સરકાર દ્વારા 8 કરોડ 32 લાખ રૂપિયા મંજૂર કરવામાં આવ્યા હોવા છતાં, એજન્સીની લાપરવાહીને કારણે રસ્તાના નવીનીકરણનું કામ અત્યંત ધીમી ગતિએ ચાલી રહ્યું છે, જેનાથી સ્થાનિક લોકો ભારે પરેશાન છે. આટલી ધીમી કામગીરી છતાં કોઈ પણ અધિકારી આ બાબતે ધ્યાન આપી રહ્યા નથી. ખાસ કરીને વેલાછાથી મોટી નારોલીને NH48 સાથે જોડતા રોડ અને મોટી નારોલીથી મોટા બોરસરાને જોડતા રસ્તાનું કામ ખૂબ જ ધીમી ગતિએ ચાલી રહ્યું છે, જેને પગલે સ્થાનિક લોકોમાં ભારે રોષ જોવા મળી રહ્યો છે.

સરકાર દ્વારા 8 કરોડ 32 લાખ રૂપિયા મંજૂર કરવામાં આવ્યા હોવા છતાં, એજન્સીની લાપરવાહીને કારણે રસ્તાના નવીનીકરણનું કામ અત્યંત ધીમી ગતિએ ચાલી રહ્યું છે, જેનાથી સ્થાનિક લોકો ભારે પરેશાન છે. આટલી ધીમી કામગીરી છતાં કોઈ પણ અધિકારી આ બાબતે ધ્યાન આપી રહ્યા નથી. ખાસ કરીને વેલાછાથી મોટી નારોલીને NH48 સાથે જોડતા રોડ અને મોટી નારોલીથી મોટા બોરસરાને જોડતા રસ્તાનું કામ ખૂબ જ ધીમી ગતિએ ચાલી રહ્યું છે, જેને પગલે સ્થાનિક લોકોમાં ભારે રોષ જોવા મળી રહ્યો છે.

વાલિયાના માંગરોળ ઉપર આવેલ ગ્રીન વિલા સોસાયટીમાં ફરી એકવાર તસ્કરોની અવરજવર સીસીટીવી કેમેરામાં કેદ થઈ છે, જ્યાં તસ્કરો બિન્દાસ રીતે સોસાયટીમાં ફરતા જોવા મળ્યા હતા. છેલ્લા બે મહિનામાં આ બીજીવાર બન્યું છે જ્યારે તસ્કરો આ પ્રકારે સીસીટીવી કેમેરામાં ઝડપાયા હોય. અગાઉ પણ, તસ્કરો ચોરીની ઘટનાને અંજામ આપવાના ઈરાદે બિન્દાસ ફરતા સીસીટીવીમાં કેદ થયા હતા. આ વખતે પણ તસ્કરોએ રાત્રિના સમયે ચોરી કરવાના બહાને સોસાયટીમાં ઘુસણખોરી કરી હતી, જેમના કારનામા સીસીટીવી ફૂટેજમાં સ્પષ્ટપણે રેકોર્ડ થઈ ગયા છે. આ વારંવાર બનતી ઘટનાઓને કારણે સ્થાનિક રહેવાસીઓમાં ચિંતા વ્યાપી છે, અને તેમણે નાઈટ પેટ્રોલિંગ વધારવા તેમજ સિક્યુરિટી ગાર્ડ્સની સંખ્યામાં વધારો કરવાની સત્તાવાળાઓ સમક્ષ માંગ કરી છે.

ભરૂચના નંદેલાવ નજીક રોડ સાઈડ પર રાખેલા ગેસ કટર બોટલમાં અચાનક આગ લાગતા ભારે દોડધામ મચી ગઈ હતી. આ ઘટનાને કારણે આસપાસના વિસ્તારમાં ભયનો માહોલ સર્જાતા લોકોમાં અફરાતફરીનો માહોલ જોવા મળ્યો હતો. આગની જાણ થતા જ સ્થાનિક ફાયર ફાઇટરો તાત્કાલિક ઘટનાસ્થળે દોડી આવ્યા હતા અને સઘન પ્રયાસો બાદ આગ પર સફળતાપૂર્વક કાબુ મેળવ્યો હતો. સમયસર આગ કાબુમાં આવી જતા એક મોટી દુર્ઘટના ટળી હતી, અને સદનસીબે આ ઘટનામાં કોઈ જાનહાનિ નોંધાઈ નથી.

