સુરત શહેર ક્રાઈમ બ્રાન્ચ ની પ્રશંસનીય કામગીરી... લોકોની વસ્તુ પડાવી લેતો ઢોંગી ધુતારો ઝડપી પાડ્યો

અમદાવાદના નોબલનગરમાં જાહેરમાં લુખ્ખાઓએ ૨ મહિલાઓ પર ડંડાઓ વડે જીવલેણ હુમલો કર્યો. બાઈકો ઉપર આવેલા શખ્સો લાકડીઓ વડે એક વ્યક્તિને માર મારતા હતા, જેને બચાવવા માટે બે મહિલાઓ વચ્ચે આવી હતી. અમદાવાદ શહેર પોલીસનો સહેજ પણ ડર ન હોય તેમ મહિલા અને પુરુષ ઉપર લાકડીઓ વડે મારામારી કરતો હોવાનો વીડિયો પણ વાઇરલ થયો છે. ઘટનાની જાણ થતા સરદારનગર અને એરપોર્ટ બંને પોલીસ ઘટનાસ્થળ ઉપર પહોંચી હતી.

રાજકોટ : નકલી પોલીસ બની લૂંટ ચલાવતો આરોપી ઝડપાયો રાજકોટ શહેરમાં નકલી પોલીસ બની પરપ્રાંતીયોને ડરાવી લૂંટ ચલાવનાર એક શખ્સને Rajkot A ડિવિઝન પોલીસે ઝડપી લીધો છે. આરોપી પોતાને પોલીસ કર્મચારી તરીકે ઓળખાવી “હું પોલીસ છું, મારી સાથે ચાલો” કહી લોકોને ભયભીત બનાવતો હતો અને ત્યારબાદ તેમની પાસેથી રોકડ રકમ પડાવી લેતો હતો. પોલીસ તપાસમાં સામે આવ્યું છે કે આરોપી ખાસ કરીને પરપ્રાંતીય મજૂરો અને બહારથી આવેલા લોકોને નિશાન બનાવતો હતો. પોલીસ યુનિફોર્મ જેવી વેશભૂષા અને પોલીસ જેવી ભાષા વાપરીને વિશ્વાસમાં લઈ, તપાસના બહાને તેમને એકાંત સ્થળે લઈ જઈ લૂંટ કરતો હતો. A ડિવિઝન પોલીસે આરોપીની ધરપકડ કરી છે અને તેની પાસેથી મહત્વપૂર્ણ પુરાવા પણ જપ્ત કરવામાં આવ્યા છે. પોલીસે આરોપીની મોડસ ઓપરેન્ડી જાહેર કરી છે અને વધુ લોકો તેની ઠગાઈનો ભોગ બન્યા છે કે નહીં તે અંગે વિસ્તૃત તપાસ શરૂ કરી છે. પોલીસ દ્વારા નાગરિકોને અપીલ કરવામાં આવી છે કે, કોઈ અજાણ્યા વ્યક્તિ દ્વારા પોલીસ હોવાનું કહી અટકાવવામાં આવે તો તરત જ નજીકના પોલીસ સ્ટેશનનો સંપર્ક કરે અને કોઈપણ પ્રકારની શંકાસ્પદ હરકતની જાણ પોલીસને કરે.

