ఎస్సీ ఎస్టీల సమస్యలపై తెలంగాణ రాష్ట్ర ఎస్సీ ఎస్టీ చైర్మన్ బక్కి వెంకటయ్య భరోసా భద్రాచలంలో ఉన్న శ్రీ సీతారామచంద్రస్వామిని దర్శించుకున్నారు *ఎస్సీ, ఎస్టీల సమస్యలపై బక్కి వెంకటయ్య భరోసా* *సమస్యలను కలెక్టర్ దృష్టికి తీసుకెళ్లి పరిష్కారానికి కృషి చేస్తా* భద్రాద్రి కొత్తగూడెం జిల్లా బూర్గంపాడు మండలం భద్రాద్రి కొత్తగూడెం జిల్లా పర్యటనకు విచ్చేసిన తెలంగాణ రాష్ట్ర ఎస్సీ, ఎస్టీ కమిషన్ చైర్మన్ బక్కి వెంకటయ్యకు సారపాకలో ఘన స్వాగతం లభించింది. జిల్లా కలెక్టర్ కార్యాలయంలో నిర్వహించనున్న ఎస్సీ, ఎస్టీ సమీక్ష సమావేశానికి హాజరయ్యేందుకు వచ్చిన ఆయన తొలుత భద్రాచలంలోని శ్రీ సీతారామచంద్ర స్వామివారిని దర్శించుకున్నారు. అనంతరం సారపాకలోని అవినాశ్ రెసిడెన్సీ అధినేత పాటి అశోక్ ఆహ్వానం మేరకు అక్కడికి చేరుకున్న బక్కి వెంకటయ్యను ఎస్సీ, ఎస్టీ యువత కలుసుకుని తమ సమస్యలను వివరించారు. వారి సమస్యలను సావధానంగా విన్న ఆయన, పరిష్కారానికి కృషి చేస్తానని భరోసా ఇచ్చారు. తదుపరి ఐటీసీ అతిథి గృహానికి చేరుకున్న కమిషన్ చైర్మన్‌ను సారపాక ఎస్టీ కాలనీ, మోతే పట్టి నగర్, చింతకుంట గ్రామాలకు చెందిన పెద్దలు శాలువాలతో ఘనంగా సత్కరించారు. అనంతరం తమ ప్రాంతాల్లో నెలకొన్న సమస్యలను వివరిస్తూ వినతిపత్రాన్ని అందజేశారు. ఆయా ప్రాంతాల ప్రజలు తమకు అవసరమైన మౌలిక వసతులు కల్పించాలని, పెండింగ్‌లో ఉన్న సమస్యలను పరిష్కరించాలని బక్కి వెంకటయ్యను కోరారు. ప్రజల వినతులపై స్పందించిన బక్కి వెంకటయ్య మాట్లాడుతూ జిల్లాలో ఎస్సీ, ఎస్టీలు ఎదుర్కొంటున్న సమస్యలను జిల్లా కలెక్టర్ దృష్టికి తీసుకెళ్లి, వాటి పరిష్కారానికి కృషి చేస్తానని తెలిపారు. సమస్యలకు త్వరితగతిన పరిష్కారం లభించేలా సంబంధిత అధికారులతో సమన్వయం చేస్తానని హామీ ఇచ్చారు.

