திருச்செந்தூர் பேருந்து நிலையத்தில் மழை நீரில் சாக்கடை கழிவுநீர் கலந்ததால் துர்நாற்றம் வீசியது பக்தர்கள் பயணிகள் கடுமையாக அவதி அடைந்தனர். தூத்துக்குடி மாவட்டம் திருச்செந்தூர் சிறந்த ஆன்மீக சுற்றுலா நகரமாக விளங்கி வருகிறது மேலும் குலசேகரப்பட்டினம் தசரா திருவிழா நடைபெற்று வருவதால் திருச்செந்தூருக்கு தமிழகத்தின் பல்வேறு பகுதியிலிருந்து பேருந்துகள் இயக்கப்பட்டன. இந்த நிலையில் திருச்செந்தூர் பேருந்து நிலையத்தில் தேங்கிய மழை நீரில் சாக்கடை கழிவு நீர் சேர்ந்ததால் பயணிகள் நிழற்குடை மற்றும் பேருந்து நிலையத்தின் பல்வேறு இடங்களில் சாக்கடை கழிவுநீர் தேங்கி துர்நாற்றம் வீசி வருகிறது. இதனால் பேருந்து நிலையத்திற்கு வந்த பக்தர்கள் பயணிகள் கடுமையாக அவதி அடைந்தனர். தேங்கிய கழிவு நீரை அகற்ற பக்தர்கள் பயணிகள் கோரிக்கை விடுத்துள்ளனர்.

திருச்செந்தூர் செந்தூர் எக்ஸ்பிரஸ் அதிநவீன தொழில்நுட்ப வசதிகளும் கூடிய பெட்டிகளுடன் இன்று திருச்செந்தூர் வந்தடைந்தது. பயணிகளிடையே பெரும் வரவேற்பு பெற்றது. சென்னை எழும்பூர் - திருச்செந்தூர் இடையே இயங்கும் செந்தூர் அதிவிரைவு எக்ஸ்பிரஸ் (வண்டி எண்: 20605/20606) ரயிலில், பயணிகளின் பாதுகாப்பு மற்றும் வசதிக்காக பழைய ICF பெட்டிகளுக்குப் பதிலாக அதிநவீன ஜெர்மன் தொழில்நுட்பத்திலான LHB (Linke Hofmann Busch) பெட்டிகள் மாற்றப்பட்டுள்ளன. இந்த புதிய எல்.எச்.பி. பெட்டிகளுடனான ரயில் சேவை அக்டோபர் 20, நேற்று சென்னை எழும்பூரிலிருந்து தொடங்கியது இன்று திருச்செந்தூரிலிருந்தும் வழக்கமான வழக்கமான இயக்கத்தை தொடங்க உள்ளது. புதிய LHB பெட்டிகளில் ஏசி முதல் வகுப்பு 1 பெட்டி ஏசி இரண்டு அடுக்கு 2 பெட்டிகள் ஏசி மூன்று அடுக்கு 3 பெட்டிகள் இரண்டாம் வகுப்பு தூங்கும் வசதி (Sleeper Class): 9 பெட்டிகள் பொது இரண்டாம் வகுப்பு 4 பெட்டிகள், மாற்றுத்திறனாளிகளுக்கான 1 பெட்டி சரக்கு மற்றும் பிரேக் வேன் 1 பெட்டி 23 பெட்டிகளுடன் செந்தூர் எக்ஸ்பிரஸ் இன்று அதிகாலை திருச்செந்தூர். புதிய LHB பெட்டிகளின் விபத்து நேரிட்டாலும் பெட்டிகள் ஒன்றுக்கொன்று மேல் ஏறி கவிழாத வகையில் அதிநவீன ஆன்டி-கிளைம்பிங் தொழில்நுட்பத்துடன் இவை வடிவமைக்கப்பட்டுள்ளன. அதிர்வற்ற பயணம் ரயில் பயணிக்கும் போது ஏற்படும் குலுக்கல்கள் மற்றும் சத்தங்கள் மிகவும் குறைவாக இருக்கும். இந்த பெட்டிகள் மணிக்கு 160 கி.மீ வேகம் வரை தடையின்றி இயங்கும் திறன் கொண்டவை. பயோ-டாய்லெட் வசதி, பெரிய ஜன்னல்கள் மற்றும் சிறந்த உட்புற வடிவமைப்பு ஆகியவற்றை இது கொண்டுள்ளது. இன்று திருச்செந்தூர் வந்த இந்த ரயில் பெட்டிகள் இன்று மாலை திருச்செந்தூரில் இருந்து சென்னை எழும்பூருக்கு செல்கிறது. ரயில் பயணத்தில் புதுவித அனுபவம் இருந்ததாகவும் குளிர்சாதன வசதி கழிப்பிட வசதி மிகவும் சிறப்பாக இருந்ததாகவும் பயணிகள் தெரிவித்தனர்.

