ଡିଆରଆଇ, ରାୟପୁରର ବିଶ୍ୱସ୍ତ ସୂଚନା ଆଧାରରେ ବରଗଡ଼ ଗ୍ରାମାଞ୍ଚଳ ଥାନା ପୋଲିସ ଏକ ବଡ଼ ଧରଣର ଗଞ୍ଜେଇ ଚାଲାଣକୁ ଧରିବାରେ ସଫଳ ହୋଇଛି। ଏହି ଘଟଣାରେ ୧୩୧ କେଜି ୩୪୦ ଗ୍ରାମ ଗଞ୍ଜେଇ ଜବତ କରାଯାଇଥିବାବେଳେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି। ପୋଲିସ ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତମାନେ ଏହି ଗଞ୍ଜେଇକୁ ଝାଡ଼ଖଣ୍ଡକୁ ନେଇ ବିକ୍ରି କରିବାକୁ ଉଦ୍ଦେଶ୍ୟ ରଖିଥିଲେ। ଗିରଫ ଅଭିଯୁକ୍ତମାନେ ହେଲେ ଝାଡ଼ଖଣ୍ଡର ହଜାରିବାଗ ଜିଲ୍ଲା ଅନ୍ତର୍ଗତ ତାତିଝାରିଆ ଅଞ୍ଚଳର ୨୯ ବର୍ଷିୟ ମନୋଜ ଦିୱାକର ଏବଂ ବର୍ହି ଥାନା ଅଞ୍ଚଳର ୩୦ ବର୍ଷିୟ ରୌଶନ କୁମାର ସିଂହ। ସେମାନଙ୍କ ନିକଟରୁ ୧୩୧ କେଜି ୩୪୦ ଗ୍ରାମ ଗଞ୍ଜେଇ, ଏକ କଳା ରଙ୍ଗର କ୍ରେଟା କାର, ତିନୋଟି ଭିନ୍ନ ନମ୍ବର ପ୍ଲେଟ୍, ଦୁଇଟି ମୋବାଇଲ ଫୋନ୍, ନଗଦ ୧,୩୫୦ ଟଙ୍କା, ଏବଂ ଅଭିଯୁକ୍ତଙ୍କ ଆଧାର, ପ୍ୟାନ୍, ଡ୍ରାଇଭିଂ ଲାଇସେନ୍ସ, ଭୋଟର ପରିଚୟପତ୍ର ଓ ଏଟିଏମ୍ କାର୍ଡ ଜବତ କରାଯାଇଛି। ବରଗଡ଼ ଏସ୍‌ପି ଏବଂ ଏସ୍‌ଡିପିଓଙ୍କ ନିର୍ଦ୍ଦେଶରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ଜାତୀୟ ରାଜପଥରେ ନାକା ଯାଞ୍ଚ କରାଯାଇଥିଲା, ଯାଞ୍ଚ ସମୟରେ ଏକ କଳା ରଙ୍ଗର କ୍ରେଟା କାରକୁ ଅଟକାଇ ତଦନ୍ତ କରାଯିବା ପରେ କାରରୁ ଗଞ୍ଜେଇ ଜବତ ହୋଇଥିଲା। ବରଗଡ଼ ଆରକ୍ଷୀ ଅଧିକ୍ଷକ ରବୀନ୍ଦ୍ର ନାଥ ଶତପଥୀ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯେ ଏହି କାରବାରରେ ଆଉ କେଉଁମାନଙ୍କ ସଂପୃକ୍ତି ରହିଛି ସେନେଇ ପୋଲିସ ଅଧିକ ତଦନ୍ତ ଜାରି ରଖିଛି।

PNC MEDIA

ବରଗଡ଼, ବରଗଡ଼, ଓଡ଼ିଶା•

15 hrs ago

ଡିଆରଆଇ, ରାୟପୁରର ବିଶ୍ୱସ୍ତ ସୂଚନା ଆଧାରରେ ବରଗଡ଼ ଗ୍ରାମାଞ୍ଚଳ ଥାନା ପୋଲିସ ଏକ ବଡ଼ ଧରଣର ଗଞ୍ଜେଇ ଚାଲାଣକୁ ଧରିବାରେ ସଫଳ ହୋଇଛି। ଏହି ଘଟଣାରେ ୧୩୧ କେଜି ୩୪୦ ଗ୍ରାମ ଗଞ୍ଜେଇ ଜବତ କରାଯାଇଥିବାବେଳେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି। ପୋଲିସ ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତମାନେ ଏହି ଗଞ୍ଜେଇକୁ ଝାଡ଼ଖଣ୍ଡକୁ ନେଇ ବିକ୍ରି କରିବାକୁ ଉଦ୍ଦେଶ୍ୟ ରଖିଥିଲେ। ଗିରଫ ଅଭିଯୁକ୍ତମାନେ ହେଲେ ଝାଡ଼ଖଣ୍ଡର ହଜାରିବାଗ ଜିଲ୍ଲା ଅନ୍ତର୍ଗତ ତାତିଝାରିଆ ଅଞ୍ଚଳର ୨୯ ବର୍ଷିୟ ମନୋଜ ଦିୱାକର ଏବଂ ବର୍ହି ଥାନା ଅଞ୍ଚଳର ୩୦ ବର୍ଷିୟ ରୌଶନ କୁମାର ସିଂହ। ସେମାନଙ୍କ ନିକଟରୁ ୧୩୧ କେଜି ୩୪୦ ଗ୍ରାମ ଗଞ୍ଜେଇ, ଏକ କଳା ରଙ୍ଗର କ୍ରେଟା କାର, ତିନୋଟି ଭିନ୍ନ ନମ୍ବର ପ୍ଲେଟ୍, ଦୁଇଟି ମୋବାଇଲ ଫୋନ୍, ନଗଦ ୧,୩୫୦ ଟଙ୍କା, ଏବଂ ଅଭିଯୁକ୍ତଙ୍କ ଆଧାର, ପ୍ୟାନ୍, ଡ୍ରାଇଭିଂ ଲାଇସେନ୍ସ, ଭୋଟର ପରିଚୟପତ୍ର ଓ ଏଟିଏମ୍ କାର୍ଡ ଜବତ କରାଯାଇଛି। ବରଗଡ଼ ଏସ୍‌ପି ଏବଂ ଏସ୍‌ଡିପିଓଙ୍କ ନିର୍ଦ୍ଦେଶରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ଜାତୀୟ ରାଜପଥରେ ନାକା ଯାଞ୍ଚ କରାଯାଇଥିଲା, ଯାଞ୍ଚ ସମୟରେ ଏକ କଳା ରଙ୍ଗର କ୍ରେଟା କାରକୁ ଅଟକାଇ ତଦନ୍ତ କରାଯିବା ପରେ କାରରୁ ଗଞ୍ଜେଇ ଜବତ ହୋଇଥିଲା। ବରଗଡ଼ ଆରକ୍ଷୀ ଅଧିକ୍ଷକ ରବୀନ୍ଦ୍ର ନାଥ ଶତପଥୀ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯେ ଏହି କାରବାରରେ ଆଉ କେଉଁମାନଙ୍କ ସଂପୃକ୍ତି ରହିଛି ସେନେଇ ପୋଲିସ ଅଧିକ ତଦନ୍ତ ଜାରି ରଖିଛି।