ఎస్సీ ఎస్టీల సమస్యలపై తెలంగాణ రాష్ట్ర ఎస్సీ ఎస్టీ చైర్మన్ బక్కి వెంకటయ్య భరోసా భద్రాచలంలో ఉన్న శ్రీ సీతారామచంద్రస్వామిని దర్శించుకున్నారు *ఎస్సీ, ఎస్టీల సమస్యలపై బక్కి వెంకటయ్య భరోసా* *సమస్యలను కలెక్టర్ దృష్టికి తీసుకెళ్లి పరిష్కారానికి కృషి చేస్తా* భద్రాద్రి కొత్తగూడెం జిల్లా బూర్గంపాడు మండలం భద్రాద్రి కొత్తగూడెం జిల్లా పర్యటనకు విచ్చేసిన తెలంగాణ రాష్ట్ర ఎస్సీ, ఎస్టీ కమిషన్ చైర్మన్ బక్కి వెంకటయ్యకు సారపాకలో ఘన స్వాగతం లభించింది. జిల్లా కలెక్టర్ కార్యాలయంలో నిర్వహించనున్న ఎస్సీ, ఎస్టీ సమీక్ష సమావేశానికి హాజరయ్యేందుకు వచ్చిన ఆయన తొలుత భద్రాచలంలోని శ్రీ సీతారామచంద్ర స్వామివారిని దర్శించుకున్నారు. అనంతరం సారపాకలోని అవినాశ్ రెసిడెన్సీ అధినేత పాటి అశోక్ ఆహ్వానం మేరకు అక్కడికి చేరుకున్న బక్కి వెంకటయ్యను ఎస్సీ, ఎస్టీ యువత కలుసుకుని తమ సమస్యలను వివరించారు. వారి సమస్యలను సావధానంగా విన్న ఆయన, పరిష్కారానికి కృషి చేస్తానని భరోసా ఇచ్చారు. తదుపరి ఐటీసీ అతిథి గృహానికి చేరుకున్న కమిషన్ చైర్మన్‌ను సారపాక ఎస్టీ కాలనీ, మోతే పట్టి నగర్, చింతకుంట గ్రామాలకు చెందిన పెద్దలు శాలువాలతో ఘనంగా సత్కరించారు. అనంతరం తమ ప్రాంతాల్లో నెలకొన్న సమస్యలను వివరిస్తూ వినతిపత్రాన్ని అందజేశారు. ఆయా ప్రాంతాల ప్రజలు తమకు అవసరమైన మౌలిక వసతులు కల్పించాలని, పెండింగ్‌లో ఉన్న సమస్యలను పరిష్కరించాలని బక్కి వెంకటయ్యను కోరారు. ప్రజల వినతులపై స్పందించిన బక్కి వెంకటయ్య మాట్లాడుతూ జిల్లాలో ఎస్సీ, ఎస్టీలు ఎదుర్కొంటున్న సమస్యలను జిల్లా కలెక్టర్ దృష్టికి తీసుకెళ్లి, వాటి పరిష్కారానికి కృషి చేస్తానని తెలిపారు. సమస్యలకు త్వరితగతిన పరిష్కారం లభించేలా సంబంధిత అధికారులతో సమన్వయం చేస్తానని హామీ ఇచ్చారు.

ఏఐకేఎంఎస్‌ జాతీయ మహాసభలను జయప్రదం చేయాలి చర్లలో పోస్టర్‌ ఆవిష్కరణ.. రైతులు, మహిళలకు ఏఐకేఎంఎస్‌ నాయకుల పిలుపు చర్ల, సెప్టెంబర్‌ 21: ఖమ్మంలో ఈ నెల 28, 29, 30 తేదీల్లో నిర్వహించనున్న అఖిల భారత రైతు కూలీ సంఘం (ఏఐకేఎంఎస్‌) 4వ జాతీయ మహాసభలను జయప్రదం చేయాలని సంఘం డివిజన్‌ నాయకులు మట్ట నరసింహారావు పిలుపునిచ్చారు. మహాసభల ప్రచారంలో భాగంగా చర్ల మండల కేంద్రంలో రైతులు, మహిళలతో కలిసి పోస్టర్‌ను ఆవిష్కరించారు. ఈ సందర్భంగా మట్ట నరసింహారావు మాట్లాడుతూ రైతులకు పంటలకు గిట్టుబాటు ధర కల్పించాలని కోరారు. మొక్కజొన్నకు క్వింటాకు రూ.3,000, పత్తికి క్వింటాకు రూ.15,000 ధర ఇవ్వాలని డిమాండ్‌ చేశారు. రైతులు, వ్యవసాయ కార్మికులు ఎదుర్కొంటున్న సమస్యలపై మహాసభల్లో చర్చించి భవిష్యత్‌ కార్యాచరణ రూపొందించనున్నట్లు తెలిపారు. మహాసభలకు రైతులు, కూలీలు పెద్ద సంఖ్యలో తరలిరావాలని కోరారు. ఖమ్మంలో సెప్టెంబర్‌ 28న భారీ బహిరంగ సభ, 29, 30 తేదీల్లో ఏఐకేఎంఎస్‌ 4వ జాతీయ మహాసభలు నిర్వహించనున్నట్లు తాజా స్థానిక వార్తా నివేదికలు కూడా పేర్కొంటున్నాయి. కార్యక్రమంలో సీపీఐ(ఎంఎల్‌) న్యూ డెమోక్రసీ నాయకులు కుంజ జోగారావు, సంతపూరి సురేష్‌, గొంది మూయన్న, కొండస్వామి, నాగలక్ష్మి తదితరులు పాల్గొన్నారు.

