बारामती तालुक्यातील रुई गाव ते म्हसोबाचीवाडी रस्त्यालगत शेतकऱ्यांनी जाळलेल्या पालापाचोळ्यामुळे अनेक झाडे जळून खाक झाली. सावळगाव हद्दीत झाडांचे मोठे नुकसान झाल्याने वृक्षप्रेमींमध्ये संतापाची लाट पसरली आहे.

पंतप्रधान मोदींनी नागरिकांना 'गरज असेल तेव्हाच इंधन वापरा' असे आवाहन केले. यावर महाराष्ट्राचे उपमुख्यमंत्री देवेंद्र फडणवीस यांनीही प्रतिक्रिया देत महत्त्वाचा सल्ला दिला.

जेजुरी श्री खंडोबा मंदिर मुख्य गाभारा मध्ये 151 डजन आंबे घेऊन आकर्षक आंबा सजावट करण्यात आली.

रवींद्र दामोदरे यांनी कर्जत येथील श्री जगदंबा देवी ट्रस्टची नवीन कार्यकारिणी सर्वधर्मसमभाव राखून लोकशाही मार्गाने स्थापन करण्याची मागणी केली आहे. त्यांच्या मते, ट्रस्टचा कारभार पारदर्शक व सर्वांसाठी स्वीकारार्ह असावा. या मागणीने आता ट्रस्टच्या पुढील कार्यवाहीकडे लक्ष वेधले आहे.

सांगली: स्थानिक गुन्हे अन्वेषण शाखेची मोठी कारवाई; विठ्ठरायचीवाडीचा तरुण पिस्टलसह जेरबंद क्रांती न्यूज -​सांगली (प्रतिनिधी) किरण देशमुख : सांगली : जिल्ह्यातील गुन्हेगारी मोडीत काढण्यासाठी सांगली पोलिसांनी कंबर कसली असून, स्थानिक गुन्हे अन्वेषण शाखेने (LCB) नागठाणे परिसरात सापळा रचून एका अट्टल गुन्हेगाराला अटक केली आहे. त्याच्याकडून एक देशी बनावटीचे पिस्टल आणि एक जिवंत काडतूस जप्त करण्यात आले आहे. ​नेमकी घटना काय? ​सांगलीचे पोलीस अधीक्षक तुषार दोशी आणि अपर पोलीस अधीक्षक कल्पना बारावकर यांनी जिल्ह्यातील अवैध शस्त्रे आणि गंभीर गुन्हेगारांवर कठोर कारवाई करण्याचे आदेश दिले होते. त्या अनुषंगाने स्थानिक गुन्हे अन्वेषण शाखेचे पोलीस निरीक्षक संजीवकुमार झाडे यांनी एक विशेष पथक तैनात केले होते. ​हे पथक भिलवडी पोलीस ठाणे हद्दीत पेट्रोलिंग करत असताना, पोलीस कॉन्स्टेबल सचिन कनप यांना खात्रीशीर बातमी मिळाली की, रेकॉर्डवरील गुन्हेगार अनिकेत गुंडा करांडे (वय २४, रा. विठ्ठरायचीवाडी, ता. कवठेमहांकाळ) हा नागठाणे फाटा ते वाळवा जाणाऱ्या रोडवरील चोपण रस्ता येथे कमरेला पिस्टल लावून थांबला आहे. ​पोलिसांचा धाडसी सापळा ​मिळालेल्या माहितीवरून पोलीस उप-निरीक्षक कुमार पाटील व त्यांच्या पथकाने तातडीने घटनास्थळी धाव घेतली. अनिकेत करांडे याला पळून जाण्याची संधी न देता पोलिसांनी त्याला शिताफीने ताब्यात घेतले. पंचांसमक्ष त्याची अंगझडती घेतली असता, त्याच्याकडे: ​०१ देशी बनावटीचे पिस्टल ​०१ जिवंत काडतूस (राऊंड) मिळून आले. या शस्त्राबाबत विचारणा केली असता, त्याच्याकडे कोणताही परवाना नव्हता. ​तपासात धक्कादायक खुलासा ​अटक करण्यात आलेल्या आरोपीने चौकशीत सांगितले की, त्याने हे पिस्टल आपल्या सुरक्षिततेसाठी अक्षय पाटील (रा. डफळापूर, ता. जत) याच्याकडून विकत घेतले होते. पोलिसांनी पिस्टल आणि काडतूस जप्त केले असून या प्रकरणाचा अधिक तपास आता जत कनेक्शनच्या दिशेने सुरू आहे. ​न्यायालयाने सुनावली पोलीस कोठडी ​याप्रकरणी भिलवडी पोलीस ठाण्यात गुन्हा दाखल करण्यात आला असून, आरोपीला न्यायालयात हजर केले असता, माननीय न्यायालयाने त्याला ११ मे २०२६ पर्यंत पोलीस कोठडी सुनावली आहे. या प्रकरणाचा पुढील तपास सपोनि भगवान पालवे यांच्या मार्गदर्शनाखाली पोहेकॉ कोळी करत आहेत. ​"जिल्ह्यात अवैध अग्नीशस्त्रे बाळगणाऱ्या आणि शरीराविरुद्धचे गंभीर गुन्हे करणाऱ्या गुन्हेगारांवर ही कारवाई अशीच सुरू राहणार आहे." — स्थानिक गुन्हे अन्वेषण शाखा, सांगली.