સાણંદ ની સાકાર સોસાયટીમાં ધૂળેટી પર્વની ધામધૂમથી ઉજવણી અમદાવાદ સાણંદ: સમગ્ર રાજ્યમાં જ્યારે હોળી-ધૂળેટીના પર્વની હર્ષોલ્લાસ સાથે ઉજવણી કરવામાં આવી અમદાવાદના સાણંદ વિસ્તારમાં આવેલી સાકાર સોસાયટીમાં ધૂળેટીનો અનોખો ઉત્સાહ જોવા મળ્યો હતો. સોસાયટીના રહીશોએ એકઠા થઈને પરંપરાગત રીતે રંગોના આ તહેવારને યાદગાર બનાવ્યો હતો. કેસરીયો અને ગુલાબી રંગ છવાયો સવારથી જ સાકાર સોસાયટીના પ્રાંગણમાં અબાલ-વૃદ્ધ સૌ કોઈ રંગે રમવા ઉમટી પડ્યા હતા. બાળકો પોતાની નાની-નાની પિચકારીઓ લઈને એકબીજા પર પાણીની છોળો ઉડાવતા નજરે પડ્યા હતા, તો બીજી તરફ યુવા સંગઠનોએ અબીલ-ગુલાલ અને રંગબેરંગી કલરોથી વાતાવરણને રંગીન બનાવી દીધું હતું રંગબેરંગી માહોલ: યુવાનોએ એકબીજાને વિવિધ રંગોથી રંગીને ધૂળેટીની મજા માણી હતી. રિપોર્ટ ભરતસિંહ ચૌહાણ સાણંદ

Post by B k thakor

Post by Kamlesh Bhai

📍 વિસનગર – ધુળેટીનો અનોખો રંગ મહેસાણા જિલ્લાના વિસનગરમાં ધુળેટી માત્ર રંગોથી નહીં, પરંતુ અનોખી પરંપરાથી ઓળખાય છે. અહીં લગભગ 300 વર્ષ જૂની ‘ખાસડા યુદ્ધ’ પરંપરા આજે પણ જીવંત છે. 🥦 શું છે ખાસડા યુદ્ધ? ધુળેટીના દિવસે લોકો એકબીજા પર સડેલા શાકભાજી અને ટામેટાં ફેંકીને આનંદ વ્યક્ત કરે છે. આ પ્રતિકાત્મક “યુદ્ધ”માં કોઈ દ્વેષ નથી—માત્ર મોજ, મસ્તી અને પરંપરાનો ગૌરવ છે. 🤝 કોમી એકતાનો સંદેશ આ અનોખી ઉજવણીમાં તમામ સમાજ અને ધર્મના લોકો ઉત્સાહપૂર્વક ભાગ લે છે. વર્ષો જૂની આ પરંપરા આજે પણ સામાજિક સમરસતા અને ભાઈચારાનો સંદેશ આપે છે. 🎉 ઉત્સાહ અને ઉમંગ ઢોલ-નગારા, નૃત્ય અને રમૂજી વાતાવરણ વચ્ચે આખું શહેર રંગબેરંગી બની જાય છે. યુવાનો થી લઈને વડીલો સુધી સૌ કોઈ આ અનોખા ઉત્સવમાં જોડાય છે. ધુળેટીનો આ અનોખો રંગ વિસનગરને માત્ર ગુજરાતમાં નહીં, પરંતુ દેશભરમાં વિશેષ ઓળખ આપે છે. 🌈

સુરત : શહેર પોલીસ દ્વારા પ્રતીકાત્મક હોલિકા દહન, નશા અને સાયબર ક્રાઈમ સામે સંકલ્પ સુરત શહેર પોલીસ દ્વારા હોલી પર્વની ઉજવણી નિમિત્તે પોલીસ હેડ ક્વાર્ટર્સ ખાતે વિશેષ કાર્યક્રમનું આયોજન કરવામાં આવ્યું હતું. કાર્યક્રમ દરમિયાન નશા રૂપિ અને સાયબર ક્રાઈમ રૂપિ રાક્ષસનું પ્રતીકાત્મક હોલિકા દહન કરવામાં આવ્યું હતું. આ આયોજનનો મુખ્ય ઉદ્દેશ સમાજમાં ફેલાતી બુરાઈઓ સામે જાગૃતિ ફેલાવવાનો હતો. હોલિકા દહન દ્વારા અસત્ય પર સત્યની જીત અને બુરાઈ પર અચ્છાઈની જીતનો સંદેશ આપવામાં આવ્યો. પોલીસ અધિકારીઓએ જણાવ્યું હતું કે, તહેવારો માત્ર ઉજવણી માટે નથી, પરંતુ સમાજને સકારાત્મક સંદેશ આપવા માટે પણ એક ઉત્તમ માધ્યમ છે. આજ રીતે હોલી પર્વના અવસરે સુરત શહેરને વધુ સુરક્ષિત, નશામુક્ત અને ગુનામુક્ત બનાવવાનો સંકલ્પ લેવાયો. કાર્યક્રમમાં પોલીસ અધિકારીઓ અને કર્મચારીઓ મોટી સંખ્યામાં ઉપસ્થિત રહ્યા હતા અને સૌએ શહેરમાં કાયદો અને વ્યવસ્થા વધુ મજબૂત બનાવવાની પ્રતિજ્ઞા લીધી હતી.

