऱ्यांच्या (DHO) आदेशानंतर तालुका आरोग्य यंत्रणेने केलेल्या तातडीच्या सर्वेक्षणात अनेक रुग्ण बाधित आढळल्याचा सविस्तर अहवाल सादर करण्यात आला असून, या धक्कादायक निष्पन्नामुळे संपूर्ण प्रशासनात प्रचंड खडबड माजली आहे. महाराष्ट्र प्रदूषण नियंत्रण मंडळाने (MPCB) १६ जुलै २०२६ रोजी पाठवलेल्या शासकीय पत्रात (जा क्र मप्रनि/उ प्रा का च / ४२९ / २०२६) इथेनॉल प्रकल्पाच्या बेजबाबदार कारभारावर बोट ठेवले होते. या रासायनिक सांडपाण्यामुळे भूगर्भातील पाणी प्रचंड दूषित झाले असून हेच दूषित पाणी नागरिकांच्या पोटात गेल्याने आरोग्याचा गंभीर प्रश्न निर्माण झाल्याचे स्पष्ट झाले होते. या पत्राची तात्काळ दखल घेत चंद्रपूर जिल्हा परिषदेच्या जिल्हा आरोग्य अधिकारी कार्यालयाने (पत्र क्र. आरोग्य / प्रदूषण/१३५९/२०२६) ब्रह्मपुरी तालुका वैद्यकीय प्रशासनाला संबंधित बाधित गावांची पाहणी करून अहवाल सादर करण्याचे कडक निर्देश दिले होते. जिल्हा प्रशासनाच्या आदेशानुसार तालुका आरोग्य अधिकाऱ्यांच्या पथकाने ब्रह्मपुरी परिसरातील उदापूर, बोरगाव, झिलबोडी, पारडगाव, परसोडी, पेठवार्ड आणि फुलेनगर या सातही प्रभावित गावांमध्ये जाऊन प्रत्यक्ष आरोग्य तपासणी व सर्वेक्षण पूर्ण केले. या सर्वेक्षणादरम्यान लहानांपासून वृद्धांपर्यंत अनेक ग्रामस्थ गंभीर त्वचा रोगाने ग्रस्त असल्याचे निष्पन्न झाले. दूषित पाण्यामुळेच हा आजार पसरल्याचा प्राथमिक निष्कर्ष काढत तालुका आरोग्य अधिकाऱ्यांनी आपला सविस्तर तपासणी अहवाल जिल्हा परिषदेच्या मुख्य कार्यकारी अधिकाऱ्यांसह (CEO) जिल्हा आरोग्य अधिकाऱ्यांकडे पाठविला आहे. आरोग्य यंत्रणेच्या या अहवालामुळे इथेनॉल प्रकल्पाचा निष्काळजीपणा उघड्यावर आला आहे. औद्योगिक प्रगतीचा बुरखा पांघरून स्थानिक नागरिकांच्या जीवाशी खेळणाऱ्या या इथेनॉल प्रकल्पाविरुद्ध आता सातही गावांतील ग्रामस्थांचा आक्रोश अनावर झाला आहे. "दररोज लहान मुले आणि वृद्ध अंगाच्या लाहीलाहीने तडफडत आहेत. प्रशासनाने केवळ सर्वेक्षण आणि कागदी घोडे न नाचवता या प्रदूषणकारी इथेनॉल प्रकल्पावर तात्काळ कठोर कारवाई करावी किंवा हा प्रकल्प कायमचा बंद करावा," अशी संतप्त मागणी स्थानिक नागरिकांकडून केली जात आहे. आरोग्य विभागाच्या अहवालात रुग्ण आढळल्याचे स्पष्ट सिद्ध झाल्यामुळे आता चेंडू जिल्हा प्रशासनाच्या आणि प्रदूषण नियंत्रण मंडळाच्या कोर्टात आहे. संबंधित इथेनॉल प्रकल्प व्यवस्थापनावर निष्काळजीपणा आणि नागरिकांचे आरोग्य धोक्यात आणल्याप्रकरणी तत्काळ फौजदारी गुन्हा (FIR) दाखल होणार का? प्रभावित सातही गावांना शुद्ध आणि सुरक्षित पिण्याचे पाणी पुरवण्यासाठी प्रशासन काय कायमस्वरूपी योजना आखणार? आरोग्य विभागाच्या या धक्कादायक अहवालानंतर आता वरिष्ठ पातळीवरून या प्रदूषणकारी इथेनॉल प्रकल्पाचे कुलूप ठोकले जाणार की नेहमीप्रमाणे कारवाई टाळली जाणार, याकडे संपूर्ण चंद्रपूर जिल्ह्याचे लक्ष लागले आहे.