અમરેલી જિલ્લામાં જળક્રાંતિને વરસાદના આશીર્વાદ મળ્યા છે, જ્યાં ઉનાળા દરમિયાન ઊંડા કરવામાં આવેલા તળાવો ભારે વરસાદ બાદ નવા પાણીથી છલોછલ ભરાઈ ગયા છે. આ ખુશીના અવસરે ઊર્જા અને કાયદો રાજ્યમંત્રી કૌશિકભાઈ વેકરીયાના અધ્યક્ષસ્થાને અમરેલી અને કુંકાવાવ-વડિયા તાલુકાના વિવિધ ગામોમાં નવા નીરના વધામણા કરવાના કાર્યક્રમો યોજાયા હતા. આ ભગીરથ પ્રયાસોને લીધે સમગ્ર વિસ્તારના ગ્રામજનો અને ખેડૂતોમાં ભારે ઉત્સાહ અને આનંદનો માહોલ જોવા મળી રહ્યો છે. રાજ્યમંત્રી કૌશિકભાઈ વેકરીયાએ આ પ્રસંગે જણાવ્યું હતું કે, મુખ્યમંત્રી ભૂપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવીના માર્ગદર્શન હેઠળ ઊર્જા વિભાગના પી.જી.વી.સી.એલ અને જેટકોના અનુદાનથી અમરેલી, કુંકાવાવ અને વડિયા તાલુકાના ગામોમાં તળાવો ઊંડા કરવાની કામગીરી હાથ ધરાઈ હતી. આ મહત્વકાંક્ષી પ્રોજેક્ટ અંતર્ગત આશરે ૧૩૦ હિટાચી મશીનો દ્વારા સતત કામગીરી કરીને દરેક ગામમાં લગભગ ૬૦૦ કલાક સુધી તળાવો ઊંડા કરવામાં આવ્યા હતા, જેના લીધે આજે વરસાદી પાણીનો મહત્તમ સંગ્રહ શક્ય બન્યો છે. અમરેલી જિલ્લાના સાજિયાવદર, બરવાળા બાવીશી, સણોસરા, જાળીયા, ઢોલરવા, કમીગઢ, માંડવડા અને ટીંબલા ગામોમાં યોજાયેલા કાર્યક્રમો દરમિયાન મંત્રીશ્રીએ કેચમેન્ટ વિસ્તારમાં પહોંચી મંત્રોચ્ચાર સાથે નવા નીરના વધામણા કર્યા હતા. મંત્રીશ્રીના જણાવ્યા મુજબ, જળસંચયના આ પ્રયાસોથી પાણીના ભૂગર્ભ જળસ્તર ઊંચા આવશે, ખેડૂતોને સિંચાઈ માટે પાણી મળશે તેમજ પશુપાલન અને આસપાસની જીવસૃષ્ટિને લાંબા ગાળાનો મોટો ફાયદો થશે. આ મુલાકાત દરમિયાન રાજ્યમંત્રીએ વિવિધ ગામોના તળાવો અને નવા બનેલા ચેકડેમોનું નિરીક્ષણ કર્યું હતું. આ સાથે તેમણે કમીગઢ સ્થિત ગૌશાળાની મુલાકાત લઈ ગૌસેવાના કાર્યને બિરદાવ્યું હતું અને ગૌસેવકોને અભિનંદન પાઠવ્યા હતા. ઉપરાંત તેમણે સ્થાનિક ગ્રામજનો અને વડીલો સાથે સહજ સંવાદ કરી વિકાસલક્ષી ચર્ચા કરી હતી. આ સમગ્ર કાર્યક્રમોમાં જિલ્લા પંચાયત સભ્ય આશિષભાઈ અકબરી, તાલુકા પંચાયત સભ્ય આશિષભાઈ દેવમુરારી, અગ્રણીઓ નિકુલભાઈ માંડણકા, શંભુલાલ મહિડા, વિવિધ ગામોના સરપંચો તેમજ સ્થાનિક પ્રતિનિધિઓ અને મોટી સંખ્યામાં ગ્રામજનો હાજર રહ્યા હતા.