ભરૂચ જિલ્લાના ઝઘડિયા તાલુકાના બલેશ્વર ગામે સમસ્ત વસાવા સમાજ ગુજરાત દ્વારા ભવ્ય સમૂહ લગ્નોત્સવનું આયોજન કરવામાં આવ્યું હતું. આ ચોથા ભવ્ય સમૂહ લગ્નોત્સવમાં એક સાથે 201 યુગલો આદિવાસી રીતરિવાજ અને પરંપરા અનુસાર લગ્નબંધનમાં જોડાયા હતા. આ કાર્યક્રમમાં મોટી સંખ્યામાં સમાજજનો તેમજ ગુજરાતના વિવિધ વિસ્તારોમાંથી આદિવાસી સમાજના લોકો ઉપસ્થિત રહ્યા હતા અને નવદંપત્તિઓને આશીર્વાદ પાઠવ્યા હતા. બલેશ્વર સ્થિત પવન ક્રિકેટ ગ્રાઉન્ડ ખાતે યોજાયેલા આ આયોજન દરમિયાન, સમાજના દાતાઓના સહયોગથી દરેક નવદંપત્તિને કરિયાવર પણ અર્પણ કરવામાં આવ્યું, જે સમાજની એકતા અને સહકારનું સુંદર ઉદાહરણ બન્યું. આ સમૂહ લગ્ન દરમિયાન, એક જ સ્થળે 201 યુગલો દ્વારા આદિવાસી પરંપરા મુજબ ચોખા રમાડવાની વિધિ આકર્ષણનું કેન્દ્ર બની હતી, જેને જોવા મોટી સંખ્યામાં લોકો ઉમટી પડ્યા હતા. લગ્નવિધિ પૂર્ણ થયા બાદ ઉપસ્થિત મહેમાનો અને સમાજજનોએ આદિવાસી સંસ્કૃતિના રંગે રંગાઈ ટીમલીના તાલે ઝૂમી ઉઠ્યા હતા, જેને કારણે સમગ્ર વાતાવરણ ઉત્સાહ અને આનંદથી છલકાઈ ઉઠ્યું હતું. કાર્યક્રમના અંતે, સમસ્ત વસાવા સમાજ ગુજરાતના પ્રમુખ ચંદ્રકાંતભાઈ વસાવા દ્વારા તમામ નવદંપત્તિઓને શુભકામનાઓ અને આશીર્વાદ પાઠવવામાં આવ્યા હતા. આ સમગ્ર સમૂહ લગ્નને સફળ બનાવવા માટે આયોજકો તેમજ સ્વયંસેવકો દ્વારા ભારે જહેમત ઉઠાવવામાં આવી હતી.

જીવલેણ ઇબોલા વાયરસના સંભવિત જોખમને ધ્યાનમાં રાખીને તંત્ર સંપૂર્ણપણે એલર્ટ મોડ પર આવી ગયું છે. આ પરિસ્થિતિને પહોંચી વળવા માટે સુરત સિવિલ હોસ્પિટલમાં ઇબોલા વાયરસના કેસો માટે ખાસ દસ બેડનો એક સ્પેશિયલ આઇસોલેશન વોર્ડ તૈયાર કરવામાં આવ્યો છે.

સુરત જિલ્લાના કડોદરામાંથી એક દુઃખદ સમાચાર સામે આવ્યા છે, જ્યાં પિતાના ઠપકાથી વ્યથિત થઈને એક યુવતીએ ગળે ફાંસો ખાઈ આત્મહત્યા કરી લીધી છે. પ્રાપ્ત માહિતી અનુસાર, કડોદરાના રોયલ પેલેસમાં રહેતી ૨૨ વર્ષીય અનિતા ગૌતમ નામની યુવતીએ આ અંતિમ પગલું ભર્યું હતું.

સુરતમાં મોંઘવારીના મુદ્દે કોંગ્રેસે કલેક્ટર કચેરી ખાતે ભારે હંગામો કર્યો. દૂધ, શાકભાજી, અનાજ, તેમજ પેટ્રોલ-ડીઝલની સતત વધી રહેલી કિંમતો સામે કોંગ્રેસે જોરદાર વિરોધ પ્રદર્શન કર્યું.

કોંગ્રેસે ભાજપ પર અનામત અધિકારોના ઉલ્લંઘનનો આક્ષેપ કરીને તેને ઘેર્યું છે.