*డీజే పాటకు డాన్స్ చేస్తూ కుప్పకూలిన 48 ఏళ్ల వ్యక్తి* *తాడేపల్లిగూడెం వినాయక నిమజ్జనంలో విషాదం.. నిమజ్జన వేడుకల్లో ప్రతి ఒక్కరూ జాగ్రత్తలు పాటించాలి * హైదరాబాద్, సెప్టెంబర్ 20 | నిజం న్యూస్: తాడేపల్లిగూడెం: వినాయక నిమజ్జన వేడుకల్లో విషాద ఘటన చోటుచేసుకుంది. పశ్చిమగోదావరి జిల్లా తాడేపల్లిగూడెంలో వినాయక నిమజ్జన ఊరేగింపులో డీజే పాటలకు డాన్స్ చేస్తూ కాకర్లమూడి ఏసు (48) అనే వ్యక్తి ఒక్కసారిగా కుప్పకూలి మృతి చెందినట్లు సమాచారం. మెగాస్టార్ చిరంజీవి పాటకు ఉత్సాహంగా డాన్స్ చేస్తుండగా ఈ ఘటన చోటుచేసుకున్నట్లు తాజా వార్తా కథనాలు పేర్కొంటున్నాయి. ఏసు డాన్స్ చేస్తూ ఒక్కసారిగా కుప్పకూలడంతో అక్కడున్న వారు వెంటనే స్పందించి ఆస్పత్రికి తరలించినట్లు సమాచారం. అయితే ఆయన మృతికి డీజే శబ్దమే కారణమని వైద్యపరంగా నిర్ధారించబడిందని చెప్పడానికి ప్రస్తుతం ఆధారం లేదు. గుండె సంబంధిత సమస్య లేదా ఇతర కారణాలపై స్పష్టత రావాలంటే వైద్య పరీక్షలు, సంబంధిత నివేదికలు అవసరం. *నిమజ్జన వేడుకల్లో అప్రమత్తత అవసరం* గణేష్ నిమజ్జనం భక్తి, ఆనందం, ఉత్సాహంతో జరిగే వేడుక. అయితే ఉత్సాహంలో ఆరోగ్యాన్ని నిర్లక్ష్యం చేయకూడదు. డీజే బాక్సులకు అత్యంత దగ్గరగా నిలబడటం, ఎక్కువసేపు భారీ శబ్దాల మధ్య ఉండటం, శరీరానికి అలవాటు లేని స్థాయిలో డాన్స్ చేయడం, అలసట వచ్చినా కొనసాగించడం వంటి వాటికి దూరంగా ఉండడం మంచిది. ఛాతిలో నొప్పి, శ్వాస తీసుకోవడంలో ఇబ్బంది, తల తిరగడం, అకస్మాత్తుగా బలహీనంగా అనిపించడం, చల్లటి చెమటలు వంటి లక్షణాలు కనిపిస్తే వెంటనే డాన్స్ ఆపి వైద్య సహాయం తీసుకోవాలి. *💥40 ఏళ్లు దాటిన వారు మరింత జాగ్రత్తగా ఉండాలి* 40 సంవత్సరాలు దాటిన వారు నిమజ్జన వేడుకల్లో తమ శారీరక సామర్థ్యాన్ని దృష్టిలో ఉంచుకుని పాల్గొనాలి. డీజేకు దగ్గరగా ఎక్కువసేపు డాన్స్ చేయడం, అకస్మాత్తుగా అధిక శారీరక శ్రమ చేయడం వంటి వాటిని నివారించడం మంచిది. అయితే వయస్సు ఒక్కటే ప్రమాదాన్ని నిర్ణయించే అంశం కాదు. వ్యక్తిగత ఆరోగ్య పరిస్థితి, గుండె సంబంధిత సమస్యలు, రక్తపోటు, మధుమేహం, శారీరక సామర్థ్యం వంటి అంశాలను కూడా పరిగణనలోకి తీసుకోవాలి. *సినిమా హీరోలతో మనల్ని పోల్చుకోవద్దు* ‘సినిమా హీరోలు డాన్స్ చేస్తారు కదా?’ అనే ప్రశ్న రావచ్చు. కానీ సినిమా షూటింగ్‌లో కళాకారులు సాధారణంగా శిక్షణ, రిహార్సల్స్, విరామాలు, షూటింగ్‌కు అనుగుణమైన ఏర్పాట్లతో పనిచేస్తారు. వారిని చూసి సాధారణ వ్యక్తులు అదే స్థాయిలో శారీరక శ్రమ చేయడం సురక్షితం అని భావించడం సరైంది కాదు. మన ఆరోగ్య పరిస్థితులు, శారీరక సామర్థ్యాలు వేరు. ప్రతి ఒక్కరూ తమ పరిస్థితిని బట్టి జాగ్రత్తలు పాటించాలి. *పండుగ ఆనందం కంటే ప్రాణం ముఖ్యం* తెలంగాణ, ఆంధ్రప్రదేశ్ రాష్ట్రాల్లో గణేష్ నిమజ్జన వేడుకలు భక్తిశ్రద్ధలతో, ఉత్సాహంగా జరుగుతున్నాయి. అయితే నిమజ్జన కార్యక్రమాల్లో చిన్నపాటి నిర్లక్ష్యం కూడా కొన్నిసార్లు విషాద ఘటనలకు దారితీస్తోంది. అందువల్ల భక్తితో పాటు భద్రతకు కూడా ప్రాధాన్యత ఇవ్వాల్సిన అవసరం ఉంది. *భక్తి ఉండాలి.. ఉత్సాహం ఉండాలి.. కానీ ప్రాణాలకు ముప్పు తెచ్చేంతగా మాత్రం ఉండకూడదు.* డీజేకు కొంత దూరంగా ఉండటం, మధ్య మధ్యలో విశ్రాంతి తీసుకోవడం, శరీరం అలసిపోయినప్పుడు డాన్స్ ఆపడం, అసౌకర్యంగా అనిపిస్తే వెంటనే వైద్య సహాయం తీసుకోవడం వంటి చిన్న జాగ్రత్తలు పాటించడం మంచిది. *💥పోలీసులకు సహకరించండి.. నిజం న్యూస్ తరుపున విన్నపం* గణేష్ నిమజ్జన వేడుకల సందర్భంగా నిజం న్యూస్ తరఫున ప్రజలకు ఒక విజ్ఞప్తి. నిమజ్జన ఊరేగింపులు ప్రశాంతంగా, సురక్షితంగా జరిగేలా పోలీసులు చేస్తున్న సూచనలు, ట్రాఫిక్ నియంత్రణ చర్యలకు ప్రతి ఒక్కరూ సహకరించాలి. పోలీసులు సూచించిన మార్గాల్లోనే ప్రయాణించడం, వాహనాలను నిబంధనలకు అనుగుణంగా నడపడం, రద్దీ ప్రాంతాల్లో తోపులాటకు దూరంగా ఉండటం, నిమజ్జన ప్రాంతాల్లో పోలీసుల సూచనలు పాటించడం ద్వారా ఎలాంటి అవాంఛనీయ ఘటనలు జరగకుండా సహకరించాలి. పండుగను భక్తిశ్రద్ధలతో, ఆనందంగా జరుపుకుంటూనే మన భద్రతతో పాటు ఇతరుల భద్రతను కూడా దృష్టిలో ఉంచుకోవాలి. మన కోసం ఒక కుటుంబం ఎదురుచూస్తోంది. మనం లేకపోతే ఆ కుటుంబం పరిస్థితి ఏమిటో ఒక్కసారి ఆలోచించాలి. దేవుడిపై భక్తి ఎంత ముఖ్యమో.. మన ప్రాణాలను, మన కుటుంబాన్ని కాపాడుకోవడం కూడా అంతే ముఖ్యం.