வத்திராயிருப்பு அருகே மழையின் காரணமாக வீட்டின் மேற்கூரை இடிந்து விழுந்த விபத்தில் தாய் மகன் காயம் ... வத்திராயிருப்பு அருகே மழையின் காரணமாக வீட்டின் மேற்கூரை இடிந்து விழுந்த விபத்தில் தாய் மகன் காயம் ... வடகிழக்கு பருவமழை துவங்கி தமிழகத்தின் பல்வேறு பகுதிகளில் பரவலாக மழை பெய்து வருகிறது. குறிப்பாக விருதுநகர் மாவட்டத்தில் கடந்த சில தினங்களாக பரவலாக மழை பெய்து வருகிறது.இந்த நிலையில் வத்திராயிருப்பு அருகே மகாராஜபுரம் பகுதியில் மழையின் காரணமாக வீட்டின் மேற்கூரை இடிந்து விழுந்த விபத்தில் வீட்டில் தூங்கிக் கொண்டிருந்த மூதாட்டி ராசம்மாள் (52) மற்றும் அவரது மகன் சமயவேலு (32) ஆகிய இருவரும் காயம் வத்திராயிருப்பு அரசு மருத்துவமனையில் சிகிச்சை பெற்று வருகின்றனர். இது குறித்து வத்திராயிருப்பு காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர் ...

குழந்தைகளுக்கு கலர் மிட்டாய், ஜிலேபி, பஞ்சு மிட்டாய் வாங்கி தர வேண்டாம் எச்சரிக்கை: பலகாரங்களில் கலர் பொடி ஆபத்து! *தற்போதைய நிலை:* தூத்துக்குடி உட்பட தமிழகம் முழுவதும் பேக்கரிகள், தள்ளுவண்டி கடைகள், திருவிழா கடைகளில் விற்கப்படும் மிக்சர், பஜ்ஜி, போண்டா, கேக், ஜிலேபி, பருத்திப்பஞ்சு மிட்டாய், ஐஸ்கிரீம், குளிர்பானங்களில் அளவுக்கு அதிகமாக செயற்கை நிறமிகள் (Artificial Food Colours) பயன்படுத்தப்படுகிறது. கவர்ச்சிக்காக பயன்படுத்தப்படும் இந்த கலர் பொடிகளில் பெரும்பாலானவை *தடை செய்யப்பட்ட, தரமற்ற, தொழிற்சாலைகளுக்கான ரசாயன நிறங்கள்.* *பயன்படுத்தப்படும் ஆபத்தான நிறங்கள்:* - *Sunset Yellow, Tartrazine, Carmoisine* - மஞ்சள், சிவப்பு கலருக்காக - *Rhodamine B, Sudan Red* - இது முற்றிலும் தடை செய்யப்பட்டது, புற்றுநோயை உண்டாக்கும் - *Metanil Yellow* - பருப்பு, மஞ்சள் பொடியில் கூட கலக்கப்படுகிறது *இதனால் வரும் நோய்கள்:* 1. *குழந்தைகளுக்கு:* ADHD எனப்படும் அதீத துடிப்பு, கவனக்குறைவு, படிப்பில் கவனம் இல்லாமை 2. *ஒவ்வாமை:* தோல் அரிப்பு, ஆஸ்துமா, மூச்சுத்திணறல் 3. *வயிறு, கல்லீரல், சிறுநீரக பாதிப்பு:* தொடர்ந்து சாப்பிடுவதால் உள் உறுப்புகள் பழுதாகும் 