कर्जत तालुक्यात धक्कादायक प्रकार; लिफ्ट देऊन वृद्ध महिलेचे मंगळसूत्र लुटले! कर्जत : कर्जत तालुक्यातील नागलवाडी येथून मिरजगावकडे जाणाऱ्या रस्त्यावर लिफ्ट देण्याच्या बहाण्याने एका ६५ वर्षीय महिलेच्या गळ्यातील सुमारे ३० हजार रुपये किमतीचे सोन्याचे मणीमंगळसूत्र हिसकावून नेल्याची धक्कादायक घटना २० ऑगस्ट रोजी घडल्याचे समोर आले आहे. विशेष म्हणजे, विरोध केल्यावर महिलेचे तोंड दाबून तिला जीवे मारण्याची धमकी देण्यात आल्याचा आरोप तक्रारीत करण्यात आला आहे. या प्रकरणी मिरजगाव पोलिसांनी अज्ञात पुरुष व महिलेविरुद्ध गुन्हा दाखल केला आहे. फिर्यादी महिला सकाळी नागलवाडी येथून मिरजगावला जाण्यासाठी निघाल्या होत्या. कापरे यांच्या पेट्रोलपंपाजवळ वाहनाची प्रतीक्षा करत असताना नागापूरच्या दिशेने आलेली पांढऱ्या रंगाची चारचाकी त्यांच्या जवळ थांबली. वाहनातील पुरुषाने मिरजगावला जात असल्याचे सांगत महिलेला लिफ्ट दिली. त्यानंतर काही अंतर गेल्यावर डाडर यांच्या जुन्या बंद पडलेल्या पेट्रोलपंपाच्या पुढे चालकाने वाहन रस्त्याच्या कडेला थांबविले. तक्रारीनुसार, चालक लघवी करण्याच्या बहाण्याने खाली उतरला. काही वेळात तो मागील बाजूने येऊन महिलेच्या गळ्यातील सोन्याचे मणीमंगळसूत्र हिसकावू लागला. महिलेने आरडाओरड करण्याचा प्रयत्न केला असता त्याने हाताने तोंड दाबले, तर गाडीत असलेल्या महिलेने मणीमंगळसूत्र जबरदस्तीने ओढून काढल्याचे फिर्यादीत नमूद आहे. त्यानंतर दोघांनीही आरडाओरड करू नका, अन्यथा गळा दाबून जीवे मारून लांब नेऊन टाकू, अशी धमकी दिल्याचा आरोप आहे. या घटनेत सुमारे सात ग्रॅम वजनाचे व ३० हजार रुपये किमतीचे सोन्याचे मणीमंगळसूत्र चोरीस गेल्याचे तक्रारीत नमूद आहे. विशेष म्हणजे, या घटनेतील आरोपींची ओळख अद्याप पटलेली नसून एक अनोळखी पुरुष व एक अनोळखी महिला अशी नोंद करण्यात आली आहे. या प्रकरणी भारतीय न्याय संहितेच्या कलम ३(५), ३०९(४) आणि ३५१(२) अंतर्गत गुन्हा दाखल करण्यात आला असून पुढील तपास पोलीस हवालदार बबन चांगदेव दहिफळे यांच्याकडे सोपविण्यात आला आहे. लिफ्ट देण्याच्या नावाखाली विश्वास संपादन करून वाटेतच दागिना हिसकावण्याच्या या प्रकारामुळे नागलवाडी–मिरजगाव मार्गावरील प्रवाशांच्या सुरक्षिततेचा प्रश्न पुन्हा ऐरणीवर आला आहे. आता पोलिस तपासातून या टोळीचा माग कधी लागतो आणि अशा प्रकारांना आळा घालण्यासाठी काय कारवाई होते, याकडे नागरिकांचे लक्ष लागले आहे.

Rushikesh pawar

Local News Reporter कर्जत, अहमदनगर, महाराष्ट्र•

6 hrs ago

कर्जत तालुक्यात धक्कादायक प्रकार; लिफ्ट देऊन वृद्ध महिलेचे मंगळसूत्र लुटले! कर्जत : कर्जत तालुक्यातील नागलवाडी येथून मिरजगावकडे जाणाऱ्या रस्त्यावर लिफ्ट देण्याच्या बहाण्याने एका ६५ वर्षीय महिलेच्या गळ्यातील सुमारे ३० हजार रुपये किमतीचे सोन्याचे मणीमंगळसूत्र हिसकावून नेल्याची धक्कादायक घटना २० ऑगस्ट रोजी घडल्याचे समोर आले आहे. विशेष म्हणजे, विरोध केल्यावर महिलेचे तोंड दाबून तिला जीवे मारण्याची धमकी देण्यात आल्याचा आरोप तक्रारीत करण्यात आला आहे. या प्रकरणी मिरजगाव पोलिसांनी अज्ञात पुरुष व महिलेविरुद्ध गुन्हा दाखल केला आहे. फिर्यादी महिला सकाळी नागलवाडी येथून मिरजगावला जाण्यासाठी निघाल्या होत्या. कापरे यांच्या पेट्रोलपंपाजवळ वाहनाची प्रतीक्षा करत असताना नागापूरच्या दिशेने आलेली पांढऱ्या रंगाची चारचाकी त्यांच्या जवळ थांबली. वाहनातील पुरुषाने मिरजगावला जात असल्याचे सांगत महिलेला लिफ्ट दिली. त्यानंतर काही अंतर गेल्यावर डाडर यांच्या जुन्या बंद पडलेल्या पेट्रोलपंपाच्या पुढे चालकाने वाहन रस्त्याच्या कडेला थांबविले. तक्रारीनुसार, चालक लघवी करण्याच्या बहाण्याने खाली उतरला. काही वेळात तो मागील बाजूने येऊन महिलेच्या गळ्यातील सोन्याचे मणीमंगळसूत्र हिसकावू लागला. महिलेने आरडाओरड करण्याचा प्रयत्न केला असता त्याने हाताने तोंड दाबले, तर गाडीत असलेल्या महिलेने मणीमंगळसूत्र जबरदस्तीने ओढून काढल्याचे फिर्यादीत नमूद आहे. त्यानंतर दोघांनीही आरडाओरड करू नका, अन्यथा गळा दाबून जीवे मारून लांब नेऊन टाकू, अशी धमकी दिल्याचा आरोप आहे. या घटनेत सुमारे सात ग्रॅम वजनाचे व ३० हजार रुपये किमतीचे सोन्याचे मणीमंगळसूत्र चोरीस गेल्याचे तक्रारीत नमूद आहे. विशेष म्हणजे, या घटनेतील आरोपींची ओळख अद्याप पटलेली नसून एक अनोळखी पुरुष व एक अनोळखी महिला अशी नोंद करण्यात आली आहे. या प्रकरणी भारतीय न्याय संहितेच्या कलम ३(५), ३०९(४) आणि ३५१(२) अंतर्गत गुन्हा दाखल करण्यात आला असून पुढील तपास पोलीस हवालदार बबन चांगदेव दहिफळे यांच्याकडे सोपविण्यात आला आहे. लिफ्ट देण्याच्या नावाखाली विश्वास संपादन करून वाटेतच दागिना हिसकावण्याच्या या प्रकारामुळे नागलवाडी–मिरजगाव मार्गावरील प्रवाशांच्या सुरक्षिततेचा प्रश्न पुन्हा ऐरणीवर आला आहे. आता पोलिस तपासातून या टोळीचा माग कधी लागतो आणि अशा प्रकारांना आळा घालण्यासाठी काय कारवाई होते, याकडे नागरिकांचे लक्ष लागले आहे.