మారెళ్లపాడు లిఫ్ట్‌ ప్రారంభానికి ముహూర్తం ఖరారు •ఈ నెల 23 న మంత్రుల చేతుల మీదగా ప్రారంభోత్సవం •16,180 ఎకరాలకు సాగునీరు.. •తీరనున్న దశాబ్దాల రైతుల కల •ఎమ్మెల్యే పాయం ఆహ్వానం మేరకు ప్రారంభోత్సవం లో పాల్గొననున్న మంత్రి తుమ్మల •ముఖ్య అతిథిగా మంత్రి ఉత్తమ్‌కుమార్‌రెడ్డి.. భద్రాద్రి కొత్తగూడెం, మణుగూరు: మణుగూరు, అశ్వాపురం మండలాల రైతుల దశాబ్దాల నిరీక్షణకు తెరపడనుంది. గోదావరి జలాలను ఆయకట్టుకు తరలించే మారెళ్లపాడు లిఫ్ట్‌ ఇరిగేషన్‌ పథకం ఈ నెల 23న ఉదయం 11 గంటలకు ప్రారంభం కానుంది. . స్థానిక ఎమ్మెల్యే పాయం వెంకటేశ్వర్లు ఆహ్వానం మేరకు ప్రారంభోత్సవంలో మంత్రి తుమ్మల నాగేశ్వరరావుగారు పాల్గొనున్నారు..రాష్ట్ర నీటిపారుదల శాఖ మంత్రి ఉత్తమ్‌కుమార్‌రెడ్డి ముఖ్య అతిథిగా పాల్గొంటారు. ఇప్పటికే ట్రయల్‌రన్‌ విజయవంతం కావడంతో రైతుల్లో హర్షం వ్యక్తమవుతోంది. వరప్రదాయినిగా మారెళ్లపాడు సీతారామ ప్రాజెక్టుకు ప్రభుత్వం అత్యంత ప్రాధాన్యం ఇస్తోంది. ఇందులో భాగంగా సీతారామ ప్రధాన కాలువ నుంచి నీటిని ఎత్తిపోసి ఆయకట్టుకు అందించేలా ఈ పథకాన్ని చేపట్టారు. మణుగూరు, అశ్వాపురం మండలాల్లోని సుమారు 16,180 ఎకరాలకు సాగునీరు అందనుంది. పథకంలో భాగంగా హెడ్‌వర్క్స్‌కు రూ.25 కోట్లు, కాలువల నిర్మాణానికి రూ.113.17 కోట్లు, భూసేకరణకు రూ.42.30 కోట్లు ప్రభుత్వం కేటాయించింది. రూ.25 కోట్లతో పంప్‌హౌస్‌ మెఘా ఇంజినీరింగ్‌ సంస్థ రూ.25 కోట్లతో పంప్‌హౌస్‌ నిర్మాణాన్ని చేపట్టగా, పనులు దాదాపు పూర్తయ్యాయి. 1.80 మెగావాట్ల సామర్థ్యం గల రెండు మోటార్ల ద్వారా 46 మీటర్ల ఎత్తు నుంచి 85 మీటర్ల ఎత్తు వరకు, అంటే సుమారు 39 మీటర్ల మేర 180 క్యూసెక్కుల నీటిని ఎత్తిపోస్తారు. పంప్‌హౌస్‌ నుంచి 2.4 కి.మీ. దూరంలో కొండ కింద డెలివరీ సిస్టర్న్‌ను నిర్మించారు. అక్కడి నుంచి నీరు కాలువల్లోకి చేరుతుంది. కాలువలు.. ఆయకట్టు వివరాలు సిస్టర్న్‌ నుంచి 10.070 కి.మీ. మేర రెండు ప్రధాన కాలువలు నిర్మించాల్సి ఉంది. 9.650 కి.మీ. పొడవైన కుడి కాలువ ద్వారా 11,915 ఎకరాలకు సాగునీరు అందుతుంది. 