सांगली ग्रामीण पोलीस ठाण्याच्या हद्दीतील पद्माळ स्मशानभूमीजवळील कृष्णा नदीपात्रात गेल्या १६ दिवसांपासून बेपत्ता असलेल्या वृद्धाचा कुजलेल्या अवस्थेतील मृतदेह आढळून आला आहे. धोंडीराम दत्तू पाटील (वय ८५ वर्षे, रा. कवठेपिरान) असे या मयताचे नाव असून, ते बेपत्ता झाल्याची नोंद यापूर्वीच सांगली ग्रामीण पोलीस ठाण्यात करण्यात आली होती. स्थानिक नागरिकांनी माहिती दिल्यानंतर स्पेशल रेस्क्यू फोर्स (SRF) आपत्कालीन पथक व पोलीस तात्काळ घटनास्थळी दाखल झाले. सांगली ग्रामीण पोलीस व स्पेशल रेस्क्यू फोर्सने अथक प्रयत्नांनंतर नदीपात्रातून मृतदेह बाहेर काढून पुढील वैद्यकीय व कायदेशीर प्रक्रियेसाठी सांगली शासकीय रुग्णालयात पाठवला. नातेवाईकांना बोलावून मृतदेहाची ओळख पटवण्यात आली असून आवश्यक पंचनामा व कायदेशीर प्रक्रिया पूर्ण करून मृतदेह नातेवाईकांच्या ताब्यात देण्यात आला आहे. या प्रकरणाचा पुढील तपास सांगली ग्रामीण पोलीस करत आहेत. या बचाव कार्यात कमांडर कैलास वडर, महेश गव्हाणे, इर्शाद कवठेकर, सागर जाधव, आमिर नदाफ आणि स्वप्निल जाधव यांनी सहभाग घेतला.

EXPRESS NEWS

Press advisory मिरज, सांगली, महाराष्ट्र•

2 hrs ago

सांगली ग्रामीण पोलीस ठाण्याच्या हद्दीतील पद्माळ स्मशानभूमीजवळील कृष्णा नदीपात्रात गेल्या १६ दिवसांपासून बेपत्ता असलेल्या वृद्धाचा कुजलेल्या अवस्थेतील मृतदेह आढळून आला आहे. धोंडीराम दत्तू पाटील (वय ८५ वर्षे, रा. कवठेपिरान) असे या मयताचे नाव असून, ते बेपत्ता झाल्याची नोंद यापूर्वीच सांगली ग्रामीण पोलीस ठाण्यात करण्यात आली होती. स्थानिक नागरिकांनी माहिती दिल्यानंतर स्पेशल रेस्क्यू फोर्स (SRF) आपत्कालीन पथक व पोलीस तात्काळ घटनास्थळी दाखल झाले. सांगली ग्रामीण पोलीस व स्पेशल रेस्क्यू फोर्सने अथक प्रयत्नांनंतर नदीपात्रातून मृतदेह बाहेर काढून पुढील वैद्यकीय व कायदेशीर प्रक्रियेसाठी सांगली शासकीय रुग्णालयात पाठवला. नातेवाईकांना बोलावून मृतदेहाची ओळख पटवण्यात आली असून आवश्यक पंचनामा व कायदेशीर प्रक्रिया पूर्ण करून मृतदेह नातेवाईकांच्या ताब्यात देण्यात आला आहे. या प्रकरणाचा पुढील तपास सांगली ग्रामीण पोलीस करत आहेत. या बचाव कार्यात कमांडर कैलास वडर, महेश गव्हाणे, इर्शाद कवठेकर, सागर जाधव, आमिर नदाफ आणि स्वप्निल जाधव यांनी सहभाग घेतला.