शिरूर येथील पोस्ट कार्यालयात २०२३ पासून बंद असलेले आधार सेवा केंद्र अखेर पुन्हा सुरू करण्यात आले आहे. भाजपा महिला आघाडीने केलेल्या सातत्यपूर्ण पाठपुराव्यानंतर आणि पोस्ट विभागाच्या अधिकाऱ्यांसमोर प्रत्यक्ष परिस्थिती मांडल्यानंतर हे केंद्र पूर्ववत सुरू करण्याचा निर्णय घेण्यात आला. भाजपा महिला आघाडीच्या प्रिया बिरादार यांनी दिलेल्या माहितीनुसार, पोस्ट कार्यालयातील आधार सेवा केंद्र बंद असल्याने नागरिकांना आधार कार्ड अद्ययावत करणे, दुरुस्ती व इतर कामांसाठी खासगी केंद्रांचा आधार घ्यावा लागत होता. त्यामुळे शासनाने निश्चित केलेल्या शुल्कापेक्षा अधिक पैसे मोजावे लागत असल्याच्या तक्रारी नागरिक सातत्याने करत होते. यासंदर्भात महिला आघाडीने यापूर्वी तहसील कार्यालय तसेच पोस्ट कार्यालयाकडे अनेक वेळा निवेदने देऊन सेवा केंद्र सुरू करण्याची आग्रही मागणी केली होती. दरम्याने, पुणे येथील पोस्ट विभागाचे अधीक्षक केतन शित्रे हे शिरूर दौऱ्यावर आले असताना महिला आघाडीच्या पदाधिकाऱ्यांनी पोस्ट कार्यालयातील वस्तूस्थिती फोटो आणि व्हिडिओच्या माध्यमातून त्यांच्या निदर्शनास आणून दिली. त्यावर अधीक्षक शित्रे यांनी तात्काळ दखल घेत आधार सेवा केंद्र सुरू करण्याचे आदेश दिले. त्यानुसार पोस्ट कार्यालयात फलक लावून आधार सेवा अधिकृत दरात पुन्हा सुरू करण्यात आली असून नागरिकांनी या सुविधेचा लाभ घ्यावा, असे आवाहन प्रिया बिरादार यांनी केले आहे.

Satish Dhumal

Media house शिरूर, पुणे, महाराष्ट्र•

20 hrs ago

शिरूर येथील पोस्ट कार्यालयात २०२३ पासून बंद असलेले आधार सेवा केंद्र अखेर पुन्हा सुरू करण्यात आले आहे. भाजपा महिला आघाडीने केलेल्या सातत्यपूर्ण पाठपुराव्यानंतर आणि पोस्ट विभागाच्या अधिकाऱ्यांसमोर प्रत्यक्ष परिस्थिती मांडल्यानंतर हे केंद्र पूर्ववत सुरू करण्याचा निर्णय घेण्यात आला. भाजपा महिला आघाडीच्या प्रिया बिरादार यांनी दिलेल्या माहितीनुसार, पोस्ट कार्यालयातील आधार सेवा केंद्र बंद असल्याने नागरिकांना आधार कार्ड अद्ययावत करणे, दुरुस्ती व इतर कामांसाठी खासगी केंद्रांचा आधार घ्यावा लागत होता. त्यामुळे शासनाने निश्चित केलेल्या शुल्कापेक्षा अधिक पैसे मोजावे लागत असल्याच्या तक्रारी नागरिक सातत्याने करत होते. यासंदर्भात महिला आघाडीने

यापूर्वी तहसील कार्यालय तसेच पोस्ट कार्यालयाकडे अनेक वेळा निवेदने देऊन सेवा केंद्र सुरू करण्याची आग्रही मागणी केली होती. दरम्याने, पुणे येथील पोस्ट विभागाचे अधीक्षक केतन शित्रे हे शिरूर दौऱ्यावर आले असताना महिला आघाडीच्या पदाधिकाऱ्यांनी पोस्ट कार्यालयातील वस्तूस्थिती फोटो आणि व्हिडिओच्या माध्यमातून त्यांच्या निदर्शनास आणून दिली. त्यावर अधीक्षक शित्रे यांनी तात्काळ दखल घेत आधार सेवा केंद्र सुरू करण्याचे आदेश दिले. त्यानुसार पोस्ट कार्यालयात फलक लावून आधार सेवा अधिकृत दरात पुन्हा सुरू करण्यात आली असून नागरिकांनी या सुविधेचा लाभ घ्यावा, असे आवाहन प्रिया बिरादार यांनी केले आहे.