420 మీటర్ల ఎడమ కాలువ ద్వారా తుమ్మల చెరువు నిండనుండగా, దాని కింద ఇప్పటికే ఉన్న 4,266 ఎకరాల పాత ఆయకట్టు స్థిరీకరణ కానుంది. మొత్తం 16,180 ఎకరాల్లో సుమారు 11 వేల ఎకరాలు కొత్త ఆయకట్టు కావడం విశేషం. తొలిదశలో 7 వేల ఎకరాలు ప్రధాన కాలువ పనులు ప్రస్తుతం టెండర్‌ దశలో ఉన్నాయి. అందుకే తొలిదశలో లిఫ్ట్‌ ద్వారా తుమ్మల చెరువుకు నీటిని తరలించి, ఆ చెరువు కింద 5 వేల ఎకరాలకు పైగా ఆయకట్టుకు సాగునీరు అందించనున్నారు. మరో 2 వేల ఎకరాలకు కూడా నీరందుతుంది. కాలువ పనులు పూర్తయితే మొత్తం 16,180 ఎకరాలకు నీరు అందుతుంది. తొమ్మిది గ్రామాలు, పది చెరువులకు లబ్ధి ఈ పథకం ద్వారా తొమ్మిది గ్రామాలు, పది చెరువులకు ప్రయోజనం చేకూరనుంది. అమెర్దాలో 1,877, అమ్మగారిపల్లిలో 958, అశ్వాపురంలో 2,474, గొందిగూడెంలో 8, కేశవాపురంలో 23, కుమ్మరిగూడెంలో 90, నెల్లిపాకలో 4,281 ఎకరాలకు సాగునీరు అందనుంది. మంత్రి తుమ్మల ప్రత్యేక శ్రద్ధ ప్రాజెక్టు ప్రతిపాదనల దశ నుంచి పనుల పురోగతి వరకు మంత్రి తుమ్మల ప్రత్యేక శ్రద్ధ చూపారు. పనుల పరిశీలనకు ఇప్పటివరకు అనేక సార్లు ప్రాజెక్టు వద్దకు వచ్చారు. అధికారులతో పలుమార్లు సమీక్షలు నిర్వహించి దిశానిర్దేశం చేశారు. ఆయన చొరవతో పనులు వేగంగా పూర్తయి ట్రయల్‌రన్‌ సఫలమైంది. ఎమ్మెల్యే పాయం పర్యవేక్షణ మంత్రి సూచనల మేరకు ఎమ్మెల్యే పాయం వెంకటేశ్వర్లు పనులను నిరంతరం పర్యవేక్షించారు. దాదాపు 20 రోజుల పాటు రేయింబవళ్లు ప్రాజెక్టు వద్దే ఉండి, ఎదురైన సమస్యలను అధికారుల దృష్టికి తీసుకెళ్లి పరిష్కరించారు. దీంతో నిర్దేశిత గడువులోగా ట్రయల్‌రన్‌ పూర్తయింది. రైతన్నల్లో హర్షం గోదావరి జలాలు కాలువల్లోకి చేరడంతో రైతులు ఆనందం వ్యక్తం చేస్తున్నారు. గోదావరి జలాలతో బీడు భూములు పచ్చని పొలాలుగా మారుతాయని ఆశాభావం వ్యక్తం చేస్తున్నారు

పెనుబల్లి మండలం లో గంగదేవిపాడు గ్రామంలో సరైన వర్షాలు లేకపోవడం వలన రైతుల ఎదుర్కొంటున్న ఇబ్బందులు మర్రికుంట చెరువులో నీరు లేక ఎండిపోయిన పరిస్థితి పంట పొలాలకు సరైన నీరు లేక ఆవేదన చెందుతున్న రైతులు ఆవేదన.. పెనుబల్లి మండలం ఖమ్మం జిల్లా లో గల గంగదేవిపాడు గ్రామంలో గల రైతుల పంట పొలాలకు పంట పొలాల మీద ఆధారపడే రైతులు ఈ సంవత్సరం మరికుంట చెరువు లో సరైన నీరు చేరక సరేనా వర్షాలు లేకపోవడం వలన చెరువు చుట్టూ ప్రక్కల ఉన్న రైతులు ఈ సంవత్సరము పంటలు పండుతాయో లేదో అన్న ఆందోళనతో రైతన్నలు ఆవేదన చెందుతున్నారు ఈ ప్రాంతంలో ఉన్న రైతులకు ప్రభుత్వమే ఆదుకొని వారికి సహాయం అందించాలని రైతులు ఆవేదన చెందుతున్నారు...