भोर कापूरहोळ मार्गावरील नेकलेस पॉईंट परिसरात मोटारीचा अपघात; एकजण गंभीर जखमी विक्रम शिंदे /भोर दि.११ भोर कापूरहोळ मार्गावरील नेकलेस पॉईंट परिसरात खंडोबाचा माळ येथे तीव्र उतार आणि वळणाचा अंदाज न आल्याने एर्तिगा मोटार रस्त्याच्या कडेला खड्ड्यात पडल्याची घटना आज दि.11 दुपारी 1 च्या दरम्यान घडली आहे.अपघातात एकजण जखमी असून गाडीचे नुकसान झाल्याचे प्रत्यक्षदर्शनी सांगितले.

पिंपरी-चिंचवडमध्ये मध्यरात्री बुलडोझर; अनधिकृत धार्मिक स्थळांवर महापालिकेची कारवाई... पिंपरी चिंचवड :- पिंपरी-चिंचवड महापालिका आणि पोलीस प्रशासनाने रविवारी मध्यरात्री चिखली-कुदळवाडी परिसरात संयुक्त कारवाई करत अनधिकृत धार्मिक प्रार्थनास्थळांवर बुलडोझर चालवला आहे.... परिसरात २१ हून अधिक अनधिकृत धार्मिक स्थळे असल्याची माहिती समोर आली होती. त्यापैकी चार धार्मिक स्थळांवर कारवाई करून ती जमीनदोस्त करण्यात आली आहे. कारवाईदरम्यान कोणताही अनुचित प्रकार घडू नये यासाठी प्रशासनाने मोठा पोलीस बंदोबस्त तैनात केला होता.कुदळवाडी परिसरातील अतिक्रमणाचा मुद्दा याआधीही चर्चेत होता. फेब्रुवारी २०२५ मध्ये याच भागातील अनधिकृत भंगार दुकानांवर मोठी मोहीम राबवण्यात आली होती. त्यावेळी सुमारे १००० एकर क्षेत्र अतिक्रमणमुक्त केल्याचा दावा प्रशासनाने केला होता. आता धार्मिक स्थळांवरील कारवाईमुळे प्रशासनाने अनधिकृत बांधकामांविरोधातील मोहीम अधिक तीव्र केल्याचे दिसत आहे. मात्र, नेमकी किती स्थळांवर कारवाई करण्यात आली याबाबतची अधिकृत सविस्तर आकडेवारी अद्याप जाहीर करण्यात आलेली नाही.... : डॉ. विजयकुमार सूर्यवंशी ( आयुक्त, पिंपरी चिंचवड महापालिका ) #पिंपरीचिंचवड #चिखली #कुदळवाडी #महापालिका #अतिक्रमण #अनधिकृतबांधकाम #धार्मिकस्थळ #संयुक्तकारवाई #पोलीसप्रशासन #बुलडोझरकारवाई #PimpriChinchwad #Chikhali #Kudalwadi #MunicipalCorporation #Encroachment #IllegalConstruction #ReligiousStructure #JointOperation #PoliceAdministration

छत्रपती संभाजी महाराज जयंतीनिमित्त पलूस येथे १४ ते १७ मे दरम्यान 'यशवंत फेस्टिव्हल २०२६' आयोजित करण्यात आला आहे. गुंडादाजी लॉन, कराड पलूस रोडवर प्रदीप (अप्पा) कदम यांच्यावतीने हा भव्य उत्सव साजरा होणार आहे.

युवा नेते जय पवार यांनी बारामती येथे 'जनता दरबार' आयोजित केला. या माध्यमातून त्यांनी जनसेवेची परंपरा कायम ठेवत नागरिकांच्या समस्या जाणून घेतल्या.