कारागृह विभागाच्या 'सुधारणा व पुनर्वसन' या ब्रीदवाक्याला अनुसरून, बंदींच्या शारीरिक व मानसिक आरोग्य संवर्धनासाठी अहिल्यानगर जिल्हा कारागृहात आंतरराष्ट्रीय योग दिन मोठ्या उत्साहात साजरा करण्यात आला. या कार्यक्रमात २३० बंदींनी सहभाग नोंदवत योगातून निरोगी जीवनाचा संदेश दिला. अहिल्यानगर जिल्हा कारागृह, जिल्हा विधी सेवा प्राधिकरण, कौशल्य विकास व उद्योजकता मंत्रालय (भारत सरकार) पुरस्कृत जनशिक्षण संस्थान आणि अहिल्यानगर महानगरपालिका आरोग्य विभाग यांच्या संयुक्त विद्यमाने या कार्यक्रमाचे आयोजन करण्यात आले होते. याप्रसंगी जिल्हा न्यायाधीश-६ बी. वाय. फड, कारागृह अधीक्षक संतोष कवार आणि योग प्रशिक्षक संजय सुरसे यांच्यासह मान्यवर उपस्थित होते. जिल्हा न्यायाधीश बी. वाय. फड यांनी योग ही भारताने जगाला दिलेली एक अमूल्य देणगी असून, मानसिक आरोग्य, सकारात्मक ऊर्जा आणि निरोगी जीवनासाठी योगसाधना अत्यंत आवश्यक असल्याचे प्रतिपादन केले. कारागृह अधीक्षक संतोष कवार यांनी आपल्या प्रास्ताविकात आधुनिक धकाधकीच्या व तणावग्रस्त जीवनात योगाचे महत्त्व अधोरेखित केले. ते म्हणाले की, योगासारखे उपक्रम बंदींच्या व्यक्तिमत्त्व विकासासह त्यांना मानसिक स्थैर्य मिळवून देण्यास उपयुक्त ठरतात. योग विद्याम संस्थानचे योग प्रशिक्षक संजय सुरसे आणि त्यांचे सहकारी योगशिक्षक पोकळे यांनी विविध योगासनांचे प्रात्यक्षिक सादर करून योगामुळे मानसिक, शारीरिक, आध्यात्मिक व भावनिक संतुलन कसे राखले जाते, हे स्पष्ट केले. या कार्यक्रमादरम्यान, श्री श्री रुरल डेव्हलपमेंट ट्रस्टच्या आर्ट ऑफ लिव्हिंग शाखेमार्फत कारागृहात सुरू करण्यात आलेल्या डेटा एन्ट्री ऑपरेटर प्रशिक्षण अभ्यासक्रम पूर्ण केलेल्या बंदींना मान्यवरांच्या हस्ते प्रमाणपत्रांचे वितरण करण्यात आले. तसेच, नव्याने उभारण्यात आलेल्या बॅरेक्सचे उद्घाटनही करण्यात आले. या कार्यक्रमाच्या यशस्वी आयोजनासाठी तुरुंगाधिकारी विजय साळुंके, अरुण मदने, सुबेदार हिराचंद आंबोरे, हवालदार सुरेश जगर, संदीप जगदाळे, राहुल पठारे, नंदकुमार शिंदे, श्रीकांत गोरवडे, मोहसीन शेख यांच्यासह इतर अधिकारी व कर्मचाऱ्यांनी विशेष परिश्रम घेतले.

संस्कार न्यूज

Advertising agency कर्जत, अहमदनगर, महाराष्ट्र•

4 hrs ago

कारागृह विभागाच्या 'सुधारणा व पुनर्वसन' या ब्रीदवाक्याला अनुसरून, बंदींच्या शारीरिक व मानसिक आरोग्य संवर्धनासाठी अहिल्यानगर जिल्हा कारागृहात आंतरराष्ट्रीय योग दिन मोठ्या उत्साहात साजरा करण्यात आला. या कार्यक्रमात २३० बंदींनी सहभाग नोंदवत योगातून निरोगी जीवनाचा संदेश दिला. अहिल्यानगर जिल्हा कारागृह, जिल्हा विधी सेवा प्राधिकरण, कौशल्य विकास व उद्योजकता मंत्रालय (भारत सरकार) पुरस्कृत जनशिक्षण संस्थान आणि अहिल्यानगर महानगरपालिका आरोग्य विभाग यांच्या संयुक्त विद्यमाने या कार्यक्रमाचे आयोजन करण्यात आले होते. याप्रसंगी जिल्हा न्यायाधीश-६ बी. वाय. फड, कारागृह अधीक्षक संतोष कवार आणि योग प्रशिक्षक संजय सुरसे यांच्यासह मान्यवर उपस्थित होते. जिल्हा न्यायाधीश बी. वाय. फड यांनी योग ही भारताने जगाला दिलेली एक अमूल्य देणगी असून, मानसिक आरोग्य, सकारात्मक ऊर्जा आणि निरोगी जीवनासाठी योगसाधना अत्यंत आवश्यक असल्याचे प्रतिपादन केले. कारागृह अधीक्षक संतोष कवार यांनी आपल्या प्रास्ताविकात आधुनिक धकाधकीच्या व तणावग्रस्त जीवनात योगाचे महत्त्व अधोरेखित केले. ते म्हणाले की, योगासारखे उपक्रम बंदींच्या व्यक्तिमत्त्व विकासासह त्यांना मानसिक स्थैर्य मिळवून देण्यास उपयुक्त ठरतात. योग विद्याम संस्थानचे योग प्रशिक्षक संजय सुरसे आणि त्यांचे सहकारी योगशिक्षक पोकळे यांनी विविध योगासनांचे प्रात्यक्षिक सादर करून योगामुळे मानसिक, शारीरिक, आध्यात्मिक व भावनिक संतुलन कसे राखले जाते, हे स्पष्ट केले. या कार्यक्रमादरम्यान, श्री श्री रुरल डेव्हलपमेंट ट्रस्टच्या आर्ट ऑफ लिव्हिंग शाखेमार्फत कारागृहात सुरू करण्यात आलेल्या डेटा एन्ट्री ऑपरेटर प्रशिक्षण अभ्यासक्रम पूर्ण केलेल्या बंदींना मान्यवरांच्या हस्ते प्रमाणपत्रांचे वितरण करण्यात आले. तसेच, नव्याने उभारण्यात आलेल्या बॅरेक्सचे उद्घाटनही करण्यात आले. या कार्यक्रमाच्या यशस्वी आयोजनासाठी तुरुंगाधिकारी विजय साळुंके, अरुण मदने, सुबेदार हिराचंद आंबोरे, हवालदार सुरेश जगर, संदीप जगदाळे, राहुल पठारे, नंदकुमार शिंदे, श्रीकांत गोरवडे, मोहसीन शेख यांच्यासह इतर अधिकारी व कर्मचाऱ्यांनी विशेष परिश्रम घेतले.