4. *புற்றுநோய்:* தடை செய்யப்பட்ட Rhodamine, Sudan கலர்கள் நேரடியாக புற்றுநோயை உண்டாக்கும் காரணிகள் என WHO எச்சரித்துள்ளது 5. *செரிமான கோளாறு, வாந்தி, வயிற்றுப்போக்கு* *விதிமுறை என்ன சொல்கிறது? (FSSAI)* FSSAI அனுமதித்த 8 நிறங்கள் மட்டுமே, அதுவும் 100ppm என்ற குறைந்த அளவில் மட்டுமே பயன்படுத்த வேண்டும். ஆனால் கடைகளில் 10 மடங்கு அதிகமாக கொட்டுகிறார்கள். *பொதுமக்கள் என்ன செய்ய வேண்டும்?* - அதீத பளிச் நிறத்தில் இருக்கும் பலகாரங்களை தவிர்க்கவும் - குழந்தைகளுக்கு கலர் மிட்டாய், ஜிலேபி, பஞ்சு மிட்டாய் வாங்கி தர வேண்டாம் - இயற்கை நிறமிகளான மஞ்சள், பீட்ரூட், கேரட் பயன்படுத்திய உணவுகளை தேர்வு செய்யுங்கள் - சந்தேகமான கடைகள் பற்றி உணவு பாதுகாப்பு துறைக்கு புகார் அளிக்கலாம் - *Toll Free: 1800 425 1099*

தூத்துக்குடியில் மழை நீர் வெளியேறும் நடவடிக்கை மேயர் நேரில் ஆய்வு தூத்துக்குடி மாநகர பகுதியில் இன்றும் நாளையும் கனமழை பெய்யும் என வானிலை ஆய்வு மையம் ஆரஞ்சு அலர்ட் எச்சரிக்கை விடுதலை தொடர்ந்து தூத்துக்குடி மாநகர பகுதிகளில் கழிவு நீர் கால்வாய்களில் மழை நீர் முறையாக செல்கிறதா என்பது குறித்து மாநகராட்சி மேயர் ஜெகன் பெரியசாமி ஆய்வு தூத்துக்குடி மாவட்டம் மற்றும் மாநகர பகுதிகளில் இன்றும் நாளையும் கனமழை பெய்யும் என வானிலை ஆய்வு மையம் ஆரஞ்சு அலார்ட் எச்சரிக்கை விடுத்துள்ளது இந்த நிலையில் தூத்துக்குடி மாநகர பகுதிகளில் நேற்று பிற்பகல் முதல் தற்போது வரை அவ்வப்போது விட்டு விட்டு கனமழை மற்றும் மிதமான மழை பெய்து வருகிறது வானிலை மைய எச்சரிக்கையை தொடர்ந்து தூத்துக்குடி மாநகரப் பகுதிகளில் தனசேகரன் நகர் ஆதிபராசக்தி நகர் உள்ளிட்ட பகுதிகளில் மழை நீர் தேங்கும் பகுதிகளில் மழை நீர் செல்லக்கூடிய கழிவுநீர் கால்வாய் மற்றும் கழிவுநீர் சுத்திகரிப்பு நிலையம் ஆகிய பகுதிகளில் மாநகராட்சி மேயர் ஜெகன் பெரியசாமி மாநகராட்சி அதிகாரிகளுடன் சென்று ஆய்வு மேற்கொண்டார் மாநகர பகுதிகளில் எவ்வளவு மழை பெய்தாலும் அதை சமாளிக்கும் வகையில் மாநகராட்சி நிர்வாகம் தயார் நிலையில் உள்ளதாக அவர் தெரிவித்தார்