વિજાપુરના વંદના સિનેમામાં "તું દુનિયા છે મારી" ગુજરાતી ફિલ્મનું પ્રમોશન કાર્યક્રમ યોજાયો વિજાપુર, તા. : સુપરસ્ટાર વિક્રમ ઠાકોરની આગામી ગુજરાતી ફિલ્મ "તું દુનિયા છે મારી"નું પ્રમોશન વંદના સિનેમા ખાતે ભવ્ય રીતે યોજાયું હતું. આ પ્રસંગે ફિલ્મના મુખ્ય કલાકારો અને ટીમના સભ્યોનું ઉત્સાહભર્યું સ્વાગત કરવામાં આવ્યું હતું. સિનેમાના માલિક સાગરભાઈ ઓઝાએ આખી ટીમને આવકાર આપ્યો હતો. વિઠાકોર સેના પ્રમુખ જનકભાઈ ઠાકોર, સચિનભાઈ પટેલ, કિરીટભાઈ પ્રજાપતિ તેમજ બ્રિજેશભાઈએ વિક્રમભાઈ ઠાકોરનું ફૂલો અને શાલ ઓઢાડીને ઉષ્માભર્યું સ્વાગત કર્યું હતું. ફિલ્મની હિરોઈન રિયા જયસ્વાલનું પણ હેતલબેન ઝાલા અને સુરજબેન દ્વારા ખાસ વધામણી કરવામાં આવી હતી. આ કાર્યક્રમ ફિલ્મના પ્રમોશન માટે આયોજિત હતો, જેમાં દર્શકો અને ચાહકોમાં ભારે ઉત્સાહ જોવા મળ્યો હતો. ફિલ્મના ડાયરેક્ટર કે. કે. મકવાણા આ પ્રસંગે હાજર ન હતા. આ દરમિયાન વિક્રમ ઠાકોર અને રિયા જયસ્વાલે ચાહકો સાથે વાતચીત કરી અને ફિલ્મ વિશે રસપ્રદ માહિતી આપી હતી. "તું દુનિયા છે મારી" એક ભાવનાત્મક પ્રેમકથા આધારિત ફિલ્મ છે, જેમાં પ્રેમ, લાગણી અને પરિવારની કહાનીને સુંદર રીતે રજૂ કરવામાં આવી છે. ફિલ્મનું ટાઈટલ સોંગ અને ટ્રેલર પહેલેથી જ ચાહકોમાં ધમાલ મચાવી રહ્યા છે. આ પ્રમોશન કાર્યક્રમથી સ્થાનિક સ્તરે ફિલ્મ પ્રત્યેની ઉત્સુકતા વધુ વધી છે અને ચાહકો હવે થિયેટરમાં તેની રાહ જોઈ રહ્યા છે.

દાનહના પ્રશાસક પ્રફુલ પટેલે આજે પોતાના હિંમતનગર નિવાસ્થાને પરિવાર રાજકીય આગેવાન અને મિત્રો સાથે ધુળેટી નો તહેવાર માણ્યો હતો