Virji shiyal

Book publisher રાજુલા, અમરેલી, ગુજરાત•

2 hrs ago

અમરેલી જિલ્લામાં જળક્રાંતિને વરસાદના આશીર્વાદ મળ્યા છે, જ્યાં ઉનાળા દરમિયાન ઊંડા કરવામાં આવેલા તળાવો ભારે વરસાદ બાદ નવા પાણીથી છલોછલ ભરાઈ ગયા છે. આ ખુશીના અવસરે ઊર્જા અને કાયદો રાજ્યમંત્રી કૌશિકભાઈ વેકરીયાના અધ્યક્ષસ્થાને અમરેલી અને કુંકાવાવ-વડિયા તાલુકાના વિવિધ ગામોમાં નવા નીરના વધામણા કરવાના કાર્યક્રમો યોજાયા હતા. આ ભગીરથ પ્રયાસોને લીધે સમગ્ર વિસ્તારના ગ્રામજનો અને ખેડૂતોમાં ભારે ઉત્સાહ અને આનંદનો માહોલ જોવા મળી રહ્યો છે. રાજ્યમંત્રી કૌશિકભાઈ વેકરીયાએ આ પ્રસંગે જણાવ્યું હતું કે, મુખ્યમંત્રી ભૂપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવીના માર્ગદર્શન હેઠળ ઊર્જા વિભાગના પી.જી.વી.સી.એલ અને જેટકોના અનુદાનથી અમરેલી, કુંકાવાવ અને વડિયા તાલુકાના ગામોમાં તળાવો ઊંડા કરવાની કામગીરી હાથ ધરાઈ હતી. આ મહત્વકાંક્ષી પ્રોજેક્ટ અંતર્ગત આશરે ૧૩૦ હિટાચી મશીનો દ્વારા સતત કામગીરી કરીને દરેક ગામમાં લગભગ ૬૦૦ કલાક સુધી તળાવો ઊંડા કરવામાં આવ્યા હતા, જેના લીધે આજે વરસાદી પાણીનો મહત્તમ સંગ્રહ શક્ય બન્યો છે. અમરેલી જિલ્લાના સાજિયાવદર, બરવાળા બાવીશી, સણોસરા, જાળીયા, ઢોલરવા, કમીગઢ, માંડવડા અને ટીંબલા ગામોમાં યોજાયેલા કાર્યક્રમો દરમિયાન મંત્રીશ્રીએ કેચમેન્ટ વિસ્તારમાં પહોંચી મંત્રોચ્ચાર સાથે નવા નીરના વધામણા કર્યા હતા. મંત્રીશ્રીના જણાવ્યા મુજબ, જળસંચયના આ પ્રયાસોથી પાણીના ભૂગર્ભ જળસ્તર ઊંચા આવશે, ખેડૂતોને સિંચાઈ માટે પાણી મળશે તેમજ પશુપાલન અને આસપાસની જીવસૃષ્ટિને લાંબા ગાળાનો મોટો ફાયદો થશે. આ મુલાકાત દરમિયાન રાજ્યમંત્રીએ વિવિધ ગામોના તળાવો અને નવા બનેલા ચેકડેમોનું નિરીક્ષણ કર્યું હતું. આ સાથે તેમણે કમીગઢ સ્થિત ગૌશાળાની મુલાકાત લઈ ગૌસેવાના કાર્યને બિરદાવ્યું હતું અને ગૌસેવકોને અભિનંદન પાઠવ્યા હતા. ઉપરાંત તેમણે સ્થાનિક ગ્રામજનો અને વડીલો સાથે સહજ સંવાદ કરી વિકાસલક્ષી ચર્ચા કરી હતી. આ સમગ્ર કાર્યક્રમોમાં જિલ્લા પંચાયત સભ્ય આશિષભાઈ અકબરી, તાલુકા પંચાયત સભ્ય આશિષભાઈ દેવમુરારી, અગ્રણીઓ નિકુલભાઈ માંડણકા, શંભુલાલ મહિડા, વિવિધ ગામોના સરપંચો તેમજ સ્થાનિક પ્રતિનિધિઓ અને મોટી સંખ્યામાં ગ્રામજનો હાજર રહ્યા હતા.