வத்திராயிருப்பு பிளவக்கல் அணை மற்றும் மீன் வளர்ப்புப் பண்ணையில் மாவட்ட ஆட்சியர் ஆய்வு! ‘உங்களைத் தேடி உங்கள் ஊரில்’ திட்டத்தின் கீழ் மாவட்ட ஆட்சியர் நேரில் பார்வையிட்டு ஆய்வு மேற்கொண்டார்! விருதுநகர் மாவட்டத்தில் செயல்படுத்தப்பட்டு வரும் ‘உங்களைத் தேடி உங்கள் ஊரில்’ திட்டத்தின் கீழ், வத்திராயிருப்பு வட்டத்தில் அமைந்துள்ள பிளவக்கல் அணை மற்றும் மீன் வளர்ப்புப் பண்ணையை மாவட்ட ஆட்சித்தலைவர் திருமதி ஷரண்யா ஹரி, இ.ஆ.ப., அவர்கள் நேரில் பார்வையிட்டு ஆய்வு மேற்கொண்டார். இந்த ஆய்வின்போது, பிளவக்கல் அணையின் தற்போதைய நிலை, நீர்த்தேக்கப் பகுதி மற்றும் அணையின் பயன்பாடுகள் குறித்து பார்வையிட்டார். மேலும், மீன் வளர்ப்புப் பண்ணையில் மேற்கொள்ளப்பட்டு வரும் பணிகள், மீன் வளர்ப்புக்கான ஏற்பாடுகள் மற்றும் அதன் செயல்பாடுகள் குறித்தும் ஆய்வு செய்தார். ‘உங்களைத் தேடி உங்கள் ஊரில்’ திட்டத்தின் முக்கிய நோக்கமான அரசின் நலத்திட்டங்கள் மற்றும் பொதுமக்களுக்கான சேவைகள் முறையாகச் செயல்படுத்தப்படுவதை நேரடியாகக் கண்காணிக்கும் வகையில், மாவட்ட ஆட்சித்தலைவர் பல்வேறு பகுதிகளில் ஆய்வு மேற்கொண்டு வருகிறார். அதன் ஒரு பகுதியாக, வத்திராயிருப்பு வட்டத்தில் உள்ள பிளவக்கல் அணை மற்றும் மீன் வளர்ப்புப் பண்ணையைப் பார்வையிட்டு ஆய்வு செய்தார்.

தென்காசி மாவட்டம் வாசுதேவநல்லூர் அருகே உள்ள சுப்பிரமணியபுரம் மெயின் ரோட்டில் உள்ள உணவகத்தில் பாம்பு ஒன்று இருப்பதை பார்த்த ஊழியர்கள் வாசுதேவநல்லூர் தீயணைப்பு நிலையத்துக்கு தகவல் தெரிவித்தனர் அதன் பேரில் விரைந்து வந்த தீயணைப்பு வீரர்கள் அங்கு கிரைண்டரில் பதுங்கி இருந்த கண்ணாடி வீரியன் பாம்பை உயிருடன் மீட்டு அடர்ந்த வனப்பகுதியில் விட்டனர்

குலசேகரன்பட்டினம் திருவிழாவில் புகைப்படக் கலைஞரின் ரூ.6.52 லட்சம் மதிப்பிலான கேமரா உபகரணங்கள் திருட்டு. தசரா திருவிழாவை வீடியோ எடுத்து வரும் நேரத்தில் காரின் கண்ணாடிகளை உடைத்து மர்மநபர்கள் கைவரிசை. குலசேகரன்பட்டினம் திருவிழாவில் புகைப்படக் கலைஞரின் ரூ.6.52 லட்சம் மதிப்பிலான கேமரா உபகரணங்கள் திருட்டு. தசரா திருவிழாவை வீடியோ எடுத்து வரும் நேரத்தில் காரின் கண்ணாடிகளை உடைத்து