చింతలపూడి లోభారీ వర్షానికి నేలకొరిగిన విద్యుత్ స్తంభాలు. చింతలపూడి లో నిన్న కురిసిన భారీ వర్షానికి మూడు విద్యుత్ స్తంభాలు నేలకొరిగాయి. స్థానిక బైపాస్ రోడ్డు నుంచి పెద్ద చెరువు ప్రక్కన రియల్ ఎస్టేట్ ఫామ్ కు వేసిన విద్యుత్ స్తంభాలు. స్తంభాలు వేసేటప్పుడు బేస్ కాంక్రీట్ వేయని కాంట్రాక్టర్. దీనితో స్తంభాలు నెలకొరిగాయని స్థానికుల కథనం.

కరెంట్ తీగలు తగిలి ట్రాక్టర్ దగ్ధం సంబేపల్లి మండలం మోటాకట్ల గ్రామం కాకరపల్లి సమీపంలో ట్రాక్టర్‌లో కరెంట్ తీగలు తగిలి ట్రాక్టర్ దగ్ధం సంబేపల్లి మండలం మోటాకట్ల గ్రామం కాకరపల్లి సమీపంలో ట్రాక్టర్‌లో తరలిస్తున్న పశువుల మేతకు విద్యుత్‌ తీగలు తగిలి మంటలు చెలరేగాయి. మంటలు వేగంగా వ్యాపించడంతో ట్రాక్టర్‌ ఇంజన్‌తో సహా పూర్తిగా దగ్ధమైంది. ప్రమాదాన్ని గుర్తించిన స్థానికులు వెంటనే అగ్నిమాపక సిబ్బందికి సమాచారం అందించారు. సమాచారం అందుకున్న అగ్నిమాపక సిబ్బంది ఘటనాస్థలానికి చేరుకుని మంటలను అదుపులోకి తీసుకువచ్చారు. ప్రమాదానికి సంబంధించిన మిగతా వివరాలు తెలియాల్సి ఉంది.

“చేతబడి అనుమానంతో వృద్ధురాలికి చిత్రహింసలు..! చెట్టుకు ఎక్కించి మేకులు కొట్టారా?” భద్రాద్రి కొత్తగూడెం జిల్లా బూర్గంపాడు మండలం జింకలగూడెంలో కలకలం రేపుతున్న ఘటన ఆలస్యంగా వెలుగులోకి వచ్చింది. ఎస్‌కే శకినాబి అనే వృద్ధ మహిళపై చేతబడి అనుమానంతో చిత్రహింసలకు పాల్పడినట్లు ఆరోపణలు వినిపిస్తున్నాయి. స్థానికంగా ప్రచారం జరుగుతున్న వివరాల ప్రకారం.. బాధితురాలిని చెట్టుకు ఎక్కించి, మేకులు కొట్టినట్లు ఆరోపణలు ఉన్నాయి. ఈ ఘటన స్థానికంగా తీవ్ర ఆందోళనకు కారణమైంది. అసలు వృద్ధ మహిళను ఎవరు, ఎందుకు హింసించారు? చేతబడి అనుమానానికి కారణమేంటి? అనే ప్రశ్నలు తలెత్తుతున్నాయి. మూఢనమ్మకాల పేరుతో ఒక వృద్ధ మహిళపై ఇలాంటి దాడి జరిగిందనే ఆరోపణలు రావడం కలకలం రేపుతోంది. ఘటనపై పోలీసులు సమగ్ర విచారణ చేపట్టి వాస్తవాలను వెలుగులోకి తీసుకురావాలని స్థానికులు కోరుతున్నారు. అలాగే బాధితురాలికి రక్షణ కల్పించి, ఆరోపణలు నిజమైతే బాధ్యులపై చట్టపరమైన చర్యలు తీసుకోవాలని విజ్ఞప్తి చేస్తున్నారు. అయితే ఈ ఘటనకు సంబంధించిన ఆరోపణలను పోలీసులు అధికారికంగా ధృవీకరించాల్సి ఉంది. పూర్తి వివరాలు, అధికారుల స్పందన తెలియాల్సి ఉంది.