மர்மநபர்கள் கைவரிசை. குலசேகரன்பட்டினம் முத்தாரம்மன் கோவில் தசரா திருவிழாவின் முக்கிய நிகழ்ச்சியான சூரசம்ஹாரம் நேற்றைய தினம் நடந்தது. இதில் லட்சக்கணக்கான பக்தர்கள் குவிந்தனர். குறிப்பாக தமிழ்நாடு மட்டுமல்லாமல் பல்வேறு மாநிலங்கள் மற்றும் நாடுகளைச் சேர்ந்த புகைப்பட கலைஞர்கள் வருகை தந்து தசரா திருவிழாவை புகைப்படம் மற்றும் வீடியோ எடுத்தனர். இந்த நிலையில் கோவை மாவட்டம் சரவணன்சிட்டி பகுதியைச் சேர்ந்தவர் தரணிதரன் (31). இவர் புகைப்படக் கலைஞராக இருந்து வருகிறார். தசரா திருவிழாவை படம் பிடிப்பதற்காக கடந்த 19ம் தேதி கோவிலுக்கு சென்றுள்ளார். இரவு 10.30 மணி அளவில் காரை நிறுத்தி இருந்த இருந்த இடத்தில் வந்து பார்த்தபோது காரின் கண்ணாடி உடைக்கப்பட்டிருந்தது. இதை பார்த்து அதிர்ச்சி அடைந்த தரணிதரன் காருக்குள் பார்த்தபோது காருக்குள் இருந்த 5 விலையுயர்ந்த கேமராக்கள் திருடு போயிருந்தது தெரியவந்தது. இதன் மதிப்பு ரூ.6 லட்சத்து 52 ஆயிரம் ஆகும். இதுகுறித்து தரணிதரன் அளித்த புகாரின் பேரில், குலசேகரன்பட்டினம் போலீசார் வழக்குப்பதிவு செய்து விசாரணை நடத்தி வருகின்றனர். தசரா திருவிழாவை புகைப்படம் எடுக்க வந்த புகைப்பட கலைஞர் கேமராக்கள் திருடப்பட்ட சம்பவம் குலசேகரன்பட்டினத்தில் பெரும் பரபரப்பை ஏற்படுத்தியுள்ளது.

திருச்செந்தூர் பேருந்து நிலையத்தில் மழை நீரில் சாக்கடை கழிவுநீர் கலந்ததால் துர்நாற்றம் வீசியது பக்தர்கள் பயணிகள் கடுமையாக அவதி அடைந்தனர். தூத்துக்குடி மாவட்டம் திருச்செந்தூர் சிறந்த ஆன்மீக சுற்றுலா நகரமாக விளங்கி வருகிறது மேலும் குலசேகரப்பட்டினம் தசரா திருவிழா நடைபெற்று வருவதால் திருச்செந்தூருக்கு தமிழகத்தின் பல்வேறு பகுதியிலிருந்து பேருந்துகள் இயக்கப்பட்டன. இந்த நிலையில் திருச்செந்தூர் பேருந்து நிலையத்தில் தேங்கிய மழை நீரில் சாக்கடை கழிவு நீர் சேர்ந்ததால் பயணிகள் நிழற்குடை மற்றும் பேருந்து நிலையத்தின் பல்வேறு இடங்களில் சாக்கடை கழிவுநீர் தேங்கி துர்நாற்றம் வீசி வருகிறது. இதனால் பேருந்து நிலையத்திற்கு வந்த பக்தர்கள் பயணிகள் கடுமையாக அவதி அடைந்தனர். தேங்கிய கழிவு நீரை அகற்ற பக்தர்கள் பயணிகள் கோரிக்கை விடுத்துள்ளனர்.